^^^^عدت بقصتي الثانية (( بنات بو محمد في مهب الريح )) ^^^^

[Babya Doll]

يعطييج العااافية

 

[miss disaster]

حسين ياي مع اسيل


يسلمو وناطرين الياي

 

[so_what]

waiting

 

[fato_kw]

waiting

 

[Ayoumaa]

رد : ^^^^عدت بقصتي الثانية (( بنات بو محمد في مهب الريح )) ^^^^

waitiiing 3laa naaar p ;*

 

[so_what]

uuuuupppppp

 

[حبيبه امي]

ناطرين

 

[مجنونه A]

رد : ^^^^عدت بقصتي الثانية (( بنات بو محمد في مهب الريح )) ^^^^

ناطرين

بس لا تتاخرين علينا :yaaaaaarb:​

 

[الكونـتـيـسـه]

ثانكس على البارت

 

[سارووونه22]

ناطرينج حبوبة ويعطيج العافية ماقصرتي

 

[so_what]

ناطرينج

 

[P!NKia]

اتوقع حسين مع اسيل

 

[مجنونه A]

رد : ^^^^عدت بقصتي الثانية (( بنات بو محمد في مهب الريح )) ^^^^

حبوبه بسرعه حطي البارت لان حدي بعرف منو ؟؟

 

[عشيقة ريلها]

اتوقع حسين


متى تنزلين البارت الياي

نبي بارت طوييييييييييل

حدي متشووووووووقه

 

[تيشيرت اخضر]

واااو القصه رووعه بليز كمليهااااااا

up up up up

 

[sweet.sanfoora]

up up

 

[MaFaZ]

دخل حسين ومرته اسيل .. والغريب في الموضوع انها كانت لابسة قميص فضفاض وويهها اصفر ومالها خلق شي واهو وراها يساعدها انها تصعد عتبة الصالة اول ما دخل طاحت عينه على رباب لكنها ما كانت رباب كانت وحدة ثانية طريقة لبسها وكشختها كانت مو اهي رباب بنت عمته البنت البسيطة اللي على نياتها وعلى قد حالها كانت مرة واثقة من نفسها قاعدة مع الحريم ومختلطة فيهم ما تتفرق عنهم بشي

سلم حسين واسيل عالكل سلام عادي لانهم كانوا بيقعدون بالسفرة ...
رباب حست بقشعريرة مفاجئة واستغربت ليش هالقشعريرة انا احب شهاب وشهاب يحبني وحسين تزوج ومرته يمه ليش الحين مو وقته

تعوذت من ابليس وحاولت تركز بالاكل لكنها ما قدرت وبين عليها خاصة لما

امل: ربوب شفيج ما تاكلين ؟؟
رباب: ها .. مافيني شي قاعده اكل ..
رقية: اهي مادري شفيها صارلها فترة ما تاكل
هناء: اخاف تتنسى
رباب: مادري لا ماعتقد
هناء: يالله متى تيبين لنا ولد حلو ... انتي متى تزوجتي ؟؟
رباب: صارلي 8 شهور
هناء: اي صح انتي قبل حسين تزوجتي .. يالله تشطري وييبي بيبي فرحي حمولتج فيه بس عسى ما يصير فيج مثل اسولة
رباب : حامل؟؟
هناء: اي ما شاء الله ما تشوفينها ويهها اصفر

طالعت رباب اسيل .. وصج ويهها ويه وحدة تتنسى اصفر ولايعه جبدها وخالي من المكياج تييب اللقمة مني وتردها مني مالها خلق شي

رباب: الله يعينها
هناء: يعين الجميع ونتي رقية
رقية: انا شفيني
هناء: ماكو بيبي
رقية: مادري بس لاحقين .. خل نستانس شوي قبل السهر
امل: صدقتي

تمت رباب تقريبا اغلب الزوارة ساكتة ... وكل ما حصل لها فرضة طالعت حسين واهو قاعد يم مرته كل شوي يتطمن عليها وييب لها ماي ولا يقشر لها فاكهة ويعطيها .. لما ندستها رقية

رقية: رحمي حالج
رباب: شنو
رقية: ترا حدج مفضوحة ..
رباب: سكتي سكتي شتخربطين
رقية: يالله رباب نمشي
امل: وين ما شفناكم
رقية: شسوي امول معزومين ولازم نروح نتجهز
امل: انزين متى بتيون مرة ثانية ترا احنا كل خميس نتيمع تعالي كل اسبوع مو تقاطعون
رباب: ان شاء الله


سلموا عالكل وطلعوا ورباب بالها هدته مع احلى ذكرياتها .. الحب والشباب والمراهقة والنظرات ... الاثارة والخش والدس ومن ورا ابوها .. ومن ورا كل العايلة بالرغم من ان الكل فاضحهم .. تذكرت كلام حسين ووعوده .. تذكرت احلامهم تذكرت الدقايق المعدودة اللي كانت تجمعهم ... يسولفون فيها خطف عشان لحد يجكهم ..

وفجاة قطع حبل افكارها
رقية: يالله نزلي ربوب شفيج وصلنا

نزلت رباب واهي سرحانة .. وتمنت ان شهاب ما يكون في البيت عشان تقدر تسرح وتفكر وتتذكر على راحتها ولا شي ثاني يقطع افكارها


رقية حست بموقف رباب لكن ما توقعت ان واصل ليه هالدرجة لما دخلت عليها الغرفة

رقية: انتي شفيج من اول ما يينا من بيت خالي ونتي بوادي الاحلام اصحي شفيج انتي تزوجتي
رباب: مافيني شي انتي اللي شفيج مكبرة الموضوع
رقية: لا والله ؟؟ ربوب انا اختج مو امل ؟؟ بتقصين على منو حضرة جنابج ؟
رباب: اوووه مالي خلق شي رقية واللي يعافيج خليني
رقية: ماني مخليتج .. انزين قوليلي وريحيني انتي زعلانة او متضايقة او تفكرين بكلام هناء؟؟ ان اسيل حملت ونتي لا ؟؟
رباب: لا شكو
رقية: عيل شفيج ؟؟
رباب: قعدي وانا اقولج .. رقية انا احب شهاب ونسيت حسين من زمان بس .. بس مادري شقولج لما شفته تذكرت وبس ... ويمكن لحد الحين احس اني

غالية: يتحسين ؟؟
رباب: غالية ؟؟ ما تعرفين تطقين الباب؟؟
غالية: والله الباب مفتوح لما انتي واختج تسولفين عن غرامياتج
رقية: هييي انتي احترمي نفسج ... فهمي الموضوع وعقب تفلسفي
غالية: سمعتكم باذني يا جليلات الحيا لا استحيتوا ولا انتخيتوا ..
رقية: انتي اللي داخلة علينا وتتسمعين وهم تطولين لسانج حقيقة ما تستحين طلعي برة
غالية: اكيد بطلع وبعلم خالتي على سوالفكم
رباب: انتي من صجج امبيه غالية فهمي الموضوع بالاول
غالي: لا بفهم ولا شي .. اللي سمعته فهمته ولد عمتي شسوالج عشان تسوين فيه جذي
رباب: خليني اشرح لج ..
رقية: خليها تولي احنا شقلنا عشان هذي ياية تتهجم علينا وتتبلى

بدت رباب تبجي وتحاول بغالية اللي هدتهم ونزلت تحت تدور خالتها ولما لقتها

ام شهاب: خير يمه
غالية: من وين ايي الخير ونتي لفيتي لنا هالبدون اللي مادري من وين يايين
ام شهاب: انجعمي جعمج الله شالحجي استحي على وجهج سكتنالج وايد

واهني رباب نزلت من الدري تركض
رباب: غالية
غالية: اوكي اوكي يا عمتي بس لازم تعرفني ان جناينج المحترمات قاعدين بالدار يسولفون عن غراميات وحب
رقية : احترمي نفسج
رباب: (( تبجي ))
ام شهاب: بس ولا كلمة جب ... لا عاد ليه اهني وتسكتين يا غالية شنو هالكلام وشنو هالحجي ..
غالية : مو مصدقة سئليها كانت تتكلم عن واحد تحبه لحد الحين و ...

شهاب: اكلي تبن يا بن ال ..... حقيقة انج مو متربية والله لو ما انج مرت اخوي جان عرفت شسوي فيج

دخل شهاب واهو معصب النار يتطاير من عيونه عالكلام اللي سمعه من غالية ...

رباب: شهاب الله يخليك
شهاب: انتي صعدي ... (( بصراخ )) اخذي اختج وصعدوا
رباب: بس شهاب
شهاب: اقولج صعدي
رباب: ان شاء الله

صعدت رباب ورقية ووقفوا على حافة الدري يسمعون ورباب ميتة من البجي تبجي واهي قامتتتها

شهاب: يمه .. ناديلي ماجد انا بالديوانية
ام شهاب: يمه ما عليك من كلامها هذي تخربط مرت حما ولازم تسوي هالحركات اهي ما تقصد
شهاب: يمه ...... (( عيونه صارو حمر )) قلت لج ناديلي ماجد انا بالديوانية ...
ام شهاب: شفتي سواياج شفتي .. بالله شنو لزومه هالكلام
غالية: (( تبجي )) لا والله عمتي الحين اهم اللي يخربطون ويسوون سوالفهم واخر شي انا الغلطانة ؟؟ بالله انا شنو سويت ؟؟ والله اني سمعتهم باذوني هذي اللي بياكلها الدود انهم يتكلمون عن رجال غريب ..
ام شهاب: اذلفي ناديلي ماجد خنشوف اخرتها معاكم .. والله هالبيت مو ناقصة مشاكل وحرايج .. الله يستر بس الله يستر



تمت رباب ورقية قاعدين فوق على نار رباب بس تبجي ورقية ماتدري شتسوي غير انها تهديها .. تموا يدورون حل عشان يرقعون الموقف البايخ اللي انحطت فيه رباب ... الله ستر ان بدر كان طالع ومو وقته ردته الحين

ام شهاب تحت تفتر بالبيت جنها مينونة ... ماتدري شنو بيصير .. وشنو اللي صار .. وخاصة انها تعرف ولدها شهاب ليه عصب وحمق شيسوي ؟؟ وتمت تفكر وتحاتي وتدعي الله ان يعدي الامور على خير انها مو هينة ان ريال يسمع هالحجي عن مرته .. وان حركة غالية مو هينة انها يت وتكلمت على مرت شهاب بهالطريقة


وعقب ساعتين ونص طلع شهاب معصب من الديوانية اهو وماجد وصعدوا كل واحد على داره

ام شهاب: يمه شصار
شهاب: ما صار شي يمه .. شوي وانزل لج لا تحاتين
ام شهاب: شلون ما احاتي
شهاب: قلت لج خلاص يمه نازل
ام شهاب: علي كالله يمه لا تتسرع بشي حرام
شهاب: خير خير

صعد شهاب الدار دخل داره ولا رقية عند رباب تسكتها
رقية: استاذن

طلعت رقية من الدار واهي قلبها معلق مع اختها شنو بيصير وشنو صار تحت الله اعلم

شهاب: رباب
رباب: (( منهارة من البجي )) شهاب الله يخليك افهمني والله العظيم اني ما سويت شي والله وربي شاهد علي
شهاب: شششش خلاص سكتي (( حطها بحضنه )) بس خلاص لا تبجين بس عيونج راحوا
رباب: والله غالية فهمت الموضوع غلط احنا كنا نتكلم بموضوع واهي فهمت شي ثاني والله العظيم
شهاب: خلاص بس انا فاهم وماله داعي تبررين بس ششش سكتي اقولج

وتم نص ساعه واهو يسكت فيها .. حط ايده على راسها وتم يقرا المعوذات واية الكرسي لين هدت شوي ووقفت بجي ...

شهاب: طالعيني .. (( حط عينه بعينها )) شوفي انا لا يمكن ابدا ابدا افكر او اصدق لثانية انج ممكن تسوين هالسوات فيني .. رباب انا مو جاهل انا رجال فاهم وعاقل و اعرف اوزن الامور انا عمري 35 سنة يعني هالدنيا خبزتها طول بعرض .. بس سكتي ولا تبجين ولا تحاتين شي انا لما خطبتج يا بنت الناس نقيتج نقوة .. لعلمج انتي ما تدرين اني عسكرت جدام بيتكم شهر كل يوم اجي من العصر لين ابوج يدخل البيت بالليل اشوف شكو ماكو .. وبهالشهر ما طلعتي الا مرة انتي واختج وابوج ..

رباب: صج ؟؟
شهاب: اي صج مو مرتي ولا زم اتاكد انها تستاهل مني هالحب والحنان والاحترام والثقة ؟؟
رباب: صح ..
شهاب: عيل ليش البجي والزعل .. انا ادري ان الكلام مو هين .. انا عارف وبنت خالي لسانها زفر واطباعها ازفر .. وخليها تاكل اللي يجيها تستاهل
رباب: شلون يعني
شهاب: يعني خلاص راحت لهلها
رباب: شنو ؟؟؟ امبيه شهاب لا حرام ما يصير نخرب بيتها
شهاب: واهي ما كانت تبي تخرب بيتج ؟؟ يعني انا لو ناقص عقل جان جريتج من شعرج وحذفتج حذف بيت ابوج على هالكلام
رباب: اي بس
شهاب: لا بس ولا هم يحزنون خلاص هالموضوع مابيه ينفتح نهائي اوكي ...

اهني انطق الباب ..

شهاب: منو
انتصار: امي تبيك شهاب
شهاب: اوكي.. يالله انا نازل عند امي قومي غسلي ويهج وريحي ولا تفكرين بشي ابي اصعد الاقيج مافيج شي

واول ما طلع شهاب من الدار دخلت انتصار بسرعه
انتصار: شصار شصار ؟؟ يا ويلي ما مدانا نطلع شوي الا رجعنا الدنيا مقلوبة
رباب: مادري والله مادري انتصار (( تبجي ))
انتصار: بس خلاص لا تبجين ماكو شي ان شاء الله .. ادق الباب على رقية ما ترد
رباب: مادري عنها والله
انتصار: خلاص (( تلم رباب )) لا تبجين ولا شي ...
رباب: غالية وين
انتصار: احنا اول ما دخلنا لقيناها طالعه مع ماجد
رباب: صج : (
انتصار: اي سلمنا ما ردوا يوم دخلنا امي قالت لنا طراطيش حجي بس ما فهمنا الموضوع عدل



ماجد خذا غالية وداها بيت اهلها ... طبعا على اساس انها تتادب بس ماجد فهمها على ما تهدا الامور ... الوضع كان مستتب في البيت بس هادي سبحان الله اللي ينكسر ما يتصلح ...

وصج ان ماكو شي اثبت على رباب بس مو حلوة بحقها الحجي اللي انقال تمت رباب مكتئبة وضايق خلقها .. لا لها خلق اكل ولا لها خلق شرب ولا قعدة ولا قومة .. كثر ما يقدرون البنات حاولوا فيها لكنها ما كانت بالمود ...

ليلها مثل نهارها ونهارها مثل ليلها ... كانت تحس بالذنب على غالية وكانت تحس با



ضيقة من الكلام اللي انقال بحقها وكانت تحس بتانيب الضمير من معاملة ام شهاب وشهاب لها ... كانت معاملتهم عادية مع شوية برود ... مهما لو كان اتم غالية بنت اخو ام شهاب .. ومهما لو كان شهاب متفهم يتم الحجي اللي انقال مو هين ولا عادي ...


وفي يوم عالغدا

ام شهاب: ها شفيج رباب ؟؟
رباب: مافيني شي خالتي
ام شهاب: ما تاكلين
رباب: مو مشتهية
ام شهاب: ماكو شي بالطريج
رباب: مادري
ام شهاب: وجهج يوحي اليوم بوديج الطبيب نسوي تحليل
انتصار: اخذي رقية وياكم يمه
رقية: انا ؟؟ ليش
انتصار: حللي يمكن حامل انتي مو تقولين انها متاخرة عليج
رقية: لا نزلت امس
انتصار: اها ..


العصر لبست ام شهاب عباتها ونادت رباب
ام شهاب: يالله
رباب: وين
ام شهاب: شفيج ؟؟ الطبيب
رباب: حق التحليل ؟؟
ام شهاب: اي
رباب: بس اهي مو متاخرة علي هاليومين موعدها
ام شهاب: ما عليه مو خسرانين ..

وركبوا مع السايق وراحوا عيادة امراض نساء وولادة نزلت رباب على اساس تحليل لكنها انصدمت من خالتها انها تفتح لها ملف ..

رباب: شنو هذا خالتي
ام شهاب: فتحت لج ملف خنشوف شفيج تاخرتي جذي ما حملتي


سكتت رباب وبلعتها مثل الموس .. خنقتها العبرة لكنها حاولت انها تمسك اعصابها كثر ما تقدر ..

دخلت رباب عالدكتورة وجهزوها للسونار ...

الدكتورة : يالله يا عروسة .. رخي اعصابج وماكو شي ان شاء الله
رباب: اوكي (( متوترة )) خالتي لا تطالعين
الدكتورة : هههههههههههه لا تحاتين محد يطالع شي غيري
ام شهاب: ها دكتورة بشري
الدكتورة: ما سوينا شي خالتي .. كا الحين بسويلها سونار داخلي نجيك عالمبايض والرحم

ام شهاب: ها بين شي ...
الدكتورة: اي بين ..
ام شهب: شنو فيها شي
الدكتورة: اي فيها بس خلونا نتاكد تفضلي سوو هالتحليل برة
رباب: تحليل شنو
الدكتورة تحليل حمل

طلعت رباب وخالتها برة الغرفة وسحبوا منها دم وقلبها تم يدق بسرعه لين حست انها بيوقف .. وام شهاب تقرا بسرها وتفرك بيدها من التوتر ..

لين عقب خمس دقايق طلعت السستر .. : مبروك مدام حامل

ام شهاب: كلولولولولوللوللوولولولولوووووووووش (( تلم رباب ))
رباب: خالتي (( تبجي )) صج ..
ام شهاب: اي صج يمه صج .. مبروك يا قلبي مبروك ..

دخلوا عند الدكتورة مرة ثانية .. كتبت لها على فوليك اسيد وحديد وطلبت منها تحليل .. ونصحتها بالراحة لان بالاشهر الاولى المرة تكون عرضه للنزيف او لتحرك المشيمة ..

طلعوا من الطبيب وام شهاب طايرة من الفرحة كل شوي تطيح على رباب وتبوسها مو مصدقة ..

وصلوا البيت واول ما دخلوا ...

شهاب: ها يمه .. بشري
ام شهاب: كلولولولولولولووللولولولولولولولولوولووووووووووووووووووش
شهاب: يمه صجججججج ؟؟؟؟؟؟؟؟؟؟ (( التفت على رباب وشالها من الوناسة )) مبروك الف مبروك يا ام احمد
ام شهاب: وي وي خلها نزلها مو زين يا ولدي مو زين

 

[miss disaster]

واي وناسه بيصير عندهم بيبي

وغاليه وماجد لاتعليق

ومسكينه رباب ما ادري اذا كنت بموقفها شبسوي

يسلمو وناطرين الياي

 

[Babya Doll]

الله وناااااسة
قطييعة غالية ما تنبلع @@
يعطييج العاافية ;**

 

[دانة الكون]

وااااااااااااااااااااااااااااااااي فدييييتج والله ياربووووبه ونااااااااااااسه
بس غااليه تستاهل اللي يصير لها الله ما يطق بعصا كانت بتخرب بيت رباب بس بيدها خربت بيتها

وبليييييييييييييييييييييييييييييييييييييييييييييييييييييييييييييزنبيي بااااااااااااااااااااارت طوولتتتتتتلييييييييي علييناا واااااااايد
زمشكوووووووووووووووووره