عرايس ما بعد الولاده ، تعالي وشدي الهمه معانا

[مسك وطيب]

صبغت شعري عسلي وسويت حمام ملكي عند وحده مغربيه تجي البيت حلوو شغلها وتفريكها والاحلى تشتغل وهي ساكته ماحب الصالونه اللي تسولف عن فلانه وعلانه المغربيه اسمها آسيا هي موجوده بصالون بالفحيحيل اللي بتدق تطلبها بالاسم 23920281

اعطيكم فكره عن الحمام الملكي وسعره ب 20 ,,, تحط ماكينة البخار بالحمام .. وبعدين صابون مغربي وبعدها تفريك وبعدين طين حيل حلو تحسين لمعه بالجسم وتالي غسيل عادي وبعدين سنفرة ريحتها حييييل حلوه وترد تفرك واخر شي صابون بالورد

فرق الحمام الملكي عن المغربي العادي ,,, الثاني مافيه طين ولا صابون ورد مجرد صابون مغربي وسنفرة

اللي بيتها بعيد عن الفحيحيل تاخذ منها فلوس التاكسي 5 ... وسلامتكم

 

[.:lady bug :.]

صاجه مسك
والله البنات الي بالدوام
يسولفون عن التغيير وان ريايلهم استخفوا
لمن غيروا استايلهموقاموت يسوون حركات
ايقولون جنه تونا متزوجين
وجنا ماعشنا حياتنا كل هالسنين
تخيلوا متحسفين ع السنين الي راحت وانهم
كانوا يستخون
ايقولون قبل اجسامنا تهبل
والوحدة لازم تتدلع وتلبس قبل مايخرب جسمها
الحمال والولادة
*

 

[.:lady bug :.]

نعيما مسك حبيبتي
وشكلي بييبها اسيا
بس متى اجيبها اذا تعديت الثلاثين
صح
وعادي اييبها كذا مرة
مو احسن

 

[مسك وطيب]

ليدي الله ينعم عليج ... والمغربي اذا بتسوينه اكثر من مره بالنفاس خلي بينهم فتره عالاقل اسبوعين عشان تبين معاج نتيجة

 

[.:lady bug :.]

مسك متى اجيبها
انا ماعرف
انا اليوم ١٥
وكم مرة تنصحيني اجيبها لاني مسوودة
بالحييييل

 

[dandooosh]

هلا دندوش حياتي انا بخير الله يسلمج والبيبي
بخير

وشنو قلب الحب حركه والا قميص والا شنو

هلا قلبي
قلب الحب هذا قميص نوم هو اسمه كذا ،،، لونه أسود وفيه دانتيل وردي على الطرف وفيه حركة من ورا :eh_s(22): مفتوح على شكل قلب

 

[Violetta]

ليدي انا كنت اسويه عقب اليوم الثلاثين
سويت ٣ مرات و اسمريت شهر عقب الاربعين مرتين بالاسبوع و مع تنظيف البشره

 

[.:lady bug :.]

اها عرفت شكله حلو القميص

وفواليت شكلي بنطر لي الثلاثين واسوي

 

[H.A.K.W]

ليدي
حبيبتي لا تستعيلين عالمغربي
انا سويت عال ٢٥ مادري ٢٤ ولعب فيني لعب الهوا
سويته مرتين ، واخترب نفاسي كله ،
ورديت شقتي واخت النفاس للحين مانزلت توهقت
قعدت انطرها يلا بالعزره نزلت وتنفست من يد ويديد،
فلا تستعيلين نصيحه

 

[كل الشكر]

ابيه تجمعكم عجيب...

انا الحين بنص التاسع وطبعا للحين ما ولدت

والي جهزته للنفاس بس ادويته......

ان شا الله بس اولد ابيكم تفيدوني بتجاربكم اذا سمحتو..

 

[.:lady bug :.]

اي هبون انا اذا تميت الثلاثين بسويه
لاني مفحمه
وكل الشكر جهزي قمصان وبجايم نصيحه
ارتاحي بالنفاس

 

[كل الشكر]

على اي مقاس اجهز؟؟؟؟

مقاسي الحين ولا الي قبل الحمل

 

[.:lady bug :.]

مقاس قبل الحمال حبيبتي
واذا انتي تمتنين بسرعه
اخذي اكبر من مقاسج بدرجه

 

[Violetta]

المقاس مشكله انا اقول بعدين اشتري
باخر النفاس طلعي اشتريلج ملابس لانه. صج القياس يحير

 

[toofaa79]

قوة بنات
على طاري الصبغه هابي الحين بصبغة نانسي الي قلتو عنها انا ناوية ان شاء الله اصبغها
h.a.k.wشلونج ماكو اخباري هاليومين كله ناس جايين يسلمون مشاء الله من كثرهم ماعندي وقت اطلع الحمدلله الي اجهز كل اغراضي قبل الولادة والا جان ماعندي وقت اروح السوق
واذا عن قمصان النوم الشخصيات ترا روعه وطبعا على حسب الزوج اذا من النوع الي يتقبل الغريب وفيه شخصيات حلوة مثل المدلكه الصينية ويكون يومها تسوين له مساج والطباخه وتسوين طبق حلو من ايدج وتكون تحت اضواء الشموع ياااااعيني والمصرية والامريكية وفي شخصية هاواي بنات عجيييييييبه يكون يومها مسوية سلطة الفواكة وعيشي احلى ايامج

 

[toofaa79]

ليدي القميص الي اقصد الحورية تقريبا الخام لمعه ولونة البحري الحلووو وطويل وطبعا تنورة وفوق ستيان بس عجيب بروح ادوره

 

[H.A.K.W]

"ليدي"
اي حبيبتي اعتقد عال٣٠ اوكي وسوي مرتين
ومره بعد اسبوع او ١٠ تيام من طلعة الاربعين.

"تفاحه"
طالعه من الشر انشالله ، عقبال ماتطلعين عروس،
بالنسبه للشخصيات انا ولا مره جربت البسهم وماعرف لهم
احس شكلي غبي :/ ، مادري شسوي ؟!!!

 

[toofaa79]

بنات عاجبتني جنطة التايقر الحين هابين فيها انا من العام ادورها وبصراحه مالقيت الي ببالي حصلت وحدة بس كان سعرها ب 200 وشي ماتسوي اخذها ماركة احسن الي تشوفها عفية تقولي

 

[H.A.K.W]

وين احصل مكان يبيع قمصان الشخصيات، وكريمات وهالشغلات
غير اكسفورد المهلب ؟!!!!!

 

[H.A.K.W]

"تفاحه"

تبين جناط حلوه
انصحج بمايكل كورس ، و dnky
بالافنيو عندهم جناط تهبل واسعارهم مو حيل غاليه
معقوله dknyجناطهم علي ٩٩
و مايكل كورس علي ١٢٠ و١٥٠ و٢٠٠
ماركات واسعارهم معقوله تصلح حق طلعتج
بالنسبه للتايقر اتحصلين عند مايكل كورس يلد حيه وتايقر ويلد تمساح