عرايس بجهزكم.....تجهيز vip .......آمروا تدللوا؟؟؟

[يا واد يا تئيل]

:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):


شلونكم عرايس.........اول شي عالبركه لكل عرايسنا الحلوات..والله يوفق كل عرايسنا اللي تزوجوا..


واللي تبي تتزوج............وعشانكم غاليين علي قلبي.........انا علي اتم الاستعداد لاي استفسار يخص أي


تجهيز للعرايس...........تبين مكياج.........شنط.........اي محلات تخص جهازج انا بالخدمه..........تبين صالون


عرس...........صالون استقبال....اي سؤال يخص العرايس وبس..........بس عندي لكم طلب واحد.....تدعون


لي بالفرج.......... وتدعون لغاليتي اللي ببالي بالسعاده والهنا وان الله يبعد عنها كل عين وسحر,...امين

:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[احلى غمزه]

ابي محلات عبي حلوه وراقيه واهم شي خامتها تكون سوده وحلوه تعرفين ؟

 

[أميرة متواضعة]

ابي صالون حلو يصلح لثاني يوم وعند منو ويستحسن يكووون بالمنطقة العاشرة

 

[يا واد يا تئيل]

هلا بالغاليه...........العبي نوعين للدوام والطلعات البسيطه........تمشين مع زوجج او تتسوقين.............

وهالطلعات محتاجه شغلات نعومه.........عندج عبي جاهزه (محل العبايه الاسلاميه)بمجمع النقره اللي

مجابل مكتبة العجيري وانتي وذوقج...واذا تبين تفصال يفصلولج......وعندج حناين وخامهم مشهور (خام

صالونه)...ومحلهم بالنقره ..........وعندج محل الحلوه(تفصال) بمجمع الحميضيه بحولي.....والله يسلمج

بسرداب المغاتير كله محلات عبي طبي وتخيري وفيه محل عبيه من الامارات وملافعه اسمه

سفير. ترا حلو وناعم........وفوق بالمغاتير محل حراير هم حلو..دخلي المحلات وشوفي المعروض وتعطيج

مسطرةالخام..وقولي طلبج واهيه علي تقولج افضل خام بالمحل...ومعلومه تقريبا نص المحلات


يشتهرون بخام معين...وعندج سرداب الدبوس بالفحيحيل محل اسمه مهاتي ..انصحج فيه وتشكيلاتهم

متجدده وحلوه........وعبايات للعزايم والترزز.......شادو والمتحجبه بالافنيوز.........وشوي فخامه وافكار

عبايات مشغل غايتي...للبصمان(24730036)...ويسولج عبايه رزه تقريبا 150....وعندج تهاني العتيبي

عبيها حلوه مقابل التجاري بنات...........وبالتوفيق

 

[نوال علي]

الله يفرج لج

سؤالي جم قميص نوم قصير اخذ وجم قميص نوم طويل اخذ وجم بيجامه اخذ ؟

وثانكس

 

[يا واد يا تئيل]

هلا اميره ..أشهر صالونين بالمنطقه العاشره...

1- حنان دشتي ابو حليفه مكياج شيماء

2- سهام ماجك عند سهام

واذا تبين رايي..روحي لمسة فن موفمبك واحجزي في اي بي بمية دينار شامل(نظاره وكريم جسم ومكياج وتسريحه

وكريم جسم وتركيب اظافر مع صبغ اظافر) يعني يضطونج وحطي عند المبدعه رشا(ياحلوها وياحلو نفسيتها)وقوليلها

حطي علي ذوقج وشوفي شلون تبدعلج

والحلوه نوال.........اخذيلج 8 قمصان نو م طويله.........و4 ميدي نص الساق.و15 قصير (واول قميص قصير تلبسينه لبس تحته

هيلا هوب شبك(يعني مستحيه)........ واخذي 20 بجامه كثري بجايم..........واخذي 5 بجايم ستان وحرير...............

اخذي من ضمنهم بجامه ستان بيضه او سكريه حق ثاني يوم صباحيتج......وعندج قمصان النوم نصيحه لاتاخذين غالي

عندج هاشم النقره....الجميع........ومجمع الايوب بالسرداب يهبل... وسوق مترو الفروانيه... وكرز واولادنا..بس قبلها دشي

موقع عضوة عندنا اسمها شهد العسل والله قمصانها ارخص من السوق...وعندج سداب الديره نزلي من الدرج اللي

يصير مطعم الرميح يسارج نزلي الدرج يصير المحل يساج كبير وحلو ودلاغاتهم شي شبك وشي فيونكه اخذي منهم

وطبعا فاشن مل قمصان نوم وبجايم بيت حلوه.........والبجايم لاسنزا واويشو وومن سيكرت وفاشن مل...وتقطعينهم

بالعافيه

 

[الحنينه]

ربي يفرجلج همج وهم غاليج ان شاءالله

صراحه بغيت أسألج شنو ابدي فيه اول شي ببدي اليوم ,,واي مكان تنصحيني اروحلهـ ,,

 

[ريومه2011]

ياحلوووووج...
ماشاء الله موضووعج حده حلوووو

ماببالي سؤااال الحين:bbbiu: تووي قااعده من النووووم:ch12: ومخي فااااااضي خخخخخخخخ

الله يجزاااااج الخيييييير يااارب :yaaaaaarb:

 

[شقاوه وحلاوه]

موضوعج روووعه مع اني متزوجه بس بتابعج قلبوووووو

 

[vanilla-D]

رد : رد: عرايس بجهزكم.....تجهيز vip .......آمروا تدللوا؟؟؟

شرايج بصالون برجوازيه مدحولي اياه حق ملجتي بس خايفه


يعطيج الف عافيه يا قلبي عسى الله ينولج اللي فبالج و يبعد الشر عن غاليتج

 

[alsn3aa]

رد : رد: عرايس بجهزكم.....تجهيز vip .......آمروا تدللوا؟؟؟

ابي جنآآط سفر تكوون حلوه ومو مكرره وين احصلهآ..؟
نفنوف اول يووم من وين اخذه اهم شي يكون نااااااااااااااااااااااااااااااعم ومو خبه
وابي مشااغل حق بدل ودراريع ... والارقآآم بليز>> هذاا اهم شي
مشكوره ع هالموضوع التوحفه

 

[Mrs. Honey]

رد: رد : رد: عرايس بجهزكم.....تجهيز vip .......آمروا تدللوا؟؟؟

مشكورة حبيبتي
شنو أحسن شي عند القرشي؟ سواء معمول أو عطورات
شميت مسك العروس وما عجبني كلش مو ذوقي

 

[شقاوه وحلاوه]

رد: رد : رد: عرايس بجهزكم.....تجهيز vip .......آمروا تدللوا؟؟؟

وين احسن صالون يسون فيه برنامج عروس واهم شي يكون عندهم ماسكات لشعر فديتج فد وفد

 

[عذبة السجآيآ]

قواج الله

والله يرزقج براحة البال انتي والاليه عندج

بسالج عن احلى محلات الجناط الماركه اللي بحدود 100 لـ 150

 

[إيموو]

ربـي يفرج عليج وينولج اللي في بالج ويخليج لأحبابج

تسلمين ما قصرتي مع الكل

مو بالي شي معين حاليااا

​

 

[يا واد يا تئيل]

الحنينه.........هلا اختي اعذرني توني دخلت......... تدرين احتفالات عيد الغاليه الكويت.........محد كاعدبيته......عساها ديره عامره بشيخها واهلها

ومشكوره حبيبتي عال الدعوه الحلوه.....اول شي ابدي بالشغلات اللي مايروح موديلها.........قمصان النوم......وبجايم الشقه.....وسوالف زكرتيه

شورتات جينز وبنطلونات سترج........وبديات.........ونفانيف قصيره........يعني ابدي حق زوجج اول شي...وقمصان النوم ذاكره المحلات فوق رد

علي استفسار.........والبديات والتنانير القصيره وبنطلونات ملونه سترج وبنطلونات جينز عندج فور ايفر 12 ... ونيو لوك...وسنتر بوينت...ورد تاغ

وماكس روعه ورخيص ... واتش اند ام..وطبعا مكانهم معروف بالافينيوز بالاضافه لحبيب الكل فاشن مل يجمع بجايم وقمصان نوم واطقم

ستيايين....... بالاضافه للاسواق الشعبيه اللي ذاكره اسميهم ..والله بنات لاتستهينون فيهم...وطبعا هيلاهوبات.......وشيلي علي صوب فلوس

الذهب ..بعد ملابس الشقه وطبعا اطقم الحمام(طقم روب وفوط حلوين عند انور)........ابدي بالذهب وبعدها

1- اشتري طقم شنط تحطين فيهم تجهيزج من سرداب الشايع...

2-استشوار + مكينه حلاقه فلبس الورديه+ستريتر

3-اكسسوارت الشقه (شباصات +تيجان+ماشات ملونه وسوده+اطقم سلاسل قلوب وتراجي+باندات)الله يخلي ابو اميه+كليرز+سنتر بوينت

4- مشط شعر+اصباغ اظافر+مكياج

5-تكرمين نعول للشقه من اويشو وسنتر بوينت وكعوب ريش ومن هالسوالف وشحاطات وجواتي كشخه وحاولي تسوينلج 4 اطقم متناسق

الجوتي مع الجنطه للعزايم(حولي تاخذين الالوان الرئيسيه طقم فضي وطقم ذهبي وطقم اسود وطقم فيه الوان)

6-بعدها اخر شي العبايات والدراريع وبدل العزايم وبدلتين للاستقبال وحده عند حمولتج والثانيه عند اهلج

7- بدلة العرس والمسكه قبلها بشهرين وعندج بدل العرايس احلي شي بشري العيدان وهيا الحوطي........مادري يبرزون العروس

8- قبلها بشهر برنامج العرس وصالون العرس...... وبالتوفيق

 

[يا واد يا تئيل]

ريومه......الله يسلمج حلت دنياج بغالينج من ذوقج حبيبتي....... انا حاضره باي شي يطري علي بالج

شقاوه وحلاوه.........عساني اشوفج عروس وتدخلين موضوعين تسأليني........اللهم امين........وحياج الساعه المباركه

 

[يا واد يا تئيل]

الحلوه فانيلا......... عاد صج احب الفانيلا خصوصا زيت فانيلا بودي شوب كل مااحطه يسالوني عنه مع انه قديم.......جني طلعت عن الموضوع؟؟

شوفي حبيبتي امانة انا شايفه وحده حاطه عندهم بعرس اخوها...بالعربي مكياج بيت.........اذا تحبين راقي علي ناعم وبارز...عندج الشرقيه

خيطان عند الايرانيه ليلي ما في غيرها بهالاسم...بس قولي عرس اخوي وقولي للرسبشن اب مكياج االثقيل ب35 ...وقولي حق ليلي طلبج

واذا عندج صوره لمكياج معين وريها.......والله راقي وحلو بمعني الكلمه وحلاته الملجه شكلج يكون نعوم لان بالبيت لو تحطين كحله تبرز...

وعسي الله يهنيكم ببعض ويسعدكم وتطلعين قمر بعين زوجج

 

[الحنينه]

ياواد<<يسلمووو وماقصرتي الله يوفقج ويشرح صدرج ان شاءالله


لي رجعهـ اقولج ان شاءالله

 

[يا واد يا تئيل]

السنعه......اذا تبين جنط مميزه عندج قزاز بالسعوديه اطقم عرايس ماعليها كلام........وعندج مجمع المثني روحي شوفي.........وعندج محل

انزل مستوي منهم بس عنده فرع بالمنشر يعني طقم الشنط تقريبا 120-140 ..........واذا تبين سوالف تقليد سرداب الشايع وانتي اختاري

اما بالنسبه لبدل العرايس.......بعطيج جم محل وانتي افتري واختاري........شخصيا جربنا بشري العيدان...وهيا الحوطي لبسيهم والله بدون مكياج

تطلعين شزينج واسعارهم فوق الالف....يعني 1300 وفي 1400 وفي 1500 وانتي صاعده وبدزلج عالخاص بدله ناعمه علي فكره وروحي

شوفيها... وبالنسبه للدراريع اول شي يبيلج 4 فخمين(انصحج خيطي 2 معارض حريم و2 من كتالوج وغيري بالموديل) وسوي وحده مغربيه تغيير

وسويلج 15 درعه 10 شغل وسط و5 نعومات وفيهم افكار........هم من المعارض وعندج البلوكات فوق بالديره شنو خيايط نفس الحريم علي

ارخص........ وحتي عندهم موديلات قصيره وانتي سويهم طوال وتقدرين تغيرين بالموديل....وبدزلج عالخاص......وموفقه ان شاالله