عرايس بجهزكم.....تجهيز vip .......آمروا تدللوا؟؟؟

[يا واد يا تئيل]

هلا وغلا ملوكه...........بالنسبه لبدل الاستقبال والدراريع ارجعي لردودي علي البنات ترا تلقين فيها اللي تبينه.........وطبعا قلنا نغير يعني معارض

وشغلات نخيطها بالبلوكات فوق وشغلات جاهزه وشغلا ت نصممها احن عشان يكون فيه تنويع

والشنط .......مري علي دي كي ان واي بالافنيوز وسامبا الافنيوز ومحلات جبال عطورات الجزيره الافنيوز بالاضافه الا حبيب الشعب سرداب

الشايع........ اقسملكم بالله في محلات روعه وما تفرقين بينها وبين الاصلي........واذاتبون تتميزون بالجنط روحوا مركز سلطان واطلبوا من موقع

ايبي او الامازون.....بس ايبي شنو جنط شنو اشكال طبوا وتخيروا

والعطور المميزه عند الرجال(ها..ها ملوكه من اولها)......عسي الله يهنيج شوفي بعطيج عطور تبط راس الرجال تجيب راسه جيب

1- ملك العطور كوكو مودموزيل مع سبريه الجسم وسبريه الشعر ارشحه لاول ليله اخذوا بنات عطور 50 مل مو100 والله بتملون منهم وبعدين

ماتعرفون ذوق الرجل وشنو يعجبه

2- فلورا

3-جيفاغو من الماسه

4-الين القديم

5-الور سنسي

6- لانكوم تريزور قديم بس حلو

7- مس شيري عطر بارد

 

[يا واد يا تئيل]

(رهيد).........اهلا وسهلا............حبيبتي اخذي وانتي مغمضه فرش مكياجي من محل مكياجي معروفين احلي فرش

(والخوات )اللي شكروني ودعولي وامدحوني......اقولهم اخجلتوني وتستاهلون....وانا بساعدكم عشان جربت تعب التجهيز والله يعلم اني

عادتكم نفس خواتي وراح اعطيكم من قلبي

(جني)........ان شاءالله تجنين الزوج الصالح عن قريب وتدخلين موضوعي واضبطج تضبيطه مما جميعوا..........قولوا امييييييييييييييين

 

[مانيكانxl]

الله يكثر من أمثالج و ينولج اللي ببالج
عروس مغبرة <<<<< صار لي عشر سنين متزوجة ,,,,,,,,,,,,,

 

[يا واد يا تئيل]

خانتني........مشكوره دعوتج فرحت قلبي......والله علي هالدعوه الحلوه مانقدر نرفضلج طلب.......بالنسبه للساعات شوفي

اذا تقدرين تروحين للدهام بالسعوديه كان بها لان معروف ساعاته مميزه او مري ون تايم شوفي ساعاتهم حلوه وعندج روائع جنييف المغاتير او

العربيد بلازا عندهم ساعات فلنتينو جلد حلوه.......الساعه علي شكل ورده ذهبيه والجلد الوان وانا عجبني الجلد الاحمر سعرها تقريبا 160

وفيه ساعة فلنتينو توها نازله هم حلوه وسيرها جلد وعندج محل مملكة الفضه بالمباركيه ناسخلج نسخ ساعات الدهام يهبلون والله ومميزين

محل شنط دليت الخوات محلات الشنط اللي بالافنيوز وسرداب الشايع وعندج ارض المعارض الصينين شحلات جناطهم التقليد علي 10 و8و

طلبي طلبيه ماعليج الا انج تدخلين موقع ايبي وتختارين الجنطه وكتبي

رقمها التجاري وروحي مركز سلطان شرق يطلبونهم لج

اما الاكسسوارات.... عندج الصينين اللي بارض المعارض تهبل شغلاتهم وانتي سويلج طقم ركبي منهم نقشات متقاربه خاتم مع سوار

وسلسال وروحي سرداب الشايع فيه محلات اكسسوار اطقم قلب مع تراجي ناعمين جنه بدينار ونص او نص دينار وعندج اكسسوارت سنتر

بوينت وحجولهم حلوه وطبعا ابو اميه هم لقطي اكسسوارات منهم واخذي من اتش اند ام وعندج محل ساره بستي سنتر حلو بس غويلي

 

[يا واد يا تئيل]

فيونكا الحلوه طالبه محل شنط لجهازها.............اقولج اول شي تتهنين....انا كاتبه للخوات بس لعيونج برجع اكتبلج عندج محلات قزاز بالسعوديه

تقريبا الطقم 130 ...وانا اقول ماله داعي المخاسير اهلج اكيد بيودون تجهيزج قبل العرس بيومن بعد صلاة العصر يعني محد بيشوفهم وبيردونهم

معاهم,, ارشحلج سرداب الشايع وبعض المحلا ت مقلدين شنط قزاز وفيه تقليد جوتشي وعندج محل بالمنشر ماله افرع اطقم جناطه حلوه هم

بحدود120 وعندج المثني روحي وفلوسج تحكمج.وموفقه

 

[يا واد يا تئيل]

إأبك إنأإبيك...........هلا اختي اول شي ابي تعويض اصابعي عورتني من كتابة نكج..........ههههههها اتغشمر لا تزعلين

اقولج عسي الله يوفقج ويستر عليج مع ولد الحلال اللي يستاهلج وان شاءالله ماتخلص هاسنه الا وانت مالجه.........اللهم امين

 

[يا واد يا تئيل]

(جوري) مشكوره ياحياتي علي الدعوه.........ومشكوره عالرابط بالعكس تشرفني مشاركتج وماقصرتي والله يوفقج عاجلا غير اجل

(مسز هوني)اقول البخور الحلو للحلوين مثلج وشرواج...اذا تبين بخور لج خاص تتبخرين فيه عندج امل الكويت عندهم بخور بورمي ممتاز وعندهم

بعد بخور اغلي منه انتي قوليله شعندك احلي انواع بمحلكم واهوا يطلعلج بس بخوره شي صراحه....وعندج القرشي بخوره اللي تولته جنه

باربعين هم حلو بس انا احب امل الكويت,,,,وللشقه بخور المعاريس من امل الكويت وعود مبخر من اجمل ومن الشايع بخور ممسك ومعمول

بحريني من محل البحرين بسرداب المغاتير العلبتين ب5 وبالتوفيق

 

[يا واد يا تئيل]

(مجنونه ضحكاته)......تسلمين حبيبتي علي الدعاء الطيب....وعسي الله يسهل عليج دربج وامورج كلها

(حلا الرياض)هلا ومرحبا فيج....والله لو جايه من المريخ دام طلبتي اقولج تم....الساعه المباركه..بالنسبه للبدله البيضه مري علي زياد انطون

بجاليريا 2000 فوق ان شاءالله تحصلين طلبج....وعندج بشري العيدان تهبل نفسيتها وملابسها بس تعتمد علي الاوف وايت ..وعندج مشغل تباهي

نفانيفهم بيضه وساطعه ..يعني اللي يهمها بياض البدله تروح سيده تباهي بالسالميه....ومري هيا الحوطي بس ملبوس اكثر من مره علي 1400

و1300 بس تشكيلاتها حلوه ويلعولج مع البدله كاب وممكن تاج واكسسوار شعر...والساعات تقدرين حبيبتي ترجعين لردودي علي البنات وتلقين

طلبج.... اما الملافع الملونه عندج الكشخه فولار بس غالي تقدرين تاخذين 2 وعندج محلا ت الملافع بستس سنتر حتي ملافع تقليد تلاقين

وعندج كشك بالمهلب فوق حلو وهم محل بالمهلب فوق جنه اسمه ايشارب حده حلو وعنده شغلا ت تقليد ماركه اما للبخور الحلو والزين

في رد بموضوعي كامل وباختصار العود الزين امل الكويت والقرشي وحتي المرشود حلو خليه يشممج واخذي بنصيحته ورايه وبالتوفيق

 

[يا واد يا تئيل]

(دندونه)... هلا وغلا بالنسبه للشرقيه اول يوم لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

اهوا حلو ب حق استقبال اول عروس اهلكم لكن عروس ماانصحج الا بثلاثه

1-حنان دشتي حولي مكياج شهله وشعر ابتسام هذا الصالون توب حلو ومميز

2- صالون لمسة فن الموفمبك مكياج رشا طبعا رشا مبدعه وشاطره واهيا تختارلج المكياج المناسب وطبعا اثقل من مكياج حنان دشتي

3- كونتننتال بنيد القار عند الهام (ومكياجهم عالطلب)

اما بالنسبه لمشاغل الدراريع ارجعي لردودي السابقه وان شاءالله بتلاقين اللي يسرج وبالتوفيق

 

[يا واد يا تئيل]

(مانيكان)..... شفيج اسم الله عليج مغبره.... لاوالله انتي الزين كله بعدج صغيره............وتشرفت بوجودج بموضوعي

بنات يمكن اتاخر بالرد...............بس ان شاءالله راح ارد............لاتحاتون

 

[$حبيبة عبودي$]

وااااااااااااو خوش موضوع بتابعج معني متزوجه بس جد مفيييييييد

 

[ستايليش]

يعطيـــــــج الف عافيه عالموضوع حبيبتي وربي ينولج اللي في بالج ويجعله بميزان حسناتج


انا محتاجه مسااااااااااااااااااعده

عرسي بعد شهر وشفت كذا نفنوف عرس بس ماعجبوني كل اللي شفتهم موديلات دفشه وخبه

ابي اماكن تاجير فساتين اعراس ويفضل يكون من حريم و يكون لبسه اولى حق هالسنه

ياليــــت احــد ينقـــــــــذني توني مسجله ومادري وين اروح صراحه

بليز ساعديني واللي حابه تساعدني بعد تدز لي عالخاص ويعطيكم العافيه

 

[A.N.L]

رد : عرايس بجهزكم.....تجهيز vip .......آمروا تدللوا؟؟؟

قلبووو انا عندي رقم وحده اسمها

ام نوااف وتأجر نفانيف عرايس بس

يهبلووون شغل ذرب وراااقي انا بعرسي

اجرت منها نفنوف بس ماذكر جنه كان

يديد توه وااصل من برا ايطالي

أجرته علي ب 500


اسمها ام نواف بيتها بمشرف هذا

رقمها : 99476588

 

[يا واد يا تئيل]

(حبيبة عبودي).....هلا فيج نورتي الموضوع وان شاءالله يرزقج الزوج الصالح وتدخلين موضوعي

(ستايليش)..... هلا بالغاليه رديت عليج عالخاص

 

[A.N.L]

رد : عرايس بجهزكم.....تجهيز vip .......آمروا تدللوا؟؟؟

يا واد يا تئيل


قلبووو ساامحيني طبعا مشااركتي

بعد اذنج

 

[صمت المحبه]

مشكوره انشالله بيمع الاسئله وارد لج

 

[مذهــلــه]

يعطيج ألف عافيــــــــــــــــــــــــة حبيبتي ويزاج الله خير على الموضوع والافادة

حبيبتي كان عندي سؤال بخصوص البدلة البيضة ... وايد بنات مامدحوا المحلات اللي بالكويت واغلبهم يقولون احلى وارخص

اشرايج؟؟

من وين اشتري او أأجر؟؟

بصراحة أنا مفكرة اروح لبنان ...لاني مااعرف بالخبر وايد

وشي ثاني بالنسبة لترتيب الاغراض بالكبتات لما اودي اغراضي..اشلون احط الاندرويرز؟؟ عادي جذي اخليهم مكشوفين للناس

وقمصان النوم بعد مااحب احد يشوفهم بصراحة ... ودراريعي والعبي مفكرة اغلفهم بجياس

بس اهم شي الاندرويرز وقمصان النوم اشلون ارتبهم بطريقة ان محد يشوفهم

وربي يعطيج الف عافية وينولج اللي ابالج ان شاء الله

 

[يا واد يا تئيل]

(ani) هلا حبوبه اخذي راحتج بالعكس هالشي يسعدني..... واي وحده من الخوات بتشارك بتجاربها تتفضل... والله هالموضوع بالذات لعيونكم

ومابي منكم الا دعوه حلوه من قلبكم

(مذهله)..... هلا حبيبتي..والله بدون ما انقص حق الاسواق السعوديه.........اسواق الكويت مافي مثلها ....وارشحلج المشاغل اللي كاتبتها

بردودي للبنات ...وبالنسبه للاندرويرز اشتري صناديق نفس اللي ببوابه الهدايا ووزينيهم بورود ومن هالسوالف او اشتري صندوقين من بوابه

الهدايا وخلي واحد لقمصان النوم وواحد للانرويرز واربطي الصندوق بفيونكا عشن محد يبطله... وبالتوفيق

 

[big heart]

يعطيييييييييييييييج العافية

ويرزقج الخير انشالله

ويبعد عنج العين والسحر

ولي رجعه

 

[ام مريووومة]

الله الله الله موضوعج روعة للعرايس والمتزوجات اللي يحبون يهتمون بنفسهم < وحدة تمدح نفسها>لووول

مشكورة وعسى الله يوفقج ويسعدج ويهنيج انتي وكل اللي تحبينهم.