عادي الزوجه تطلب من زوجها الجماع ويرفض

[ام هيووونه]

ماعرفت وين احط هالمشكله

بس بختصار اذا الزوج طلب من الزوجه انه يجامعها ورفضة تلعنها الملائكه

واذا الزوجه طلبة ورفض شنو يصير

يعني شنو رايكم لو الزوجه اكثر من مره تطلب حقها الشرعي وما يسويه الزوج شنو لازم تسوي ؟؟

 

[دنيا ماتسوى تعاني]

تصوم لان الصيام يعف النفس عن الشهوات

 

[Miss.6Mo7]

مثل مآقالت نعومه تصوم إذا تقدر ..
أو إنهآ تطلب منه بس بطريقة غير مبآشره .. وإن شآءالله المتزوجآت يفيدونج

 

[أم أمجاد]

بصراااااحة مادري شقول بس ماحبيت أمر ماأرد......

والله يحز بالخاطر حييييييييل لما الوحده تحس بالرفض من زوجها وخصوصا إذا كانت تحبه

بس أكيد فيه سبب إذا مو أسباااااااب دوري شوفي النقص وين وان شاالله تنحل.....

وإذا إنتي مو مقصرة يمكن السبب فيه يمكن مايحب هالشي أو مريض أو لاسمح الله يفكر أو يحب أحد ثاني ترى الرجال الجنس عنده مرتبط

بالرغبة وكل مازاد الحب زادت الرغبة .....

ثانيا إذا أنتي متزوجه من زمااااااان يعني 15 سنه ترى عادي يصير مرة بالأسبوع مثلا.... والله يعيييييينج

 

[@ دهن العود @]

حبيبتى نفس الشى تلعنه الملائكه حتى يصبح

 

[دلع روز]

كلميه بالموضوع وقوليله ترا مافيها شي هذا حقج الي فرضه الله عليج
ويمكن زوجج من نوعه يحب تطلبينه ويحس انه مقبول ترا فيه ريايل جذيه

 

[ليالي الصمت]

يمكن زوجج من النوع اللي يحب تكون المبادرة من المرأة
يعني انتى تتحكمين بالوضع
او يمكن عنده هموم ومشاكل شاغلته

 

[قلبي1]

حبيبتى نفس الشى تلعنه الملائكه حتى يصبح

انتى عندك دليل او من راسك تقولين كلام بدون دليل ..................؟؟؟

 

[~*~الملكة~*~]

الجماع حق شررعي للمراة والرجل

وليس مقصوور على الرجل فقط

بحثت لج في قوقل عن الحكم الشرعي

(يجب على الزوجين إعفاف بعضهما بعضاً ، ويحرم لأحدهما الامتناع عن الجماع إضراراً بالآخر ، ولا شك أن ثمة فرقاً بين الزوج والزوجة في هذه الحال ، فالمرأة لو لم يكن لها شهوة : فإن زوجها يقضي شهوته معها ، ولا عكس ؛ لأن رغبة الزوج لها تعلق بالانتشار والانتصاب عنده ، وهو ما لا يتم الجماع إلا به ، لكن من قدر على إعفاف زوجته ولم يفعل : فقد إثم ؛ لأن حق الاستمتاع مشترك بين الزوجين ، إلا أن يكون هجره لها من أجل تركها لما أوجب الله عليها ، أو لفعلها معصية ، وإلا أن يكون تركه للجماع بسبب مرضه أو إرهاقه .)

وهذا الموقع للي حابه تعرف اكثر
http://www.islamqa.com/ar/ref/110597

 

[ام هيووونه]

الله يجزيكم خير

انا توني متزوجه من 4 سنين

اول شي كل شي طبيعي عقب خف تدريجيا يعني عادي كل 5 ايام الى اسبوع

وادري انه عنده ضغوط وهموم بس مو الي تخليه جذيه يعني يا يكون مستعجل في 5 دقايق ول مايبي

حاولت بكذا طريقه وشرحت له اني احتاج وهذا حقي وهذي غريزه من الله مايصير مثل مالك حق لي انا حق ولو اني اموت وانا اقول هالحجي لانه كبير حيل وعيب الوحده تطلبه بس مليب سنتين ويمكن اكثر ماله خلق دايما تعبان انزين راعية نفسيته وتحملت بس مليت

ويقول ان العيبه منه مو مني اهوا تعبان انزين شنو الحل؟؟
قلت له في حبوب في طرق يقول اخاف اموت هذول خطرين هههههه يخاف على عمره

انا شكيت انه يحب وحده ثانيه لانه رغبته مو لي وراقبته ما عنده خرابيط لله الحمد

بس مليت انا اطلب البوسه وانا اطلب اللمه وانا اطلب كل شي حلات الشي يكون من الخاطر مو بطل ويطلع من ورا النفس يعني انا مو ذابحتني الشهوه بس لما احس اني مو مرغوب فيني اكره نفسي وتتعب نفسيتي ..اقول محتاجه حنان لمني يسوي نفسه ما يسمع ول يلمني على السريع ويقول خلاص يالله وخري ول يدور عذر بيعورج ظهرج ول اي شي

اي نسيت شي قبل كان لما ينام لا شعوري يلزق فيني ويسوي حركات اقوم انا منصدمه واستانس لما يستوعب يوخر ويخليني صحيت وينام ويقول جذابه ما سويت شي

بس عقب جم مره مايقام يسوي شي احسه بعييييييييييد حيل عني

 

[ام هيووونه]

اي نسيت اقولكم يعني من محاولاتي اني حجزت فندق على البحر ابي نفسيته ترتاح ويكون رايق

حسيته مشدوده اعصابه اكثر والزقاير زادة عن كل مره وانا اقعد بره بالبلكونه اهو داخل منسدح يطالع تلفزيون اقعد على البحر اهو بالغرفه تعبانه وماله خلق

يعني شنو حل هالتعب مللني

 

[على وجهها سمة الأبرياء]

حبيبتي موضوعج لازم يكون بقسم المتزوجات هناك يفيدونج اكثر

 

[shaikhat elbnat]

الله يعدل تمورج حبيبتي

لا تطلبينها علني ولا اتفاتحينه بالموضوع .. بس دايما تزهبي له و تجهزي و تدلعي و دلعيه و الله كريم يارب

وايد ترى جذي حبيبتي والله

 

[ام فروس الاشقر]

حبيبتي هالشي عادي لا تشكين بريلج ولا شي الريال لمن يكون بظغوط نفسيه ايحس بالنقص بس انتي حاولي ماتعبينه بهالشغله وريلج الحمدلله كامل والكامل الله والدليل بالاول يعني لو عنده نقص جان عرفتي بالبدايه مو الحين والله يصبرج ان شاء الله ولا تلومين الرياييل الحين والله مظغوطين بكل شي وبالنسبه حقج انتي صومي وادعي وهم تصدقي بالنية دفع البلاء عنج وعن ريلج ولاتنسين الثلث الاخير وهم الاستغفار والله واد مشاكل انحلت بالاستغفار وياربي ايهون عليكم ان شاء الله وهم لاتنسين العسل سئلي عن العسل الزين وسويله دايما السمج والروبيان وكثريله من الخس بالسلطات ولاتنسين البصل ههههههههههههههههههههههههههه ترا بيزيد (النينيييييييييي) على قولت خالتي قماشه

 

[<<لمار>>]

يمكن من كبر السن وتغذيتة مو زود

 

[@ دهن العود @]

انتى عندك دليل او من راسك تقولين كلام بدون دليل ..................؟؟؟

يااااا حلو اسلوبج !!!!!

لا حبيبتى مو جايبته من راسى لو انى مو سامعته بنفسى بالتلفزون على قناة السعوديه من احد المشايخ

كان ما افتيت من نفسى وابسط شى بقول الله اعلم بس انا سامعته بنفسى

 

[اروى77]

ردا على العنوان والله بصراحه انا اشوف اذا تكرر الرفض موعادي احس الموقف يحز بالنفس .. بس انتي تقولين مره بالاسبوع وانا اشوف هالشي طبيعي بالنسبه لاربع سنوات زواج .... بكل الاحوال انا انصحك تكلمينه بهالموضوع لاتنحرجين منه هذا زوجك وحبيبك يمكن لاسمح الله يعاني من ضغوط اومشكله صحيه لاقدر الله... اي ونسيت اقولك ترى نوعية الاكل تاثر .. دشي على مواقع شوفي مواضيع مشابهه سالي اهل الخبرة والعلم وانشالله راح يفيدونك

 

[كوارين]

ليش ما يروح يعالج افضل يمكن في ضعف بهلشغلة اتخلية متوتر

 

[مشكلتي احبه]

الله يعينج حبيبتي بس انتي لا تحنين عليه وايد بالموضوع بعدين يكره نفسه ويكره القعده معاج والجماع
والله يصبرج انشالله لهي نفسج بعيالج

 

[قهوة عربية]

تصوم لان الصيام يعف النفس عن الشهوات

حبيبتي .....الصيام لغير المتزوج ...!! وليس للمتزوج الحصين

هذا واجب على الزوج والزوجة ...كل واحد يشبع رغبة الآخر بالحلال حتى يتحصن

يقول الرسول صلى الله عليه وسلم ( من استطاع منكم الباءة فليتزوج .......الخ الحديث ....

حتي يصل إلى قوله فمن لم يستطع فعليه بالصوم فإنه له وجاء

ومعنى الباءة : أي المهر

والحديث واضح وصريح ...من لم يستطع ....أي لم يقدر على المهر وليس لديه الامكانية على دفعه ....والقدرة على فتح بيت والصرف على الزوجة والأبناء

ولم يقل على الزوجة الصيام إذا لم يأتها زوجها ......!!!!

بالعكس يحرم على الزوجة الصيام ( لغير صيام الفرض ) إذا لم تستأذن زوجها

الله يخليكم بنات التحقق من المسائل الشرعية قبل الافتاء بها