عادي اشكي لكم ؟

[HaYoOoMa]

عااادي

انتي جيتيه باسلوب غلط اهو شكو شنو ذنبه اذا اهله ماسوولج عشا

جان قلتيله كل الناس يسوون لحريم عيالهم عشا الا اهلك ماعبروني حتى اهلي مستغربين من هالشي وبس سكتي بينتيله اهله غلطانين وبعد فتره تقوليله شفت اهلك مسوين عشا لفلانه وانا ماسوولي وانا ماجاهم مني الا كل خير الله يسامحهم

واهو بيحط بقلبه


انا نفسج خالتي تسافر وكل ماردت لازم اقهويها جاي وقهوه وحلو وفطاير الله لايخسر وادق على حمواتي اجمعهم
رديت من السفر ماشفت منهم شي المفروض يقدرون مثل ما اقدر
الله وكيلج ارتحتتتتت راحت خالتي وردت بس الحمدلله عالسلامه تكفي


عامليهم بالمثل وردي لبيتج احسسسسسسسسن

 

[ريوومة 1982]

اهم غلطانين هذا حفيدهم و فرحتهم

و بعد انتي الله يهداج كبرتي السالفه و دخلتي ريلج بالسالفه و طلعتي

 

[ساره777]

خليج اطيب منهم

وقطي كل شي ورا ظهرج

وباجر ولدج يسوووى جذيه مع زووجته يقوول اهم شي امى مى

 

[@همس المطر@]

الي مافيه خير حق اهله مافيه خير حق الناس !

 

[qswa]

المشكله يابنات انا اعرف نفسي استحي الواحد يعمل باصله وانا الحمدلله مافيني خبث سبحان الله الناس هم اللي يولدون فيج الصفات اللي موزينه بتجي مناسه قريبه وكالعاده ينطرون مني قهوه وحلووو استحي احقرهم وان شاءالله بقدر احقرهم لانه فرحتي بولدي مو شويه وكلمة فلانه تستاهل وانا يعني ماستاهل مستحيل انساها

 

[زوجة عزيز]

الف الحمدلله على سلامتج ومايخالف حبيبتي كلهم جذي مايرضون على اهلهم حتى لو كانوا غلطانين الله يعينج

 

[qswa]

الف الحمدلله على سلامتج ومايخالف حبيبتي كلهم جذي مايرضون على اهلهم حتى لو كانوا غلطانين الله يعينج

الله يسلمج حبيبتي وصج الله يعيني مالي حظ الحمدلله ع كل حال

 

[مارشميلو..]

طيب طنشيه كم يوم لاترسلين ولا تتصلين وشوفي ان شالله بيتصل ويجي ياخذك البيت
وعسى الله يهدييييييييييييكم لبعض امين

 

[ScarletteO'Hara]

من وجهة نظري اهم مو مجبورين يسوون لج شي
صج انج يبتي لهم حفيد بس انتي مو بنتهم
كبرتي الموضع على الفاضي
و المصيبة ناطرة ريلج يراضيج
صدقيني انتي الغلطانة صعب اهو يردج البيت
الله يهداج بس المفروض ما تطلعين من البيت لانج انتي الغلطانة

 

[qswa]

من وجهة نظري اهم مو مجبورين يسوون لج شي
صج انج يبتي لهم حفيد بس انتي مو بنتهم
كبرتي الموضع على الفاضي
و المصيبة ناطرة ريلج يراضيج
صدقيني انتي الغلطانة صعب اهو يردج البيت
الله يهداج بس المفروض ما تطلعين من البيت لانج انتي الغلطانة

انا ماقلت سوولي ومافرض عليهم شي بس ليش تسوون لغيري وتقولون والله تستاهل وانا لا؟ لو ماسوو لغيري جان سكت بس ليش يتعدوني ؟

 

[بقــآيآ جـروح]

الله يعيـــــــــــــــــنج
عطيه وقت لاتدقين عليه ولاتدزين مسجآت بعد اللي صار صار
صج غلط انج طلعتي بس قدر الله ومشاء فعل
نطري شوي وطرشي له مسج مباركه بمناسبة رمضان
بس مو الحين نطري ثلاث ايام اقل شي
خليه يفكر بينه وبين نفسه ويشتاق لج

 

[على الطيب تربيت]

حبيبتي مقدرة وضعج وخاصه حبوب المانع تلعب شوي بالنفسيه

شوفي ياحياتي ماكو اي شي واي سبب يخليج تهدين بيتج وزوجج الا بحاله وحده ان شفتيه كلش مايصلي او فيه بلا ماينكست عليه
بالنسبه للحموله عادي انتي بغنى عن عشاهم وقهوتهم يعني لو منج انا طااااف اعطيهم

أنا طلعت من الاربعين اول مره وماني مقصره معاهم كلهم ورحت فصلت خمس بدل من المشاغل علبون يسولي عشيات ويتنابون علي الحموله والعمات والخالات بس لقيت ولا شي من هذا حصل بس قالوا بنسويلج عشا وماشفت اي شي عادي مازعلت

اهم شي زوجي وعيالي فقط لاغير

الحل ياحياتي ...

ارجعي لله وصلي وادعي وخلي زوجج كم يوم يمكن الحين هو بيأدبج شوي لانج زعلتي وخليتي البيت من دون داعي

راح يردج باذن الله وراح تبشرينا بهالشي بس انتي لاعاد تغثين عمرج بس عاملي الي جدامج مثل مايعاملج ولاتحرقين اعصابج وعيشي لرجلج وعيالج بس
انصحج بهالوقت تقرين سورة البقره

ننتظر اخر اخباااارج حبوووووووبه

 

[Neuschwanstein]

السلام عليكم ورحمة الله وبركاته
ومبارك عليج الشهر مقدما

طبعا ماراح أقول إنج غلطانه ولا ألومج لأنج الحمدلله واعيه ومنتبهه لهالشي وهذا شي طيب ولله الحمد
بالنسبة لأهل زوجج - أو أي شخص بالدنيا - .. حبيبتي .. كل واحد يسوي بأصله
لما انتي تسوين الزين .. فهذا يدل على طيب أصلج وسنعج .. مو لأن أحد جابرج على شي
بس لأنه معدنج طيب .. حبيتي تسوين سوي ما حبيتي محد يجبرج عزيزتي

ثاني شي .. سوي خير وقطيه بحر .. وأبدا لا تنتظرين شي بالمقابل
ولا تتوقعين شي .. سواء كان زين أو شين .. سوي الخير ولا تفكرين بعدها بشي .. ريحي راسج

الحين انيي حق الموضوع الاهم .. واللي اهو .. شلون نردج بيتج
حبيبتي .. أول شي أدري عزة نفسج ما تسمحلج .. والشيطان بعد شاطر
تعوذي من ابليس .. واستغلي هالفرصه زين .. كلها جم يوم ويدش علينا رمضان
وانسب طريقه ترجعين فيها بيتج لو اهو ما فكر يردج .. مثل ما قالت احدى الخوات جزاها الله خير
دزيله صورة البيبي .. او فيديو للبيبي .. وباركي له بالشهر .. وقوليله .. ناوي ترمض بروحك مثلا ولا شنو؟
خليها على مزاح حتى لو مو حابه هالشي ..
لا تخلين يدش عليج رمضان وانتي زعلانه وشايله بقلبج
وعذريه لانج تدرين يا حبيبتي انه مو غلطان
الرياييل اذا غلطانين غصب يعتذرون هالمره تبينه يعتذر واهو مو غلطان؟

ونصيحه لوجه الله .. لا تييبين له طاري اهله لا بالخير ولا بالشر .. ألزم ما عليج اهو
اذا اهو طيب معاج حمدي ربج وشكريه الف مره على هالنعمه ولا تخلين سوالف تافهه تكدر عليكم عيشتكم
اهما مرتاحين وانتي متضايقه ! ليش عاد الدنيا ما تسوى

عسى ربي يسخره لج يارب ويهدي سركم ويبعد عنكم كل سوء ومكروه

يلا صيري خوش وحده وبادري انتي اذا اهو ما بادر

ننطر منج البشاره برجوعج قريبا جدا ان شاءالله

اي .. نسيت اقولج .. الحمدلله على السلامة ومبروك ما ياج .. ويتربى بعزكم ان شاءالله

 

[dnyay_mll]

مالومج لما تزعلين
بس ليش طلعتي من بيتج؟؟
اكيد مايدز مسج او يدق لان اهو مو غلطان
الله يهديج ردي بيتج

 

[أغلى أمنياته]

انا من خلال تجربتي اقولج لو اهله قالو اي شي ولا سوو اي شي هم الصح وانتي الغلط ،لا تدخلينه بينكم لانه اكيد بيوقف مع اهله ضدج لو شنو سويتي
نصيحه لا تشكيييين من اهله لو شنو

 

[qswa]

بعد قلبي بنات ماقصرتو معاي بالردوود والله يكتب اللي فيه الخير يارب بيني وبينكم انا فعلا محتاجه هالراحه فبيت اهلي نفسيتي ترتاح شوي واعصابي بعد اشكركم مره ثانيه ماقصرتو حبيباتي

 

[الا يامطول صبري]

الله يهديج ماتسوا انج تهدين البيت علا شي ماسواه زوجج
والله لاشفنا لاعشا ولاطلاعه والله ولاقهوه ولا بعض منهم ماجاا بارك ولاسلم
صح شي يحز بالخاطر بس بالطقاااااق اهم شي بيتج

 

[توتا حمرا]

انتي غلطتي يوم طلعتي من بيتج
السالفة ما تسوى كلها كلمة قال لج انج غلطانة !!
يعني اهو ما بيجبر اهله عشان قهوة او عشاء
ردي لبيتج حتى لو ما راضاج لأن اهو ما غلط عليج بشي​

 

[Blueflower84]

حرام عليج ليش اتقولين ان مالج حظ.. حمدي الله وشكريه لان رزقج بريال يحبج و رزقج بالولد الصاحي السليم.. واهل ريلج حتى لو ماوجبوج بس اهم ماغلطو عليج و لا سبوج ولا تحرشو فيج اهما بحالهم وانتي بحالج.. وريلج ماغلط عليج.. و بما انج انتي الي طلعتي من كيفج لازم انتي الي تردين.. دقي عليه و قوليله ان نفسيتج تعبانة توج والدة ومن هالحجي وراضيه وقوليله برد بيتي و وعديه انج ماراح تطلعين من بيتج مرة ثانية على سبب تافه صدقيني هذا ما يقلل من قدرج عنده ولا من كرامتج بالعكس راح تكبرين بعينه لانج اعترفتي بغلطتج و ترى الريال مايحب المره الي تصغر عقلها و تزعل من سوالف تافه.. واذا كل مرة بتصير مشكله و لا بتزعلين منه بتروحين بيت اهلج باجر راح اتصير طلعتج من البيت سهلة وماراح تهمينه.. واهوا ماراضاج ولا قاعد يرد عليج لان يبي يفهمج انج ماراح تلوين اذراعه بهالحركة ولا راح تقدرين وقلبينه على اهله.. يعني حتى لو اهو مشتاقلج و بداخله يدري ان اهله غلطانين هم ماراح يراضيج عشان يوصلج هالمسج

 

[رحيل المرافيء]

ترى ماهم ملزومين يسوون لج شي
واذا بيسوون محبة في ولدهم مو لج ولا انتي مالج شي عندهم
تبقين مرة غريبة
ومو سبب تتركين بيتج سبب سخيف حده
وانتي الخسرانة
كيفهم ناس مايبون يسوون لج حفلة ليش الزعل الشغلة مو غصب
ولا انتو بنات هالوقت مدري شلون تفكرون