عادة اجتماعية منقرضة

[ديانا سبنسر]

مرحبا بنات ديرتي


شلونكم مع البرد والصقيع ان شاء الله تمام



شنو العادة الاجتماعية اللي كانت موجودة قبل بمجتمعنا والحين انقرضت


انا احس عادة التزاور بين الجيران انقرضت او على وشك انها بتنقرض قبل الجار اكثر من اخ الحين الجار مايدري منو جاره


واذا ذبح روحه العلاقة حدك حدك


انتو شنو عادات اجتماعية كانت موجودة وفقدوتها

نورو موضوعي بردودكم

 

[monmon12]

القرقيعان الأصلي

الحين صاير مادري اشلون يعني الصارحه مو مثل قبل وصار سخيف اول وناااسه نفتر على الجيران ولما نرجع ننزف انه مانكل الحلاو كله

واذا ربع دينار لقينا صار أكشن

الحين يسون استقبلات قرقيعان وخربوه كله ماعاد يهال يمشكون بالشارع وجنه حفله مو قرقيعان

 

[أم جرآح]

البسااااااااطه
قبل البساطه بكل شي كااانت حلوه مافي تكاليف بالحياه عند الغني والفقير
الحين اللهم ياكافي حتى بين الأهل مافي بساطه اتلاقين الاخت تكشخ ع اختها
واذا احد بيزورج لازم تعملين حسابج قبل بيووم والحاله حاله

وثاااانكس على الموضوع الحلوووؤ

 

[صمت المرافئ]

رد : عادة اجتماعية منقرضة

عرس البيت ...
قبل كانت العروس في البيوت
يا حلاتها والرقص في الحوش
سواء صفين والا طقاقة >>> وهذا نادر
سوالف ويمعة وضحك
الحين فنادق وصالات تضيق الخلق
واستعراض ملابس ومكياج
لا تقدرين تسولفين ولا شي
وازعاج ما تطلعين إلا فيج صداع من السماعات
والصوت العالي
رحم الله أيام زمان أيام البساطة وراحة البال​

 

[فاقده ابوهاااا]

رد : عادة اجتماعية منقرضة

باختصار العادات والتقاليد راحت وين تربيه ابوي الله يرحمه ووين تربيه بعض الناس لعيالهم ووين البنت قبل بحشمتها والحين بس تفرفر بالمولات والسفر مع رفيجاتها ووين الجيران والصديقات الصح واهم شي وين قلوب الناس الصافيه الي ما تعرف تحقد ولا تحسد ولا تكره الحين اعوذ بالله من البعض القلب صاير اسود من الحقد للاسف كل شي تغير بس للاسوء

 

[iLLuMinaTion]

uppppppppppp

 

[المعتزه بدينها]

رد : عادة اجتماعية منقرضة

كلشي تغير مافي شئ قعد على حاله
انا فاقده حسن النيه قبل اتكلمين بعفويه ماتخافين بس الحين حاطه على لساني حارسين وضابط علشان مافي كلمه تنفلت منيه او مناك بعد مايسوا تفلت كمه مني واقعد شهر ابررها....................؟؟!!
تسلمين يالحلوه على الموضوع

 

[ســتارز]

العادة الاجتماعية اللي كانت موجودة قبل بمجتمعنا والحين انقرضت وراحت مع وقتها

اهي النوم في بيت اهل العروس واهل المعرس صحيح كان زحمة على ربة البيت بس كانت ايام رووووعة لنا احنا البنات وجمعتنا

نسهر لي الفجر ونطرش احد للدكان يجيب لنا كل ماجلة الفرفشة والسوالف والمرح

 

[بخـــارى]

رد : عادة اجتماعية منقرضة

ماعاد في علاقات مابين الجيران
صارت علاقة عداوة ولي اح
زارج ووقف سيارته فبيتهم قامت القيامه

والموضه الحين الحموله الي ماتدري عنج ولاعن هوا دارج
جنه يقولون احمدي ربج زوجناج ولدنا

 

[كوشيه فوشيه]

رد : عادة اجتماعية منقرضة




يوووووووووه ياكثرهم :eh_s(2):


اساسا اغلب العادات الاجتماعيه انقرضت


واهمها نومتنا ببيت خوااالي وجمعتنا مع خالاتي :eh_s(2):

 

[عهود الحب]

رد : عادة اجتماعية منقرضة

انا مفتقدة البساطة بكل شي
صج قبل كنا بسيطين وعادي
الحين مو أي سوق مو أي لبس مو أي شي
طغت سوالف الماركات والمظاهر الي عالفاضي
سبحان الله من عقبها قل الحلا بكل شي
يا حلو بساطة أول حتى بمواعينا حتى ببيوتنا حتى بمعيشتنا
الحين الناس مقاييسها وتفكيرها تغير
و الله شحلات أول و شحلات ايامنا
وعيشتنا واكلنا
الحين كل شي تعقد وصار مااااااصخ
والغريفة من الجيران والطعمة شحلاتها عالجبد لو صحن لقيمات


ايام

 

[samara20001]

الحياء
الحين مافي حيا كلش

 

[نور النـور]

النفوووووس تغيرت
الحين كل واحد يقول يالله نفسي
لان الكل صار مشغوول بحياته الخاصة
وماله خلق احد
يالله نفسه وعياله وبيته
الظرووف تغيرت
المعيشة تغيرت
فا اكييد كمل شي بيتغير
هذي الدنيا
^-^

 

[ياليل مااطولك]

كل تطور لة ضريبتة اول الناس بسيطين ويرضون با القليل الحين صارت الحياة مجاكر بين الناس وشوفة نفس يا زين زمان اول كان بيت الجار بيتك حتا كان الجيران متكاتفين حتا عيالك تطمئن عليهم عند جارك الحين كلن نفسي نفسي

 

[شمس 20]

البساطه بكل شي
والجمعه بين الاقااارب
الحين اللهم ياكافي محد له خلق يسوي عشاء يجمع الحموله ؟
ليش ؟
الكل خايف على ماجلته لاتخلص
وسوالف الحلو وتقديمه
قبل ياحلات نحط اى شي ونقدمه مع القهوه
الحين لا ، لازم حلو من مره لايقل عن 10 دنانير
والاعيااد قبل تهبل من فير الله احنا ببيت الاهل
الحين يمر العصر وتونا ماطلعنا من البيت

 

[كيكه توفي]

وايد أشياء تغيرت مثلا

* قبل وقت الغدا الكل يكون قاعد الحين كل واحد يتغدا بروحه اللي يوصل من الدوام يقول حق الخدامه تحطله وياكل بروحه الام بروح الابو بروح العيال كل واحد فيهم بروح قبل حتى لو مو مشتهي تاكل المهم تكون قاعد وقبل محد يمد ايده وياكل الا لمه الابو اول يمد ايده
* قبل لي دش الابو العيال كل واحد يقوم ويبوس راس الابو الحين يدش الابو اللي منسدح واللي مجابل الاب توب
* قبل الجيران عادي واحد يدخل عالثاني ويتواصلون الحين محد يدري عن الثاني ولا يعرف جيرانه
* قبل نرضى بالبسيط الحين لا مثلا بالطلعه قبل روحتنا بيت اليد وناسه عندنا الحين مانبي بيوت سينما مطاعم وغيره
* قبل النيه صافيه بين الكل الحين أعوذ بالله نفوس البشر تغيرت

 

[مسك وبخور]

رد : عادة اجتماعية منقرضة

يا حلو العيد قبل فرحه بفستان العيد والعيادي مو مثل الحين اليهال طول السنه لبس جديد والفلوس ما ناقصهم شي وحتى الكبار لهم
فرحه بالعيد قبل مو مثل الحين صارت يمعة العيد الصبح تعب وماننام وتعبانين صار الاكل صبحية العيد ما نقدر وما نتحمل مع انه والله له طعم غير مع انه لقمه صغيره بس يا حلوها:botetoo:
طيب لغينا الاكل وخليناه تقديم خفايف حلو ومالح بس بعد رجعوا يحنون على اليمعه الصبح :cxxxp:
لما صارت يمعة العيد المغرب والصبح نايمين حاله حال اي يوم عادي :0bee2e8d89:
يا ناس حلاة العيد بالفزعه من الصبح حلاة العيد بفرحته و بتعبه
هذا يوم عيد مو اي يوم ثاني :flower:

 

[سنووايت__]

رد : عادة اجتماعية منقرضة

اليمعه بالغداا
قبل شي اساسي ناكل مع بعض لكن للاسف الحين الكل لاهي بدوامه وحزته غيير
ثاني شي تزاور الجيران خاصه اليهاال بشكل يومي
الحين انفضرت هالعادات

 

[بنت شيخ]

كل شي تغير

والبساطه بكل شي

 

[ام دليار]

رد : عادة اجتماعية منقرضة

البساطة بكل شي أذا وحدة طلقت الناس بتشمت
ماعاد في أحترام للكبير
وفي بنات أذا سافر زوجها بتقول الحقير سافر ماقال هذا الكلام من قسم الحياة الزوجية
الأحترام ماعاد موجود مثل أول