عدسة السيراميك او القشره للأسنان منو مسويهااا؟

[الحنينه]

ما شاءالله دفوشه حلوين تباركـ الرحمن

دفوشه شنو الفرق بين الليمونير والفينير وأهما يعتبرون قشره صح؟؟وجم سعر كل واحد للسن؟؟شنو الفرق بينه وبين التلبيس؟؟عند اي عياده؟؟جك كلف عليج؟؟

^
^
سوري قرقت عليج واسألتي ماتخلص
عليج بالعافيه

 

[الـــدفـــشـــة]

ونستووني بنات برايكم باسناني

ياحبي لكمـ ^-^


الحنينه
والله الدكتور شرحلي شنو الفرق بس والله نسيت بس اعرف انه في واحد اغلى من الثاني
بس طبعا مو انتي الي تحددين تبين الفينير ولااليمونير الدكتور اهوه الي يحددلج
الليمونير السن الواحد على 200
العيادة الي سويت فيها اسناني عيادة بيان الي ببرج ليلى قالري بشارع سالم المبارك
وكلف علي 6 اسنان مع تنظيف وتبييض منزلي ب1300 وترى مسويلي دس كاونت

 

[أم جرآح]

علــــيج بألـــف عآآآآآفيه دفوؤؤووش
تتهنين فيهم يااارب ومشكووووره على تفاعلج والصووور اللي حطيتهم
بس ليش سويتي تبييض منزلي ليش مو عندهم؟
لان انا ابي كل شي عندهم مااالي خلق اسوي شي بالبيت
وهذي قشره صح موتلبيس؟ قالولي القشره لازم تنظيف كل اسبوع صج او لا؟

 

[الـــدفـــشـــة]

هذا لومنير << طبقه موقشرا مادري ليش مسكت كلمت قشرا خخ

وسويت تبييض منزلي اضمن واحسن صراحه
انا شفت اخوي مسوي تنظيف منزلي بالبيت من عيادة بيان بعد وماشاءالله اسنانه تهبل
فا قلت اجرب

 

[مس كاليفورنيا]

دفشه انتي امسويه ليمونيرز = للتعريف اليمونيرز مثل العدسه يعني قشره خفبفه من السيراميك على الاسنان بدون مايحك او يبرد الاسنان

اما الفينييرز = يحك الاسنان ويبردهم ويبدأ يلبس عاد


نبي توضيح من لبنات

 

[الـــدفـــشـــة]

اي انا مسويه الليمونير ياقلبي وبردهم لي لانه اسناني كانو لازم يبيلهم برد عرفتي انا سويت 6
اسنان والي بردهم لي بس 4 الاماميه لانهم شوي طالعين
واذا مابردهم لي راح يطلعون اكثر فا قرر انه يبردهم ووافقت
وصار شكلهم ارتب من قبل لانهم دخلو لي ورا

 

[سكتلز]

رد : عدسة السيراميك او القشره للأسنان منو مسويهااا؟

مشاء الله تبارك الرحمن الله يهنيج اختي دفوووشة شكلة الشغل واايد حلو وجنهم اسنان حليمة ماكو فرق
اهئ اهئ شكلي بسوي مثلهم لانة حطت لي الدكتورة تركيب حق 4 من اسناني ومو عاجبيني شكلي بروح واجملهم
بهالليمونير مادر ي شنو ..... <<<الله كريم
شكرا لج .

 

[زهر الرمان]

مشاءالله تبارك الرحمن دفشه وااايد حلوين اسم الله عليج
انزين اذا كانوا الاسنان مو مرتبين اشوي من جدام ينفع معاهم الومنير؟
ايعور؟ وله عادي
سمعت انه الومنيرز اقدر اشيله متى ما ابي وهم في جهاز البسه حق النوم عشان مايطيحون صح؟
لانهم نفس عدسات لاصقينهم؟

 

[الـــدفـــشـــة]

سكتلز تسلمين ياقلبي


...


زهرة الرمان الدكتور وراني اشكال والوان من الاسنان الي مومرتب والي اسنونه صغار
ووراني النتايج بعد تركيب اليمونير ماشاءالله رووعه

انتي روحي وسالي اذا يصلح حق اسنونج ولالا هم احسن انه الدكتور بنفسه يشوفهم

ولالالا اليمونير ابدااا ماينشال اصلا خلاص تنسين انه في شي على اسنانج مني لي 16 سنه جدام
وخفاف حيل مرات انسى اني حاطه لانه المؤقت كان ثقيل

وهم ارد واقول الافضل انج تروحين للدكتور نفسه واهوه يقولج شنو الي يصلحلج
الليمونير ولاالفينير ولاشي ثاني

واي سؤال انا موجوده

 

[جوري الكويت]

رد : عدسة السيراميك او القشره للأسنان منو مسويهااا؟

انا سو يت فيينر لاسناني 4 و تحسفت


سويتهم بعياده اسنان كلينك

عند منو سويتيهم

في ناس تمدح و ناس تذم هالعياده

و ليش تحسفتي ؟؟

 

[أحلى~من~الورد]

مشاءالله اختي الدفشه تهنين فيهم ان شاءالله
والله يوفقج ويرزقج بالزوج الصالح على صراحتج

سؤال حبيبتي انتي بس سويتي اسنانج اللي فوق

 

[الـــدفـــشـــة]

تسلمين على هالدعوه الحلوه
وعرسي ببداية الشهر الجااي حياج ههههههههـ فديتج والله
اي بس الاسنان الست الي فوق الي طالعين مع الابتسامه

 

[Drama.Queen]

ماشااااءالله الدفشه واااايد حلووووين شوقتيني


بس ضروسي الجداميين شووي ختربوا كنت حاطه تقوووويم وشلته وردوا الحين على خفيف


ودي اروووح

 

[أم جرآح]

upppp

 

[المعاناة]

الدفشة ماشاء الله لا اله الا الله قمر 14 ربي يحفظج
انا مشكلتي السنين الاثنين اللي جدام واحد فيهم كبير والثاني اصغر وبينهم فتحة يقدر يفيدني علاجج؟

 

[الـــدفـــشـــة]

مشكورين بنات على رايكم


المعاناة اي يقدر ياقلبي وعشان تتاكدين روحي واستشيري الدكاتره الي اهناك احسن
عشان تعرفين اكثر عن الليمونير

 

[سندريــــلا]

ماشاء الله دفشــــــه حلوووين اسنانج
تتهنين فيييهم ان شاء الله

انا ودي باللومينيرز وشوقتيني بروح اشوف

حرم الحوت
عند منو سويتهم ؟ وبجم ؟


مشكورين

 

[فنار الكويت]

ماشالله الله تتهنين يارب
ياريت رقم التليفون عشان ناخذ موعد واذا مواعيدهم قريبة ولا بعيدة

 

[فنار الكويت]

ماشالله الله تتهنين يارب
ياريت رقم التليفون عشان ناخذ موعد واذا مواعيدهم قريبة ولا بعيدة

 

[cherry67]

انا سويت عند عيادة الفوزان تلبيس قشرة السيراميك بس طبعا نحتهم وبعدين اخذ قياسات وبعدين ركب لي القشرة السيراميك بس طلعت وحدة ثانية غيررررررررررر
نيو لوك وبعدين يسوون لج خصم انا سويتهم ب 2000 دينار مع تنظيف مجانا وعلاج عصب بعد سويت 3 اسنان كله التوتال 2000 طبعا سويت 12 ضرس فوق وتحت واذا تبين اسم الدكتور اسمه بطرس-وعندج بعد دكتور حسام هم زين يمدحونه