عرايــــس شهر 10 لــ 2010

[منت اختياري]

ههههههههههه

الله يعيييينج والله


روحي له الثلاثاء

ياشين العفسه والله تضيق الخلق

 

[الزين 2010]

لاعت جبدي


انتي متى بيخلصه لج

وبجم سواه لج

 

[الزين 2010]

لاعت جبدي


انتي متى بيخلصه لج

وبجم سواه لج

 

[الزين 2010]

متى بيخلصه لج


وبجم سواه لج ؟؟؟

 

[بنفســج]

فيـــــــــــــــــــلا مـــــــودا بدوا تنـــــــزيلااااااااااااااااااات

 

[منت اختياري]

الزين

يخلصه قبل العرس باسبوعييين


التصميم يبدي من الفين


والجاهز الي عنده

من 1800
وكل شهر يقل لي 800

 

[منت اختياري]

بنفسج


وييين رحتي خلصتي البدله البيضا والتصوير ولا لا ؟!

 

[بنفســج]

منو ماااااااااسويت ولا شي للبدلة البيضا كل ماأفكر يضيق خلقي

والتصوير كذلك

للحين بالبداية


شرايج ابدي اشتري اطقم المجوهرات والاكسسوارات الحين ولا أنطر لين أشتري بدل وافصل بعدين اشتري عليهم؟؟؟؟؟؟؟؟

 

[بنفســج]

وناااااااااااااااسه مو مصدقة المنتدى ماقام يعلق :

 

[منت اختياري]

شوفي

اشتري الحين الفضي والذهبي

واشتري الوان عاديه التركواز والاحمر والوردي

لان جذي راح تكون الوانج

بس لاتكثرين ليين تفصليين

 

[منت اختياري]

زين مومفكره التصوير وين ولا البدله ؟!

 

[بنفســج]

اللي متأكدة منه انه البدله ماراح أفصلها مااااااااااالي خلق عالتفصال

ياأجار أو جاهز والأغلب أجار

والتصوير مادري بشنو تنصحيني فيه ؟؟؟؟؟؟؟؟ عاد انا كلش مو خبرة بالتصوير


شادة حيلي بس بالخلاجين وانا أختــــــــــــج

 

[منت اختياري]

ههههههههههه

الخلاجييين تااكل الفلوووس

والله فلووسنا تروح عالخلاجييين والتناتيف



التصوير انا حجزت فوتوجيت


والزين حجزت عند لمسه فن


وفي عندج مرايم ونادية شاهين ومعرفي

هذول اكثر شي يمدحووونهم


شوووفي انتي لازم ترووحين وتشووفين تصويرهم

او منو عندج من العايله او رفيجاتج عرووس ومصورة شووفي صورها

يعني التصوير لازم تشووفين بعيوونج

 

[بنفســج]

منو كمبيوتري بيفصل ودي اقعد بس للأسف مافي شاحن

اشوفكم بكرة

 

[بنفســج]

صاجة والله التصوير اصلا كنت ناسيته

بس ان شاء الله بفتر عليهم واحجزه وافتك منه ومن الثوب

الطامة الكبرى هو الثوب الله يعيني عليـــــــــــــــــه

الله يسهل علي وألقاه بكل سهووووووووووووووووووووووله

قولي اميـــــــــــــــــــــــن

 

[منت اختياري]

http://www.q8yat.net/showthread.php?t=246771


هذا موضووع حلوو عن التصوير شوفيه

 

[منت اختياري]

امييييييييين يااااااارب


اووكي نشووفج على خيير بااجر

 

[بنفســج]

مارحت لي ألحين ..... انطر الكمبيوتر يطفي علي هههههههههههههههههههههههه

مشكورة عالموضوع منو ماقصرتي يالغالية

توني طليـــــــــت على تجمع 9 بصراحه ماشاء الله عليهم فيــــــــــــــه حركه

 

[رغوووده]

مرحبااااا يا احلى عرايس


المنتدى جد جد غثني امس انا وهو هواش ابي ادخل مارضى خير شر بس اشوا الحين دخل


السنافيه حبيبتي سالتيني عن مركز منى الجميع للشعر ~ شوفي قلبي انا مارحت له الا لما شفت نتيجته ع ثنتين وحده رفيجة مرة خالي ووحده حماة خالتي وهذول استمروا والتزموا ماشاءالله وجد نفعهم وتعدل شعرهم

انا مشكلتي اللي متعبه نفسيتي ومجننتني هي فقر الدم ع كثر ماابلع حبوب الحديد مايرتفع عاد اهني المشكله بطيحة الشعر والبلاوي اللي فيني

انتي اذا بتستمرين معاها لااااااااااااااااااازم اول شي تحطين ببالج ترا كورس العلاج ممل ويطول ويبيلج التزااااااااااااااااااااااااااااااام وترا العنايه يوميه يعني يومين بالمركز وايام الاسبوع الباقيه عنايه بشعرج بالبيت يوميات يعني اما يكون البودره الخضرا ( شكلها سدر مع اشياء ) او زيت منها بعد او انبولات منها بعد + كلهم مع مساج لفروة الراس 10 دقايق قبل لاتحطين شي + اذا انتي نفسي الحديد ناااااازل بتقولج اكلي اوووووول ماتقومين من النوم فلفه خضرا كامله وبالغدا 5 حبات فجل وبالاسبوع مرتين سمج عالاقل


عاد الصج انا انسانه كسووووله ماالتزمت واسوي ع البركه واذا لي مزاج رحت واذا لي مزاج سويت بس مع هذا الحمدلله اشوف نتيجه بسيطه وادري لو التزمت بتكون النتيجه زينه بس انا كسوله ماااتحمل كرف واجد جذي

ايه ع فكره ترا العلاج عندها غالي يعني انا كورس شعري كلف عليّ 400 دينار ع مااذكر اني 34 جلسه بالصالون غير اللي عطتنياهم استخدمهم بالبيت غير حبوب الفيتامينات اللي شريتهم وغير حبوب حديد عطانياهم الطبيب

اذا ناويه ولج نفس المعابل فشدي حيلج والتزمي لان حرام تقطين فلوسج واخرتها ماتلتزمين نفسي <~ انا متحسفه اني مااني ملتزمه بس عاد الشكوى لله مع الدراسه والدوام النفسيه ماتساعدني والكسل زادني


ع طاري النفسيه اذا انتي نفسي اعصاب وحاااااره وكل شي يضايقج ودمعتج ع راس خشمج وحساسه حيل وتكتمين بقلبج حيييل فالله يعينج هع بتقولج موتي قلبج ولاتكتمين شي بقلبج ومن هالسوالف عشان ترتاح نفسيتج وتستفيدين من العلاج بس انا ماعرف اتغير


انا اليوم رحت ع فالي ارض المعارض وطلع اخر يوم وقشيت لي جم شغله عاد والله مااشوف قدامي بنام ووراي تخرج ولد اخوي من الروضه اليوم ويبيني اروح مع امه فباجر اذا ماعلق المنتدى دخلت سولفت معاكم وقلت كل شي سويته وشنو ناويه اسوي


يالله تصبحون ع خير مادري تتمسون :d

 

[منت اختياري]

هلا والله رغوووده


يعطيييج العااافية ياااعمري
ومبروووك تخرج ولد اخووج

اي لازم انتي عمته رووحي وصوووريه خل يستاانس


ان شاءالله بااجر نشووفج

ونوووم العوااافي ياااارب


وانتي من اهل الخيير