عاجل:تأجيل بدء الدراسه [دمج المواضيع المتشابهة]

[اسيره2]

انا بناتي اولى وثالثه اشلون بالله؟؟؟

ماراح اوديهم واشمعنه 10 شبتمبر يعني راح ايكون لقو حل وله اشلووون ؟؟؟

 

[بنت النشميه]

حبايبي ​

السعوديه صرحت فيه كوباء عالمي ..​

و عمان 5 حالات وتعلن رسميا تسميته كوباء .. وتقف الدراسة بفتره كافيه للسيطرة على هذا الوباء باذن الله ..​

والكويت 3 حالات طفل وامرأة حامل وشاب عمره 17 سنه .. ولم تحرك ساكنا ..​

يعني لو تلاحظون الحالات طفل وامرأة ورجل = يعني كل افراد المجتمع على حد سواء ..​

يعني شينطرون المسؤوولين لما يزيد معدل الوفيات والفاس يطيح بالراس .. !!!​

انا أأيد اختي " النمله الخارقة " ​

حطوهم أمام الأمر الواقع .. اضرااااب.....​

يعني الخوف مو بس على الأطفال والادارات والمعلمات !!! شنو مصيرهم.. توها امرأة وحامل توفت ... ​

خصوصا الحين موسم عودة المدرسين الأجانب .. وحتى بعض المعلمات الكويتيات اللي مسافرين ..ممكن يكونون مصابين من غير مايدرون؟؟​

من قراءتي عن المرض .. يصيب الجميع الأن وليس فئه معينه .. لهالدرجة .. مع انه في البداية كان الخوف على الأطفال وكبار السن ..​

حاولوا توعية بعضكم البعض .. صيروا صوت واحد ..​

لاتنتظرون كلمة وزير والا مسؤل والا نائب ...​

ارسلوا الرسائل "اس ام اس " .. ارسلوا الايميلات.. تحدثوا فيه مع الغافلين عن هالمرض ..​

حياتكم وحياة أطفالكم اغلى من القرارات اللي دايما متأخرة ..​

سامحوني عالاطاله ..
مع اني مالي علاقة بوزاره التربيه ولا عندي اطفال مدراس ..​

بس لما فكرت بخيالي باللي راح يصير بالاطفال " لاقدر الله " وايد خفت عليهم ..​

" قل لن يصيبنا الا ماكتب الله لنا "​

والحذررررر وااااجب ....​

والله يحفظكم ..​

اختكم ​

بنت النشمية​

 

[اسيره2]

ابببد ماراح اوديهم اصلن احنا كنسلنا سفرتنا ابسبت هالمرررض وبنااتي حجزززززز كاامل بالبيت والله وعليييااا مو قاعده اوديهم مكاان

واخرتها اقطهم بلمرض وبهالوباء القااااتل ليش ؟؟ باجر الله بيحاسبني عليهم والله يقول بالقران الكريم(( ولا تلقوا بايديكم الى التهلكه ))

بعد اكو اكبر من هالتهلكه هذا وباء قاتل يعني السالفه مولعب

والي ايقولون قدر والي كاتبه الله بيصير كلامكم عدل بس ليش ماناخذ بالاسباب يعني انقط انفسنا بالتهلكه وبعدين انقول قدر اشلووون؟؟؟

 

[مخروووشة]

الله يكافينا شر الامراض

جان زين على الاقل يعطونا اللقاح ونداوم ما عندنا مانع

 

[*سولاف*]

والله ياليت كل دووول الخليج تسوي هالشي حتى يلقون حل لها الوباء لانه خطير مجرد شخص راح ينقله لاهل بيته والبيت ما يخلو من احد مريض او طفل اوكبير سن وهذا فيه خطووووره كبيره واحنا بالسعوديه حالات الوفاه واصله20 حاله والاصابات واصله 2000 حاله
وانا بعد العيد راح اداوم المستشفى وراح نكون متعرضين له بقوه والله مو خوف على نفسي بس ابوي بالبيت تعبان واخاف انقله المرض
والله يحمينا واياكم يارب

 

[*موضي*]

والله ماتسوى علينا شطالبين شي مستحيل نفس باجي الدول تأجيل ليم يوفرون اللقاح
بنات الدراسه تتعوض بس الروح ما تتعوض ...يعني صعب هالشي يفهمونه

 

[قمردين]

والباجي شنو؟
شسوون

 

[كويتيه حلووووه]

يا بنااااااااااات

اجلو دراسه المدارس الخاصه لانهم يداومون قبل مدارس الحكومه

بيداومون اول شهر 9 والحكومه 27-9 يعني اخر شهر 9

علشان جذي اجلو دوام المدارس الخاصه

واجلو الروضه لانه اليهال ماعندهم مناعه ضد هالمرض

انا في شي مو داش بعقلي كلش شلون يصنفونه كوباء اذا كانت عدد الاصابات بالكويت 1072 والوفيات 2 ؟؟؟؟؟؟؟؟؟؟؟؟؟؟؟؟؟؟؟؟؟؟

والمدرسات يداومون لان حالهم حال باجي الموظفين والوزارات واذا خايفين من المدرسات الوافدات حتى الوزارات الثانيه فيها وافدات او كويتين مسافرين بالصيف

اهو المشكله باليهال لانه مناعه بتكون ضعيفه ومايقدرون يقامون المرض واي بني ادم مناعة ضعيفه مايقدر يقاوم المرض القوي شي بديهي هذا خاصه ارتفاع درجة الحراره

انا برايي خل ياجلون دراسه الروضه والابتدائي اول سنين ويوفرون اسره بالساريه وعيادات بالمستشفى واللي يمرض لا يداوم وتمشي الحياه المرض مو قاتل ولا فتاك

اول حالة توفت اللي كان شاب اساسا كان في سمنه والتهاب بالرئه
وثاني حالة مره حامل اساسا مايقدرون يعطونها ادويه قويه تاثر عالجنين وعليها
وثالث حالة عاد مادري عنها

انزين مافكرتو بالباجي بال1000 الثانيين ؟؟؟؟؟؟؟؟؟؟؟؟؟؟؟؟؟ ردو بيوتهم ومافيهم شي

ادري كلامي عفسه بس مادري ليش مكبرين الموضوع ..ا

تذكر دكتورنا اجنبي قال هالمرض تجااااري بس علشان بيمشون ادويتهم وياخذون فلوس ولا اهو حالة حاله الانفونزا بس يختلف انه الجسم يحاربه اكثر فترتفع درجة الحراره اكثر وهذا الخطر ..ووايد ناس ماتو من الانفلونزا العاديه والسبه ارتفاع درجة جراره الجسم

وتقبلو مروووري

 

[طواري لـ((العنقا))ـيل]

حبايبي



لاتستانسون واااااااااااااجد ؟



التأجيل يشمل الخاصه وبسسسسسسسسسسسسس

يعني رياض الاطفال الخاصه ياحلوات اما الحكومه رياض الاطفال يداومون !!!


شهالقرارات ؟ اشكره ؟ كل شي صار للاجانب واحنا بالله ؟ عيال السيلانيه ؟!!!!!!!!!!!!



الحمدلله والشكر وربي ان حالنا كل ماله ويتردا


اللهم لا اعتراض

 

[H.Heavn]

السلام عليكم

انا اضم صوتي حق صوت بنت النشمية سووا اضطراااااااااااااب ودزوا مسجات حق بعض وايميلات عشان لايداوموون اليهال!! انا بعد ماعندي عيال وومومتزوجة لكن عندي عيال اختي واحاتيهم وايد وانا قلت حق اختي لاتخلينهم يداوموووون
وبعدين اللي تقول هذا شلون يسمونه وباء لان بس 3 اللي ماتوا شنو تبون اكثر يموتون يعني عشان يسمونه وباء!! كافي هالالف ولاتستبعدون انه مع الدراسة يزيدوووووووون خاصة انه متوقع زيادته بعد رمضان وعلى الشتا واكيد راح تزيد الوفيات الله لايقوله!!
عسى الله يحمينا واياكم ويحمي ديرتنا من شر هالمرض وعسى الله يرفع عنا البلاء عاجلا وليس اجلا يارب العالمين اللهم امييييييين

 

[كويتية ونعم]

اضراااااااااب ياله يابنات دزو مسجااااااااااات نبيها عطله نخاف على عيالنا

 

[سنفورة]

الاضراااااااااااااااااااااااااب احسن حل ومالكم شغل بالقرارات

 

[شبه ـآلغزآل]

الله يستر و يكفينا شر الامراض

حرام عليهم

خل يأجلون الدراسه شوي شنو يعني بطير الدنيا !!

اللي بالروضه و الابتدائي حرام لا اتودونهم و بس المساكين اللي بالثانويه و المتوسط !!

 

[whitish]

الله يستر علينا وعلي عيالنا والمسلمين جميع

لا يبا لا مدارس ولا عمات عين المرض متفشي بشكل كبير بالنسبة لعدد سكان الكويت

اضرااااب لا للمدارس حتي يتم السيطرة علي المرض

ربي احمينا واحفظنا واهلينا من الامراض

اللهم امين

 

[الحديث ذو شجون]

الستار الله

 

[كعبية]

ماراح يعترفون في كوباء عالمي الا لمن كل اسره تفقد واحد في هالمرض الله يكفينا شر هالمرض وجميع المسلمين والمسلمات

 

[بنت النشميه]

اليوم توفت طفلة 4 سنين بهالمرض ... واكتشاف ملازم بالداخلية يحمل المرض ..

عدد الحالات وصل 4 حالات وفاة .. ومااعلنوا عنه وباء !!.. وعمان 5 حالات وأجلوا كل شي 4 شهور حتى يتحققون منه عدل وياخذون الحيطة منه بالشكل الصحيح ..


الله يستر ..


اللي تحب تنقل هالمسج لموبايلها

وتنشره..

حمله

" أرواحنا أولى من تعليمنا"

فلنتعاون على مكافحته لا على انتشاره..

خوفاعلى حياة أبنائنا وحياتنا ..

لا ذهاب للمدارس والأسواق والتجمعات الا باللقاح..

فلنقلص فرص انتشاره..

لا للأمراض ..

لا للأوبئة..

لا لأنفلونزا الخنازير ..

لنكون صوتا" واحدا"..

"انشر هذه الرساله"




الحافظ الله سبحانه​

 

[كويتاويه2009]

السلام عليكم

 

[عسولة الكويت]

مع الاضراب وبشددددددددددددده ولازم يابنات كلنا نضرب مانودي اعيالنا للمدارس
الدراسه تتعوض بالطقاق بس ارواح اعيالنا مانغامر فيها

 

[غنوة ستايل]

الظاهر انه مرض تجاري بس ما قدروا يحكمون السيطرة عليه
بنت عمرها سنتين ماااتت يقولون البنت بدون وفيها عيب خلقي وتوفت ! صراحه مو داااشه دماااغي المرض يخوف
والحين الناس كلها ها المدرسين المصريين بيجون من مصر وتنترس الديره مرض من جديد !!!!!!!!!

اسلم الامور تأجيل الدراااسه .. !!