عاجل بخصوص الحمل المتاخر

[ابوي بالجوف]

سلام ياحلوات واللي يعافيكم ابي اللي تقدر تفيدني لاتبخل علي والله يجزا كل وحده ترد الف خير اليوم رحت عشان اراجع حمل اخر دوره كا4-9 المفروض خمس اسابيع بس لما سوتلي الدكتوره سونار اسالتني انت متاكده فيه حمل عاد خوفتني لان مومبين شي وعطتني موعد بعد ثلاث اسابيع انا حملي صعب والله يرزقني ويرزق كل محرومه الحمدلله عندي ولد بس ابي اعرف اذا كان حمل متاخر متى مفروض يبين كيس الحمل:bbbiu:*

 

[زين ودلال]

حبيبتي نطري 3 اسابيع وان شاء الله يااااارب يبين

 

[ابوي بالجوف]

حبيبتي زين ودلال يعطيش العافيه ماقصرتي
بس ياليت اللي مرو بهالتجربه يردون علي
وينكم يابنات انا حدي خايفه والحمدلله متوكله على الله وثقتي فيه كبيره بس الواحد يحب يتطمن

 

[ولولو]

حبيبتي عادي أنا حمل متأخرنطرت شهر وبين يعني المفروض كل ٧ من الشهر ادخل شهري بس احسبولي كل ١٦ من الشهر ادخل شهر يديد عادي لا تحاتين

 

[رجـــاوي .. }]

اي عادي انا بعد صارت فيني وبقو ينزلون الجيس بس ماجيتهم طنشت وبعدين بين

 

[ام الحلوااات]

اللــــــه يــــكــــتــــب لـــــج الـــحـــمـــــل ان شـــــآء اللــــــــــه​

 

[عضـــــوه]

حبيبتي

انا حامل حمل متاخر

رحت راجعت بشوف الدوره ليش مانزلت عزج الله التتحليل المنزلي جم مره سويته ويطلع مافيه حمل

قلت اسوي سونار يمكن تكيس ولا هرمونات رافعه الدوره

ولا تقولي الدكتوره رحمج نظيف مافيه شي المشكله اني شفته بعيييييينيييي فاضي

انطر انطر مافي شي مانزلت

رحت الامومه سويت تحليل بالدم
وطلع ويييييييك بوزتف

شنو هذا ويك بوزتف انا اعرف بوزتف او نقتف هذا شي جديد علي

سالت مالت المختبر تقول هذا يا حمل متاخر او حمل ضعيف حيل

صارلي شهرين وبعدين سويت سونار ولا الحمدلله بين الكيس والنبض بالثالث لانه انا حسبتي على الدوره بس اهو اصغر منها باسبوعين

لاتخافين اعذريني طولت عليج بس ذكرت تجربتي بطمن قلبج

اسال الله العظيم انج تكونين حامل ويثبت مافي رحمج ويهون عليج حمله وولادته وتفرحين فيه وتبشرينا يارب

 

[noo7a]

انا صار معاي جذي
تاخرت الدوره حيل
و حللت كان في حمل
بس لمن سويت سونار مابين معاي ولا شي مع اني كنت المفروض اخر الاسبوع الخامس
قالت لي الدكتوره تعاليلي بعد اسبوعين وانشالله يبين
عاد انا ما كان فيني صبر ورحت بعدها باسبوع و بين الجيس
وانشالله ياربي حامل لا تحاتين

 

[ابوي بالجوف]

يعطيكم الف عافيه اللي رديتو علي والله يحزاكم كل خير طمنتوني لان انا حتى الكيس مو مبين والله يتمه ويبين ويتم عليكم ويرزقم ويبارك لكم في عيالكم وازواجكم وان شاءالله ناويه اسوي سونار تفصيلي بعد عشر ايام عشان اتطمن وراح اطمنكم ياحوات
واللي طولو عسل على قلبي



جمعه مباركه والله يرزقنا ساعة الاستجابه

 

[english muffin]

انا وايد كنت اقرا عن نفس الشي. الي كتبتيه
لاتحاتين حبيبتي يمكن حملج متاخر عادي مابيبين الحين
بنت عمتي كانت نفسج شهرين تقريبا لين جافو الجيس وكاهي في الشهر السادس ماشاء الله
صلي عالنبي الله يثبته لج يارب

 

[english muffin]

لاتسوين سونار داخلي نطري لموعدج معالدكتورة

 

[يمكـ درووبي ..]

لاتخاافين ياااقلبي عاادي ان الكيس لسى مابين والله يطمن قلبك
وانتي شلون عرفتي انك حامل حللتي وبعد موعد الدورة بكم

 

[نـعـومـه]

دكاتره يخرعون عالفاضي

عادي انتي حملتي متأخر يعني قبل لاتيلج الدوره بشويه حملتي واكيد حسبتج مونفس اللي حملت عقب دوره بسرعه!

انا جذي لقطت الحمل متأخر ومابين الحمل الا لما تأخرت الدوره ١٠ ايام وراجعت قالت عمره بسونار غير عن الدوره ل

 

[توكلت على الله 22]

الله يثبتة ويرزقج

 

[ابوي بالجوف]

الله يطمنكم حبايبي ويعطيكم العافيه انا حللت دم بعد ماتاخرت باربع ايام انا طول دورتي32 وبين على طول قالنا المختبر نص ساعه ويطلع بس بعشر دقايق طلع انا خايفه لان بعد ولدي اجهضت وكان مومبين بعدين بين وكان صغير واجهضت بست اسابيع والله يثبته

 

[ابوي بالجوف]

بنات اللي نفس حالتي مابين الكيس الا بعدين متى حسيتو بالنساة لان لحد الحين احس وضعي عادي من ناحية النساة

 

[english muffin]

مو شرط تحسين بالنساة
انا من دشيت السادس بديت احس بالنساة ومب نساة ثقيلة عادي في بنات ولايحسوون بشي ماشاء الله
واذا انتي سبق واجهضتي روحي للدكتورة خل توصف لج مثبت وشربي عصير برتقال وايد

 

[عضـــــوه]

انا محسيت بالنساة الي بالشهر الثالث تخيلي

حبيبتي لاتحاتين نفس وضعي سويت سونار وحتى الكيس مابين

الله يثبته يارب

يعوضج خير عن الي فات يارب

بشريني عنج

 

[ابوي بالجوف]

يعطيكم العافيه انا بعد في ولدي ماحسيت بشي بس لما اقعد الصبح احس بلوعه شوي وتروح بس هالمره اللوعه خفيفه وان شاءالله اطمنكم عن قريب
بالنسبه للمثبتات عطتني حبوب دافستون وابره كل اسبوع مره واسبرين والله يثبته واشوف الكيس والنبض واشوفه بين ايديني لان انا حملي صعب عشان كذا احاتي
حبيبتي عضوه متى بين الكيس والنبض *وعند منو سويتي السونار انا ناويه بعد اسبوع اسوي السونار التفصيلي بدار الشفا هالمره رحت السلام عند نجمه بس مدري ما ارتحت لها حاشتني غلقه

 

[english muffin]

السوونار التفصيلي اهو السوناري المهبلي ؟
لاتسوين
كله اقرا انه مب زين وانتي وحظج لانه ساعات يسبب اجهاض
انا اقتراحي انج تنطرين اسبوعين وردي روحي سوي التراساوند العادي