عادي تسفرينه بفلوسج

[DELY]

لو انتي مشتهية تسافرين وريلج قالج ماأقدر هل تبادرين وتسافرين انتي معاه من فلوسج ولا ما تبين تعودينه

 

[لوكي وكلي دلع]

بصراحه لاا والف لا
شسالفه ليش ما يقدر يضبط أموره
وبعدين يطمع فيج
الرياييل ما يعطون ويه نصيحه
لا اتعودينه يحط عينه على فلوسج

 

[عزاااه]

بعكس فيها شي يمكن حد حد معاش يالله يكفي السفر ميزانيه بعكس مافيها شي

 

[عزاااه]

مافيها شي

 

[كويتية تكفي مية]

كل وحده وحسب ريلها والتفاهم حلو والحياة شراكه حلو انه يتساعدون عشان يتستانسون بعد

واذا الريل عاد نوعه بخيل ومايندي مافيها شي اخذيه بفلوسج خو انتي بتسانسين بعد مو مهم الفلوس

 

[! بــدويه وآآيــد !]

لا ما اسفره بفلوسي عسى ماشرراح يطيح من عيني اصلا
امحق وناسه شاريه فيها سفرتي وزوجي

 

[المرتاحة]

انتي اللي تقدرين تعرفين اذا ريلج يستاهل ولا ما يستاهل

 

[&جالكسي&]

والله الريل ماينعطى ويه لو سافرتو بفلوسج هالمره وبعدها قلتي بنسافر بيقولج ماعندي عشان انتي تدفعين

 

[مشتاقة الى الله]

ما انصحج حبوبة

 

[brettey]

انتي اللي تقدرين تعرفين اذا ريلج يستاهل ولا ما يستاهل

:eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15):

 

[الزيـــــ^^ـــــن]

بصرآاااااآحه انا عن نفسي مافي حواجز بيني وبين زوجي اذا ظروفه صعبه شنو المشكله اذا كنت انا مقتدره وعندي اسسفره ع حسابي
انا اشوف اذا الزووووج يستااااهل والله عااااادي اسفره تفداه الفلوووس ،،، خوو اهو طووول عمره يصرف علي ومومقصر عني
ومايمن علي ،،،

 

[om al ghaleen]

طيب منج اذا سفرتيه ويدل عل محبتج له ..
عن نفسي ياما قطيت ع البيت واشتري وناستي وراحتي
قبل مايعدي عمري وانا اخشش بالفلوس

مع اني مآايد الوحده تصرف على ريلها
لانه الريال اذا تعود ع الشي يتمادي مثل الياهل
ومايبين بعيونه حتى تراب القبر

 

[اميره1980]

اذا الريل يستاهل ادفع جزء بسيط من تكاليف السفر يعني مو كل المصاريف علي حتى لو يستاهل علشان ما يتعود

 

[Mrs.Q]

انتي اخبر بريلج هل هالشي من صالحج ولا لا
وشي ثاني انتي اللي بتستانسين فعادي شالمشكلة تسافرون ع حسابج
والشي الاهم لو انتي ماتدرين شنو ردة فعله وخايفة احتسبي هالشي لوجه الله وانج بتدخلين السرور على قلب مسلم وان رضا الزوج يخلي رب العالمين يرضى عليج
عشان عقبها لو مابين بعيونه ماراح تزعلين لان عند الله ماضاع
واذا بين بعيونه تكونين ربحانة الدنيا والاخرة
ترى صج صارت وياي انا ريلي مايقصر علي بس خايفة نسافر بفلوسي ومايبين بعيونه فقررت نسافر واتوكل
صج ماضبطت السالفة كان عنده مقابلة بس يوم درى بالفكرة طار من الوناسة
وكافي عامل المفاجئة بيسويلكم جو ووناسة
انويها لله بتستانسين اكثر منه ترى :**

 

[عواشه القرقاشه]

حبيبتي عادي شنز فيها
اذا الريال زين معاج و مو مخلي عليج قاصر
وتدرين ان ظروفه الماديه ما تسمح ان يقط حق سفر

والله نسافر وجنه العيد
مثل لما انتي تفرحين لما يسويلج مفاجأه ويسفرج
اهو بعد يفرح

انا عن نفسي سفراتنا دايما النص بالنص
وكلنا عيال قريه وكلن يعرف اخيه
معاشه مسكين بيلحق على شنو والا شنو
اجار الشقه والا اليهال والا التزامات البيت والا طلعاتي ومطاعمي

اما اذا تدرين ان عنده وماسك
لا والله ماانصحج
وكل وحده تعرف ريلها واطباعه

 

[ارجوانه كوول]

انا اقول اذا متاكدة ان فعلا ما يقدر ليش لا

ترى فعلا الريال اذا شاف منج شىء حلو

راح يتذكرها طول العمر

واحتسبى الاجر من الله

 

[PinkLulu]

ما أسفره بفلوسي

بس نتفق على ميزانية السفرة مع بعض وأساعده بجزء من المبلغ
​

 

[DELY]

مشكورين على تفاعلكم ����

 

[بوح الحنين]

اتا اقولك لا لانك بتندمين ساعديه باغراض البيت بس بسفر لا ممكن انتي نص وهو نص بس ارد واقولك لاتطمعينه فيك بتندمين

 

[الـفـجـر الـبـعـيـد]

اذا ريلي يستاهل اقط معاه ليش لا انا وياه بنستانس
موحقه بروحه بس واكيد هو بيقط معاي شدعوة ما عنده
ولا حتى 100 دينار من معاشه خصوصا اذا السفره لديره
غاليه غصبا عليه بيقط والرياييل اغلبهم يحبون السفر