عدوني مشكلتي مع دكتوري بالجااامعه سااااعدوني ...

[..<< ندى الورد >>..]

اب اب

دكتورج قليل ادب شلون يحب وحده ولا مره شافها .،!

لا تتعلقين فيه لان مستحيل تاخذينه

 

[حجيه هيونه]

ديري بالج منه

ترا اكو ناس جذي ضعيفة نفس

لو جاد يتقدم

لو يبي يلعب لا تعطينه فرصة



ونصيحة لج ان قدرتي سيفي كلامه وصوري الشاشة

ماتدرين باجر يسقطج ويلبسج سالفة يكون عندج دليل عليه

 

[سحر الخيال]

هههه عجبني ردج حجيه هيونه خوش فكره اصور الشاشه احتياط
ومثل ماقلتي . ندى الورد جد قليل ادب انصدمت فيه بقووووه واكيد ماراح اتعلق فيه هالأشكال عارفتهم
والله يسامح اللي قالت اني استغله وابي يحط لي درجات الله يشهد اني ابي بس اتخلص منه وانا مومحتاجه لدرجاته الحمدالله انا مجتهده وشاطره بس من حقي اخاف يرسبني موشي هين بالنسبه لي ارسب

وعالعموم مشكوررين كلكم اطمنكم اني ماافتح ايميلي ابد عشان اتفاده واذا بفتح ارسل له الواجب وخلاص والله يكفيني شره ....

 

[مُخملْ]

حبيبتيْ ،
امسحيْ ايميله من المسنجرْ، الواجبات طرشيها له بال.hotmail
لاتعطينه مجالْ أبداً، قبل لاتحذفينه وقفيه عند حده خليه يعرف حدودهْ.

قوليله أنا ماتربطني فيكْ إلا علاقة طالبة بأستاذها ، دكتوري على عيني
وراسي بس هالكلامْ مارضاه على نفسي ، ومثل ماأنكْ تخاف على خواتك
خاف على أعراض الناس ! أنا متربية ومالي بهالسوالفْ تبي تلعب عندك
الف غيري بس أنا مارخص نفسي. !

احذفيه وخليج رسمية جداً وياهْ، لايهمجْ. المهم ان درجاتجْ توصلجْ مثل ماهي
وواجباتج توصله ويحط الدرجاتْ ، ومايقدر يسوي شيْ بدرجاتجْ . مب بكيفه يتلاعب!
لماتحسين بتلاعب بالدرجات روحي كلمي المشرفة على كليتجْ على طولْ :،
و. " من يتقِّ الله يجعل له مَخرجاً ويرزقه من حيثُ لايحتسب"



،

​

الله يبعد عنجْ هالناس اللي ماتخاف الله و يبارك فيجْ ويحفظج ويسهل أمرج

​

 

[فوق الثريا محلي]

ذكرتني بدكتور كان عندنا وسوا هالحركة مع كل البنات لين كم بنت اتشجعت وسوها سالفة و طردوه من الجامعة كان وافد