^^^^عدت بقصتي الثانية (( بنات بو محمد في مهب الريح )) ^^^^

[ريـ’ـآنـهـ‘]

ثاااااااااااااااااااااانكس حبيبتي


على البارت

 

[MaFaZ]

تمر الايام وتيي الايام ورقية ناطرة خبر من زيد وزيد لا خبر منه ولا مرسال .. كل يوم تنطر يم الدريشة على امل ان زيد يمر او يطقها عشان يخبرها بالخبر السعيد .. وكل يوم لما ابوها يقعد عالغدا او لما يرد من الديوانية العصر او بالليل توقف تنطر خبر حلو من ابوها بس ماكو شي .. وسالفة خطبتها على فرج هم مافيها اي تغير جديد او يذكر .. ورقية على اعصابها .. لا اهي مرتاحة ولا اهيزعلانة معلقة ما تدري شنو احساسها ..


رباب: خلاص رقية شفيج طولي بالج ..
رقية: ماني قادرة ربوب .. ماني قادرة اف (( تمجع شعرها ))
رباب: ههههههههههههههههه واي شسويتي براسج
رقية: ههههههههههه مادري .. من الاعصاب ..
رباب: انزين شرايج نروح السوق ؟؟؟
رقية: دقيتي على امل ؟؟
رباب: اهي قالت اي وقت .. واليوم دزتلي مسج تقوللي فيه متى تبين نروح ؟؟ فشرايج نروح نغير جو ؟؟
رقية: ممممممممممممم ما عندنا فلوس ؟؟
رباب: ناخذ من الهام
رقية: يحليلج .. رباب شفيج حبيبتي طايحة على راسج لا سمح الله ؟؟
منو بيعطينا الهاموووووووووووو مرة وحدة
رباب: مهري يالخبلة ابوي قاللي ان عندها واي وقت نبي نروح ناخذ منها اللي نبيه واذا رفضت او حسينا بالفلوس نقص نقوله
رقية: صجج ؟؟ اقول انتي ههييييييييييييي وشكو ما تقولين لي ؟؟ صايرة كلش مو مضبوطة
رباب: هههههههههههه والله نسيت افا انا اخش شي عليج يالخايسة ؟؟؟
رقية: والله تبطين الجبد .. من انخطبتي ونتي كلش مفهية
رباب: الحب الحب
رقية: هههههههههههههههههههههههههههه استريحي بس ..

وفجأة تبطل الباب ..
سعد: ابوي يبيييكم ...
رقية: واااااااااااااااااااااااااااااااااي انته شنوووووووووووووووووووووووووووو ؟؟ سعيود بذبحك .. ما يصير جم مرة اقولك يالعاهة ما يصير تبطل الباب علينا فجأة احنا خواتك خاف نبدل خاف منسدحين
سعد: امي تقول انته رجال وسوي اللي تبيه هذا البيت بيتنا ..
رقية: يعلك ما تربح لا انت ولا امك ..
رباب: هههههههههههههههههههههههههه بسج لا يروح يفتن
رقية: خل يروح .. اذلف كانا يايين .. اف اكره هالادمي اكرهه ..
رباب: هههههههههههههههه لا تقولين جذي حرام عليج
رقية: حرمت عليه عيشته اهو وشبيهه في الحياة غازي بو البطول

قامت رقية راحت الصالة ولا الهام بدارها بس مبطلة الباب عشان تتسمع وابوها بالصالة ..

رقية: امر يبه ..
بو محمد: روحي سويلي قهوة وناديلي اختج ...
رقية: ان شاءا لله يبه .....


رباب: امريبه ..
بو محمد: قعدي .. خل تيي اختج ..

وبعد ما يت رقية قدمت القهوة حق ابوها وقعدت ....
بو محمد: شوفوا .. انا شلت ايد الهامو من سالفة عرس رباب كلها ..

طبعا اهني البنات استانسو بس عن الفشلة كان ودهم يقومون يرقصون ..

بو محمد: وبيت بو شهاب حددوا العرس بعد اسبوعين
رقية: شنووووووو يبه .. رباب ما جهزت شي ..
بو محمد: (( خزها .. يعني سكتي ))
رقية: اسفة يبه ..
بو محمد: فعندكم من اليوم ليه اسبوعين تجهزون فيه نفسكم .. دقوا على امل دقوا على منو ما تبون ياخذكم السوق يجهزكم .. فهمتوا .. ما نبي تأخير عالجماعه ..
رقية: ان شاء الله يبه
بو محمد: رباب تسمعيني ..
رباب: اي يبه ..
بو محمد: اي .. خلصوا شغلكم بسرعه لان الجماعه مستعجلين ..
رباب: ان شاء الله (( خدودها حمر ))
بو محمد: ونتي (( يوجه كلامه حق رقية )) خطبة بيت بو بداح تفركشت ..
رقية: صج يبه (( تبوس ايده )) مشكور ما تقصر
بو محمد: انتي على منو طالعه عوبة ..
رقية: (( ربع ابتسامة )) على ...
رباب: رقية !!
رقية: ههههههههههههه سامحني يبه
بو محمد: مسموحة (( يبتسم ))


استانسوا البنات وايد وايد .. بس رباب كانت متوترة لان فجاة عرسها بعد اسبوعين .. فاللي صار انهم دقوا على امل .. ابوهم قطهم عليها .. عشان توديهم ..
ريل امل كان اسمه خالد .. خالد كان انسان لوتي ومن تحت ليه تحت .. واذا نقدر نقول وما يخونا التعبير كان خالد اقذر انسان على وجه الارض .. لكن امل على نياتها ما تدري عنه وعن سوالفه ووصاخته .. لان مثل ما قلنا من تحت ليه تحت .. جدامها الادمي الخوش ريال .. اللي يحبها ويبي راحتها لكن اول ما تعطيه ظهرها يطالع ويغازل .. غير ان نظرته كانت قذرة بطريقة مو طبيعية .. ولا يهمه قرابة او اهل .. خالد كان جذاب جدا ... طويل و مجسم .. اي نعم مو نعه يقز وايد بحكم انه متزوج .. لكنه راعي دواوين وشقيق وقعدات ..


نزلوا البنات ومنو فتح لهم ؟؟؟ خــــــــــــــــــــالد طبعا ..

خالد: هلا هلا .. السلام عليكم
رباب: السلام عليكم
رقية: السلام عليكم ..
خالد: ( (يخز فيهم بما ان اقصر منه واهم منزلين عيونهم )) هلا والله .. شلونكم بنات ؟؟ شلون ابوكم ؟؟
رقية: بخير الحمدلله ..
خالد: مبروكين رباب .. الفال حق رقية ( (يخز جسم رقية ))
رقية: (( حست انها مفصخة من نظراته القذرة )) مشكور مشكور وين امل ؟؟
خالد: داخل بغرفة النوم .. دخلوا .. ترا المكان مكانكم
رقية: اي اي مشكور .. يالله رباب (( تلت ايد اختها ))

خالد: ( (بينه وبين نفسه )) اففف عليها جسم مو طبيعي

رقية: (( واهي تدخل على امل )) امل شفيج ما خلصتي
امل: يسلمو بالاول يالنزغة
رقية: سلام شلونج شخبارج .. ليش مو مخلصة
رباب: ( تبوس امل )) شلونج ؟؟
امل: واي رقية كليتيني .. هلا ربوب حبيبتي (( تبوس رباب )) خو شسوي لوية على ما خلصت شغلي
رقية: اي شغل .. حمدي ربج عندج خدامة عيل لو تصيرين مثلنا شتسوين عقب باجر تطلعين ؟؟
امل: هههههههههههههههه رقيو ويهج زين .. يالله كاني بس البس ملفعي .. منو بطلكم الباب
رقية: ريلج
امل: ما طلع ؟؟؟
رباب: لا برة اهو بطلنا ..
امل: اها .. مادري شفيه ليش ما طلع من 10 دقايق قال بيطلع ..
رقية: الحين خلصينا منه وخلصي
امل: شفيج مستعيلة يا حظي نطري خو كاني
رقية: اي مانبي نتعطل نبي نستغل كل الوقت
امل: اقول ترا الساعه 4 .. يعني تو السوق فاتح
رقية: فاتح ولا غامج مابي اضيع دقيقة .. انتي عارف ةابوي اخاف يمرنا بسرعه
رباب: رقية لا تستعيلين ورانا ايام وايد بنروح
رقية: اقول جدامنا اسبوعين ..
امل: اوخ حلفوا من صجكم انتو شنو بنخلص وشنو بنسوي ؟؟
رباب: ان شاء الله نقدر
امل: وااي ليش ما بلغتوني من قبل
رباب: توه ابوي اليوم بلغنا .. العادة الهامو تبلغنا بس مادري شفيهم الظاهر متهاوشين او مادري شصاير
امل: احسن زين يسوي فيها .. عالعموم يالله خلصت
رقية: واخيرا العروس خلصت ..

راحوا السوق .. اول شي راحوا مجمع الايوب .. اشتروا قمصان نوم وملابس داخلية .. كانت الرحلة تضحك لانهم اول مرة يشوفون مجمع كامل متخصص بالملابس الداخلية وقمصان النو م. .انبهروا لدرجة كل شوي امل تسكر حلوجهم . .في البداية استنكروا واستحوا بس بعدين استانسوا وتاقلموا مع الوضع .. قاموا يدشون من محل ليه محل وفي محلات قاموا يردون لها مرة ثانية .. وبالرغم من ان كان مجمع واحد الا انهم هلكوا وتعبوا .. بالايوب بس تموا فوق الساعتين ونص .. واهما طالعين من المجمع

امل: ها ما تعبتوا
رباب: بصراحة اي تعبت ..
امل: وهذا مو تقايسين وتلبسين وتفصخين ..
رباب: واي الله يعي نالعرايس ..
رقية: انا هلكت اي بس ما ودي ارجع واي وناسة اول مرة اشوف هالسوالف ..
امل: هههههههههههههههههههههههههههه رقية حبيبتي انتي الفال يوم نيي نجهزج ..
رقية: اموول شنو هالمجمع
امل: السندس .. تبون نروح فيه سوالف حلوة ..
رقية: خنروح دام انه يمه .. ها شرايج ربوب ..
رباب: يالله فوقه ..

ودخلوا السندس وتشروا وايد سوالف حتى حق رقية شروا قمصان من بو خمسة وملافع وجم جنطة وقمصان نوم ... واكسسوارات .. وطلعوا .. ردوا بيت امل عشان بو محمد يمر ياخذ بناته ..

 

[so_what]

نبي بعد بارت بليييييز :eh_s(9):

 

[Strawberry Shortcake]

الله يهنييج ياا ربوبه .. والفاال حق رقييه

 

[MaFaZ]

ردوا البنات بيت امل .. عشان ينطرون ابوهم .. وفجأة دخل خالد .. زوج امل
خالد: ها انتو اهني ؟؟
امل: اي خلود .. بو محمد بعده ما يالهم .. تبي اسويلك عشا ؟؟
خالد: اي سويلنا كلنا ..
امل: ها بنات شنو تبون تاكلون ؟؟
رقية: ما نبي شي مشكورة ابوي ياي بالطريج ..
خالد: لا شلون ؟؟ لازم تتعشون عندنا ..
رباب: مشكور ما نبي عشا
امل: شفيكم مستحين صبروا خل اروح اطلب عشا
رقية: امووووول ...

راحت امول تطلب عشا .. وخلت البنات بالصالة بروحهم مؤمنة عليهم مع زوجها المحترم خالد .. خالد كان ماسك التلفون يدز مسج .. ولما خلص التفت عليهم ..

خالد: ها رباب شلونج الزواج معاج ؟؟
رباب: (( التفتت على رقية منصدمة ومستغربة وكل شي )) ها ؟؟ شلون يعني ما فهمت
خالد: يعني شرايج بالزواج عجبج

اهني جنه احد كافخهم طراق انصدموا صدمة ما بعدها صدمة من وقاحة هالادمي اللي اسمه خالد . .امبيه شالحجي ؟؟ شالجرأة .. ؟؟

رباب: انت .. شقاع .. تقو ..
رقية: (( تقاطع رباب )) اول شي عيب عليك تتكلم معانا بهالامور لان ماعتقد انها شغلة تخصك وخاصة انك ريال .. ثانيا رايها شي يخصها اهي وبس انته منو عشان ياي تسالها .. ثالثا .. احنا ما عندنا خرابيط ومصخرة مثلكم .. يعني بالعربي البنت ما تروح بيت ريلها الا ليه تزوجت وانسترت .. ولو سمحت مرة ثانية لا تطيح الميانة معانا وتعامل معانا مثل ما احنا قاعدين نتعامل معاك سلام وعليكم السلام احنا ما تعودنا نسولف ونطيح سوالف مع ريال غريب وان تعديت حدودك مرة ثانية راح اقول حق امل .. واذا امل ما تفتهم راح اقول حق اخوانها اللي اهم خوالي .. ولا تطالعني بهالنظرة وكانك تستخف .. لان اذا خوالي مو عاجبينك عمامي موجودين .. وقبل كل هذا خاف ربك يا ولد الاوادم بهالادمية اللي تثق فيك ومؤمنة عليك على بنات اختها قاعد و تستخف دمك بهالاسئلة التافهة اللي مالها داعي بالرغم من انك عارف شنو احنا وشنو وضعنا


خالد: اولله اولله . كل هالحجي وهاللغوة عشان قلت لكم شلون الزواج .. الحمدلله والشكر .. (( وقام عنهم ))

رباب: انتي هييي شكو تقولين له هالكلام الحين يروح يتشكى عند امل ويقلب السالفة عليج
رقية: خل يقلبها قلبوا مصارينه المعفنة .. عما بعينه قليل الادب اللي مو متربي شفتيه شلون يقولج ياها .. يحمد ربه ان احنا ما راح نقول حق ابوي والله لو ابوي يدري ان قاعد وبكل وقاحة سائلج هالسؤال والله ابوي يسويه حميسة بيديان ..
رباب: اف ياربي احنا ليش ماكو يوم سنع يمر علينا بطوله .. لازم ينقطع بسالفة حقيرة ..

رقية: خل يولي
امل: ها .. وين خالد ؟؟
رقية: ( بصوت واطي )) ذلف ..
رباب: راح .. طلع
امل: مممممم انزين طلبت العشا ..
رباب: ما كان له داعي احنا مو يوعانين ..
امل: بعد هالفرارة مو يواعة ؟؟
رقية: اي خو شربنا ماي وايد وكلينا برد ..
امل: ما عليه ..
رن تلفون رباب ...
رباب: شفتي ابوي وصل ..
امل: وي والعشا .. خو تعشوا وروحوا ..
رباب: ما عليه وقت ثاني الطلعه الياية ...
امل: اي ما قلتي متى تبين اوديج مرة ثانية ؟؟
رباب: مادري بس بينا الو .. اوكي
امل: اوكي . .يالله ديروا بالكم على نفسكم واشوفكم قريب ..
رباب: اوكيك
رقية: يالله باي امول خووش طلعه ..
امل: اي اي والله .. يالله الله وياكم وسلموا .. مع السلامة
رباب: مع السلامة
رقية: باي ..

ردوا رباب ورقية البيت وبيدهم جياس وايد .. الهام طانت قاعدة بالصالة تطالع واهي حدها منقهرة بس تبين لهم ان مو هامها .. وكانت تطالعهم بنظرة سخرية .. البنات حقروها ودخلوا الدار

محمد: شنو شريتولي
رباب: حبيبي حمود .. شلونك ؟؟
محمد: تمام ..
رباب: اليوم كله ما شفتك الا عالغدا .. انته وين تروح
محمد: العب برة مع الصبيان ..
رباب: بسك لعب وجابل واجباتك
محمد: ربوب .. انتي صج خلاص بتروحين بيت ثاني ؟؟
رقية: ههههههههههههههههههههههههه حمود يقولها جنج خدامة وردوج المكتب وردوا باعوج على معزب ثاني ..
رباب: جبح .. تطنزي تطنزي اوريج ..
محمد: ههههههههههه لا والله م وقصدي
رباب: ادري فيج .. وين اليهال ؟؟
محمد: سعد نايم .. واحمد يلعب بلي ستيشن وجوري عند الخدامة
رقية: (( بققت عينها )) شنووووووووووووووووووووووووووو
محمد: اييييييي اليوم خالي غازي ياب لنا خدامة
رقية: من متى ؟؟
رباب: صج ؟؟ وابوي يدري عنها
محمد: اي يدري ..
رقية: امبييييييييييييييييييييييه ربوب مستحيل لا ماني مصدقة
رباب: شسالفة ؟؟ غريبة ؟؟
رقية: اي والله غريبة ... حمود شنو جنسيتها ؟؟
محمد: ممممممممممم مادري بس عيونها مسحوبة ..
رقية : وي وي رحنا وطي .. حق السحورة اكيد يا فلبينية يا اندونيسية
رباب: غريبة ابوي راضي خدامة تدش عندنا .. انزين حمود وين قعدت
محمد: بالملحق برة ..
رقية: (( تطق اصبع )) الحين شيفكنا من بو بداح وعياله
رباب: هههههههههههههههههههههههههههههههههههههههههههههههههههههه يمكن عشان جذي تفركشت خطبتج مع فرج اكيد خطبها وخلاج
رقية: هههههههههه يمكن سعيد ومبارك يوم افتك منهم ..



تموا البنات كل يوم يروحون السوق مع امل .. وكانوا على هالحال لمدة اسبوع تقريبا .. الى ان في يوم من الايام دقت رباب على امل واعتذرت منها انها ما تقدر تروح السوق لانها مرهقة وتعبانة من الفرارة .. والتعب ..


رقية: ها متى نروح السوق اليوم ..
رباب: ( منسدحة عالفراش )) لا بس رقية ما اقدر تعبت كل يوم فرارة وروحة وردة .. واي جد تعبت ..
رقية: اي صح صارلنا اسبوع نفتر .. بس وناسة ربوب واي نشوف الدنيا واسواق عمرنا ما رحنالها .. شفتي سوق شرق شحلاته ؟؟ يهبل .. ولا كويت ماجيك .. عندهم سوالف اتينن ..
رباب: اي صدقتي سوالف وايد حلوة بس اقولج تعبت حدي حدي حدي تعبت ..
رقية: ممممممم مو مشكلة ... (( التلفون يرن )) هاج موبايلج يرن ..
رباب: منو
رقية: انتصار
انتصار : الو .. هلا ربوبة .. شلونج ؟؟
رباب: هلا والله هلا فيج ..
انتصار: شلون رقية؟؟ وشلون ام محمد ؟؟ ان شاء الله بخير ؟؟
رباب: والله بخير كلنا بخير ما علينا .. ما قصرتي .. انتو شلونكم ؟؟ كلنا بخير الحمدلله ..
انتصار: اقولج ربوبة ترا انتي عقب باجر محجوزة ..
رباب: ليش ؟؟
انتصار: امي مسوية غدا عشان تتعرفين على خواتي وحريم اخواني قبل العرس ما يصير تعرسين وانتي بعدج ما شفتي احد ؟؟ ولا شرايج ؟؟
رباب: ممممممممم مادري شقولج يا انتصار
انتصار: قولي تم
رباب: ان شاء الله بس انا شوري م وبيدي مثل ما انتي عارفة وودي ايي بس
انتصار: بس شنو ؟؟
رباب: تصدقين اني لحد الحين ما اجرت نفنوف ولا رحت صالون و ولا شريت دراريع ..
انتصار: ويي .. الله يعينج بصراحة ماكو وقت وكل شي حده حده .. صادقة . زلو ما شهاب مستعجل الل يهداه ولا جان خذيتي راحتج .. احنا اثوابنا اشوه ان مفصلينها من وقت خطبتكم وعقب ما ملكتوا على طوال .. ولا جان ما خلصوا .. وتدرين انا لحد الحين ما استلمت ثوبي ..

رباب: انا لحد الحين ما حصلت لي نفنوف ..
انتصار: بعد عمري ماكو احد يوديج صح
رباب: خالتي ما قصرت وياي ودتني كل مكان بس محنا قادرين نلحق ..
انتصار: انزين قوليلي شنو خلصتي ؟؟
رباب: ممممممم عطور .. ومكياج ..
انتصار: حلو حلو .. عطور عربية وفرنسية ؟؟
رباب: لا بس فرنسية ..
انتصار: والمكياج ؟؟
رباب: لا كله خذتلي خالتي من المركز ال .. ممم نسيت اسمه
انتصار: الفرنسي ..
رباب: ايوا .. ومن محل اسمه وجوه
انتصار: اي وجوه .. حلو
رباب: اي ومن دبنهامز صح اسمه
انتصار: اي دبنهامز في سوق شرق حلو حلو .. وخلصتي كل شي ها حمر شدو ماسكارا ز.
رباب: اي كله .. كريم اساس بودرات .. حمر .. علب شدو .. كله
انتصار: تمام تمام .. ربوبة سوري اني قاعده اتدخل بس والله اني احاتيج واخاف ناقصج شي وتستحين تقولين ..
رباب: لا عادي شكو .. اصلا انا ولا مرة رحت هالاماكن ولا عمري شفت هالسوالف .. الله يعافي خالتي تسولف لنا وتورينا .. والحين فرصة اني بجهز ..
انتصار: يا قلبي ان شاء الله دوم تروحين وتتشرين وتسوين اللي بخاطرج ..
رباب: ما تقصرين يا انتصار ..
انتصار: انزين دراريع قلتي ما شريتي ها ؟؟
رباب: لا والله ما شريت ..
انتصار: شوفي في وحدة بالعمرية عندها مشغل تبيع دراريع تجنن تبين اوديج ؟؟ واذا ما عجبج نروح الفروانية شرايج ؟؟؟؟؟؟
رباب: صج ؟؟ عادي توديني ؟؟
انتصار: اي عادي شفيها يعني .. خلاص احنا مثل الخوات من اليوم ورايح ..
رباب: حبيبتي ما قصرتي .. من ذوقج
انتصار: لا تقولين جذي يا بنت قصدي يا مرت اخوي
رباب: ههههههههه اوكي ..
انتصار: ومنها فصلي عبي ..
رباب: اي صح بالفروانية .. ممم بس متى
انتصار: شرايج اليوم ؟؟
رباب: يمدي ؟؟
انتصار: اي ليش ما يمدي .. ها شرايج ؟؟
رباب: اللي يريحج
انتصار: خلاص عطيني دقيقة استأذن ابوي واضبط الوضع وادق لج
رباب: اوكي ..
انتصار: وخل تجي رقية اوكي .. خل نستانس مع بعض ..
رباب: اوكي ..
انتصار: يالله باي
رباب : باي ..

 

[MaFaZ]

بنــــــــــــــــــــات سامحوني

في الايام الياية راح اكون مقلة في البارات عشان الامتحانات قربت

بس اوعدكم في وقت فراغي او راحتي راح احاول انزل بارتات على كثر ما اقدر

ادعولي بالتوفيق واييب نسبة ترفع الراس

وشكرا لحسن المتابعه


ملاحظة: طلبا ولا ليس امرا .. بليز لا تتذمرون ووين البارت ومادري شنو حبيبات قلبي انتو .. انا احب قصتي واتعايش مع شخصياتها عشان جذي مو لان مالي خلق ومالي مزاج ما انزل بارت لا بس لاني اكون مشغولة وغرقانة ليه فوق راسي فديتكم نكا نكا وفردا فردا ... احبكم :33_1185028183:واعتز فيكم ونتو دوم دوم على بالي لما اكتب القصة وقراب مني كتير كتير :eh_s(8):

 

[الحلوه وبس]

حياااااااااااتي والله الروايه اتيييييييييييييييينن
واخذي راحتج انا بعد بالمتوسطه وامتحانات ويمكن مو كل مره ادش
بس راح اتواصل وياج
االرواايه حدههههها حلوه

 

[عشيقة ريلها]

الله يعطيج العافيه ويوفقج

البارتات حلوه وااااااااااااايد

 

[miss disaster]

البارت حلو


ويا رب تييبين نسبه (و انا معاج)


يسلمو وناطرين الياي

 

[cute princess]

البارتات كلهم يهبلون تسلم ايدج

والله يوفقج ويوفق بنات المنتدى بالامتحانات وتييبون النسبه الي تبونها انشالله :*

 

[الجرح الدفين]

الله يعطيجــــ العاااافييه ياقلبي ..

بالتووووفيج بالامتحاات ..

ناااااطرينجــ يالغلاااااا ...​

 

[P!NKia]

حلوو البارت ومتشوقه للبارت الجاى
وموفقه بالامتحانات ومعذوووره

 

[JaN JaN]

مشكوووووووووره عالبارتات تسلم ايدج


اخذي راحتج والله يوفقج انشالله بامتحاناتج

 

[MeeMeeYoo_2]

يعطيج العااافيه

والله يوفقج انشالله

 

[Babya Doll]

يعطيييج العافية حبيبتي
و موفقة ان شاء الله بامتحاناتج :*

 

[ام هديل 87]

الله يوفقج وتيبن نسبة عالية
وتسلمين على البارتات الحلووة

 

[shoOshii]

يعــطيج العافيه حبيبتي على البارتات الرووعه

 

[Lilly - KSA]

مشكوورة على البارتز كل ابوهم
واشكرك شكر خاص لانك رديتي على اسئلتي
ربي يوفقك
و يوفق كل وحده عندها مايسمى بالاختبارات << فرحانه مفتكه من الجامعة

 

[سارووونه22]

يعطيج العافيه حبيبتي ومشكوووووووووووووورة وماقصرتي

 

[zooz92]

يعطيييج العاااافية حبيبتي على الباااارتااات

وموووفقـة في الامتحاناااات

نااااطرينج ..~