عبي البحرين؟

[ديرتي الغاليه]

قوووه :

عندي سفره للبحرين وناويه اشتري من عبيهم ؟؟؟؟شنو احلى محل واحلى عبايه من الخام والمووودييييل وشنو المميز بالبحرين مره وحده اشتري منها بليييييييز لا طنشوني ........

 

[ام خالد 78]

انشاءالله البنات يفيدونج

 

[سرقت النوم]

روحي سوق بوكواره فيه الدراريع و العبي الجديده ...

و عندج السيف
... هم فيه كذا محل ..

و التوسعه الجديده بالسيف فيه محلات سيفورا .. أحلى مكياج موجود عندهم .. و مو موجود بالكويت و الإمارات و الخليج و الشرق الاوسط .. بس في فرنسا و لندن .. محلات سيفورا .. إخذي الكحل الاسود و الكحلي يهبل داخل العين يخليج كأنج لابسه عدسات عسليه فاتحه إذا عيونج بنيه غامج ...
و الكونسيلر...

لا تطوووووووووووووووووفج ...
و روحي جنيد اللي بمنطقة بوكواره ... شغله أول بأول .. جديد و يسويلج خصم ..

سلامتج و تعيشيييين

 

[شقرديه]

مجمع العالي اسمع فيه عبايات كشخه


تحياتي لج

 

[ديرتي الغاليه]

ثااااااااااااااااااانكس

 

[اميرة الغيد]

حبيبتي "سرقت النوم" انا شايفه دعايه لمحل سيفورا بالجريده ان له فرع بالكويت بس نسيت وين . سوق بوكواره مجمع والا محلات ؟

 

[الماس الكون]

عبااااياااات الزمردة بالسيف

 

[أسرار الطبيعة]

ما عندهم إلا السيف بالبحرين
على العموم في سيدة أعمال تبيع في مول كويتيات عبي من البحرين اسمها شواااقه
تقدرين تسألينها

 

[اوركيدا]

الزمرده عباياته وايد غاليه لكن شغلها سوارفسككي مترووووووس اذا تحبين جذي ..
سوق لمحرق في محل اسمه رفحه للعبايات سألي عنه صاحبة هالموقع عارضه فيه عبيها
www.gamra.net

 

[اخت فروحه]

مشكورين استفدت

 

[المـاسة]

السلام عليكم حبايبي
أنا توني واصلة من البحرين وحابة اساعدكم لاني فريت محلات العبي بالبحرين
روحي سوق المحرق القديم الشااارع كله محلات عبي نفس الشي تقريبا ((كنوز الأرض -رفحاء-كان زمان-الواثقه-النامليتي))
وروحي الرفاع سوق قديم اسمه بو كوارة فيه عبي
اما المجمعات ما انصحج فيها لان عندنا مثلهم تقريبا بكل شي يعني محلاتهم نفس اللي بالكويت

 

[ديرتي الغاليه]

الحمد الله عالسلامه اختى الماسه ...........

انزين نفس العبي عندنا ولا يختلفون وشنو الجديد عندهم ؟

مريتي الخبر <<<<ياليت تذكرين لي ووين رحتى وابي شقق سكنتى <<<ناويه عالخبر

 

[طير البحرين]

السلام عليكم ورحمة الله وبركاته،،،،

ياهلا ومرحبا في اختي في البحرين،،،، وان شاء الله زيارة موفقة يارب وتتهنين

بالنسبة للعبي في البحرين بتلاقين واااااااااايد اشكال وانواع،،، والمحلات اكثر شيء موجودة في المحرق انصحج تروحين هناك لأنه سوق خااااااص بس للعبي وموديلاااااته كشخة وروعة والأقشمة عندهم اشكال وانواع والعبيات،،، وعندج في الزنج بعد محل واااايد حلو ناسية اسمه كأنه ستـــــــــايل وهذا عبايات مميزة وحلوة واااااااايد،،،

وفي محل اسمه زمردة وطبعا هذا مشهوووور واحلى موديلات عنده ويعطيج ضمان ان مستحيل احد يلبس نفس موديلج يعني انتي اول موديل يسويه لج وما يسوي حق احد غيرج،،، والقماش عنده روعة وراقي،،، وطبعا عباياته غاااااالية اشوية تبتدي من 150 دينار الى فوووق.


في في العالي بعد بتلاقين عبايات كشخة وحلوة ومحلات كلها ماركات مو موجودة في المجمعات الثانية بإختصار ماركات فرنسية وايطالية وغيرها.


محلات المكياج في السيف بتلاقين ماك،، وماك فور ايفر ،، سيفورا ،، كرولاين،، وفي محل يم كرويلان بالضبظ بتلاقين اكسسويز محل يديد توه من اشهر فاتحينه وعنده اشكال حلوة وعنده بعد الباركوات ووصلات شعر طبعية مئة بالمئة واسعاره احلى اول ما فتح بس ماادري احلى زاد سعره او لاء ،، وبتلاقين محل الحواج فيه انواع العطور والميك آب الماركات العالمية،،، وعندج بعد faces هذا المحل بعد فيه عطورات وميك آب الماركات العالمية،،،

اذا تبين اقمشة رخيصة وحلوة وااايد بعد بتلاقينها في المحرق وسوق وافق والسوق الشعبي في مدينة عيسى وبتلاقين في سوق المنامة...

اممممممممم اذا شيء في بالج خبريني عشان اذكره لج بعد،،،

ورحلة موفقة يارب

 

[كوب حليب]

مشكووورة على السايت مال العبي .... ويا حلو البحرين خاطري أشوفها والله

 

[* ورود *]

حبيبتي خالتي عايشه هناك اهي وبناتها

في محل اسمه عبي السعيد بس مو في المجمعات حلو وأسعاره مناسبه

أسألهم وأقولج