رن تلفون رقية تطالع ولا منو انتصار ؟؟؟
رقية:" الو
انتصار: هلا هلا بمرت اخوي هلا فيج كلولولولولوش مبروك مبروك
رقية: الله يبارك فيج
انتصار: وي شفيج متضايقة رقية
رقية: لا مافيني شي ... شلونج شخبارج
انتصار: بخير كلنا بخير نسال عنج ومشتاقين لج .... امي تسلم عليج وايد وايد
رقية: الله يسلمها من الشر
انتصار: ادري ادري فيج منصدمة ما توقعتي بس شنسوي احنا كان ودنا نعلمج ونقولج بس عمي بو محمد الله يهديه مادري ليش كل شغلة بسرعه وما خلانا نزوركم اصلا انا توني ادري من رباب ان عمي قايل محد يعلمج
رقية : اي بعد ابوي الله يهديه صعبه اطباعه ما عليه
انتصار: رقية شفيج والله احسج مو على بعضج متضايقة من شي احد مزعلج ؟؟
رقية: لا ماكو شي عادي والله
انتصار: اخاف انتي مو راضية على اخوي ... امانة رقية قولي
رقية: لا محد قال جذي بس انا يايتني الدورة وتعبانة والله ماكو شي .. وصج مبروك عليج
انتصار: الله يبارك فيج ... وما تشوفين شر ان شاء الله قطيعه يا كرهها الدورة تجي باوقات سخيفة
رقية: اي شفتي شلون الظاهر من التوتر نزلت علي
انتصار: الله يعينج ... واي يا رقية ما تدرين شكثر استانسنا ان بدر صار من نصيبج ونتي صرتي من نصيب اخوي ونصيبنا
رقية: حبيبتي والله انا اللي احمد ربي ان انتو حمولتي .. مابي انصدم من هالدنيا اكثر
انتصار: يا قلبي لا تقولين جذي انا وخلود خواتج مثل رباب ويمكن اكثر واي شي تبين احنا بالشوفة
رقية: ادري فيكم ما تقصرون ...
انتصار: واي لا تشوفينه من اول ما ملج واهو الكشرة مو مفارقة حلجه يموت من الضحك ... اللي شفنا ضروس بحلجه اول مرة ندري انهم موجودين
رقية: ههههههههههههههههههههههههههههههههههههه
انتصار: صج شفيج انا اول مرة ادري ان بدر انيابه كبار بس الله وكيلج من الكشرة شفناهم ... اي ضحكي واستانسي ....
رقية: ضحكتيني هههههههههههههههههههههههههههههههههه
انتصار: هههههههههههههههههههههههههههههه انزين سمعي ما تيين لنا
رقية : لا ماعتقد خلاص ابوي ما يطلق سراحي الا بليلة العرس يمكن
انتصار: مممممممممممممم تتدبر افا عليج يختي ذبحنا ابي اشوفها وابي اشوفها لا وابشرج يبي العرس الاسبوع الجاي
رقية : شنووووووووووو لا واي لا خل ينطر ياربي
انتصار: من صجج انتي اقولج شفت انيابه تبينه ينطر ...
رقية : ونتي متى عرسج
انتصار: والله يا رقية مادري وماعتقد قريب لان اللي سمعته ان زيد ما يشتغل
رقية : اييييييييي الله يسهل اموركم
انتصار: امانة رقية شلون ام عيد هي جارتكم من عمر ونتو تعرفونها حيل
رقية : مافيها شي يعني من اي ناحية
انتصار: مادري
رقية: والله شوفي انتي مثل اختي وانا لازم اقولج بصراحة اهي نسرة بس جناينها نسور فمو قادرة عليهم ... بس امانة لا تقولين اني علمت عليها ادري اختي رباب ما راح ترضى
انتصار: وييييييييي حسرتي .... لا ما بعلم ..
رقية: اي اهي نسرة وما تتعاشر بصراحة وشايفة عمرها وماعتقد خطبتج الا لان تبي تتفشخر بنسابتكم
انتصار: خرعتيني
رقية: لا لا لا تخترعين ولا شي اذا نصيبج بتاخذينه غصب عن اي كلام
انتصار: صح كلامج انا بصلي استخارة والله يستر هذا زواج مو لعبة
رقية: اي زين تسوين
انتصار: خلاص يالله شوفيلج يوم عشان نطلع نجهز
رقية: اوكي بس هااااا انا ما راح اطلع اذا اهو موجود
انتصار : لا ما عليج انا اضبطها
رقية: منهي
انتصار: الطلعه
رقية: اي اوكي على خير
انتصار: خلاص اخليج حبيبتي واشوفج قريب
رقية: اوكي حبيبتي سلمي
انتصار: الله يسلمج مع السلامة
سكرت رقية الخط وانسدحت عالفراش تفكر وتتذكر كل يوم مر عليها واهي هاملة حياتها وكل تفكيرها شلون تتحمل ظيم ام عيد اذا قبلت و قلبها حن ورضت فيها جنة
ليش ما حلمت احلام وردية ... احلام تكون فيها اميرة ... ناطرها العاشق الولهان و يتمنى نظرتها ...
ليش ما حلمت ان يكون عندها غرفة كبيرة واسعه ماثثة ... بسرير عود ملكي ... الواحد ليه انسدح عليه ما وده يقوم ... و ميز تواليت متروس عطور فرنسية وعربية وعلب مكياج وحمر الوان واشكال وعلبة مجوهرات
وحمام خاص فيها فيه اغراضها الخاصة تدخله واهي مرتاحة ... ما تفكر ان زهيوي بيطمر عليها ولا يطير ولا تفكر احد يدرعم لان يدة الباب مكسورة ؟؟؟
ليش ما حلمت انها في يوم راح تطلع وتشوف الدنيا وتدخل سينمات ومطاعم وتتمشى عالبحر .. وفي المجمعات ... وتروح السوق تتسوق وقت ما بغت ..
ليش ما حلمت ان في واحد يبطل الراديو ويهديها اغاني واشعار ومقاطع ويكتب اسمها بتلفون حبيبتي .. ؟؟؟
ها ليش ما حلمت ؟؟؟؟؟؟ شالمانع ؟؟؟ بالله اهي شفيها شناقصها جمال؟؟ موجود مال؟؟ ايي مع المعرس ... دلال ... هم مع ايي مع المعرس ...
فزت فجاة رقية من على الفراش وشعرها منفوش وكاش من السدحة
وقررت انها تعيش حياتها وتدوس على كل اللحظات اللي عاشتها بهم وغم والم ونظرة وتوتر وتنساها لو شنو كانت حلوة او فيها شوق للماضي بين الفرع ومكتبة السنافر
خلاص يا رقية لازم ولابد من اليوم ورايح تلعبينها صحححححححححح
حطت ورقة وقلم وكتبت شنو تبي شنو ما تبي شنو لازم تشتري شنو لازم تسوي
عشان تطلع احلى واجمل عروس شافتها عين ... صممت وقررت انها تخطف الانفاس وتخلي بدر يطيح من طوله ... باسلوبها وجمالها
اتفقت مع خالتها امل انها اهي وبس يروحون السوق وهذا اللي صار ... كانت ما تروح الا اهي وامل السوق ... حتى رباب استغربت لما تسمع من رقية ان اهي وامل راحوا ولا قالوا لها ورقية كانت كل مرة تتعذر بشي وما راحت وياهم الا جم مرة
تمت رقية راسها براس امل ... تتعلم منها الدلع والحركات ...
امل: شفيج رقية ينيتي ؟؟؟ انتي عروس يعني مو وقته هالسوالف
رقية: اي ادري ادري بس علميني بعرف
امل: اعلمج ليش لا
وتمر الايام يوم عن يوم ويقرب العرس ويوم عن يوم رقية تتعلم اشياء يديدة
والحال على ماهو عليه ... الهام بدارها يا طالعه يا منثبرة بدارها شايلة ايدها من زواجة رقية ....
رباب: الو
رقية: الوين
رباب : لا والله ؟؟؟ حلفي تقصين على منو انتي شعندج شصاير
رقية: مو صاير شي ليش هالحجي ؟؟
رباب: مادري عنج انتي وامل خامرين مع بعض اربعية وعشرين ساعه مادري شتسوون ونتي ولا تتحجين شصاير
رقية: ههههههههههههههه ربوب عبالي عندج سالفة الحمدلله والشكر ماكو شي يايبه
رباب: عيل ليش مو قاعدة تاخذيني حق جهازج
رقية: يا قلبي ربوب ماكو شي وجان على الجهاز افا عليج كله اخلصه وياج
رباب: لا والله عقب شنو عقب ما خلصتي
رقية: لا يبه ما خلصت ولا هم يحزنون .. يالله اليوم شعندج
رباب: جبي جبي عشان جذي داقة انا .. خالتي تقول متى نوديج حق الشروة
رقية : مممممممممممممم شروة الذهب ؟؟
رباب: لا شروة الجاكليت هيييييي انتي شفيج
رقية: ههههههههههههههههه ربوب يالخبلة شفيج ينيتي شفيج معصبة
رباب: منج يا صخلة باطة جبدي يعني انا مو اختج يعني احنا مو مالنا احد الا بعض
رقية: اي ومن قال غير هالحجي
رباب: انتي ... قلبي ما راح يرتاح الا ليه قلتيلي شصاير
رقية: يايبه مو صاير والله م وصاير شي
رباب: ها عيل شصاير ... صاير شي مع زيد
رقية: اي زيد يمعوده خل يولي لا تيبين طاريه لا تلوع جبدي
رباب: مممممممممم عيل هالحجي يثبت لي اكثر واكثر ان في شي .. قولي شصاير لا احط عباتي على راسي وايي بيت ابوي ازنطج لين تنطقين
رقية: اوف اوف اوف قلنا ماكو شي ربوب لا انا اللي احط عباتي على راسي وايي بيتكم التج كف اصحيج من هالكابوس اللي انتي عايشته اف شفيج يبه ماكو شي ووالله صدقيني ما خلصت تجهيز مع امل باقيلي دراريع باقيلي مكياج باقيلي صخام
رباب: انزين بصدقج مع ان قلبي يقول غير هالحجي وما قلتيلي متى نوديج حق الشروة
رقية: مابي اروح
رباب: شنو شنو شنو شنوووووووووووووووووووو ؟
رقية: اي شفيج انا شعرفني بالذهب شفته من قبل شميت ريحته فانا شنو اقول روحي انتي بدالي وتشري عني انتي عالاقل اعلم مني وتعرفين
رباب: رقيو تحسسيني اني منقعه بسوق الذهب كلها مرة وكنت مستحية
رقية: اي ما عليه على الاقل مريتي بهالتجربة
رباب: شوفي رقية انا صج اكبر منج بسنة بس اعرفج وكاني توامج انتي شنو يدور في بالج بالضبط انتي ماتبيني اروح بدالج الا في بالج سالفة قولي نطقي
رقية: ممممممممم تعجبيني يا بنت بو محمد ... شوفي اهي لا سالفة ولا هم يحزنون بس انا مابي بدر يشوفني وبس هاي هيا
رباب: هاي هيا .... مممممممم والسبب ؟
رقية: ماكو سبب معين مادري ابيه يتحقرص
رباب: ايا النمسة ياليتني ما قلت لج ان ميت عليج .. ولج حرام عليج امس جكيته كاتب اسمج عالكلينكس من زين اسمج
رقية: ههههههههههههههههه صج
رباب: اي والله ... ترا الكل يقول اول مرة يشوفونه جذي ما كان جذي واي عشتو طلعتي تجبرين وتاسرين
رقية: عشون عيل حبيبتي عبالج هينة
رباب: انا اقول تركي عنج هالربربة وعشان خاطر خالتي ام شهاب مو حلوة انج تكسرين فيها وما تروحين
رقية: مممممممممممممم
رباب: صدقيني اهي ما راح تحط في بالها انج ما تبينه يشوفج ومن هالحجي وانج تبين تولعين قلبه ... وبعدين حتى لو رحتي ترا احتمال كبير اهو ما يوديكم
رقية: بهذي كلامج صح حتى لو اهو دانا مو مهم بس خالتي ام شهاب خوووش ادمية
رباب: اي ومابيها تقول اني طاوعتهم ونتي خالفتيهم وانج غير عني ... انا زينة وانتي ازين مني واحنا نعرف الاصول صح ولا لا
رقيةك صح كلامج اختي الكبيرة خلاص شوفي شنو اللي يناسب بيت خالتي وانا حااضرة
رباب: عفية عليج تفتهمين هههههههههههههههههههههههههههههه
رقية: جبح ويه ... بس شرايج فيني وانا اقول بيت خالتي
رباب: اي اي وناسة رقية واي ماني مصدقة انج بتيين عندي وبنرد قراب مثل اول
رقية: اي واي وناسة ..... هذا اونس شي بالموضوع بس من الحين اقولج مو كل شوي تيين وتزعجيني
رباب: لا والله حلفي ؟؟ وايد عايشة الدور ذلفي ذلفي الشرهة علي اللي داقة اشوف خالتي متى بتوديج السوق وادق عليج مرة ثانية باي
وتم تحديد الموعد ... حق شروة الذهب .... يومها بدر ما قدر ينام ... وتكشخ جنه رايح يعرس كل هذا عشان بيكون مع رقية عن قرب
شهاب: يمه وين بدر
ام شهاب: مو بحجرته
شهاب: لا ماكو
ام شهاب: يمكن بالديوانية
شهاب: لا ماكو توني ياي منها
ام شهاب: مدري يا امك شوف وينه يمكن عند البنات ولا المطبخ
شهاب: خنشوف خل ادوره .. اذا شفتيه شي ناديه خل يجيني انا بغرفتي
ام شهاب: على خير وقول حق ربوبة ما تبي تجي ويانا الشروة
شهاب: ليش تجي ؟؟؟
ام شهاب: لان غالية بتجي
شهاب: شنو ؟؟ واهي شكو تروح معاكم
ام شهاب: شش لا تسمعك
شهاب: خل تسمع .. اخوي وينه
ام شهاب: مافيها شي خل تجي ... شروة حماها
شهاب: يمه واللي يرحم لي والديج اذا انا اختها ماني مخليها اهي شكو تروح قولي لها ماكو روحة ورباب بتروح
ام شهاب: بسس ....
شهاب: لا بس ولا شي وانا ماجد بكلمه
ام شهاب: اللي تشوفه
صعد شهاب متضايق غرفته بس اول ما شاف رباب ارتسمت على ويهها ابتسامة
شهاب: شنو هالزين ... شنو هالحلات
رباب: صج .. عجبتك
جان يتلها ويلمها
شهاب: شلون ما تعجبيني انتي الزين والحلا كله ... ياربي الحين شلون اكلج ونتي بتروحين
رباب: وين
شهاب: شروة اختج .. كلش مو وقته بدر هو ومرته
رباب: ههههههههههههههههههه
شهاب: افييييييييييييييه يخرب بيت من حرمني من هالضحكة
رباب: تحبني
شهاب: احبج واموت فيج وعليج .... اصلا انا عاشق وطاير فوق هالغيم اسبح بحبج
رباب: يا ويلي فديت هالكلام الحلو
شهاب: فديت من جابج
واهني انطق الباب وقطع على شهاب غرامياته
شهاب: منو ... منو ...
بطل شهاب الباب ولا بدر طلع له وراحوا لغرفة بدر
بدر : امر ياخوي امي تقول تبيني
شهاب: اي بغيتك ....
بدر: سم
شهاب: سم الله عدوك .. الا قولي شعندك كاشخ جذي .. لا يكون عبالي رايح تعرس
بدر: ها .. لا عادي مو كاشخ
شهاب: ولك وين مو كاشخ تلق لق وتلمع
بدر: لا عادي يمكن عشان متسبح
شهاب: (( طالع اخوه وابتسم )) ولك شفيك ... شفيك منثول .. يا ولد اثقل شيقولون علينا
بدر: (( سكت الفقير ما يدري شيقول ))
شهاب: الحين انتو بتروحون تشترون حق بنت الحلال ذهب لا تقصر معاها وباخر الشروة هاديها واحلو كثر ما تقدر اثقل ولا تكلمها تلاقيها متوترة تراهم على قدهم لا لهم ولا عليهم ..
بدر: لا توصي حريص ياخوي
بدلت رباب ونزلت تحت تنطرهم يخلصون ولا الاخت غالية نازلة تتمطخر بعباتها
غالية: ها بتروحين معانا
رباب: (( منصدمة من وقاحتها )) اي بروح
غالية: عاد السيارة ما تكفي ...
وما مداها تتويقح على رباب الا بدخلة شهاب
شهاب: ها مرت اخوي وين اخوي
غالية: مادري
شهاب: اييييي... بتروحين بيت خالي ؟؟
غالية : لا بروح الشروة
شهاب: ايي لا انا اقول ماله داعي اختها وامي واخوي كافي
اهني غالية بغت تنفجر من القهر ... وان شلون ما تقدر ترد على شهاب وشلون شهاب قعدها اهو منو عشان يتامر عليها لكن بنفس الوقت ما تقدر تبين انها انقهرت
غالية: اصلا انا مابي اروح بس خالتي هي اللي اصرت
شهاب: اي يالله ما عليه ... لان السيارة ما تكفي
