عدم النظافة (( تم تعديل العنوان من قبل الادارة))

[لمسة اناقه]

رد: خياااااس مو طبيعي !!!!

الله يعين بس
اذا على النظافه آمري على الخدامه وخليها تنظف كل يوم
وانتي ابدي بغرفتج والصاله على الاقل جدام الناس الي يجينكم يلاقون شي شنع
واخوانج لما يشوفون التغير انشالله بيعجبهم ونتي عاد اقترحي عليهم يرممون البيت والدوانيه عشان يتشجعون وكلمي امج تأثر على اخوانج
وانشالله سهالااااتوالي تقدرين عليه سويه

 

[آغلى حــب]

رد : رد: خياااااس مو طبيعي !!!!

الله يعينكم

 

[حكاية شهرزاد]

رد: خياااااس مو طبيعي !!!!

برنسيسة زماني حلت المشكلة ..

الفقر تراه موب عيب ..

هذا نصيبكم ..

حاولي تشتغلين .. وساعدي بالبيت وعدليه ونظفي ..

ودوامي على قراءة سورة الواقعه وادعي ربج بالرزق ..

 

[pure-poison]

رد : خياااااس مو طبيعي !!!!

انتي موظفه ومثل ما تشترين وجبات وعندج لابوب خصصي من معاشج لو 50 دينار كل مره صلحي شي واشتري باب و اشتري صابون وغيره وشوي شوي انتي والخدامه عدلو بهالبيت خو مسكينه امج مريضه والخدامه بروحها ماراح تعرف

 

[عاشقه رويشد]

رد: خياااااس مو طبيعي !!!!

البنات كفوو وفوو الله يعينج

 

[هدوء.]

رد: خياااااس مو طبيعي !!!!

والله انا رااي مثل رااي اختي بالضبط ..
جنى q8​

 

[AmoOona_29]

رد: خياااااس مو طبيعي !!!!

احلفي؟؟

هذا من اول مشاركه وجذي والله خووش

وبعدين شسالفة البيوت الوصخه ؟؟ امس وحده تشتكي من امها وبيتهم والحين انتي

موضة 2010 يعني؟

استغفر الله ياربي ماكوووو شغل

ترى ندري ان جذب :eh_s(4):

تضحكين وتتمصخرين على بيتكم هههه آآخر زمن وتقولين ويييع خياس مو طبيعي انزين شكو حاطه هالموضوع ؟

خل نفرض ان صج كلامج .. ليش ما تقومين تنظفين بيتكم ؟ عجزانه ولا رجولج مكسره ؟

خليج محترمه وخوش بنيه

 

[chakletaA]

رد: خياااااس مو طبيعي !!!!

سوووو خير وقطت بحر
<<< اخذي قرض بس لاتطلعين خياس اهلج هذول اهلج سترج وغطاج
ياما ناس فقر صاروا اغنياء بجهدهم وتعبهم
اتركي عنج الانانيه ان الله لايضيع اجر من احسن عملااااا
اكبر اجر انج فرحتي اهلج حتى لوووو ينكروون جميلج
مثل ماقلت سوو خير وقطت بحر انتي جزء من هالبيت
والبيوووووت اسرار
والحياااااااااااااااااااااااااااااااااااة جدا سهلا والله يعز الكويت

 

[كويتيه فالجبيل]

رد : خياااااس مو طبيعي !!!!

الله يكون بعونج يارب

 

[sunshine22]

رد : خياااااس مو طبيعي !!!!

الاخوان ما يسون للبيت شي

الا في حاله

الابو يكلمهم بينه وبينهم
كانو يحبون امهم حييييييييييييييييل مو علاقه رسميه لي كبرو تغيرو ومعودتهم على المشاركه
اعرف وحده كل شهر مسويه لعيالها جدول يجيلون للبيت خروف ودجاج وخضار وفواكه واغراض التمويل كل شهر كل شهر ماشالله
صار دوريه مو ماجله وبيوتهم مايدرون عنها
من الام <<<أسألي عن نوعيت الام


والبيت اللي مافيه بنات مو بيت لانهم هم السنع
وخير البنت لاهلها حتى لو اعرست تلاقينها تحن وتذكر اهلها بالخير
اما العيال يكبرون ويادوب يلحقون على بيوتهم

 

[مناير البيت]

رد : رد: خياااااس مو طبيعي !!!!

تبين الصج انتي كسولة وتحبين تتشكين وتبين حلول جاهزة ,,

اذا انتو على قد حالكم هذا مو عيب ,,

العيب انج تقعدين وتعيبين على امج وابوج هالشياب باخر عمرهم ,

العيال من عرفنا الدنيا وهم من يتزوجون ويجيهم عيال ينسوون اهاليهم والمشاغل تبعدهم الا من رحم ربي

انتي دامج بصحتج قومي بامج وابوج هذول رضاهم من رضى ربج وعن الصراخ الزاايد ابوج رجال كبير وشيبه

ومايتحمل الصرااخ فيج شدة عالصرااخ حطي حرتج بالشغل ,

ب 30 دينار تجيبين عدة تنظيف كامل ( اريال + كلوركس + فلاش امريكي+ اسفنجات وبروشات فرك +ومساحة )

ونظفي بيتكم بهدووء

واذا عندج زووود 30 دينار جيبي مال الكهربا حق الجمعية ويجي لي بيتكم ويعدل الكهربا من الى

وجيبي صببااغ واصبغي بيتكم ابيض دقي على هالصباغين وشوفي ايهم ارخص لج وصبغي ساادة

بعدي شوي شوي اثثي بيتكم اول شئ غرفة اميمتج وابوج جيبي سراير طبيه شكثرها وارخاص نفرين 45 اجيب لج رقمهم

وزوليه كبيرة شوي تحت سريرهم عشان انظف لهم

والحمد لله سوق الجمعة موجود واثاثة حليو ... وكل شهر ابدي بدار

وصدقيني لو تبدين بالشغل ابرك لج من الحلطمة

تراها سهالات بس اهتمي بامج وابوج حراام كسرو خاااطري

الله يعوضهم بالجنة ويرحمهم ,,

 

[@ الرسامة @]

رد : رد: خياااااس مو طبيعي !!!!

ما عليه حبيبتي

بس امج كانت شايلة البيت قبل لا تطيح


انتي الحين مكان امج واعتبري البيت بيتج وسنعيه بمعرفتج ايدج بايد الخدامة وترى ادوات التنظيف مو غالية وتظل معاج فترة طويلة يالله شدي حيلج وابدي بصالة بيتكم وروحي لوازم العائلة واشتري لمبات واذا مختربين دقي على الكهربجية خل يصلحونها


وانتي فيج البركة وما عليه الله ياااجرج

 

[((shoOoshoOo))]

رد: خياااااس مو طبيعي !!!!

ماكو الا تحنين على اخوانج هذي مو حاله
ماراح يصير شي لو كل واحد يقط 100 !

الله يفرج همج حبيبتي

 

[غرشة عطر]

رد: رد : رد: خياااااس مو طبيعي !!!!

الله لاتبلانا
اذا مانشم ريحة الديتول والصابون يوميا وباليوم 4 الي 5 مرات مانستانس
ماظن في بيوت وصخه وين عايشيين بالعصر الحجري استغفرالله
اظن السالفه مفربكه ومؤلفه

 

[بـــــــرور~]

رد: رد : رد: خياااااس مو طبيعي !!!!

امممم من ناحيه اخوانج ما اقول إلا الحمدالله والشكـــر والله يهديهم ~

أما من ناحيتج ج ج انتي بدال لا تكتبين موضوع اهني واطلعين حرتج
شدي حيلج وحرتج ابيتكم وربي يسأأعدج ~

ورايي من راي "منــآير البيت" وغيرها من البنــآت ~

تبين الصج انتي كسولة وتحبين تتشكين وتبين حلول جاهزة ,,

اذا انتو على قد حالكم هذا مو عيب ,,

العيب انج تقعدين وتعيبين على امج وابوج هالشياب باخر عمرهم ,

العيال من عرفنا الدنيا وهم من يتزوجون ويجيهم عيال ينسوون اهاليهم والمشاغل تبعدهم الا من رحم ربي

انتي دامج بصحتج قومي بامج وابوج هذول رضاهم من رضى ربج وعن الصراخ الزاايد ابوج رجال كبير وشيبه

ومايتحمل الصرااخ فيج شدة عالصرااخ حطي حرتج بالشغل ,

ب 30 دينار تجيبين عدة تنظيف كامل ( اريال + كلوركس + فلاش امريكي+ اسفنجات وبروشات فرك +ومساحة )

ونظفي بيتكم بهدووء

واذا عندج زووود 30 دينار جيبي مال الكهربا حق الجمعية ويجي لي بيتكم ويعدل الكهربا من الى

وجيبي صببااغ واصبغي بيتكم ابيض دقي على هالصباغين وشوفي ايهم ارخص لج وصبغي ساادة

بعدي شوي شوي اثثي بيتكم اول شئ غرفة اميمتج وابوج جيبي سراير طبيه شكثرها وارخاص نفرين 45 اجيب لج رقمهم

وزوليه كبيرة شوي تحت سريرهم عشان انظف لهم

والحمد لله سوق الجمعة موجود واثاثة حليو ... وكل شهر ابدي بدار

وصدقيني لو تبدين بالشغل ابرك لج من الحلطمة

تراها سهالات بس اهتمي بامج وابوج حراام كسرو خاااطري

الله يعوضهم بالجنة ويرحمهم ,,

والله يخلي لج امج وابوج وحبيبتي الجنه جدامج لا اضيعين الفرصـــه عليج
وديري بالج عليهم لأنه شكلهم مالهم غيــج ~

وإذا ابوج ع قده وما إييب إلا الشغلات الزينه حق امج " والله والله والله ما اقول إلا بالعافيه عليها"
يعني امج مريضه ومحتاجه هالشغلات اكثر منج وابوج شكله افقير على قده يالله يوفرها لأمج ~

وانتي بدال المطاعم سنعي بيتكم ابرك ليمن ربج يفرجهآآآآآ ~

 

[pretty maryoma]

رد: خياااااس مو طبيعي !!!!

انتي نظفي
و اذا اختلاف على اختلاف الالوان ..
الله لا يهينج ييبي صبغ و صبغي انتي و الخدامه شوفي فيديووات بـ يوتيوب شلون الطريقه و صبغي الكبتات
و رتبي الاثاث .. طلبي من اخوانج فلوس مو عيب ترى
والله يتنظف البيت ، الله يعينج ..

 

[وسواسية نظافه]

رد : رد: خياااااس مو طبيعي !!!!

احلفي؟؟

هذا من اول مشاركه وجذي والله خووش

وبعدين شسالفة البيوت الوصخه ؟؟ امس وحده تشتكي من امها وبيتهم والحين انتي

موضة 2010 يعني؟

استغفر الله ياربي ماكوووو شغل

ترى ندري ان جذب :eh_s(4):

تضحكين وتتمصخرين على بيتكم هههه آآخر زمن وتقولين ويييع خياس مو طبيعي انزين شكو حاطه هالموضوع ؟

خل نفرض ان صج كلامج .. ليش ما تقومين تنظفين بيتكم ؟ عجزانه ولا رجولج مكسره ؟

خليج محترمه وخوش بنيه

والله يا حلوه محترمه وغصبن عنج

 

[زهراء الركابي]

رد : خياااااس مو طبيعي !!!!

امبييييييييييييييييييييييييييه انتم بالكويت عايشين؟؟؟؟؟؟؟؟؟؟

 

[أمانيQ8]

رد: خياااااس مو طبيعي !!!!

السلام عليكم ورحمة الله وبركاته

انا يا بنات ودي اقولكم شي انا لايعه جبدي منه واللي اهو الخياس ( عدم النظافه) بالبيت يا بنات بيتنا مو طبيعي الخياس والوصاخه اللي فيه الاثاث كله قديم ههههههه اصلا ماكو اثاث اللهم زوالي بالصاله وقدييييييييييييييييييمه زوليتين ومخاد انا اول مره اشوف سيراميك وعليه مخاد وزوليه وطبعا السيراميك قديم ومكسسسسسر له 10 سنين محطوط ما تغير وفي غرفه فاضيه فيها سجاده من النوع السعودي الخفيف ومقطن وفيها سرير وكبت صغيرون وهذي الغرفه حق امي وفي غرفة ابوي ابوي مرققققعه من كل شي رقعه طبعا البيت كله مرقع ما يت على غرفة ابوي الصاله فيها زله حمرا والمخاد حمرا والستاره ذهبيه ومثل ما قلت لكم لو تشوفون شكله كل شي قذر ووصخ وقدييييم ابوي هم زله حمرا ونفس الستاره ذهبيه وسرير ازرق وكبت ابيض وكبت ثاني بني ههههههههه وحاطلي شي يقهر بعد واللي اهو كشنات سيارات والله قهر لا ومغطيهم بستاره وغرفة امي طبعا فاضيه بس سرير وكبت وهذي الغرفه كانت حمام حق اليهال حق عيال اخوي يجون ويبولون فيها اكرمكم الله ذاك اليوم ثلاثتهم بالو فيها قهر نجاسه اما غرفتي فا تترقع شوي ليش لاني على طول انضفها واهتم فيها وعلى طول مقفوله والله يابنات صرت اكره اطلع بره غرفتي بسبة القذاره والنجاسه السيراميك على طول وصخ ومكبوب عليه شغلات وبلاوي والله لا يوريكم الريحه ويييييييييييع اقعد بغرفتي ما اقدر اطلع طبعا البيت فيه باب رئيسي للشارع وباب داخل البيت يودي حق المطبخ يقولون ان عندنا مطبخ ههههههه المهم الباب اللي داخل البيت مافي مشيول كاسرينه اليهال فا الغبار والحر والرطوبه على طول داخ البيت والله اذكر بعز البرد امي حرام تقعد بالصاله برررداااانه من البرد بالشتا شسويت ابي امي تدفا حطيت على الباب بطانيه ووقفته جذي عشان ما يدخل البرد عليها والحين الرطوووبه كلها داخل البيت اما المطبخ مقابل هذا الباب وطبعا اليهال كاسرينه ومشيول مافي باب اما داخل المطبخ ما تكييف وححررررر وزهقه والطباخ خربااان ومرات يشتغل ما تقدريت تقربين صوبه من كثر الحراره اللهم يا كافي وطبعا ما شي اسمه ادوات مثل خلاط او مواد تنضيف هذي ما تمر عندنا خير شر ابوي يشتري تايد التقليد اللي ابو خيشه حق كل شي باالبيت حق الملابس حق المواعين وياليت مبين شي وتقولين البيت يتنظف لا ماكو واهو هذا نوعيته ما يرغي ما تطلع منه رغوه لانه مو اصلي وحتى الغساله خربانه لا وفوق هذا كله العفاريت اللي عندنا يحطون داخل الغساله واهي شغاله نعول ونعول حمام بعد وصارت الملابس كلاها نجسه طبعا اهو يجيب له وحق امي الاصلي ويخشه عنده وفي حمام اعزكم الله ريحته واصله ويييييين حنا عندنا خدامه مرات اهاوشهاا تكسر خاطري تقولي شلون انا ينظف ما في صابون او تقولي هذا خربان واهي صاجه ما في شي يسوى انج تنظفينه بهالبيت طبعا انا ملابسي بالمصبغه وحتى اكلي من المطعم صرت اشمتني من الوجبات لان اكل ما كو والله العضي لا فواكه ولا خضرا ابوي يجيب حق امي بس خضرا وفواكه وحليب كي دي دي ويخشه عنده وانا اقول حراام حق امي ما يصير اكل منه فيتامينات ماكو اكلهم اللي تطبخه مرت اخوي او الخدامه بس عيش ورق خضرا حشا ملجأ ودجاج الحمد لله على النعمه بس الواحد مل من كثر ما نفس الشي كل يوم خل اكمل على البيت وباقي البيت حوشه كله حوشه والحوش وييييييييييييع قذر ووصخ والله يا بنات انا نفسيتي تعبت ترى بيتنا ما كان جذي بس من طاحت امي انهدم نسيت اقولكم ان امي ما تمشي ولا تتكلم فيها جلطة بالمخ صج كنت انضفه كل يوم بس الحين احس خلاص كل ما شي يخرب نقطه ومحد يسد مكانه وابوي شايب ومعقد شوي يقعد يقول لا تجيبون ولا تحطون ولاتسوون خل يولي البيت ولا تامرين على الخدامه مالج شغل بالبيت كل يوم مشااااكل بسبة التنظيف انا الحين اقول خلاااص بالطقاق خل يولي خل يتنجس بالطقاق بس انا مليت والله وحر ما اتحمل اقعد فيه انا اقول الناس شتقول لما يجون بالعيد تخيلو حتى ليتات ما في ظلمه بس غرفتي اللي فيها

هذا القهر سبته اخواني الله يهديهم معاشات الواحد فيهم 3 الاف والفين دينار اقل واحد فيهم معاشه 600 انا ما احسدهم بس خل يقطون قطيه ويبنون البيت ويرممونه يبنون صاله حق ظيوف والله ما في الحريم اذا يو اقعدهم بالصاله وطبعا الرايح والراد يمر عليهم لان ماكو غرفة ظيوف وغير الفشله اللي ماكو ليتات بس ليت واحد وما في باب واااااااي فششششله الكل يقول انا ما عندي انا ما اقدر اقط وانا مالي شغل ليش ما اهو يقط لا تكلميني ومن هالكلام بس انا الحين خلااااص بترك قولولي شسويييي والله اكتب لكم وابكي قهر ترى انا والله كنت اخليه يلق لق بس انتو ما شفتو الحين شلون صاير وضعه كل شي منهدم ومدمر وما ففايده بتنظيفه عفيه افيدوني

خراب البيت شي ونظافته شي ثاني
يعني في ناس فقارى ماعندهم اثاث سنع ولا شي وبيوتهم تلق من النظافه\وفي بيوت مو بيوت عاديه قصور بس شوفيها من بره لاتشوفينها من داخل اوصخ من الوصخ نفسه هذا شي يرد على راعية البيت واللي فيه

بارك الله فيج اتنظفين غرفتج..تمام كملي احسانج ونظفي باجي البيت!!
والنظافه من الايمان

 

[ToOoTi]

رد: خياااااس مو طبيعي !!!!

لا تعتمدين على احد
وبعدين معروف الريايل لحريمهم وبس يعني الاهل داايم اخر شي يفركون فيه
كل شهر سوي شغلة مو لازم كله مره وحدة

والله يعينج