عرايس شنو آخذ من الخبر ؟

[واحشنى موت]

رد : عرايس شنو آخذ من الخبر ؟

نفس آللي قآلووه البنآت بس بضيف (( محل عفيف )) للإكسسوآرات ,, بفينيسيــآ فووق ,,

 

[مدام زيزو]

رد : عرايس شنو آخذ من الخبر ؟

الساعات

 

[أنــــــ والحــــــظ ـــا]

اول شيء ربي يوفقج

وانا تووني رادهـ من الخبر بكتبلج بالضبط وين رحت وشنو شريت من المحلات والناس اذواق موشرط يعجبج


اول شيء الساعات

بشارع سويكت في مجمع اسمه الخبر مقابله في محل بدل راقيه حيل جنها ماركه

وداخل المجمع في محل ساعات مادري شنو السويسري نسيت امسه بالضبط شريت منهم ساعة فضيه لاول ليله الماس ب700 دينار

ونفس المجمع فوق عالزاويه في محلات قمصان نوم حيييل رخاص وحلوات تحصلين حت قميص لاول يوم ع 25 و30دينار

وفي محل فضه شغله حلوو وفي يم المصلى فوق كشك يبيع عدسات حلوه ماشفت نفسها بالكويت شوفيها يمكن يعجبونج

ووو اممم بس من هالمجمع هالمحلات اللي خذيت منهم

وبشارع سويكت عموما كل محلات العبايات حلوين بس يبيلج تفرين فيه عدددل بس في محل عبايات اسمه العيسائي حييل عباياته راقيات وتفصال مضمون يوصلون للكويت مقاسهم وشغله واو ورايت انا مفصله عنده قبل هالمره واسعاره حيل حلوه


واذا ناويه تشترين الذهب من سعوديه عندج بشارع سويكت هم ذهب الفضه بس صبة الالماس حيل حلو غرام18 ع 700 و900 و1000 ان كثر بصراحه انا ماشريت خفت يكون فيه غش وانا وامي مانعرف بالذهب حييل


عندج مجمع الراشد جناط وجواتي توب شريت جنطه ماركة فرانشسكو بياسيه ب150 بعد التنزيلات كانت ب350

مجمع الظهران في محلات ساعات واجد بس ساعتي الفضيه شريتها من مجمع الخبر تخيلي لقيتها بالظهران سعرها ب800 ومارضى ينزل وانا ماخذتها ب700

بس عندهم دهام حيل حلو مع ان ماكان يعجبني شغله بس لقيت ساعه الماس فخمه ب350

محل بي بي بالظهران هم حلو وفيه كذا محل بدل حلوهـ


فنيسيا حلو للساعات هم وفيه محل فوق جواتي عزج الله حلوين

عطور عندج باريس غاليري عطورهم تووب بس غاليه

سيد جنييد اخذي منه لمسة الطفل وفيه كذا لمسه بعد بس ناسيه اساميهم حييل حواات ويهبلون ومنزلين عطر جديد لونه ازرق ريحته وشكله يهبلون وطبعا دهن العود مالهم حيل حلو خاصه اذا عرسج بالشتاء



ان شاءالله اكون افدج حبيبتي

 

[أنــــــ والحــــــظ ـــا]

ونسيت محل فيمي ناين حيييييل حلو واسعاره حلوه موجود بفنيسيا او الظهران ناسيه بالضبط


وفي محل عطور اسمه بنافع للعود بس وين مكانه بالضبط ماادل خلطات للفراش عندهم حييييل حلوه
خاصه خلطة توقيع

 

[صآعده تحت}..]

مآ شآء الله البنآت كفو ووفو قآلو كل شى

والله يتمم لج زوآجج ويوفقج

اللهم آمين

 

[بنت.المطيري]

حبيبتي مبروووك ..واتهنين يارب

وان شالله تلقين كل اللي يعجبج ...روحي ونحن من ورائك

بنات هناك لازم اتنقب ؟؟؟ والا بوشية ؟؟

انا مارحت السعودية الا للعمرة

 

[ريماس21]

شووفي بالخبررر عاادي الووضع والسعوديه مو مثل قبلل انا راايحتلهم بملفع وعباايه

وامااا الخبرر اخذي سااعااتج من هنااك حيل ارخص من الكويت وينزلوون قبل الكويت
وعندج شارع السويكت كله عبي وهم في بالمجمعااات فينسيا والرااشد وظهراان

واخذي نكتااار جد جد شغله روووووووووووعه ويجنن

وتروحين وتردين بالسلامه يالغاليه

 

[بنت.المطيري]

حبيييييييييبتي مشكورة ياقلبي ماقصرتي ...<<<بتنطلق وعباتها وراها

 

[tolay]

والله خوووش شي

اب اب خلونا نستفيد

 

[شمــ{جابر}ــوخ]

رد : عرايس شنو آخذ من الخبر ؟

ماشاءالله ماقصروا البنات

يبيـــله الخبر :eh_s(10):

 

[المـــــها]

شارع سويكت للعبي
مجمع الظهران للساعات

 

[tolay]

بنات شنو الشغلات اللي تسوا عندهم وارخص من الكويت غير الساعات ؟؟؟

الجناط رخاص بعد ؟؟؟؟؟

شنو ماركات الجناط عندهم ؟؟؟

والجواتي ؟؟؟ وملابس الطلعه العاديه ؟؟

 

[حلم المشاعر]

السلام عليكم
الف مبروك يا عروس
انا عن نفسي رحت الخبر شريت عباتين وحده من الملكه بـ 120 بس حيل راقيه تلقينها مقابل العيسائي ويمها بالضبط محل شروق شريت بـ 40 ، وخذيت من الدهام ساعات راقيه
الصراحه هذا احلى شي بالخبر والملافع بعد ، انا اقول الكويت احلى 3 ايام كافيه على الخبر يقولون الرياض احل
اما الجناط الماركة دورت وما اشتريت الا من الكويت
والله يردج بالسلامه

 

[عشق فرنسي]

شوفي إختي
روحي قزاز عطوراته روعة وفيه كل ماركات المكياج وكل شي جديد
وعبايات شارع السويكت
ساعات الداهام
محلات سيفورا لوشنات وتجميل
مجمع الراشد ملابس وقمصان نوم وبناطيل
محلات الخام روعة ويعطونج الموديل وقطعتج موعند أحد
بس نصيحيت الرياض احلى وارخص لأن الخبر رافعين الأسعار طايحين فبنات الكويت
عشان تتضطرين تأخدين منهم
لكن الرياض فرق العبابات بعشرين والخبر بمية دينار العباية
أهم شي الأقمشة روعة بالخبر
واذا أنتي لبيسة نظارات شمسية ترا رخيصة هناك حيل
واذا تبين جناط ماركات أصلية روحي جدة كل شي فخم
ومري البحرين قريبة عند الخبر أخذي منهم ماركات المكياج الحصرية عندهم
وذهب البحرين حلو ترا
وتلاقين بقزاز ماركة مكياج اسمها المدينة كريمهم وبودرتهم حلوة وحمرهم روعة
بس لاتخلصين الأغراض لأني جاية بالطريج اللة يوفقج ادعيلي

 

[خالة الزين]

رد : عرايس شنو آخذ من الخبر ؟

اب اب اب

 

[الـمـسـتـبـده]

رد : عرايس شنو آخذ من الخبر ؟

اااااب

 

[{هتًان}]

رد : عرايس شنو آخذ من الخبر ؟

والله رحت مرتين ماعرفت شنو آخذ

العبي ماتشوقني ليش عبيي راس

والجنط والجواتي ماعرفت اشتري منهم بالكويت عارفه شغلي الطبي وين والماركة وين وووو .. الخ

اللي عادي الملابس يعني في محلات معروفه بس الأسعار مثل مثل واعجبوني بالبحرين أكثر

اللي شريته من هناك الملابس العملية

والله يعز الكويت :q8:امشي واشتري وداله دربي

 

[أمي غلاها غير]

الخبر مول

وسيد جنيد
وقزاز يمه يمه راسلني على الخاص اذا تبين خبرتي من قزاز

ضهران حلو
نكتار روووووووووووووووووعه لازم تاخذين منهم
والساعات طبعااااااااااااا ارخص

 

[tolay]

ااااااب

 

[السنافيه]

]سلمووووووووووو