عافك الخاطر يا فيفا يا سخيفة

[اشتاق الى الجنة]

السلام عليكم

والله لوما الحيا كان قلت عن فيفا كلام اكثر من هالكلام

انا بقولكم وانتو عطوني رايكم

توني الحين طرشت مسج لناس وما وصل وصلي من فيفا مسج مثل اللي يقول عبي رصيدك وانا خطي فواتير المهم

انا خطي فاتحته من 1/1/2009 يعني شهرين ونص بالضبط واهم من زمان قايليلي لي وصل الفاتورة 60 نقطعه والمصيبة الكبرى انهم قالوا لي تم 3 اشهر نقطعه!!!! انزين بنات احلفكم بالله صارت 3 اشهر من فتحت خطي؟؟؟؟

طبعا لااااااااااااااا باجي اسبوعين بالضبط ويتم 3 اشهر

والله يا بنات غير هذا ماكوا تعامل زين ومافي احترام ليمن اكلمهم بالتلفون ماكوا اسلوب كلش واصلا انا غسلت ايدي منهم

 

[shai5at al3arab]

ما ادري انا هالشركة ما جربتها كللش مللش

:d

 

[أم الطيب]

اشوه ما غيرت خطي

 

[اشتاق الى الجنة]

shai5at al3arab يعطيج العافية على الرد وما انصحج اتجربينها

وارجو من الجميع الرد وابداء رأيه

 

[اشتاق الى الجنة]

شكرا ام الطيب

 

[اشتاق الى الجنة]

على فكرة فاتورتي واصلة 48 مو 60

 

[بنت شيخ]

والله انا ماجربتها

بس همن بنت عمتي ما تمدح فيفا وتقول ان الارسال مو حلوو عندهم

حتى سيرفز

 

[جماااانة]

اي صح انا عندي فيفاا بس صج ملوع جبدي كله السيرفس طايح ..

واذا ابي ادق يطلع لي خطأ بالاتصال ..

انا ع العموم مااستخدم إلا اكلم رفيجتي فيه لان عندناا فيفاا فنرتاح بالمكالمة يعني نسولف ساعتين 3 عادي
ولا عندي خطي الاساسي زين ومافي احسن من خدماتهم ...

بس صج فيفاا كلش مو شيء

 

[um hamed]

مادري بصراحة انا متعامله معاهم من شهر 12 واسلووبهم واايد زيين بس عيبهم ارساالهم للحين لج عليه
حتى انترنتهم واايد قووي
انا ريلي الشهر اللي طااف راح يدفع فاتورته بس مارضو ياخذون المبلغ كله يقولون له السستم مو راضي خذو الثلث

 

[CANDLES]

اي والله صاجه
انا فيفا وفواتير خذيته 8-1-2009
وهم قاعدين كل اشوي يطرشون لي مسج بالعربي والانجليزي عشان ادفع اذوووووووووووني وطبعا مافي لميت معين دقيت وسالت قالت لي مافي هالخدمه قتلها متى بتنحط قالت ماادري ماكو الحين واعتذر عن اتصالج !

وطبعا مااقدر احول كروت بعد قالي الموظف تقدرين تضغطين شي معين نسيت شنو اهوا وبعدها تقدرين تعبين كروت وتردين بعدها للفرواتير يعني كروت مؤقت قتله زين متى اقدر احوله كروت علطول قال هم ماادري هالخدمه الحين مو موجود

شركه فاشله وخدماتهم افشششششششششششل

وعلى فكره انا ماتكلم فيه وايد وواصل الحين 122 تقريبا تخيلووووو!!!!!

انا عندي خط زين بس رحت وخذيتلي هذا وتحسفت و السيرفر لاتعليق طبعا يدقون علي اكلمهم مايسمعوني صج صج حاله

 

[رتيل الحب]

أنا استخدمه بس كلش ما عجبني ورديت على خط القديم زين أحسن منه بوايد

 

[QUMAR]

فعلا الخدمه سيئه
أنا الشهر اللي طاف مادري شفيه تلفوني
يوم دقيت تقولي مفصول
ليش يبه
جم وصلت فاتورتي
تقولي 29 بس صار لج 3 شهور ما دفعتي
زين قلت لها جم الليمت اللي تفصلونه قالت لي 60
يعني سياسه غبيه مع احترامي للكل
بس صاجه النت مالهم شئ مو طبيعي سرعته غطت علي زين

 

[ياعشيري جعلك السلال]

انا شريت خط فيفا ومخليته على الويتنق متى ماتعدلت الشركة اعتمده

لان الوطنيه كانت جذي قبله وتعدلت

 

[أساور]

شريته وقطيته بالدرج مااستعملته

 

[ROSE-BUSH]

والله خدماتهم حلوه وكافي انها من اشتغلت اتحركت الشركات الثانيه اللي قبل باااااايقينا والعروض صارت اكثر بسبب المنافسه

المشكله الوحيده عندهم مثل مشكلة اي شركه توها تبطل الا وهي السيرفز وهذي يبيلها وقت اهم شيء لا احد يستعجل عليها الحين

لازم يصير لخبطه بالبدايه ......

من ناحيتي أايدها وبقووووووووووووه

 

[shmoo5 2ntha]

أنا ماحبيتها من الأول بصراحه ولاغيرت خطي

زين خدماتهم وايد حلوه وعروضهم حلوه

ترى حتى الوطنيه كانت جذي وتوها تعدلت يعني شوفوا متى بتتعدل فيفا يبيلها دهر

 

[اشتاق الى الجنة]

اشكركم جميعا على الردود ويعطيكم الف عافية

بس بغيت اسأل اللي خذو وصلة الانترنت دفع شهري والا كروت؟؟؟؟؟؟؟؟؟؟؟؟؟؟

 

[78MariMar78]

مافي احد ينصح بفيفا
الحسنة الوحيدة انهم خلوا استقبال المكالمات من أرضي مجانا

انا عندي وطنية ومرتاحه من خدمتهم...

 

[روقاء]

الصراحه الفيفا واقطع ما عليها كلام
احسن من زين والوطنيه اللي نتفوا معاشاتنا

 

[رفاعية19]

عاد كنت ناوية اغير خطي وافتح فيفا بس الحمدلله ما سويتها....