عادي تسوين جذي جدااام خوانج ؟

[سعبوله نحله]

هههههههه

امبيه عيل انااشقول متمدهه جدام الكل اخواني وخوالي لوول حتى مرات يدخلون وانا نايمه بس طبعا اكون متلحفه <<مادري عادي ولا فشله : /

 

[يحبنى الله *]

انا كنت عادى بس صار موقف عرفت ان مو عادى وصرت حيل حريصة وعرفت ان الفتاوى اللى ان يجب المحافظة فى اللبس مع المحارم صحيحة


فلازم الوحدة تحتوم وجود محارمها مهما كان حتى لو اصغر منها

 

[إباء]

أشوف أبوي مـايقبل نتسدح في الصـالة على الكنب طلعت السالفـه كـذا !:؟
ياأن وجهينـا طلعت صبـه أنـا وخواتي
أنـا بصراحـة أحياناً أنسدح إذا بطالع تلفزيون بس غالباً إذا بابا جـا أتعدل أمـا أخواني عـادي
بس مـادري ليش أنسدح ويأنبني ضميري هههههه مع أن سدحتي محترمـه ههههه
أمـا اللبس في الببيت أنـا ماأحب ألبس برمودا
بجامات عـادية وتكون سـاتره وأنـا مقاسي عـادةً في البجامات سمول أو مديم بس أنـا أحرص أخذ أكس لارج ولا أكس أكس لارج الستر مطلوب مهمـا كـان وإذا أخوانج مو مبرر
أذكر مره كنت في المتوسط وجلست جلسـة الجنيز يمكن أشوي فصل جسمي كنا في بيت جدتي في العيد إلا جدتي تخزني وتقول لاتجلسين هاالجلسـة قدام أخوانج ههههه آشوا مـاحد سمع على نياتي والله
بس اللحين لازم البجامات ساتره ووسيعـه
شحلاة سوالفكم بنات

​

 

[مارلين منرو]

لا اهوا عادي بس اذا كنتي منسدحه حاولي تعدلين من روحج شوي اذا اخوج يه و اللبس لبسي اللي يريحج بس انه فوق الركب

 

[7rbia]

عادي انسدح بس القصير بالبيت لأ استحي او البس ضيق بس اذا كنت كاشخه احد عندنا او بطلع عادي ..

 

[تمره بحلاوتها]

لا مو عادي تسدحين وتبطحين جدام اخوانج وانتي كبيره مو ياهل

خصوصاً اذا اخوج اكبر منج

مو مسألة عيب لا المسأله احترام

حتى تكبرين بعينه لاحترامج له انج تعدلين بقعدتج

واللبس كل شخص وبيئته وتربيته

والاحتشام حلو للبنت وستر

وتقبلي رايي ياحلوه 

 

[نـعـومـه]

منسدحه على ظهري متمدده عادي بس على بطني فشله

 

[~ بنت الهدى ~]

عادي اتبطح و اتسدح مافيها شي اخواني مو ناس غرب


بس قصير لاا استحي من الواااالد

 

[عاشقة القطاوة]

آنه آصغرر وحده ف البيت وآخوااني آكبرر مني بواايد يعني اصغر واحد اكبر مني بـ6سنوات وكللهم ربووني عقب آمي ..
وكل شي عااادي آسوي وآنه طوول الوقت لاابسه قصيرر واتسدح وانبطح ف كل مكاان وعااادي
لانه اهممه اخوااني موو ناس غررب بعد آذاا ماخذيت راااحتي ف البيت آخذ رااحتي ف وين خخخخخخخخخ

حتى جداام عماامي وخواالي بس اشويه استحي هههههه وبس

 

[صعبه]

موو عآدددددي واستحي وععييب ..

امي كانت تهاوشنا ههههههه

 

[انصاريه قمره]

انا البجر اكبر اخواني وخواتي
وما فيه أي مشكله انسدح بالصاله بس اراعي لبسي ما يكون فاضح وضيج وقصير
وفيني طبع لي انسدحت لازم اتغطى بكفر ما اعرف انسدح بدوون لا اتغطى حتى ولو كنت بروحي هذا طبع فيني من صغري

 

[وُهْـمَّ #]

انا اشوف عادي بسس من باب الاحترام انك تجلسيين زي الناس مو تنسدحين وسط الصاله .


على فكره انا مرات انسدح في الصاله مثلا مايكون لي خلق اقوم .

 

[m!ss]

لووول فشله و لو ان اخواني كلهم يهال فما تفرق عندي و طبعا جدام الوالد ابد مستحيل

 

[KADE]

لااحبيبتي عادي كلنا كذا وسعي صدرك

 

[زوجة حياتي]

عاااااااااااااااادي بالنسبة لي عاااادي

 

[وسطيـــة]

lol!

آنا أشوف هالشي عادي، خو خوانچ مو غرب.

 

[وسطيـــة]

عادي!

آنا أشوف هالشي عادي، خو خوانچ مو غرب. :krkrkr:​

 

[مطيريه ووبس]

واللله استحي اسوي جذي ....

 

[dalo0oa121]

أنا مع وضد
يعني لو مالي خلق أقوم او عيزانة أهنئ معذورة
لكن لو إغراءات للمحارم ومن هال قبيل احس اني أفتي لوول
أكيد لا عيب ليش بنوا الغرفة مو عشان ننام على راحتنا

 

[فّقدّ]

*


آب آب آب ،/ ()*
أي والله أنا أمي عودتنا أن عيب وجذي
وكبرنا على هالشي نستحي ()*