عرايــــس شهر 10 لــ 2010

[خزنـة]

يا بنات مافي احد
يالله ردو

 

[سمااء]

السلااااااام عليكم ورحمة الله وبركاته

شلونكم يا أحلى عرايس

ربي يوفقكم وييسر اموركم مع أزواجكم يااااارب العالمين


أنا عروس يديده معاكم

أدري ان التجمع من زمان

بس حدددددددددي كاشته بالمنتدى توني قبل يومين أدخله

في أحد موجود يا حلوييييييييييييين ؟؟؟؟

 

[حياة أبوها]

و عليكم السلااام
انا بعد مثلج سمااء تووني جديده
الله يوفقج و يوفق العراايس يارب

 

[خزنـة]

شسويتو يا بنات
شنو الجدي اللي بالاسواق ^_^

 

[خزنـة]

انا ودي ابدى بالعبي وين احصل العبي
ابي مشاغل او حريم يجيبون عبي من الخبر والدمام ودبي
اللي عندها الارقام تساعدنا ^_^

 

[خزنـة]

اهلين سمااء
متى عرسج اتوقع نفس تارريخ عرسي ^_^

 

[حياة أبوها]

بنات يالله
كل وحدة تقول وين راح تحجز حق التصوير ومنو حاطه في بالج
واذا توج شايفه البوم عروس حلو تصويرها .. قولي منو هي المصورة


بنات انا ابي مصورة حلوة وما ابيها تسوي فوتوشوب على لون البشره
مصورة اختي يوم عرسها تلوع الجبد تغير لون البشرة بتصويرها لعجايزنا ^_^تسوي فوتوشوب على لون بشرتهم
والله طلعو كانهم كاسبر
وحرام غالية تخيلو 600 والتصوير خرطي
عفية بنات نبي شغل مرتب وين
كل وحدة تقول رأيها
يالله ^_^

هلا اختي
انا قبل جم يووم رحت لمعرض هيلتون و لقيت هناك مصور الراعي
و الله ماكنت حاطه ببالي احجز بس لما شفت صوورها عجبتني حيل و شغلها مرتب
واللي اهو جنطه كبيره فيها البومين واحد كبير حييييل للعروس والاهل
والثااني للعروس و المعرس و زيااده عليه تعطيج البووم ثالث بعد من زجااج يجنن و في ثاني خامه ثانيه مادري شنوو
المهم انا اخذت الزجااج شحلاته و ثلاث افلام مع فيديو و تعطيج معاه هدايا وانتي تختارين في ابجوره ع صوورتج او برواز كبير و تحف << انا اخترت الابجووره لانها جايه غريبه و حلووه
ومعاها بعد هدايا ثانيه صغيره للجنطه 3 هدايا
بس الزبده حلووو تصويرهم و انصحج ترووحين تشوفينه

 

[خزنـة]

مو حلو الراعي وما اضمنه لانهم مصريات واحسهم نصابات
شفتهم بالمعرض
حياة ابوها .. انتي متى عرسج بتاريخ كم ..؟ ^_^

 

[حياة أبوها]

انا عرسي 5 / 10
بس والله حلوو الرااعي اختي كانت حاجزتها لعرسها قبل حلوو تصويرها
وانتي متى عرسج ؟

 

[خزنـة]

انا عرسي 11 \10
طيب خلصتي انتي تجهيزج
دراريع بدل ومكياج جواتي تكرمين ..؟

 

[خزنـة]

والله اني احس اني مرهقه وكل يوم ابجي مدري ليه ..
ونفسيتي صفر
وبعد اشوي إن شا الله بروح البلوكات بقص خام ومحتارة وخايفه
الله يستر يا رب ويوفقنا ^_^

 

[حياة أبوها]

خلصت جواتي و مكيااج بس باقي كريم الاساس والاضاءات
بس شكلي بشتري الكريمات من سنتر بوينت و الاضاءات من شارمل لانهم يمدحونها حيل
اما بدل الشقه خلصتهم العااديه و بدل اول اياام العرس للحين محتاره مادري وين ارووح
و دراريع خيطت جم درااعه بس مادري احس اني استعجلت بالدراريع اخااف يجي شي جديد و انا خيطت وخلصت
وانتي اخباار تجهيزاتج شسويتي ؟؟

 

[خزنـة]

الجواتي تقريبا المكياج تقريبا العطورات باقي العطور الفرنسية ولي الحين ما شريت ساعة ولا سويت البدلة البيضة
ولا حجزت المكياج
ولا المصورة ولا الدي جي
والملابس كله على تقريبا تقريبا باقيلي اشياء واجد
بس الحمد لله الذهب والاماس اخذت افتكيت

 

[حياة أبوها]

يااقلبي وربي نفس الحاله و انا اليووم ماخذه رااحه تعبت
و نفسيتي تعبت و قبل شوي دشت اختي و شافتني ابجي خايفه من كل شي و تقوولي هذا شي طبيعي
تتغير نفسيتج و كل عرووس جذي قبل عرسها
الله يكتب اللي فيه الخير يااارب
و يسعدنا و يوفقنا

 

[خزنـة]

ما تعرفين مشاغل للعبي ...؟
لاني لي الحين ولا عباية .

 

[حياة أبوها]

انا حجزت البدله والصالون و المصوره
و الذهب للحين و الساعات بعد للحين ماخلصتهم و جم جنطه بعد ناقصتني
يلا الله يهون ..

 

[حياة أبوها]

لا والله بس انا رحت الفروانيه المغاتير في محل حلوو بس وربي ماذكر اسمه
فصلت عنده عباايه ناعمه بس شغلها ع الكم نااعم ماحب العباايه الخبه و الخرابيط
وللحين مافريت ع العبي

 

[خزنـة]

المصورة حجزتيها بكم
ولا يكون الراعي ؟؟
طيب وين حجزتي الصالون ؟؟
البدلة من وين بعد ..؟

 

[خزنـة]

تخيلي لي حد الحين اللي صرفته على تجهيزي 10 الاف معه المهر طبعا
ولي الحين باقي ولا دفعنى عرابين يعني حدي حدي ومتوهقة ..

 

[سمااء]

ابيه خزنه نفس عرسي 11 /10
ان شاء الله
انا شطبت على كل شي ولله الحمد
باقي بس البدل والدراريع ما استلمتهم لانهم ما خلصو لين الحين من مشاغل وفي بدل تصميمي عند خياط عادي
تخيلي ان اول شي شريته لتجهيزي..............





المــــــكيــــــــاج


الحمدلله والشكر مشفوحه

لان كان وقت عرض

من شهر 1 خخخخخخخخخخخخخخخ

شكله المكياج طلع منه دود


بس قالتلي مالت المكياج دام انج ما فتحتي العلبه فماراح يتأثر وأنا لين الحين حاطتهم بعلبهم



عبي اذا تبين عمليه وعاااديه وفيها شغل ناعم روحي مجمع مبارك الصيفي بالفروانيه

وعندج معرض أفكاري اللي ورا سنتر بوينت الري في محلات عبي وفي وحده كل عبيها من الامارات اسمها "" عبايات الزين ""

شريت منها 6 عبي حبه وحده تقول بس للعروس اللي تلحق عليهم >>> وهذا اللي عجبني لاني لبست عبايه عندها وشافتها علي وحده وقالت ابي نفسها بس ما رضت تفصللها قالت هذي آخر قطعه وآنا احترم عرايسي ما يبون لبسهم يتكرر المهم عصبت الزبونه وقالت انتي لازم تكسبين الزباين وتبيعين لهم ووووو وطلعت >>>>>>>>>>> ابيه حدي طولت السالفه من زمان ما سولفت

واي شي تبينه حاضرين يالغوالي ويا خزنه وبنت ابوها سبيشل