عانيتي من الاكزيما انا بعد عانيت تعالي ندور حل لها

[كتالونيه]

بسم الله الرحمن الرحمن
الي عانت من الاكزيما انا بعد عانيت منها حيل :eh_s(11):
بولدي
طبعاً الاكزيما صابت ولدي من ثاني شهر
طبعا الاكزيما هي حساسيه
خدوده تحمر وتصير حاره حيل
وجسمه يحمر ويحكه والمشكله اذا حكه
مايوقف من الحكه الا مطلع دمه كله:eh_s(2):
قمت البسه قفازات واربط ايده
ورحت كل مستشفى
وقطيت فلوسي اهم ماعلي راحة ولدي
والي الفلوس تروح وتجي
اقل شي اقط عالكريمات 200دينار
بصراحه تنفع بس ترد يعني فتره وترجع
استخدمت الفاكورت نفع شوي
انصحوني بزيت الزيتون اني اقرأ عليه معوذات
وبصراحه نفع حيل ووقفت الاكزيما خمس اشهر
واللحين رجعت
اللحين ولدي عمره سنتين يكسر خاطري بمنظر رجوله
طبعا اثار الكزيما مبيه واسم الله عليه جنه في حرق
ودي البس ولدي شورتات
ابي شي يزيل البقع الي فيه :eh_s(10):
ويصفيهم
هذي قصتي
انتي شنو قصتج
حياج نسولف عيالنا يستاهلون گل خير:eh_s(9):

 

[Um Tuki]

ولدي عمره 8 شهور وفيه اكزيما .. و يعطونه كريمات فيها كورتزون .. !!

وحده قالت عن صابونة الديتول و الفازلين بس ما جربت لأن الديتول يسبب جفاف .. !!!!!!!!!!

ياريت تفيدوووني .. كان في ويهه و الحين صار في ويهه و فخوذه و ساقة

يارب يشفي ولدي و عيالكم ..

 

[opera]

انا ولدي فيه ومثلج جربت كل انواع الكريمات و مانفع الحين عمره 4 سنوات وللحين فيه

انا جربت الهادي ودار الشفا ولا واحد فادني كل واحد يقول جربي هذا وجربي ذاك

وعموما هذول ملوت الجلديه كلهم جذي بيمشون كريمات الشلاركه اللي متعاقدين معاهم ..

مادري اذا الاكزيما سببها وراثي او ماله علاقه بس انا اخوي فيه من اول ما نولد لين الحين اسمه اله عليه ريال يدرس بالجامعه وللحين فيه وبالصيف تزيد عليه مايتحمل جسمه كله يقب


المهم يقولون انه سببها النظافه الزايده لوووول اييي يقولون من كثر ماتسبحين البيبي بالماي والصابون تروح الطبقه الدهنيه و يسبب جفاف فتنتشر الاكازيما


الحل الوحيد اللي كل الاطباء اتفقو عليه انه على طوووول دهني جسمه كلش لاتخلينه ينشف وانا ماسكه ولدي صبح عصر ليل وادهن فيه

واللي مرتاحه عليه غسول سيتافيل و لوشن او الكريم ماله ..

الحين كلش ما اغسله بصابون العادي حتى صابون الاطفال مو طايح عليه لازم شي طبي و عندي افضلهم سيتافيل او تي تري tea tree

 

[فـراوله]

أنا أعاني من الاكزيما بس فيني أنا بايدي وزهقت منها صارلها سنه
معاي وأمي كانت تعاني منها برجولها وأبوي بعد وقعدوا 3 أو 4 سنين
تعبوا من العلاج لين ما طحت حق أمي على عيادة السكينه كلينك بالفروانيه
وعطوها كريم ومشاءالله ولا مبين له آثر ألحيييين وانا ان شاءالله بعد ولادتي أروح
لانه الكريم فيه كرتزون بالنسبه للكبار يمكن عادي بس بالنسبه لكم إنتوا عيالكم
مادري اذا ينفع لهم أو لا بس يمكن يكون عندهم علاج للأطفال ..



وفي كريم بالعطار يمدحونه للأكزيما بس أنا ما جربته

​

.​

.​

 

[العيون الوسيعة]

انا عندي لها حل باذن الله بس اول شي تدعولي وتتصدقون عني اذا شفتو نتيجة
\

 

[العيون الوسيعة]

من العطار او الصيلية وموغالي

 

[العيون الوسيعة]

وينكم ,,موجودين

 

[فلافل وبطاط]

بنتي من عمرها ٣ شهور بدت بفخوذها حبوب صغار
حييل نفس لون الجلد وخشنين .. وكان مجرد يعطوني
لها كريمات ترطيب .. قالوا يمكن حساسيه من الملابس ..

وشهر بعد شهر قامت تزيد ولي عمر السنه بدت تحمر و
تصير بقع واتحكها حيل .. وماخليت لا حكومه ولا خاص ..

وكله فتره ويرد ما ينفع ..

بس كلهم كانوا متفقين على شي واحد وهو الترطيب ..

واكتشفت ان في اكل معين يهيجها .. وكذلك السبوح ..

انا بنتي اذا كلت مانجا او ككاو وايد يتهيج جسمها وتبدا
اتحك ..

 

[العيون الوسيعة]

العلاج النافع باذن الله املاح البحر الميت وهو نافع لغالبية الامراض الجلدية ادعولي بالتتوفيق والزوج الصالح والذرية الطيبة والوضيفة وتصدقو عني لاني محتاجة الدعوة ونا واثقة انه راح ينفعكم باذن الله الطريقة خذي منو ملعقتين وحطيها ف قلبل موية ساخنة وخلية لين يدفى وجيبي منديل وحطية فية وحطية ع المكان وممكن تتنقعين فية بس الطريقة الاولى افضل لانة مركز اقصد العلاج وينفع للاطفال بس الوجة خففي منة ولاتحطين غير علا المكان المصاب

 

[العيون الوسيعة]

الي تستخدمة وينفعها تبشرني

وهالله الله بالدعوات

 

[كتالونيه]

املاح البحر الميت وين القاه
الاصلي
انا سمعت عن كريم بالحواج يمدحونه حيل
واتوقع الاكزيما وراثه
انا اول ماتزوجت لا اعرف الاكزيما ولا عمري شفتها
عند اهلي ولا اهلنا
بس لما جبت ولدي اهل زوجي يقولون
تروح اذا كبر مع الوقت
طلعت اخت زوجي فيها
ولد اخت زوجي وعيال عم زوجي
فيهم
بس الدكتور يقول مو وراثه
��
الله يشفي عيالنا من الاكزيما ��يارب

 

[العيون الوسيعة]

عند العطار او الصيدلية انا اخذته من عطار

 

[beauty rose]

بنتي بعد نفس المشكلة عمرها 4 شهور
ويهها يوم يحمر و يوم يصير شزينة مع الكريم و يرد مرة ثانية
و رقبتها كله حمرة
اعطيها حليب للحساسية
بس اللي لاحظته ان من يحوش ويهها حليب يحمر

و الله يعيييننا

 

[مريامتي]

انا ولدي عمره سنه و3 شهور فيه من عمره 6 شهور ماخليت دكتور ماوديته واقوى انواع الادويه يعطونه وكرتزون بعد
ميهه متروس وكله دم وحالته حاله وريوله ويده

وديته تايلند سوو له اختبار الحساسيه بالدم - مع اني مسويه نفسه في بلادي- طلع يتحسس من الصويا وهو حليبه صويا


بنات نصيحه شوفوا شنو حليب عيالكم يمكن مايناسبه يمكن يتحسس من المنتجات الحيوانيه وهو حليب ابقار او يتحسس من الصويا وحليبه صويا

وطلع يتحسسس من القمح وانا كل يوم اعطيه فارليز وسريلاك وهالاشياء ويتحسس من البيض ومن الاسماك ومن السمسم ومن الفول السوداني والمنتجات الحيوانيه كلها والصويا

الحساسيه في جسمه 745 والطبيعي 20 تخيليوا!!!!!!!

وهني محد عرف شفيه نصيحه خلوا عيالكم يرتاحون شوفوا شفيهم والله ان عرفتوا شفيهم ومنعتوا منهم بترتاحووووون والله
وقعد 3 شهوور يرجع مات ضعف هلك والكل قالي ارتجاع في المريى ولازم عمليه وهو مافيه شي الا ان الحاسيه فس جسمه عاليه وانا اعطيه اكل وهو يتحسس منه ومحد قالي عن الشي


اي شي تحتاجونه او معلومات او شنو الكريمات اللي استخدمه له انا حاضره وفي الخدمه تطرش لي على الخاص لاني اعاني نفسكم والحين عقب مامنعوه من وايا اشياء ماقدر اعطيه اي اكل في اللي عندها خبره في هالنوع من الحاسيسيه تساعدني

 

[&تعب قلبي&]

مريامتي
انتي من كويت اذا اي
باي مكان اقدر اسوي تحليل حساسيه
وابي نوع كريم لو سمحتي

 

[bnt qtr 1981]

عزيزاتي للوقايه من الاكزيما يحطون للطفل زبده مع الاكل المهروس (بطاطا +ملعقة زبده) مثلاً
هاي في كتاب انجليزي لتغذية الطفل (غذاء ودواء)
ومعدة الطفل تقدر تهضم الدهون اللي في منتجات الحليب(لانها حيوانية) بس ماتهضم الدهون النباتية
عادي عطوهم للوقايه ومع الوقت بيتحسن ان شاء الله

 

[توتاتوتا]

انا ولدي كانت فيه و نفص ما وصفتي كانها حرق


تعبت في البدايه مالقيت لها حل و كان الدم يطلع من ورا البنطلون و مره وانا عند اهلي شاب أبي الدم و حزن مره و وداني مستشفى سعد التخصصي بالخبر وهو مستشفى خاص


نصحني دكتور الجلدية بالملابس القطن 100%
ة عطاني مرطب مالقيته الا بصيدليتهم ماركه فرنسيه ناسيه اسمه المهم الترطيب

و غسل كل لبس جديد قبل ابسه

و من تجربة وحده ثانيه نبها دكتور من الصابون انه يعلق بالملابس و مهما تشطغينه فتكتفيييين بالقلييييل من الصابون يعني ملعقه بس للغسلة كامله


اتمنى افدتكم

 

[جوهرة القصر]

عن تجربهععندي بنت ولد البنت اربع سنين بدت معاها الاكزيما من الاشهر الاولي ما خليت شي ما سويته زيت الزيتون عيادات الجلديه تقريبا كلها سلمت عليها الحل ...قعدت اتابع اكلها اشوف شنو اللي يهيج عليها الحكه النتيجه ..الكاكاو .المنجا.الفراوله .البيض. الملابس بكل انواعها... الحل للملابس اهو صابون فيليتيfiletti لونه وردي فاتح في سائل وفي بودر المهم اذا نغسلت الملابس تتنظف عدل من الصابون بدون كومفورت...والترطيب فازلين المستوصف بعد كل غسله ودخلت تكرمون الحمام... والاكل منعتها منه لما كبرت شوي صرت اقولها ترا راح ييب لج الحكه وافهمت شوي شوي..
اما ولدي اتبعت معاه الطريقه من البدايه والحين عمره سنتين ما فيه الا العافيه...

 

[مريامتي]

تعب قلبه انا مو من الكويت سوت له فحص الحساسيه في بلادي وفي بانكوك وانا مره راسلت الدكتور الخباز قبل لااسافر عنده اختبار الوخز بالابر بس ماسووه لولدي في تايلند يمكن لانه حركي وايد وعمره مايساعد على الاختبار اللي سووه له كلها اختبارات بالدم واذا تبين اسامي الكريمات بعطيج يمكن يكونون موجودين عندكم بس طرشيلي رساله خاصه لان مادش المواضيع اللي اكتب فيها