عاجل- المحكمه الدستوريه تحل المجلس الحالي..

[ReD&FoSHia]

باذن الله راجعين وبقوة
الاغلبية اهي الصح و الباجي غلط
والانسان ما يتقبل وجهة نظر المعارضة بالفطرة
ولو الكل من ازل التاريخ تم على طريقتكم
جان ما صار في تطور ولا اكتشافات
بس الوقت كفيل في جعلكم تفهمون اللي حاصل بالديرة

 

[غلا فهد]

كانت خدعة هالمجلس يضحكون علينا

راجعين بإذن الله الاغلبية الله ينصركم ويحفظكم

 

[انا_حلاوه]

يجذبون ويصدقون جذبتهم وكل كلامهم حجي فاضي وماله اي دليل واثبات

الي مو عاجبه قرار المحكمه الدستوريه وقرار ابونا الله يحفظه بررررررررررررررررره لكويت قال ايش مصلحه الكويت حلوه هذي والله جذب ونفاق وكلام بذيء وسب وكل واحد يتصيد عالثاني لمصالحهم الشخصيه ولخلافاتهم الشخصيه وبالاخير يقولولكم مصلحة الكويت.

الله يكشفهم يااارب واحد وره الثاني جد تعبنا منهم وتعبنا من الفتنه الي بينشرونها بين الكويتيين

 

[راحيل العبدلي]

الله يكتب الي فيه خير لديرتنا الحبيبه


بنات احلى برود كاست عن هالخبر و تسمحلي صاحبه الموضوع ?




ودي انام بس خايف اقوم من النوم القى جاسم يعقوب والعنبري وفيصل الدخيل بالمنتخب #هايدووووووو
Kaaaaak =)).

فقط في الكويت تنام وأنت بـ 2012 وتقوم وأنت بـ 2009
????????

اللي متزوج ب2010-2011-2012،،،،ردها بيت أهلها و أرجع اخطبها مرة ثانيه،،،ولا أقولك خلك عزوبي أحسن!
????????

الحين انسمى رولا وسلوى ومعصومة و اسيل ،،، نائبات مسترجعات ؟


والله اخاف يطلع حكم نرجع ال 1000 دينار
والتموين رحنا فيها
هههههههههههههههههااااي


عاجل: الكويت تخترع آله الزمن ،، وتعود بنا
ن 2012 الى 2009 احذروا أيها اليابانيون نحن قادمون!

3> ;")) ??? ✌ 3]


ودي إخذ غفوه لكني أحاتي أخاف أقعد الصبح ألقى المجلس التأسيسي 1962 رجع ..!!



مجلسنا حل مجلسكم يقدر مجلسكم يحل مجلسنا

اذا قلتها 7 مرات يرجع المجلس


عاجل حسني مبارك خرج من المستشفى وبيئوول أنا الرئيس وإذا مش مصدئيين إسألوا الكويته أصل السنه عندهم بأت 2009 يبقى أنا الريس

صرنا شماته ياجماعه

 

[ReD&FoSHia]

^^^^


حلوةةةة مالت حسني المسكييين هههههههههههههههه
وعندج المسترجعات و قوول 7 مرات احلى شي

 

[Matillda]

يجذبون ويصدقون جذبتهم وكل كلامهم حجي فاضي وماله اي دليل واثبات

الي مو عاجبه قرار المحكمه الدستوريه وقرار ابونا الله يحفظه بررررررررررررررررره لكويت قال ايش مصلحه الكويت حلوه هذي والله جذب ونفاق وكلام بذيء وسب وكل واحد يتصيد عالثاني لمصالحهم الشخصيه ولخلافاتهم الشخصيه وبالاخير يقولولكم مصلحة الكويت.

الله يكشفهم يااارب واحد وره الثاني جد تعبنا منهم وتعبنا من الفتنه الي بينشرونها بين الكويتيين

اي والله كلامج كله عدل اللي يبونه يصدقونه واللي ما يعجبهم جذبوه ....اغلب النواب اللي يردحون فى المجلس اشلون كانت عيشتهم قبل المجلس وشنهى كانت امكاناتهم الماديه من بعد موظف على قد حاله صار يملك الملايين ويعيبون على غيرهم ويقولون قبيضه الله يرحم ما ادري منهو يقبض من قطر علشان يخرب الديره كل الكويتيين اللي قلبهم على الكويت يعرفون منهو يبي يخرب الديره وكل وحده اتشكك فى قضاءنا قضاء الكويت الحر حرام تعيش فى ارض الكويت لانها اتشكك فى شيوخنا وفى تاج راسنا صاحب السمو الشيخ صباح الاحمد الله يحفظه من كل شر وعاشت المحكمه الدستوريه وعاش حكمها

 

[ترف بابا]

الله يستر - ويكثر اتباع السنه وبس

 

[WHO CARES!]

^
^
^
شوفو شصار بالكويت مادري اضحك والا ابحي العنصريه الجاهليه قامت تنتشر بالكويت الله يحفظج ويمحي هالاشكال من الكويت

 

[انا_حلاوه]

اي والله فعلا عنصرية وجهل بشكل خيال الله يحفظ لكويت ياااارب من الفتن ويجمعنا على خير وحب ومايكون همنا الا مصلحة ديرتنا الي مالنا غيرها:eh_s(2)::eh_s(2):

 

[المرتاحة]

حده الوضع فلم هندي

شي ماصار في التاريخ لا من قريب ولا من بعيد


عيل يرد مجلس 2009 باي صفة ؟!!


ويقولون ديمقراطية !!!!!

 

[Miss Cherry]

انا بعرف النواب اللي رجعوا ماعندهم كرامة رولا قبل يومين طالعه على قناة سراق المال العام تلعلع متحمسه ماصدقت رجعت نائبه انزين انتخابات 2012 الناس صوتوا ووصلوا اللي يمثلهم مو هذي الديقراطية اللي يدعونها ولا بعد يشككون بنتائج الإنتخابات .. عموما مجلس الحرامية هذا بينحل ان شالله برغبة الأمير والإنتخابات الجاية بيوصلون الناس نفس المخرجات إذا مو أحسن

 

[نوف الصقعبي]

اللهم إحفظ الكويت وشعبها من كل مكروهـ

 

[zqertya]

هذا قرار بابا صباح وعلى عينا وراسنا واللي تقول ان هالمجلس مافي قبيضه اوكي يمكن مافي بس في ناس تتعاون مع دول بره ضد الكويت ومعروفين ومن اللي استقالوا يعني الحين كلش

بنات عودة مجلس 2009 ترا مجلس شكلي لانه راح ينحل بطريقه قانونيه وراح تنعاد الانتخابات مره ثانيه يعني لا تصوتون حق القبيضه مره 2 وانا وحده منهم ماراح اصوت الا اللي يستاهل ولاتنسووون روووولا لاحد يصوت لهااا مانسينا كلامهااا وبوقاتها اللي بالملايين

 

[! بــدويه وآآيــد !]

^^



صاااااجه نبي مثل مجلس ٢٠١٢ ولا مره المراه عدوة المراه بكل المجالات

رولا بواقه وحاسدتنا على المنحه جنه موزعينها من حسابها
واسيل ضد اجازة الامومه وضد اعانة ٢٠٠
ومعصومه تكلمت عنها موقد مسؤوليه كلش
وسلوى مصلحتها ومصلحة زوجها وووووبس

كانو ضد المراه بكل شي

 

[فطوم 84]

وين رايحه ياالكويت*

وين رايحه ياالكويت*

ننام ونقعد ونشوف*

الحرامي "بالمجلس*

والطيب يقعد بالبيت*


.............

قبيضه اشكال. الوان*

الصاحي فيهم*
*
"سكران"

باقوا اموال الشعب *

*والكل منهم "تعبان*

............

ملينا كذب ونفاق*

بهالبلد ماكو اتفاق*

لاتنميه ولاتطوير.*

وكلهم لاموالنا*

"سراق"



اتمني تطلعون الكلام ماتحذفونه*

 

[Bloom]

up up