عادي تسفرينه بفلوسج

[ضحاوي الديره]

عسى مااااااشر اسفره على حسابي !!!
ليش من الرجال انا ولا هو !!
لا طبعا لا والف لااااا
مع ان زوجي يستاهل عيوووووني المركبه بس كل شي وله حدود وحلاته الرجال هو اللي يسفر زوجته ويدلعها ويونسها مو هي اللي تسفره حتى لو يستاااااااهل كل شي وله حدود
مو ناقص الا باجر اجيل البيت واصلح الليتات هههههههه

 

[[[ عيون جابر ]]]

اذا مره وماتنعاد ميخالف يستاهل بس مو ل مره عشان مايتعود وبعدين اذا الريال اساسا مو مقصر بشي معاج ترا ماتغلى عليه سفره

 

[love love]

يامعوده سواء كان ريلج زين ولا شين
بالنهايه انتي اللي بتستانسيت بهالسفره
روحي غيري جو واستانسي وهو اعتبريه زوجج والحارس الشخصي لج بالسفره خخخخخ
صراااحه انا ماابخل علا نفسي بشي
اشفايده معاشاتنا وتعبنا عليه اذا ماونسنا نفسنا بسفره ترد روحنا ونفسيتنا عال العال
سافري وتوكلي علا الله

معاها اذا مره ولا مرتين ليش لا

والصراحه ريال مو مجبور يسفر المره كل سنه السفر كماليات مو ضروريات واذا اهو مو مقصر بالضروريات وصج ماعنده للسفر ساعدي عادي

 

[كويتيه مذهله 87]

اذا الريال يستاهل اي اسافر استانس ومثل ما هو يونسني ويسفرني قبل ويصرف علي ومو مخلي علي قااصر ليش ابخل عليه بسفره وعندي خييير


ليش الطمع بنات ترى هذا ريلج وابو عيالج علبوا ما اعوده يعني علي حسب الريال الصراحه اذا كفو والنعم فيه

 

[مناير ...!]

لاااااااااااا

 

[نـعـومـه]

اذا ريلج زين ومايقصر ويصرف على بيته وصج صج مايقدر يسفرج يعني مو عياره بهالحاله عادي

 

[دلوعة ماماتي 88]

اي عاادي بالاول والاخير انا اللي بستانس



سافرت مع اخوي وتكاليف السفر كانت علي انا واختي كاامله حتى تذكرت اخوي (( مااتفرق )) ~>>> اهم شي وناااااستي الفلووس طاايره طاااااايره

 

[orange blossom]

اي عادي مافيها مشكله
اذا انا مسافره معاه
و انا ريلي مو من النوع اللي متعود يطلب فلوس

 

[^^طالبه^^]

يبا كلها فلوس
يعني بتخلين علي رجلج بأقل من 1000 دينار علشان تذكرته و الاكل طبعا من غير الرحلات والكماليات والهدايا :>

بسس طبعا بالسفره مراح يكون نصيب الاسد انتي بتدفعينه
عن نفسي اذا كنت موظفه و رجلي موظفه وفكرنا نسافر نعزل من المعاش 100 دينار كل شهر و لمي يجي وقت السفره نسحب معاشتنا مقدم شهرين خوش فكره
بس لاني متزوجه ولاني موظفه ادعوليي
بزوج الصالح
والوظيفه الي اتمناها

 

[*ريما*]

اسفرة لية لا
والحياة شراكة

 

[حبيبي مالكني]

اذا ماعنده وانا خاطري حيل اسافر معاه بعطيه لان انا خاطري اسافر
بس لو اهو عنده فلوس مستحيل اسفره على حسابي ليش اعوده علي​

 

[i'm so happy]

مافيـها شـي مو سالفة تعودينه اصلا كل وحده ونظرتها لزوجها والله اذا هو يستاهل او مايستاهل وعلى حسب ظروفة

يعني مثلا انا مقدره ظروفة والله ان ساعات انمل هو عنده مبلغ بسيييط وانا مبلغ بسيييط ودنا نسافر بس نخاف تقصرنا
شنسووووي ..!
اقوم انا ادفع رسوم الفندق مثل يوم نروح دبي جلسنا 3 ليالي واهو يدفع المواصلات والاكل والشوبنق ..

والله واستانسنا ليش لانه كان في تعاون النص بالنص على حسب ظروفنا المادية

فلا تصيرون شديدين مع ريالكم يا حريم كل حده تقول لا ومايستاهل ووو معقولة لو عنده بيبخل عليج عيل لا تزعجينه ابي اسافر
ابي اسافر السفر بصراحة يتطلب ميزانية كافيه خصوصا لو بتسافرين برع مثلا لندن او ايطاليا احنا هني دبي مو ملحقين بعد
كل شي غالي واسفة طوووولت بس حبيت ابين نقطه ان التعاون حلو وتصدقون عاد احس وناسه صج ساعات انقول الفلوس مافيها بركه بس الواحد يستانس فيها مايخشها او يبخلها على الثاني

 

[فوولي]

على حسب زووجي


بس م انصحج كلش

 

[دانة_ دبي]

حبيبتي فديتج كل زوجة لها ظروف مختلفة



زوجج مو مقصر معاج ف كل شي
و مثلا عليه التزامات يبني بيت العمر او شاري بيت او شي من ها القبيل ....الخ
و مو مقصر ف البيت و ف مصروفج و ف العيال
و انتي عارفة ما يصفى من راتبه شي
يعني هو مسكين مو مقصر بشكل و كل راتبه عليج و ع البيت و عيالكم و عليه

ما اشوف فيها شي


بالعكس انا مرة كان في خاطري اسافر مكان و هاي الدولة مكلفة و دفعت من جيبي بس حاولت ما ابين ها الشي
بس يبتها بطريقة انها هدية مني و كتبت رسالة ان لك هدية ............. و عبارة عن سفرة للدولة الفلانية
دام مو مقصر عليج و يكد و يشتغل لج و لعيالج
يستاهل ونص


و السفر يعتبر من الكماليات يعني مسكين الريال من وين له كل سنة يسفر زوجته و عياله والله لاينتحر ههههههههه




في حالة كانت عنده فلوس و بخيل و فلوسه زايده
و عنده خرابيط يمين و يسار و مدلع نفسه و مقصر فيييييج و ف بيتج
اقولج ما يستاهل

 

[نـعـومـه]

ماشاءالله دانه دبي كفت ووفت رد واضح وحلو

 

[عسل حدي]

انا عن نفسي عادي العام ماكان عنده وانا الله رزقني مبلغ كبير حجزتله وسويتها مفاجأه ولما يه قالي حبيبتي السفره يبيلها مصرف صبري علي شوي قلتله محمول ومكفول يالغالي ورحتا واستانسناا وهالسنه عوضني ياها بسفره احلي منها

 

[رووح ابووها]

انا عن نفسي عادي العام ماكان عنده وانا الله رزقني مبلغ كبير حجزتله وسويتها مفاجأه ولما يه قالي حبيبتي السفره يبيلها مصرف صبري علي شوي قلتله محمول ومكفول يالغالي ورحتا واستانسناا وهالسنه عوضني ياها بسفره احلي منها

ياحلووج الله يهنيكم يارب
ويسخركم لبعض ويحفظكم


انا اشوف مافيها شي لو الريال يستاهل
على الاقل جزء من المبلغ

 

[^Te quiero^]

أي عـآدي اذا الريــآل يستـآهل ومو مقصر معاي بشيّ :eh_s(17):​

 

[bride2011]

انا اشوف سفره شهر العسل على الريال من الى بس غيرها عادي الزوجه تشارك صعب يتحمل تكاليف سفره كامله خاصه اذا الزوجه خاطرها تسافر مرتين او ثلاث مرات بالسنه واذا هي موظفه فلوسها وين بتروح يعني
اما انها تسفره كل شي على حسابها تذكرته وفندقه ومصارفهم كلها عليها بهالحاله اما يكون بخاطرها السفره وريلها مفلس وماعنده او يكون مترقي او يوم ميلاده وحابته تفاجاه وتهديه
بس يكون بخيل او مقصر او عال قلبها نصيحه لاتسفره لانه حتى بالسفره بيغث قلبها

 

[bride2011]

ترى كل الحريم يشاركون بس فسه فرق بين تشاركين ويكون عنده فلوس مايبي يدفع ولافلس بالسفره