^^^^عدت بقصتي الثانية (( بنات بو محمد في مهب الريح )) ^^^^

[miss disaster]

رد: رد : ^^^^عدت بقصتي الثانية (( بنات بو محمد في مهب الريح )) ^^^^

يسلمو على البارت وناطرين الياي

 

[fato_kw]

رد: رد : ^^^^عدت بقصتي الثانية (( بنات بو محمد في مهب الريح )) ^^^^

ثاااانكس عالبااارت

والله قاام حظهم ربي يتمم يااارب

waiting waiting waiting

 

[Babya Doll]

يعطيج الف عافية حبيبتي

 

[ح رؤف آلـ غ ـلأ]

رد : ^^^^عدت بقصتي الثانية (( بنات بو محمد في مهب الريح )) ^^^^

شكرا ع الباارت حبيبتي

والله يهنيهم بس اصدمتني رقيه ليش ماجهزت ويا رباب @@

وآآآي غالية شكو شكو شكو بترووح أووف هذي لو عندي ذبحتها استغفر الله

وناطريب البارت الجديد...​

 

[MeeMeeYoo_2]

رد: رد : ^^^^عدت بقصتي الثانية (( بنات بو محمد في مهب الريح )) ^^^^

كاااااااااك غاليه خوش دقره

قللللللللللعه


يسلموووووووو

 

[حقووقيــــــه]

احلى روايــــه !! تونــــس حدهاا . . وغريبه !!!
كل الروايات اللي نقراهم نكد وضقة خلق و اغنيا
بس انتي روايتج مو صـــــج !!!
وعسى ما رقيه تغير على اختها !!!! :eh_s(10):

ناطرينج حبيبتي . . لا تطولين علينا :eh_s(15):

:eh_s(21)::eh_s(21):

 

[so_what]

waiting

 

[سارووونه22]

يعطيج الف الف عافية وناطرينج حبوبة

 

[MaFaZ]

بدر يسوق السيارة ام شهاب بالصدر قاعدة جدام ورباب قاعدة ورا ولا حس ولا كلمة الكل ساكت لين وصلوا الاندلس نزلت رباب بيتهم وعقب 5 دقايق تقريبا طلعت اهي ورقية ... طبعا بدر ذاب على الكشن بسكات كان وده ينزل يخمطها من ايدها لكن فقير ما قدر ... دخلت رقية السيارة سلمت وقعدت يم اختها منزلة عينها وبدر كثر ما يقدر يحاول يبوق له نظرة مني لين لين تشتت انتباهها اللي فجأة طق بريك وما سمعوا الا هرنات


ام شهاب: يمه شفيك ... دير بالك ترا الشارع كله ميانين ... وي من اولها بتخلي رقية تقول عنك مستهتر

اهو اهني انربط لسانه كان بيرد على امه بس من يابت طاري رقية احتر وقام يعرق طالع امه وسكت

وصلوا سوق الذهب نزلوا وبدوا يتمشون بين المحلات ... وفجاة ولا حسين ومرته اسيل بويههم رباب طالعت رقية بسرعه حاولوا انهم يتصددون ما قدروا لان حسين دز اسيل عليهم واهو يقولها شوي شوي سلمي على بنات خالي

اسيل : السلام عليكم
رباب: وعليكم السلام هلا والله اسيل شلونج
اسيل : هلا فيج ... شلونج رقية
رقية: هلا والله ... شلونج ؟
اسيل : تمام .. وينكم من زمان ما شفناكم ما قمتوا تيون الزوارة
رباب: اعرفج اسيل هذي خالتي ام شهاب ام زوجي خالتي هذي اسيل مرت ولد خالي
اسيل: هلا خالتي شلونج
ام شهاب: هلا فيج يا بنيتي يا هلا ومرحبا باهل بنتنا
اهني رباب ابتسمت ونزلت راسها بالارض ... حسين انشق شقتين وانقهر مات بس رباب ولا طالعت صوبه حتى لما سلمت عليه سلمت واهي ما تطالعه ... ومن كثر ما تنح فيهم نسى يسلم على بدر .. لكن بدر راح صوبه وسلم عليه ... والهدف م نسلام بدر مو ان ولد خالهم ويبي يتعرف عليه .. .لا اصلا ماكان صوبه بس عشان كان يبي يوقف جدام رقية عشان حسين لا يطالعها ما يدري ان قلب حسين متعلق برباب ....

سلموا وخلصوا وكل واحد مشى بحال سبيله ... دخلوا ام شهاب ورباب ورقية محل من هالمحلات وتم بدر واقف برة جنه ناطر خبر ولادة يعني حاله من حال اخوه شهاب بس بدر بزود يا عينه امه متولع ومغرم وعاشق وحالته لله ... يحليله .. الله يرزقكم واحد مثل جذي بنات لان الريال من هالنوعية عجيييب لا رومنسي ولا جاف يعطي الحب حقه ... شوقه للمرة يحسسها باهميتها وهالشي يخلي المرة تبدع بالدلع وابراز انوثتها

المهم قعدت رقية وبدا الريال يطلع من هالشبكات و اطقم السبحات وطقم ورا طقم طقم ورا طقم

وليش ما بدر واقف برة يطالع الوضع ويشوف لكم البياع يخز برقية واختها اهو اهني فار دمه و قام يغلي بمكانه بس من صجكم سكت لالا

دخل المحل وخز البياع خزة و جندس على امه وقالها طلعوا

ام شهاب: خير يمه
بدر: بس ... البياع واطي ومو رجال قاعد يطالع حلالي
ام شهاب: يالله خلاص طلعنا

الحلو بام شهاب انها تثق بنظرة عيالها وحكمهم عشان جذي طلعت مع البنات ووقفت تكلم بدر وتشاوره

ام شهاب: شوف يا امك دام انك ما ترضى على مرتك ماكو الا انك تدخل معانا
بدر: شنو ؟؟ لا لا شلون ادخل وياكم
ام شهاب: اي يا ولدي لان اي محل بندخله بتلاقي البياع بيطالع هذي شغلته يا وليدي ادخل معانا واوقف ورانا وان شاء الله ماكو الا كل خير هي مسالة وقت وان شاء الله احنا مخلصين ادخل يمه اريح لك واريح لنا
بدر: بسس
ام شهاب: بس شنو ؟؟ لا بس ولا شي ادخل يمه ادخل شفيك ؟؟ ادخل

دخلوا محل ثاني ... البياع كان ادمي وعينه نظيفة ... كان ينزل الشبكات بس ما يحط عينه بعينهم ... ينزل ويوخر شوي عنهم .. عشان يتنقون على راحتهم .. بدر كان واقف وراهم بمسافة ..
طبعا رقية قلبها كان دنابق ... ومرتبكة مو عارفة شتسوي ؟؟
رباب: ها رقية ما عجبج شي ؟؟
رقية: امبلى كلهم حلوين
ام شهاب: اخذي راحتج يمه شوفي اللي يعجبج واخذيه ... عطنا موديلات ثانية نبي شي ناعم يمكن البنت ما عجبها
رباب: لا عادي خالتي بس رقية مستحية
ام شهاب: اي وبتعلميني فيها .. خذيت اختها قبلها
رباب: (( ابتسمت ))


طقم ورا طقم مضاعد ورا مضاعد .. اساور و خواتم وقلايد ... وشوي شوي خلصوا شغلهم من 3 محلات .... لين اخر شي قربت ام شهاب من بدر بتكلمه ولا اهو يسبقها ويقول
بدر: يمه خل ندخل هالمحل
ام شهاب: ليش ؟؟
بدر: ابي اهادي مرتي
ام شهاب: يا قلب امك انته يا بدر حنون وكريم مثل ابوك فطين وما تحتاج تعليم يوم اني طلعت لشروة شهاب علمته انته ما شاء الله عليك تفتهم بالمرة يا بختها فيك
بدر: ههههههههههههه يمه اسكتي بعدين اقولج
ام شهاب: شفيك تضحك علمني
بدر: مو شهاب اهو اللي معلمني
ام شهاب: ايا الهيس يا شهيب هههههههههههههههههههههههههههههه

دخلوا كلهم محل وقعدت رقية عالكرسي عبالها بيقعدون يمه وليش ما تقعد بروحها وبدر يقعد يمه اهي اهني اعتفست مرة وحدة ما درت شتسوي ما غير نزلت راسها لين ما بينت حدر العباية


طلعوا جم طقم على ذوق بدر وقالها
بدر: يالله يا شيخة البنات تنقي لج طقم
طالعت رقية اختها وخالتها اشرولها بعيونهم وعطوها الضو الاخضر لكن المشكلة اهي ما كانت تبي الضو الاخضر اهي كانت تبي مساعدة كانت تبي احد ينقذها من هالموقف .... فقيرة سخنت بمكانها

ومن كثر ماهي متلهوقة (( مرتبكة )) نقت لها طقم ما شافته عدل ...

خلصوا كل شي ركبوا السيارة ولا بدر شاريلهم برد ... رباب ورقية خلوا البرد بالجيس ما كلوه ... مستحيين من بدر ...
وبالردة كانت ام شهاب تسولف بس الكل مستحي ان يرد عليها الا اللهم بدر اللي كان يرد براسه عليها واهي تكمل سوالفها ..

قطوا رقية البيت ...... وردوا ام شهاب وولدها ورباب البيت
لما نزلت رقية كان احساسها شبيه بدرجة كبيرة باحساس رقية اول ما ركبت ويا شهاب السيارة لال مرة

لما شمت ريحة السيارة بعطرها الرجالي ... لما حست انها مرة وراكبة سيارة ريلها وهذي سيارة ريلها ... ومن هالسوالف فحست بدغدغة ووناسة بالرغم من الم فراقها مع زيد ...

يعني لو شنو كانت تسوي لو شنو كانت تحاول لابد ولو للحظة ترد وتتذكر زيد وعلاقتها فيه

اما رباب تمت سرحانة تفكر بحسين ومرت حسين لين وصلوا للبيت نزلت وصعدت فوق بسرعه حق شهاب ...
ولا شهاب قاعد يغتر

شهاب: هلا .. هلا يا بعدي حييي .. ها بشري
رباب: هلا فيك يا بعد عمري ... كل شي تمام ..
شهاب: بشري عن اخوي عسى ما خف جدام اختج
رباب: هههههههه حرام عليك شهاب لا والله ثقيل ما فيه شي
شهاب: زين اشوه ...
رباب: تبي تطلع ؟
شهاب: معزوم على عرس نسيتي ؟؟
رباب: اي صح ... يعني اليوم ما راح اتعشى وياك ؟؟
شهاب: من صجج انتي ... انا اهد العشا مع مرتي حبيبتي واتعشى عشا البوفيهات لا يبه شبعنا من البوفيهات بس الزين ما شبعنا منه
رباب: فديت قلبك عيل انا بسويلك عشوة تستاهللك ...
شهاب: لا خلي عنج الطباخ انا برد اتعشى فيج اليوم بحاول اتعشى فيج اشبع منج
رباب: يا ويلي ... لا شهاب ..
شهاب: لا ليش ؟؟ مو حلالي ؟؟ مو احبج ؟؟ مو اموت عليج ؟؟ شلون ما اكلج
رباب: يصير خير ..
شهاب: (( لمها من ظهرها )) تخافين اكلج
رباب: بصراحة ؟؟
شهاب: اي ؟؟
رباب: اي اخاف لان انته اليوم اللي تاكلني فيه انا ما اقدر انزل
شهاب: والايام اللي ما اكلج فيها
رباب: لا عادي
شهاب: عيل كل يوم باكلج عشان ما تنزلين
رباب: هههههههههههههههههههههههههههههه رحت فيها عيل
شهاب: اي عيل شلون ...(( يمسح على بطنها )) قوليلي ماكو شي بالطريج ماكو حمادة مني مناك ؟؟
رباب: مادري ...
شهاب: ممم شلون ما تدرين ؟
رباب: يعني مادري ماعرف بهالسوالف
شهاب: تبين اخلي ام شهاب توديج الطبيب ؟؟
رباب: لا استحي شهاب مابي الله يخليك
شهاب: ممم خلاص على راحتج
رباب: اللي الله كاتبه بيصير ..
شهاب: ونعم بالله اكيد .. يالله عيل انا ماشي تبين شي ؟؟ تامرين على شي
رباب: ابيك سالم وغانم مو تطول علي
شهاب: ان شاء الله شكلج تبين تنوكلين ههههههههههههه

طلع شهاب من الدار تمت رباب فوق لين وقت العشا .. ما نزلت الا حد الحد توها نازلة ولا الخدم يفرشون السفرة

غالية: كاهي السفيرة عزيزة نزلت

بالصالة كانت قاعدة خلود وانتصار وام شهاب وام جراح .. فالكل انصدم من كلمة غالية يعني كلمتها حدها قوية

رباب: الله يعز شانج ... تحرجيني والله يا مرت حماي


وقوووووووووووووووووووووووووووووووووووووووول ((goal)) هدددددددددددددفففففففففففففف

بصراحة يابتها ييب رباب زين تسوي فيها دقرتها دقرة ما تحلم فيها بس سبحان الله اللي يدق الباب اييه الجواب

انتصار: عاد مرت اخوي تشبه سعاد حسني
رباب: ههههههههههه صج عاد اشبهها .. شلنج خالتي ام جراح (( تبوسها ))
ام جراح : اي تشبهينها ليش ما تشبهينها نتي احلى منها
رباب: عن اذنكم
راحت رباب صوب المطبخ ... بس ام شهاب كانت متضايقة من قطة غالية اللي قطتها وسوت عمرها مو مسوية شي وقاعدة تطالع تلفزيون ... لكن مرة ذكية مثل ام شهاب تدري عدل سبب تصرفات غالية .... وانها محترة من الاهتمام الزايد برباب ... فهذا اللي مخلي ام شهاب ساكتة وحيرانة شلون تتصرف مع بنت اخوها من ناحية اهي بنت اخوها وتحبها .. ومن ناحية ثانية هم رباب بنت ناس ويتيمة و على نيتها ما تبي لها المغثة ... عمما رد رباب كان كافي ووافي حق استهزاء غالية يعني ما يحتاج تدخل من ام شهاب ...


حطوا العشا والكل قاعد يتعشى الا رباب تنقنق بالخيار والجبن

ام جراح : اكلي ليش ما تاكلين
رباب: مو مشتهية
ام جراح: اخاف حامل ... ها ام شهاب جنتج حامل
رباب: لا مو حامل خالتي
انتصار: يالله شدو حيلكم ونبي حمادة طولتوا
غالية: يعني ان حملت اليوم بكرة بتجيب لكم حمادة مثلا ؟؟
اهني انتصار اندقرت وسكتت وتمت تاكل ...
الكل سكت عنها لان خلاص اوراقها انكشفت وبينت غيرتها من رباب ...


كل شي تم الصالة انحجزت البوفيه التصوير كل شي كل شي ما بقى الا جم يوم ويعرس بدر على رقية وتيي رقية تعيش في بيت ام شهاب طبعا جناح رقية اصغر من جناح اختها بس كان عجيب بدر ماثثة بعناية ومزاج كان اثاثه وايد احلى من اثاث شهاب وارقى شي حلو ومرتب ومتعوب عليه وهو حده حايس بعمره .. وفي يوم دخل كان قاعد بالصالة انتصار وخلود وماجد وشهاب ..

بدر: اقولكم عطوني رايكم بهالساعه
انتصار: تجنن بدور يخرب بتيك ذوقك عجيب
بدر: صج ولا تتطنزين
خلود: لا والله صج تجنن لا وبعد مو هين من روائع جنيف
بدر: ها شباب شوفوها وعطوني رايكم
شهاب: عليك بالعافية
ماجد: حلوة يا ولد جان قلت لي جان سويت لك خصم حلو انا ساعاتي كله من روائع جنيف


طبعا ماجد حده عايش الدور كان كشخة ورزة وسكبة وكل شغله ماركات الجوتي عالقلم عالساعه لان نوعه وخاصة لما خطب بنت خاله خواله شوقه مصاريف عشان جذي ما تم عالوظيفة وبس ... لا تم يشتغل مني ومناك .. شراله حلال يربي ويبيع بكل شي .. اشتغل بالتجارة فما شاء الله يطلع له خير من فترة ليه الثانية عشان جذي مو مقصر على نفسه وعموما اهو من زمان جذي ... غير ان مزيون ما شاء الله فلايق عليه

انتصار: واي يا بدر الله يرزقني رجال مثلك يهاديني من هالحركات
خلود: اي والله مبخوتة رقية فيك خلصت شغلك
بدر: لا بطلع بعد شوي اشتريلي جوتي مكرمين
خلود: من وين ناوي ؟
بدر: مدري ... بس احتمال اروح فيرونا اللي بسوق شرق اقرب شي حقي لان عندي شغل بالديرة
خلود: اي حلو شغلهم ماركات
شهاب: يا ولد حرام تشتري جوتي ماركة غالي تلبسه يوم وتقطه
انتصار: لا شهوب بالعكس يقدر يستعمله يكش خفيه خو معرس
شهاب: والله مدري عنكم ... شفيه النعال
خلود: ههههههههههههههههههه لا مافيه شي
ماجد: بتنزف باي سيارة ؟؟
بدر: معتمد عليك
ماجد: ابشر عندي ... رولز رويس بو سالم
بدر: اي ظبطني وكشخني وانا اخوك ابي زفتي لا صارت ولا استوت
شهاب: كاهي الصالة ما راح يمديك تكشخ يا بو ناصر
بدر: لا وانا اخوك اعجبك حجزت فندق
ماجد: ما تشوف ابوي كل شوي يهاوشه ...
شهاب: وصباحيتك
بدر: مو عشا ؟؟ خلاص لكم مني العصر انا اهني
شهاب: وشفيني انا ما قدروا علي الا انا انته فندق وانت فندق
ماجد: من قالك تصير العود
شهاب: اي والله انشهد
بدر: ونتو بنات خلصتوا ؟؟
انتصار: الحمدلله كل شي تمام
بدر: هالله هالله بمرتي
خلود: يعني شلون شنسوي مثلا ؟؟ نشيلها على جتوفنا
بدر: بالضبط
خلود: ولي انته ومرتك ان ما قرصتها
شهاب: لا ولج بدر يموت يروح فيها
انتصار: هههههههههههههههههههههههههههههههههههههه
خلود: هههههههههههههههههههههههههههههههههههه
ماجد: هو بدر مو مضبوط بس انا اوريك فيه بالعرس اضبطه لك عدل قبل لا نزفه


اهني شهاب وماجد وبدر ضحكوا والبنات ما فهموا شي ... صعدوا خلود وانتصار حق غرفة رباب وتموا الشباب يسولفون ويضحكون

 

[6amni bs]

رد : ^^^^عدت بقصتي الثانية (( بنات بو محمد في مهب الريح )) ^^^^

يعطيج العافيه
كملي
ناطرين

 

[MeeMeeYoo_2]

غاليه حدها ملييييييييييقه

يسلمووووو

 

[Ayoumaa]

رد : رد: ^^^^عدت بقصتي الثانية (( بنات بو محمد في مهب الريح )) ^^^^

yslmoooooooooooooo 7abebtii 3l part ;**

 

[الكونـتـيـسـه]

يسلمو حبيبتي على البارت

 

[fato_kw]

روووووووووعه البااارت حده عجيييييييب


كملي واللي يعااافيج

واحم احم ناطرينج

 

[سارووونه22]

مشكوووووووووووووورة على بارت

 

[JaN JaN]

تسلمييييين عالبارت الحلو :aha:


وناااطرينج على ناار

 

[Babya Doll]

تسلميين حبيبتي
ناطريينج ;*

 

[MaFaZ]

يوم العرس ... هاليوم كان غير عن كل الايام في حياة بدر قلبه من اول ما قعد من النوم يدق مشتاق وده يطير لرقية ويلفها بحبه وشوقه

الشباب قاعدين يستعدون للعرس والبنات بالصالون ... رقية كانت معاها اختها مجابلتها .... رقية طلعت وااااااااااااااااااااااااااااو لدرجة انها طلعت احلى من رباب بيوم عرسها طلعت غير شكلها كان مميز وروعه الله يعينك يا بدر الليلة

التسريحة روعه والمكياج اروع لدرجة ان اللي تحط لها مكياج اعترفت وقالت انا ولا مرة طلعت عروس بهالجمال

لبست نفنوفها وودوها الصالة طبعا رقية دخلت على طول الصالة يعني ما اضطرت تنطر مثل رباب بيوم عرسها عشان جذي دشت على طول عالمعازيم محد طالعها قبل

فلما دخلت عالزفة الكل اندهش بجمالها لدرجة ان ام شهاب كتت عليها ملح .. طبعا غالية ماتت فركت بمكانها شلون تدخل رقية بهالجمال وهالرقة والكل يلتفت لها وينساها بالرغم من كشختها ورزتها وحلاتها بس هذا اللي صار

مرت ساعة ورا ساعه وبدر ذايب بمكانه
شهاب: اثقل يا ولد شفيك تفرك بمكانك
بدر: مافيني شي
شهاب: وين مافيك شي منت قادر توقف على بعضك
بدر: ما دقوا من صالة الحريم طولوا
شهاب: ما طولوا ولا شي الساعه توها 11
بدر: اولللللللله
شهاب: ههههههههههههه لا حول الله حالتك صعبة
بدر: استريح اشوفك عرست وشبعت والحين ياي تفصل على راسي دق عليهم شوفهم
شهاب: والله لو ما اني اخوك جان قلت هالولد قاضي خفيف خالص
اتصل شهاب على رباب وقالتله اوكي تقدرون تيون

شهاب: من حظك يالله دربك خضر لصالة الحريم .. ما قلتلي اي فندق حاجز
بدر: مارينا
شهاب: يييو شيودينا السالمية
بدر: هذا اللي لقيته ومدحوه لي
شهاب: يالله خل انادي ماجد


وطلعوا الزفة ... بو شهاب بالصدر بالرولز رويس ... وبدر قاعد ورا
وشهاب راكب حوت ... وعيال عمهم اغلبهم مواتر اللي بي ام واللي مرسيدس واللي جاغوار ... كانت زفته كبيرة ربعه وعيال عمه ... وجماعتهم اغلبهم مسايرينهم بالزفة

وصل بدر صالة الحريم وتماما مثل ما سووا حق شهاب سووله دخل بو شهاب وبدر وشهاب وماجد وعمامهم بس
طبعا رقية مغطينها كلها ... ما يبين منها شي
سلموا عليه وصوروا وعقب طلعوا حتى بو شهاب طلع لان كانت تعبان

جان تيي انتصار وتشيل الغطا عن رقية .... واهي شالته بدر استخف رسمي ... عيونه صاروا حمر وويهه يقط الوان لدرجة ان ما قدر يخش ويهها فضحه عيونه كلتها وشربتها وهضمتها بعد

الحروف والكلمات ما توصف حالة بدر ... حس انه طاير فوق فوق فوق كان وده يطق اللي قاعدين بالطوفة ويشيلها وينحاش فيها ... قلبه يدق وقام يعرق واختبص نوبة وحدة و بين مستحي وبين وده ياكلها


انتصار: بدر مرتك بتقوم ترقص لك قوم صفق لها
بدر: انطمي ماكو رقص خل تقعد لا والله اخلي العقال اييب على روسكم
انتصار: هههههههههههههههههه ليش امي تبي
بدر: لا لا مابيها ترقص حق احد غيري
انتصار: شوي شوي
بدر: نادي امي
جندس بدر على رقية : تبين ترقصين
طالعته رقية واشرت براسها لا واهي منزلة عيونها ... طبعا رقية كانت عيارة ومافيها حيا مثل رباب اوكي فيها حيا بس مو مثل رباب .. بس اهي كانت تبي تمسك بدر خاصة ان عيال ام شهاب معروف عنهم زينين حق المرة


ام شهاب : هلا يمه
بدر: مابي مرتي ترقص
ام شهاب: اي ما عليه مو لزوم من قالك ترقص
بدر: انتصار
ام شهاب: اوريها .. انا مابي جنتي ترقص الناس كلوها بعيونهم
بدر: اسمالله عليها ... انزين يمه يالله متى نقوم
ام شهاب: خل تخلص المصورة وتقومون
بدر: اففف يالله متى
ام شهاب: هههههههههههههههههه خلاص ووجع


على ما خلصت المصورة الا روح بدر مخلصة ... طلعوا وركبوا السيارة واول ما حرك فيهم ماجد جندس على رقية وقالها
بدر: شيفكج مني اليوم

اهني رقية تبريدت وقالت بقلبها رحنا فيها ....

وصلوا الفندق وصعدت ام شهاب وانتصار ... ساعدوا رقية فصخوها نفنوفها عقب ما المصورة خذت لهم جم صورة بالفندق و عقب طردو بدر وبدلوها ولبسوها قميص النوم ووصوها و طلعوا

واول ما طلعوا دخل بدر على رقية واهو بعد خلالالالالالالالالالالاص واصل حده جنه جدر على نار حامية مهو قادر يقعد بمكانه مو مصدق ان استفرد بمرته

رقية كانت قاعدة على طرق الغنفة وعلى طول ومن غير مقدمات يا بدر مسكها من زنودها من وراها

رقية: واي لالالالالالالالالالالالالالا (( تبجي )) لا لا مابي مابي

 

[6amni bs]

رد : ^^^^عدت بقصتي الثانية (( بنات بو محمد في مهب الريح )) ^^^^

يعطيج العاافيه
كملييييييي ناطرين

 

[MeeMeeYoo_2]

رد: رد : ^^^^عدت بقصتي الثانية (( بنات بو محمد في مهب الريح )) ^^^^

ناطريييينج

يعطيج العااافيه