عتبي على بعض التاجرات بكويتيات

[katko0ota]

انا صارت معاي على اسا الشغله راح توصل بعد 10 ايام و صار شهر و نص و انا حدي نسيييييت اصلا شنو طالبه ههههه و كنت مسافره قلت يمكن مركبهم طبع

المهم دقت علي تقولي البضاعه موجوده !! انا منو و شنو لييين ذكرت و بالأخير شرهت عليييي الله يهداج جان قلتي في طلب وااايد على الشغله قلتلها يسلم راسج !!

 

[Q8NV]

صج في بعضهم يقولون باجر العصر وين وكل ساعه ادق افتشلت ومحد يرد والا تسافر وتعطي اختها الطلبيه وتوصلها وتقولي اختي دقت عليج وانتي ما رديتي كنسلت الطلي وانا قاعده بالبيت انطر والله لا احد دق ولا يه

 

[طير الحب]

انا قبل لا اصير تاجره صارت فينى طلبت وقالت لى فتره ومرت الفتره وعقبهااااااااا فتره وبعد فتره وايد يعنى بعدين دزيت للتاجره قالت لى ما يبت قلت لها ليش ما بلغتينى انا انطر وشفت مثلها عند غيرج بس ما اخذت عشان انا معطتج كلمه تعذرت وخلاص

بالنسبه لى عقب ما صرت تاجره تغيرت نظرتى للظروف اشلون
انت لما تطلبين يعطيج وقت تقريبى المهم لما يشحنون البضاعه تعرفين انها وصلت الكويت اهنيه الكلام يعنى البريد هنيه يطووووووووول ما ادرى ليش
بعدين مرات من الشركه نفسها يخلص الشى فتطريين تدورين بديل له .....صح فهذا ياخذ وقت

عندج شركات اصلا اهى تتاجر والله طالعه طلب من يوم 22-7 لى الحين ما اشحنوه

يعنى اللى تتاخر او شى مو قاصده على حسب الظروف ومن وين البضاعه

وبعد تدرين التاجره لها 250 رساله خاصه فى يوم واحد ممكن ينترس فتخيلى كل يوم تردين عليهم كلهم وتكتبين بياناتهم وطلباتهم تخيلى التعب والتركيز فيمكن الوحده تتخربط او تنسى

يعنى ما فيها شى لو الوااحد يذكر توها وحده دازتلى تقولى اشصار على طلبها تقول اخاف نسيتينى قلت لها افا عليج بس يوصل شغلج ابلغج

والاول والاخير احنا خوات هنيه يعنى لو بدر من اى تاجره شى بدون قصد او حصل تقصير هم بدون قصد

ويعطج العافيه

 

[ام عفاف الكويت]

حبيبتي والله
مادري انا بالطلبات الخارجيه لانه ماعرف اطلب من بره
بس اسمع البريد يختلف عن الاراميكس
بس ان ذبح نفسه 3 اسابيع
بس 6 اشهر وايد
ترى خوفج ناسيه
الذكره تنفع المؤمن ذكريها

وبالنسبه لي انا من شهر 6 توقفت وبلغت الناس مع الاسف في ناس ماتقدر مو من النت من بره تقول لازم لازم والله اضطر اقول مري البيت مع اني ماحب احد ايي بيتي
بس الله كريم لما يرد مندوبي وارد انا من يديد فديتج
لاتضيقين خلقج لو اعرف جان طلبت لج من عيوني

 

[:: Diva ::]

امممممممممممم
انا اخذت عرابين لمنتج واحد المفروض يوصل بعد اسبوعين
و وهقتني الشركه !
فكلمت 3 بنات و اعتذرت منهم و قلت لها تبين فلوسج ولا تبين تطلبين مره ثانيه ؟
الحمدالله البنات الي تعاملت معاهم بهالموضوع كانوا قمه بالتفهم و الذوق الله يكثر من امثالهم ولا وحده جرحتني ولا قطت علي كلمه
مع اني كنت ميته من الاحراج و ان شالله طلبهم بيوصل بعد جم يوم


و العرابين الثانيه استلمتهم امس
والله مو نايمه احسها امانه برقبتي !
وااايد تعبانه نفسيا


لو مو البنات الي حدوني على العربون جان ما صار شغلي عربون و ابلش بطلبها
والله خسارتي بمئات الدنانير اخر شي خسرته كان هدية مواليد بقيمة 45 دينار
البنت ذبحتني ليل نهار و تحن علي و رسايلها للحينها عندي و انا جاده و لا تحاتين و كذا و كذا
وبعدين غطت مع اني بيوم واحد سويت شغلها من الصبح بالحر و حمال و رطوبه
اخر شي كلمتني و قالت لي ان صاحبة الهديه طاحت بغيبوبه !


شسوي بالله ؟

و بعد بنات واايد قبل 3 ايام عطوني عناوينهم و ارقامهم
تروح المندوبه ما يردون , يعتذرون , الجهاز مغلق
بس المسكينه تتعنى و تطق درب بالحر !!



يعني يا بنات عذروا التاجرات وااايد منكم مو جادات
او ان يصير لها ظرف فتنقرص التاجره


انا عن نفسي بعد ما اتفق مع الزبونه بيومين اتصرف يعني معطيتها يومين تكنسل طلبها او تغيره
و اليوم ياتني رساله تكنسل الطلب

يعني سامحونا انتوا الي حديتونا على جذي
و مرات مو ذنبنا يكون المندوب متاخر او يصير له ظرف بالطريج

 

[Bamya]

^
^
^

صاجه .. العربون يتعّب نفسيا . تحسين انج شايله مسؤولية


هالمشكلة فعلا حاشتني في البداية لما كنت أستلم عربون وأطلب ... وساعات الطلب يتأخر وأفتشل .. بس صج بنات المنتدى قمة بالذوووووق بالتعامل والأسلوب عسل



عقبها قمت ما أبيع شغله الا بعد ما اييبها والدفع يكون مره وحده مع الاستلام ... ولا التعذيب النفسي مع هاللي اسمه عربون



اللي بوصله لكم بناات

ان الطلبيات اللي من برى مو بإيد التاجرة .. التأخير ساعات يكون من الموقع اللي تتعامل معاه .. او شركة الشحن في الدولة اللي طالبة منها .. هذا غير الشحن الجوي والشحن اهني لما يوصل

بس عاد ما يوصل 6 شهور !!!

شهر بالكثير


وبالنسبة للي تتفق مع التاجرة على موعد تسليم وما يوصلها الطلب بالوقت نفسه .. هذي الشغلة والله مو بيدها كله بيد المندوب

وانا صادفني هالنوع .. أعطيه الملابس وأكون موصيته قبلها بيوم أو يومين ويعطيني الأوكي وأبلغه ان الساعه الفلانية لازم يكون واصل البنات

وآخرتها يطنش او اييلي بوقت متأخر !

واللي بدّع بدّع .. مندوب أخذ الجياس وداهم البيت نوّمهم ووصلهم ثاني يوم!!!!!!


عجايب والله ما كنت أعرفها قبل لا أبدي تجارتي العنونه وما ألومكم

 

[shai5at al3arab]

صح كلامج بامية انه الطلبيات اللي من بره يصير لها ظروف

لكن احنا ننطر ، يعني بمسج واحد اعتذار انه الطلب ما راح يوصل ، عشان اعرف اتصرف ، ساعات الاقي الشغلة نفسها بموقع 2 او بمحل ودي اشتريه بس شسوي انا متفقة مع المرة اللي بتطلب لي ، وما يصير لما تييبه اقول لها لا كنسلي خلاص ما ابيه ، خصوصا انهم يطلبون قطعة قطعة يعني على طلب الزبونة ..

 

[أدووويا]

الله يهديهم

 

[shai5at al3arab]

آمين ياربي ويهدينا .

 

[kunooz]

انا صارت فينى هالسالفه قبل
و كنت ناطره الطلب و الوقت تاخر و للاسف ما وصل الطلب
و طرشت مسج حق التاجره و ما ردت على بس ان شاء الله المانع خير
ساعات الواحد مع اللويه والله ينسى !

 

[انونا]

والله يا بنات

المفروض همن انتوا تكونين حريصات على شغلكم

همن دقوا اسسالوا اهو صج يكون غلط من التاجر بس همن انتوا

واهي اشدراها انكم جادات ولا صج تبون تشترون

في ناس يوصلون بالاخر يكنسلون هي شدراها واكيد بدقول الي يبي بيدق ويهتم

لان انتوا الي حاجتكم عندها مو هي

هي اكيد عندها غيركم

واسفه بس ما اقصد على وحده بعينها انا عن الكل وهذا وجهة نظري

 

[kekat kakaw]

والله انا يوم قمت اقارن بالاسعاااااار قمت هونت اطلب بس للامانة انا تعاونت مع ثلاثة منهم .. دقة بالموعد

 

[جـــواهر]

الله يهديها ويمكن عندها عذر ....!!

 

[أساور]

الله يهديها المفروض عندها دفتر خاص للطلبات ماتعتمد على الرسايل الخاصة اللي ممكن تنمحي بالغلط والا تفول وماتستقبل

 

[سبائك]

انا الي يصير معاي شي اغرب

في عندنا تاجره ماشاءالله لاقوة الا بالله شغلها مميز وحلو

سالتها مره عن جنطه وقلت لها بالاخير عقب كذا رساله اني ابي الجنطه بطلبها

هالحجي من مدة شهرين يمكن او شهر ونص لي يومكم لاحس ولاخبر بس بدون عربون فموهامني

ومن جم يوم دشيت موقعها الي تعرض فيه بضاعتها<<<ما تيوز:eh_s(1): وشفت ساعه زوغت قلبي تهبل ماشاءالله وادز لها رساله خاصه بالمنتدى لان شفت البنات الي سائلينها بالموقع مو راده عليهم ونفس الشي لي اليوم ماردت علي!!!

يعني اذا انتي مالج خلق التجاره ليش تعرضين بضاعه وتييبين عوار القلب حق نفسج؟؟

 

[تعويذه الحب]

اي صح حركه مو حلوه كلش بس انا ولا مره صارت معاي والحمدلله

 

[*&* المميزهـ *&*]

التمس لاخييييييييييييييك العذر

 

[قلبي ابيض]

لا وتلقين بعض التاجرات أول مايصير فيها موقف على طوووول:ada: تكتب موضوع بقسم المول عنوانه

عيب يابنات

او

قلة ادب

او ماااايصير جذي :eh_s(6):