عرايــــس شهر 10 لــ 2010

[واحشنى موت]

اهليـــــن افترقناا & البنفســج ,,


تشتاقلكم العااقيه ,,


واناا تولهت عليكم برشاا برشااا ,,


**


<< ماراحت للسووق يابناات صايره تجيني ضيقه من السووق ب_ب ,,

 

[واحشنى موت]

هـــلآآ وغـــلآآ بغير البشــر ,,



وينج يالغــلآآ لج وحشه ,,



شخباارج ..؟


شسويتي بفتره غياابج ..؟

 

[رغوووده]

بنفسج وآفترقنآ يعافيكم ربي


وبنفسج وآلله يآعمري مآدققت ع آلمحلات بس آظن ثلآث آربآعه تنزيلآت ودبنهآمز عنده عروض ع جم عطر يعني سعر المجموعه كامله ( العطر وآلبدي لوشن ) بسعر آلعطر بسس يعني هيك


آنآ آللي آخذتهم كآنوآ آفرول جينز بس شورت مآآحب آلطوآل من H&M وعطر جوسي كوتيور آلجديد آخذت آلعرض بسعر آلعطر بـ 34 آمآ لو آخذتي كل واحد بروح بيطلع لج بـ 56 لآن آلعطر بـ 34 وآلبدي لوشن بـ 22 ومعآهم بآلعرض ألأعطر علبه سوووعننه للجنطه بس هذول من آلآفنيوز وفي بديآت وجينزآت وشورتآت حلوين بس آلكسسسسسسسل تعيجزت آدخل آقآيس


وآلمغرب رحت آلمغآتير آختي كآنت تبي آلفلبينيه آللي تحت عندهآ شرشف آللي يشب ليت <~ لعيد زوآجهم آخر آلشهر بس آحبطنآهآ آنآ وآختي آلكبيره وقلنآ لهآ ووع مو حلو وخلته مسكينه

عآد يوم جيت آطلع وآلآ كليرز مسوي خصومآت كل شي ع دينآر وآقل آخذتلي سكآرفآت 4 آسود وآحمر وتركوآز ووردي + آظآفر مع آن آظآفري طوآل بس عجبني شكلهم + قلب وآسوآره ذهبي بفيروزي نعووومين للشقه


وبعدهآ سنتر بوينت خذيتلي آلحمره آللي مآيروح لونهآ آخذت وردي آللي مآيل للحمي + آحمر

وآخذت بديين نعوميييييييين للشقه


آليوم آلصبح رحت لمآكس آللي بآلبحر آخذتلي بيبي دول + بجامه برموده <~ آثنينهم قطن

وآخذتلي كلوتآت قطنيه لوقت آلحجيه <~ آلدوره :d

آخذت بعد برموده وبدي وقميص جبآنيز


آلدو آللي بآلبحر مسوي تنزيلات بس وآلله مآيسوى مآعجبني شي كللللللللللللش

وبس رديت آلبيت وآلحين لآ شغله ولآ عمله بس آلحمدلله آحس شوي خف عني آلتجهيز وآن شآءآلله سهآلآت علينآ كلنآ وآلله يوفقنآ =)

 

[رغوووده]

اهليـــــن افترقناا & البنفســج ,,


تشتاقلكم العااقيه ,,


واناا تولهت عليكم برشاا برشااا ,,


**


<< ماراحت للسووق يابناات صايره تجيني ضيقه من السووق ب_ب ,,

يآآآعمري آلله يعينج ويبعد عنج آلضيقه

بس ترآ عآدي آلتعب وآلمحآتآة يخلونج تحسين جذي انتي تعوذي من آبليس وتوكلي ع آلله وآن شآءآلله هآلضيقه تروح ​

 

[واحشنى موت]

عليج بالعافيه رغووده ,,



زين تحركتي وتلحلحتي ,,


والله يبيله عطوراات دبنهاامز تيب انا عندي عطر جوسي كوتوور وما رشيت منه الاا نتييفه اخذه معااي ولا لااااا ..؟


هالعطر عزيز على قلبي هههههههههههههههههههههه


^_^

 

[رغوووده]

يعافيج ياااقلبي

اذا مارشيتي الا نتففففففففففففففه وموباين انج مستخدمته اخذيه

تدرين اقول لخواتي امس شكلي بطنش بالتجهيز واستخدم العطر حدددددده عجبني هههههههه زفتني امي تقول انتي زين جهزتي والحين بتحللينهم

تعالي واحشني ماتدرين شنو عطورات نازله جديده بلندن ؟ الحين اخوي اتصل علي قالي شرالي اثنين وباقي اثنين بس احتار شنو ياخذ ويقول سالي شوفي شنو اللي يصلح للعرايس وانا بدور بعد عاد احترت مادري شنو نازل

 

[واحشنى موت]

من صجج حده روووووووعه هالعطر مو طبيعي وقوي وثاابت ,,



امممممم والله مادري سوي سيرج وشوفي ,,


انتي شنو شريتي عطوراات ؟؟

 

[رغوووده]

انا من الكويت ماكان لي نيه اخذ شي لان اخوي قايلي عطوراتي الفرنسيه هو بيجابها هديه من لندن عاد بالصدفه اعرف وحده سعوديه هي بعد عروس امدحتلي جوسي كوتيور وشميته امس مع اختي وصج انجنيت عليه واخذته عاد الحين شوفي توووووه سكره يقول خلاس اخذتلج 4 والحمدلله جذي قفلت ع العطورات


انتي شنو اخذتي عطور ؟والا توج ؟

 

[واحشنى موت]

كوكو شانيل ,, فيرزاتشي ,, استي لودر << هذول من عطووري المفضله اللي ما استغني عنهم ,,



وبعد يبيلي بشوووف ,,


شريتلي خلطاات للغرف مو صج عجييبه


ومعموول من محل بحريني مو طبيعي ..

وامممم يبيلي هم فرره



سج مري المرشوود واخذي منه هرده الجسم مو طبيعيه ,,



رااح تدعيلي اعتقد التوله بـ3 ,,

 

[رغوووده]

كوكو شانيل جتني فتره فصللللللللللت عليه بس الحين مليت طبعي جذي مع العطور افصل ع العطر لين اكررهه بعمره هههههههههه

بس اللي من زمااااااااااااااااان فاصله عليه ولا مليت منه فيري سيكسي الوردي صج صج صج هذا معذبني كل ماخلص شريته ودي اخذه للتجهيز بس خايفه امل منه <~ من كثر ماحبه مابي امل منه =)

يالله ياقلبي تخلصينهم بالعافيه =) وشوفي امل الكويت المعرض اللي سكر قبل جم اسبوع خذيت منه مجموعة خلطات ( 5 ) حلوين وفي مجموعه ايام معرض العطور والله مااذكر اسمه اخذت منه بعد مجموعه فيها 5 وغير مخلط ساره من انتصار وبجذي انا خلصت المخلطات الحمدلله والبخور كله قفلت عليه


ان شاءالله امره واخذها ~ زين مكتوب فيها طريقة الاستعمال وشكثر والا لا ؟ لاني ماعمري استخدمت هردة الجسم

 

[واحشنى موت]

هو شكله نفس دهن العوود بس لوونه ابيض ,,


حطيه على منااطق النبض رقبتج وراا اذنج على صدرج وعلى ايدج امممممم بين فخوذج ,,



بس ريييييييييييحته اح دمااااااااااار لماا اكوون نايمه اشم ريحته فيني واستانس ,,



لدرجه اني ودي اتدهن فييييييه ,,

 

[رغوووده]

ويييييييييي انا حسبته الهرده اللي يسولفون عنها للجسم وتحطينها وتتفركين منها <~ اقولج مو راعية خلطات جسم ضايعه هههههههههههه

ان شاءالله بروح اشتريها

 

[واحشنى موت]

هههههههههههههههههههههههههههههههههههههههههه



حدج ضاايعه ,,



عاااد الهرده مو طبيعيه للوجه ,,


هرده + روب + زيت لوز الحلووو

 

[رغوووده]

ويييييييييييي استري ع ماواجهتي <~ اشوا انه عندج مو عند احد غريب ههههههههههههههه

انا بشرتي حساااااااااااااسه من كثر ماهي حساسه صرت مااستخدم شي كللش ولا اتجرأ عشان جذي بروح للشفا اعالج شي طبي احسن لان صج صج كل شي يقب فيها مادري شفيها ! تغثني

بس خساره كنت ابي دكتور ابراهيم هو دكتور تجميل سوت عنده رفيجة اختي نضاره بس وعنايه وتمدحه حيييييييييل ولما دقيت اليوم قالولي انه طلع عاد مادري محتاره بين دكتوره هدى هي خاصه بشره يعني مو نفس هذاك تجميل بس بعد جربتها اخت هذيك اللي سوت عند ابراهيم وتمدحها وللحين ماقررت اما هدى خاصه بشره والا دكتور اسماعيل تجميل نفس ابراهيم ؟

ويوم كلمت الرسبشن قالتلي انتي دام تبين بس لحبوب الشباب والنظاره خليج ع دكتورة بشره احسن عاد مادري محتاره شرايج اخذ شورها واروح بس دكتورة بشره والا دكتور التجميل ؟

صح قالتلي في دكتور تجميل جاي زياره و اول شهر 7 يروح بس قلت لها مابيه لان اكيد فترة علاج البشره بيطول وهذا لو رد ديرته بتوهق بدونه

 

[رغوووده]

حيآتي آنآ طآلعه شويآت آتعشى وآتآبع مسلسلي وبعدين آن شآءآلله بسهر آهني

عن آذنج =)

 

[بنفســج]

رغووووووووده بالعافية مشترواتج يالغالية

بسألج عطر جوسي الجديد اللي خذيتيه مدور صح .. انا خذيته ب 22 من جمعية الشاميه كانوا مسوين عرووووض بس بدون الكريم اتوقع
لو باخذه مع الكريم بيطلع نفس سعرج


اليوم رحت نيو لوك البلايز على دييييييييييينار والناس تخم

خذيتلي جم وحده للبيت

وبث

 

[منت اختياري]

مرحبااا

شلوونكم


اليوم تحركت وصرت جيده

رحت معرض بنادي الفحيحيل

شريت لي اكسسوارات عند وحده اسمها ام فجر عند الباب
اكسسواراتها من لبناان رووعة
وعندها التييجان يهبلوون الواحد 4 وانا اخذت 3 ب 10

وساعاتها حلويين واسعارها حلووه على 10 و 15 اخذت لي ساعة منها

الدراريع ماشفتهم عدل بس شكلهم حلوييين يعني في حلويين

وفي وحده فلبينية تبيع حزامات مثل الجسمي
وعندها سديري التوور حفر حلوو للنفانيف وقمصان النووم وللشقه
انا اخذت احمر واسوود حلوييين

وبعد رحت الكوت عندهم خصومات

اويسس مسوين عرض ان تاخذين قطعتيين والثالثه مجانا
طبعا انتي تختاريهم مومثل الشي
انا اخذت لي منهم شورتات وبلايز

وناين وست عندهم خصومات

المجمع كله خصوومات

واويشو بعد شريت منهم بجامات



والحمدلله ان اليووم تحركت

 

[رغوووده]

بنفج ايه المدور الجديد اللي لقيته العطر بروحه بـ 34 اما اللوشن بـ 22 يمكن عشان العروض مخلينه بـ 22 بالشاميه وعليج بآلعآفيه مشتريآج


آهلين منو اشتقنالج =)

الحمدلله تحركتي ويالله شدي الهمه وخلصي ترا بنات مابقى شي ودنا شهر رمضان و10 نريح ولا نشيل هم شي كللللش

وبالعافيه ياقلبي المشتريات


انا اول اشوف التوقيع مال التاريخ طلعت داخله الـ 3 شهور =( الله يعين صج لو اشيل رمضان وشهر 10 مايبقالي غير شهرين و5 ايام تقريبا


الله يوفقنا ويسهل امورنا

 

[واحشنى موت]

يااااااااااااي البنفسج صايرين اناا ويااج شمس وقمر ما انتقاابل كللللش ,,



عموومااا شلوونج مع الصيفي ..؟


سويتي شي ولااا لحد هلأأ على طماام المرحوووم ههههههههههه قصدي عن المشترياات ,,

 

[واحشنى موت]

منوووو بالعااافيه ,,


لاتنسين دزيلي رقم ام فجـــر ,,