عرايس ما بعد الولاده ، تعالي وشدي الهمه معانا

[تبطي عظم!]

السلام عليكم شلونكم امهات


بنات شنو تنصحوني فيه رداده ولا صينيه !!

انا اليوم لي ١٠ ايام ومحتاره اروح حق رداده ولا اجيب صينيه


واذا تعرفون صينيه مساجها زين مع كاسات الهواء عطوني رقمها وجم سعرها !!

 

[الله يجازيك]

الله يعيين بسوي خلطه خمس الفناجيل وان شاءالله تنفع
وبصراحه انا اللي صايره ادور الهواش استغفرالله

احس بدا يهملني خاصه ان يقول انا جاي عشان الولد مو لج
يقولها اشكره بوجهي
وبعدين يدز مسج احبج وبعدها لا كلمته يكلمني بنفسيه
مدري شسالفته

بنات ادري طولتها عليكم شكاوي بس مالي اللي ربي ثم انام افضفض لكم
مابي اضايق امي بهالموضيع

فديتكم عساني ماانحرم منكم

 

[FuSheYa]

يا حلو سوالفكم ويني عنكم من زمااان

انا باذن الله اﻻسبوع الياي اطلع من اﻻربعين بسهاله ربي ان شاءالله

ليلحين ماسويت شي بس ناويه باجر امر الصالون اقص اطراف شعري و اسوي اميركان بلو اوت يمدحونه
وبصبغ شعري يمكن امبري ﻻن اساسا شعري بني غامج وحواجبي ماشاءالله سوده.. فمابي صبغ فاتح واضطر اصبغ حواجبي نفس هالبنات!

وان شاءالله الحمام المغربي قبل طلعتي بيومين يمكن يوم الثﻻثا باذن الله


بنات الله يخليكم عندي استفسار

انا لي الحين 35 يوم
واليوم طلعت ومشيت من زمان ما مشيت جذي
ياني عوار تحت صوب الرحم... تهقون من شنو؟؟

واذا فيني هوا شلون يطلع؟؟ ما بقالي الا 5 ايام تقريبا! ببجيييييي

 

[FuSheYa]

الله يجازيك

حبيبتي تعوذي من ابليس وﻻ تفكرين بهالسوالف
وحاولي كثر ما تقدرين تجاملينه اذا ياج
انا اعرف هالشعور بحمالي اﻻول كنت مابي اشوف رقعه ويهه من النفسيه اللي انا فيها
على اﻻقل بس اذا كان عندج

طلعي حرتج بشي ثااني هههه

الله يسهل عليج ياارب ويسخره لج ان شاءالله ♥

 

[تبطي عظم!]

فوشيه تبخري بخور الهواء
مري العطار واخذيه قولي ابي بخور الهوا وتبخري فيه بليل وتدفي ونامي

او انتي بالبيت اخذي قشر بصل شويه وكمون شويه وحطيلج فحمه ولبسي دراعه وبالحمام تكرمين حطيه تحتج
وبعدها تدفي عدل ونامي علطول

انا دايم اسويها حتى لو ماعلي دوره اذا حسبت بنغزات بوحمي او بالمقعده اعرف انه هوا بالرحم انبخر ويروح من اول مره

 

[تبطي عظم!]

الله يجازيك

ادعيله بالهدايه عادي ليش متضايقه اغلب الازواج جذي

اهو اكيد شيء يحر بس طولي بالج شوي والله يهدي سركم وبسخركم لبعض

 

[FuSheYa]

تبطي عظم مشكوره حبيبتييييي

انا من يوم 25 امي قالتلي اتبخر بقشور يصل ربتها يومين بس بصراحة ماحسيت بفرق

والرداده اللي يتني عطتني خلطه تقول بخور حق الهوا فيها جفت و هوا خوا واشياء ثانيه قالتلي من يوم 25 لي 35 بس بصراحة ماقدرت اتحمل ريحته بتبط الرااااس


ان شاءالله اليوم بجرب قشور اليصل والكمون

 

[تبطي عظم!]

جربيه ان شاء الله ينفعج وطالعه يارب من باقي شروره
منو الرداده الي جبتيها وشلونها زينه !! عطيني رقمها ماعليج امر لاني محتاسه ماادري
احيب رداده او صينيه


وينكم بنات مختفيين

 

[دلال.]

الله يجازيك
حبيبتي ماعليه ترى كله من التعب والنفسية انا الحين مستانسه ارتب اغراضي شوي شوي بروح البيت بقالي اسبوع واهوا يفكر بسفرته ويخطط لها مع انها اخر 9
وتخيلي انا اسحبه غصب عشان اييني واذا ياني تعذر بالتعب وبالنومه
بعد ماتدرين اهوا شنو نفسيته صدقيني صعبه يكون البيت فجاة خالي بدونج وبنفس الوقت محتاجكم تكونون معاه بس لازم يرضخ للامر الواقع
طولي بالج وان شاء الله بس تطلعين يتغير كل شي للاحسن

 

[FuSheYa]

تبطي عظم مشكووره حبيبتي

اللي يبتها ممتاازه والله حبيتها
حتى كنت كاتبه عنها موضوع شطوله بس علق تلفوني وتعيزت اكتبه مره ثانيه هههه

اسمها ام يوسف مصريه من كﻻمها جنها صعيديه
تهبل تهبل وﻻ اللي يتني بحمالي اﻻولي استغفر الله وﻻ ابيزه

هذي يتني 3 ايام من سابع يوم وﻻده ب 45 دبنار اذا ماني غلطانه.... البنج وكمام الوﻻده سوولي زهايمر ههههه

هذا رقمها
97131496
اسمها ام يوسف

الله يسهل عليج وتقومين بالسلامة يارب

 

[.:lady bug :.]

فيشيا
ممكنتقولسين لنا وتشرحين شتسوي بالضبط بلييز

 

[لميـس]

حبيبتي قوليلنا شنو سوت الرداده لج

 

[.:lady bug :.]

فوشيا ناطرينج

 

[.:lady bug :.]

ليتك تحس ومس اج شخباؤكم حبايبي


مس اج شخبار كاثي دالاس شكلج موملتزمه فيه
شكلي بشتريه

 

[كاشا كرمباشا]

انا اليوم باروح اقضي للبيبي والاسبوع الي يجي باخليه تجهيزات كامله للنفاس

بس ابغى نصايح منكم كيف اهتم هذه الفتره عشان ماخليه كله للاربعين

 

[.:lady bug :.]

نورتي كاشا حلو تخطييطج
انصحج اقري الموضوع من البدايه متروس اشياء ونصايح حلوة

 

[دلال.]

بنات حبوب منع الحمل متى تاكلونها؟ اي يوم بالدورة؟

 

[تبطي عظم!]

دلال ٣٥ يوم انا اكلها

 

[FuSheYa]

هﻻﻻ صبايا سوري توني ادش المنتدى

قبل ﻻ ابدي انا قاعده اكتب ب تلفوني فعادي طوفو البدليات

اول يوم اطلبت شرشفين
سوتلي مساااج خياااال احس ردت عظامي وكاسات هوا عجييبه
تحط اول شي زيت زيتون فيه زنجبيل على جسمج حق المساج.. بس مافيه ريحه
كانت بتدهن شهري وتسويلي مساج
بس من قالت هالثﻻث أيام ماكو سباحه قلتلها ﻻ تدهنينا ماني ناقصة لوعه

بنفس اليوم بليل ياني التهاب بول مكرم السامع ورحت المستشفى فاجلتها

يتني اﻻسبوع الي عقبه

اطلبت جدرين واحد ماي مغلي وواحد فاضي وقوطه والشراشف نفسهم


سوتلي مساج نفس اول يوم وكانت تنقع الفوطه بالماي الحار وتحطها على اماكن بجسمي عقب المساج

والجدر الثاني قطت فيه اعشاب وقالت حطو ماي وقوحوه لما يغلي

الجدر قالت خلوه مسكر ولما يابوه لفتني بشرشف وخلتني فوقه وفجت المغطات علشان البخار يدش فيني
قالت 5 دقايق او شويه اكثر وروحي تدفي وانسدحي

اليوم الثالث اﻻخير
نفس الشراشف وبيضع نيه وجرايد.
سوتلي مساج تفسه العجيب
وكاسات هوا
واكسرات البضه يصحن وحطت معاها شي لونه ابيض ممولح مطحون واخلطته.. امسحت فيه الحريده.. كانت قاصتها صفار كير جف الايد

وحطتها على ظهري تحت صوب عزيزوي ههه
المكان الي يندح علي بالضبط

وخلتني اليس الكورسيه مالي
ودهنت شعري
اخيرا رضيت ﻻن قالت 5 ساعات وسبحي

بصراحه اعجبتني احسن من الدايخه الي ييبتها بوﻻدتي اﻻولى
هذي صج فججت اعظامي... تفقص فيني وانا اااه اااه كااااك راااااحه شكلي بييبها باول دوره ﻻنها تمدح تقول هم منه فايده


ةالحلو الي فيها مو تقولج عندي حزام او اعشاب وتطلع فيج الف عله نفس الي يتني. ﻻﻻ
لو ما سالتها عن بخور حق الهوا جان ما علقت

بس تنصح واستفدت من كﻻمها حسيتها فاهمه
تعطيج من قلب

انا اول ما قالتلي عنها رفيجتي مصريه اسمها ام يوسف ... حسبالي بتييني وحده جثه ﻻبسه عباة وملفع بيج


بس انصدمت هذي سفور وصغيره شكلها و تتكلم صعيدي

حدي حبيتها

قولولها من طرف فاطمه بالعدان الي ياها التهاب لوووووول

والله يسهل عليكم يارب

 

[.:lady bug :.]

انا نطرتج وايد وطلبت رداده صينيه الي دايم اييبه
شكلها زينه وايد

زين فوشيا شقالت عن بخور الهوا

انا بولدي الثاني ماتبخرت احس خرابيط

وهم هالنفاس مادري اتبخر ام لاء امي تقول تبخري

انا مو مقتنعه بالتبخر