^^^^عدت بقصتي الثانية (( بنات بو محمد في مهب الريح )) ^^^^

[توتا كويتيه]

حبيبتي ما قصرتي

والله يوفقج ولا تضغطين على روحج اهم شي دراستج

 

[Strawberry Shortcake]

يعطيج العافيه على البارت

 

[so_what]

موفقه ان شاء الله

 

[miss disaster]

موفقه

 

[دنيتي غريبه]

yalla khetoo na6reeeeeeeeeeeeeeeeeeeeeen
b a7r mn iljmr

 

[Ms.asoOola_q8]

القصه حدها اتينن اتمنى ماتوقفيين .. موفقه حياتي ;p

 

[Ms.asoOola_q8]

مشكوره عالبارت ياقلبي
وموفقه انشالله بالامتحانات ..

 

[MaFaZ]

تقريبا خلصت رباب كل شي .. ما بقت الا تفاصيل بسيطة جدا جدا ... وحتى رقية شرت لها نفنوف وجهزت نفسها للعرس كانوا معتقدين السالفة سهلة نفنوف وصالون وخلصنا .. لكن بالرغم من هذا وذاك .. تسلوا واهما يطلعون ويردون يعني تجربة ما مرت عليهم م نقبل .. وخاصة انهم لا طلعه ولا دخلة .. اللهم الطلعات البسيطة اللي الهام تاخذها معاهم ولا الحريم اللي يزورونهم .. ولا طلعات السوق النادرة اللي يروحون عشان يشترون شي ناقصهم من وين ليه وين ..

المهم ان العرس قرب ..

كان شهاب كل ما يقرب العرس يفكر اكثر .. يعني تفكير اي معرس في مكانه .. يفكر ان يوم العرس قرب .. يعني حياته راح تتغير ويصير ريال مسؤول .. عن بيت وزوجه وطفل في المستقبل .. لكن بين هالتفكير وذاك التفكير يتذكر ان بيصير معرس وعلى قولتهم راح يخش دنيا .. ويتذكر شكل رباب بعفتها وحياها ويستانس ان بيودع حياة العزوبية وبيصير ريال متزوج يقوم ويقعد ويمشي ويطلع ويسافر مع مرته .. عيال بو شهاب كانوا وايد زينين مع حريمهم .. لان الحب ما يطلع الا على بذره .. بو شهاب وايد زين مع ام شهاب ..

بدر: ها معرسنا
شهاب: هلا هلا ..
بدر: مبروك مبروك والفال لي
شهاب: اييييي لازم ما بقينا الا انا وانت و سالم
بدر: الله كريم ان شاء الله .. ها كل شي تمام
شهاب: ان شاء الله
بو شهاب: ها .. قاعدين لحد الحين شعندكم

فزو لما ابوهم دخل
شهاب: (( يبوس راس ابوه )) هلا يبه .. حياك .. تفضل
بدر: (( يبوس راس ابوه )) هلا يبه تفضل حياك حياك ..
بو شهاب: (( يقعد بنص الديوانية بالصدر )) يحييكم تعشيتوا
شهاب: لا ما تعشينا ناطرينك
بو شهاب: اي عيل خلهم يحطون لنا عشا .. انا قايل حق امك تسويلي مرقة بامية اليوم مشتهيها ..
شهاب: ان شاء الله (( مسك التلفون )) الو يمه نزلوا العشا الديوانية انا وابوي وبدر .. يالله كاي الحين ينزلونه ..
بو شهاب: الا وين ماجد ..
شهاب: بديوانية بو نصار ..
بو شهاب اييييي .. ها معرس جاهز ..
شهاب: ان شاء الله والتوفيق من الله
بو شهاب: ان شاء الله ان شاء الله ..
بدر: يبه تكفا زوجني بعد شهاب ...
بو شهاب : شتبي بعوار الراس بعدك صغير ..
بدر: تنطروني اصير كبر شهاب؟؟
بو شهاب: شهاب والله مدري وشاللي بلاه عشان ما تزوج لحد الحين .. ونته عارف انا ما اضغط عليكم بس انت صغير بعدك
بدر: يبه مو بالعمر .. انا رجااااااااااااااااال ..
شهاب: هههههههههههههههههه امحق رجااااااااااااااااااال ..
بو شهاب: يصير خير ان شاء الله
بدر: ابي وحدة على ذوقك يبه ..
بو شهاب: والله اظني بو محمد عنده بنت ثانية .. خنشوف امك وان شاءا لله خير ..
بدر: اي يبه تكفى مابي وحدة من الجماعه ابي غريبة ..
شهاب: شمعنى
بدر: يا عمي انته شايف ماجد وشمسوين فيه خوالي ..
شهاب: اييييي صدقت
بدر: والله .. وانا من وين لي 15 الف دينار مهر وعرس بفندق غير الشروة والعشيات والغديات ..
بو شهاب: والله لو ما اخوك حنج على بنت خالك ولا جان ما ناسبناهم غير امك من خوالك لا تطلع ..
شهاب: اي خوالي الله يهديهم مادري شفيهم .. يعني ماجد ولدهم مادري شلون طلبوا منه كل هالطلبات ..

انطق الباب ..
شهاب: العشا وصل ..

دخل شهاب العشا وحطه جدام ابوه واخوه ..
بدر: عنك عنك .. .(( يحط العشا جدام ابوه واخوه ))
بو شهاب: هاكم اكلوا بصل يقوي ظهوركم
شهاب: بدر خل البصل خلني بس انا وراي عرس ابي ظهري يقوى
بدر: يمعوده خلني اكل بصل يمكن ابوي يحن علي ويزوجني ..
بو شهاب: عاد جايب لكم حليب نياق .. يشد ظهوركم عدل ..
شهاب: يبيله من زمان مو شاربين .. من وين جايبه ؟؟
بو شهاب: من ياخور عمك بو مفلح ..
شهاب: اييييييي عاد نياقهم طيبة .. وحليبها طيب ..


تموا بو شهاب ويعلاه يدردشون .. لين انضم لهم ماجد .. قعدوا سوالف وضحك وسهر وتلفزيون بالديوانية لين كل واحد سرا داره ..

شهاب: ها خلود مو نايمة ..
خلود: لا وين .. مافيني النوم ..
شهاب: وين انتصار
انتصار: انا كاني ..
شهاب: ها شلونج نونو
انتصار: بخير الحمدلله .. ها معرس جهزت شغلك
شهاب: لا باقيلي نعال عزج الله ..
خلود: واي نعال ليش ؟؟
شهاب: مجنونة انتي ؟؟ شتبيني البس جوتي بهالحر ؟؟
انتصار: اي خذ لك نعال سكبة ..
شهاب: اي هذا هو .. بروح مجمع المثنى صاحبي يقول فيه محل نعل طيبة او بروح المهلب ..
انتصار: تمام تمام
شهاب: ليش مو نايمين ..
خلود : نسولف عن عرسك ..
شهاب: شتسولفون فيه باله
انتصار: ماكو كنت اسولف عن ربوبة
خلود : اف جلونا في مرتك ميتة واشوفها
شهاب: ليش ما تروحين تشوفينها لما يروحون ؟؟
خلود: اكون نايمة ولا ادرس ولا مشغولة ..
شهاب: يا سلام عليج .. ياله ما عليه قريب تشوفينها .. عاد هالله في مرت اخوج العود
انتصار: بعيونا
شهاب: طيبة يا انتصار الله يرزقج على قد نيتج
خلود: وانا شفيني يعني ؟؟شريرة ؟؟
شهاب: انتي حيزبونتنا .. انتو بشروا خلصتوا شغلكم ؟؟
خلود: اي واخيرا خلصنا ..
انتصار: اي خلصنا بس مو ناقص الا اليوم المرتقب ..
شهاب: ان شاءالله .. وين ام شهاب ؟؟
انتصار: نامت من زمان ..
شهاب: يالله على خير .. تصبحون على خير خل اروح انام
خلود: قبل لا تنام شهوب بتروح الصالون
شهاب: اي صالون ؟؟
خلود: تسوي سنفرة .. تنظيف بشرة
شهاب: شنو هالسوالف .. لا ما احب
انتصار: لا سو سو .. الله يخليك يطلع وجهك ..
شهاب: يصير خير .. يالله روحوا ..

قام شهاب نام .. ومن ناحية ثانية كانت رقية تتقلب بالفراش حالها من حال رباب ..
رقية: ربوب
رباب: ها
رقية: نمتي
رباب: نص ونص
رقية: اوكي
رباب: انتي نمتي ؟؟
رقية: يعني شلون قاعده اسألج وانا نايمة ؟؟
رباب: انزين خوووووووو كليتيني ...
رقية:" اوكي سوري
رباب: خايفة
رقية: من
رباب: من اللي ياي
رقية: لا تخافين تفائلي بالخير .. بعدين الخوف شعور طبيعي
رباب: عشتو يا فهيمة زمانج ..
رقية: لا تتطنزين بليز لا اقوم لج ربوب
رباب: انزين

سكتوا شوي ..

رباب: رقية ...
رقية: ها
رباب: فيج شي
رقية: لا بس ...
رباب: بس شنو
رقية: زيد
رباب: شفيه
رقية: من ذاك اليوم لا حس ولا خبر ..
رباب: الغايب عذره وياه
رقية: اف عليج لا تتعذرين له بليز لاني جد كارهته ... قال بييلاقي حل حق الموضوع: وع وسيفون
رباب: ماتدرين شنو ظروفه ؟؟
رقية: (( سكتت شوي )) الله يلعنج يا الهامو قطعتي ريولنا عن السكة جان الحين اقدر اشوفه واكلمه وقت ما ابي .. انزين ما علينا من زيد ومغثته خلينا بعرسج
رباب: واي لا تفتحين هالموضوع
رقية: ليش بالعكس وناسة بتفتكين من الهامو ..
رباب: اي اي ..
رقية: شفيج ؟؟ (( قعدت على بطنها ))
رباب: ماكو ..
رقية: قولي خو ..
رباب: واي رقية خايفة من ليلة الدخلة ..
رقية: هههههههههههههههههههههههههههه اوووه انا الوحش ..
رباب: هههههههههههههههه وثول
رقية: اي خلج ريلاكس ماكو شي يقولون العملية سهلة ..
رباب: شدراج ؟؟
رقية: الكل يقول .. امل .. سميرة .. امينة بنت بو شارع ..
رباب: مصيبة صابتج مسوية تحقيق معاهم
رقية: هههههههههههه لا والله خو جدامج الحجي صار
رباب: اي اي
رقية: شفيج مكتمة ؟؟
رباب: امل سولفت لي شن وبيصير : (
رقية: (( قعدت عدلها )) صج ؟؟؟؟؟؟ قولي قولي
رباب: استحي على ويهج
رقية: ويييييييييي ما تدرين قوليلي ويمكن اتزوج وراج على طول
رباب: شكو هذا بهذا
رقية: هههههههههه مادري بس بعرف ..

سولفوا لين داخوا ونامو ..

قرب العرس والاحداث في بيت خوالهم متوترة بسبب حسين ..

فاضل: يبه يا حسين خلاص بنت عمتك تزوجت ونته تزوجت ماله داعي اللي انت مسويه باهلك .. وخلاص شنو ذنبها بنت خالتك
حسين : ذنبها اني مابيها .. ان امي سوت فيلم عشان تخليني اتزوجها انا ابي رباب والحين بتروح وتخليني
امل: انته اللي خليتها
فاضل: امل شفيج الله يهداج ابي تطفين النار تقومين تشبينها بزود
امل: فاضل يا اخوي انته عارف وانا عارفة وحسين انته مو ياهل عشان هالتصرفات .. خلاص .. كل شي قسمة ونصيب
حسين: عمتي ما توقعتج قاسية جذي
امل: هذي مو قسوة صدقني انا احبكم اثنيناتكم كثر بعض واعزكم حيل مو مثل عيال اخواني لا كانهم اخواني .. وانا مابي اشوفك بهالطريقة لان غلط
حسين: مو بيدي .. وابي حل
فاضل: ماكو حل الا انك تسافر لك عمرة ولا تغير جو .. وما عليك الا كل خير .. انسى وابدا حياتك من يديد وتمنى الخير حق بنت عمتك
حسين: عمي احبها
فاضل: لا حول ولا قوة الا بالله

اهني دخلت هناء ام حسين عليهم
هناء: هم رد وقاللي احبها شتحب فيها انا بفهم انته تبي تموتني
حسين: انتي موتيني وخلصتي
هناء: شدعوة شدعوة انا شمسوية فيك .. نسيت انا امك .. نسيت انا شنو سويت وشنو حطيت .. وربيت .. كل هذا ضاع عشان بنت البدون
حسين: اللي تتحجين عنها بنت عمتي ليش كله تنسبينها حق ابوها وتنسين قرابتها لي ليش تكرهينها
هناء: انا ما اكرههم .. بالعكس بس لما تيي السالفة صوب ولدي لا والف لا
فاضل: يا ام حسين طولي بالج وكل شي ينحل بالتفاهم
حسين: عمي اي تفاهم ؟؟ رباب بتتزوج بعد يومين
هناء: انته ليش مو راضي تقتنع .. وكاهي امل شقالت ؟؟ قالت لك خلاص ماكو نصيب .. يعني حتى عمامك مو موافقين اللي قاعد تسويه

امل ما عجبها كلام هناء لانها اولت الكلام على كيفها

حسين: اوكي خلاص انا ما راح اتزوج رباب وكل شي قسمة ونصيب بس انا مابي اسيل مو قادر ابلعها انسانة تافهة ومليقة وما يشرفني اني اتزوج وحدة مثلها
هناء: يالله عاد انجعم وانطم ولا تتكلم عن بنت اختي جذي ..
حسين : دام انها وايد عاجبتج ليش ما زوجتيها حق حسون اخوي ؟؟
هناء: انت العود ونته احق فيها ولا تقعد تسويلي سوالف ليش ما زوجتيها حق حسون وليش مادري شنو .. زواجك باسيل راح يتم ورباب تنساها وهالموضوع يويلك ان تبطل مرة ثانية
فاضل: يا يبه اسمع كلام امك اهي جنتك ونارك .. ما يصير تراددها جذي .. تعال تعال وياي الديوانية خل نتفاهم انا وياك تعال الله يهديك بس ..

 

[Ms.asoOola_q8]

مشكور عالبارت قلبو حـــــــــــــــده روعه .. :hjy5jewf:
وانشالله ماطولين عليـنا بالبارت الياي .. ​

 

[so_what]

يسلموووو حبيبتي على البارت ‏

 

[MeeMeeYoo_2]

يعطيج العااااااااافيه

 

[سارووونه22]

مشكوووووووووووووووووووووورة على البارت ويعطيج العافيه

 

[miss disaster]

يسلمو على البارت


انطر متى يصير العرس شكله بدر بياخذ رقيه



ناطره البارت الياي على احر من الجمر

 

[عشيقة ريلها]

الله يعطيج الالاف عافيه على البارت

ناطرينج على البارت الياي

 

[Babya Doll]

يعطييييج الف عااافية

 

[الكونـتـيـسـه]

يعطيج العافيه حبيبتي والله يوفقج

 

[الجرح الدفين]

يسلمووو ع البارت ...

ناااااااااااااااااااطرينج ... لايوقف لايوقف لايوقفف لايوقف لايوقف

 

[Lilly - KSA]

مشكووورة ع البارت
بس لسه ماشبعت ابي بعد

 

[توتا كويتيه]

يعطيج الف عافيه عالبارت

ناطرينج

 

[سارووونه22]

اب اب اب اب اب اب