السلام عليكم ورحمة الله وبركاته
*الحمدلله الذي اطعمني هذا الطعام ورزقنيه من غير حول مني ولا قوة*
اشلونكم عزيزااتي الغاليات..واشلون اموركم
ان شاء الله كل شي تمااام وعال العااال:rerrerek:
سويت هالعدس اللذيذ..ومابقا منه ولا فتفوووته:bbbiu:
يصلح تاكلينه مع العيش..ولا الجبااتي الحاااار..ولا الخبز الايراني المحمش
( نبتدي بسم الله سبحانه )
تاخذين حوالي كوبين عدس احمر او اصفر وتنقعينهم بماي لمدة عشر دقايق وعقب نغسلهم ونتخلص من اي شوائب عالقه
نسلقهم بجدر بإضافة 4 اكواب ماي وشوية ملح .. تقريبا نخلي الماي يغطيهم بحوالي 2 سم.
وعقب 20 دقيقه من السلق نجيك عليه..واذا شفنا انه قارب على الاستواء نشيله على جنب لحين الحاجه.
بجدر..نحط كميه وفيره من الزيت ونضيف حوالي بصلتين مقصصين ناعم
ونحمس ..ليما يذبل البصل ويتشوقر..نضيف كميه محترمه من الثوم والزنجبيل المدقوقين وقرن فلفل صغير يعطي نكهة ولسعة حراره ..
ونحمس..ونضيف نص ملعقة اكل من:
البهارات المشكله+ فلفل اسود+ كزبره مطحونه
وربع ملعقة اكل من:
الكمون المطحون والكركم والهيل المطحون
ونحمس نخلي البصل والثوم والزنجبيل يتشربون البهارات عدل
ونضيف حوالي طماطتين مقصصين ونحمسهم مع حمستنا السابقه.
ونسكر عليهم غطا الجدر.. علشان يذوب الطماط من الحراره..ونفتح الغطا بعد فتره بسيطه ونهرس الطماط بملعقه كبيره..نخليه يصير مثل الصوص
ونضيف ملعقة اكل متروسه ( مليانه ) معجون طماط ..واذا حابه تزيدين براحتج..وراح يعطيج لون يشوق.
نحرك على نار هاديه..ونضيف قلاص ماي ..
نخلي الحمسه على النار الهاديه ليما تتسبك وتمتزج كل مكوناتها مع بعض بهالشكل.
نبتدي الحين نضيف العدس الي سلقناه على حمستنا..ونحرك العدس مع خليط البصل والثوم والزنجبيل والبهارات..ونضيف الملح..وتضبطينه حسب تذوقج ورغبتج للملح.
ونخلي العدس على نار واطيه..وتشوفين قوامه..اذا مناسب لج وحابته ..اوكي
واذا حابه العدس خفيف مثل المرقه..زيديه ماي حار وخففي قوامه.
بالنسبه لي احبه ثقيل شوي..ينفع مع العيش..او اذا حبينا ناكله على خبز وجبااتي.
وقبل لا اسكر عليه بدقايق..ضفت نص شدة كزبره مفرومه..تعطي طعم ولون وشكل..يمي يمي..
وقليت شرايح بصل بزيت زيتون ليما تكرمل البصل..تقريبا نفس حشو الكشري..
وجم قرن علوب احمر..شكله يبين حار بس اهو بارد..قصيتهم شرايح وشوحتهم بزيت زيتون .. أبي نكهة الفلفل والزيت مميزة .
تفضلوا يا احلى كويتيات.. احلى عدس دال..ولا الذ ولا اطعم.
* رجاءن حبيبااتي لحد يرد لو تكرمتوا..بكمل تنزيل الصور...
