عاجل لحقوني دم وحمل

[قلب ريلها]

يا بنات لحقوا علي انا حامل بشهر الثاني ونزل علي دم احمر فجاه موايد بس خفت وعلى طول رحت المستشفى سولي سونار قال الحمدالله الكيس الجنيني في مكانه بس للحين توه صغير مايبين النبض وقال لازم راحه عاد من امس لليوم مافي الا بني واذا امسح بالكلينكس بس فجاه المغرب الا رد نزل علي دم احمر مع قطع صغيره كلش ورد وقف يابنات هل هشي بدايه اجهاض لان حمالي القبلي كان دم وقطع لحد الشهر الرابع وسقطت لان ماسو لي ربطاي نسيت اخبركم امس عطاني ابرة تثبت مع حبوب تثبيت ادعولي يابنات كله من احمل اجهض وحي بضنى يملي علي حياتي وانا الحمدالله اقره على روحي دوم

 

[Eng.Kokoro]

ان شاءالله ياااارب الله يثبته وتفرحين بشوووفته. بس راجعي المستشفى
دام نزل قطع مايبشر هذا 

 

[قلب ريلها]

لا قطع قطع لا نفس الخيوط صغيره كلش

 

[امواج الكويت]

حبيبتي روحي طوارئ الصباح احسن لج لا تروحين خاص وان شاءالله خير لا تخافين انا قبل شهر نزل علي قطع كبيره اسم الله عليج والحمدلله الحين ماكوشي

 

[auoma]

حبيبتي لازم راحه وابر وحبوب تثبيت
وراجعي عشان تتطمنين على النبض
والربط حبيبتي مايسونه الا اخر الشهر الثالث
انتي ياروحي توج ٥ اسابيع احتمال والعلم عند الله انه الحمل ضعيف لانه٥ مايبين النبض
الا بعد اسبوعين
بس بطمنج انا بحمالي الثاني كنت مثلج من بعد ماحللت بيومين نزل علي دم
وارتحت واخذت ابر وحبوب وكان دم زايد بالرحم والحمدلله ارتفعت

 

[قلب ريلها]

مشكورين فديتكم وان شاء اله خير باجر ان شاء الله ارد بلادي حق اروح المستشفى

 

[زين ودلال]

الله يثبته ان شاء الله

 

[@ام يوسف@]

الله يثبته ويتمم عليج يااارب ويرزقج الذريه الصالحه

 

[tbola]

الله يثبته لج ويجعله من ذريه الصالحه

 

[الأميرة جوري]

لاتحركين وايد خليج نايمه واكلي برتقال يثبت الجنين واخذي مثبتات

 

[أم الفناتك]

الله يرزقج بالذريه الصالحه وتقر عينج بشوفة ضناج يارب

 

[كويتية222]

شوفي اختي اذا في مغص وعوار ظهر ودم احمر او بني روحي للمستشفى

وع فكرة في صوت لقلب الجنين

وكلي امرج على الله

 

[ساااارونه]

حبيبتي عليجً بسورة الحاقه وسورة الطارق لاتقطعينهم والله يثبت لج حملج ويتمم لج على خير طبعا ممنوع الجماع والحركه وحطي تحت ريولج مخده مرتفعه شوي

 

[قلب ريلها]

هلا خوأتي الحمدالله اذا اكون منسدحه ولا اتحرك يخف ويصير بني خفيف كلش بس اذا اقوم ةاتحرك ينزل احمر بس الحمدالله مافي الم واليوم باخذ ابره تثبيت علشان الطياره برجع ديرتي ادعولي ان الله يثبته ويقر عيوني بشوفته

 

[شهوده 27]

انشاء الله يثبت عليج بالنشاء ملعقه وسط وماي ورد فنجال اغلطيهم واشربي باليوم مرتين او ثلاثه
مايضرج باذن الله

 

[أم صقر المنصوري]

روحي الطبيب مرة ثانية وجيكي على نفسج
وحاولي ترتاحين ماتحركين وااايد حبوبه
والله يثبت حملج يااارب

 

[حبوبة الأطفال]

لا تتهاونين بالحركة .. حتى لو كانت بسيطة

ولا تكثرين القعده

خلج اكثر الوقت منسدحه وارفعي رجولج

ادري راح تحسين بالملل .. بس لين يرتفع حملج



ربي يتمم حملج على خير
وان شاء الله تشوفين ضناج بصحته وعافيته قلبو*

 

[قلب ريلها]

ان شاء الله الله يثبته لي ان شاء الله وان شاء اخذ الماي مع النشاء لان وايد سمعت عنه وماقصرتوا فديتكم طمنتوني

 

[مروة الكندري]

الله يثبته يارب يا كريم
ويسهل عليج حملج وولادتج وتقر عينج وعين ابوة
ويرزق كل محرومة يا قادر على كل شي سبحانه

 

[قلب ريلها]

اللهم امين الله يسمع منج