%% عابر سبيل %%[ روآيه مسمُوح بهآ ]

[MeeMeeYoo_2]

ناطرين

 

[Virgoan]

مشكوره فيرجن
وهذي روايتي الاولى اقريها وقوليلي رايج بصراحه
http://www.q8yat.net/showthread.php?t=524441


بس عندي سؤال القوانين مو فاهمتها عدل

شنو يعني
:
سـ يتم وضع جدول لـ إلروآيآت آلمطروحه بـ إلقسم .. ولن تتعدى 6 روآيآت .. مع تثبيت آفضلهم ..
من حيث [ إلطرح آلمميز + آلتنسيق ] ويتم تجديد آلجدول هنآ ..
{ بمآ معنآه .. لن يكون هنآك آكثر من هـ العدد كل فتره .. } وآي عضوه تتأخر بـ طرح آلبآرتآت .. تُغلق آلروآيه
ويطرح غيرهآ ..

لوووووووووووول آنا مو خوش طالبة و انـــــــتـــــــي مو خوش أبلة ما تعرفين اسامي بناتج
نكي فـــيـــرقــــوان مو فيرجن
يعني مولود برج العذراء "Virgo" :q8:

هههههههههههههههههه

شوفي يا قلبي هالقانون تعدل ,و صااااار:-

سـ يتم وضع جدول لـ إلروآيآت آلمطروحه بـ إلقسم .. .. مع تثبيت آفضلهم ..
من حيث [ إلطرح آلمميز + آلتنسيق ] ويتم تجديد آلجدول هنآ ..
{.. } وآي عضوه تتأخر بـ طرح آلبآرتآت .. تُغلق آلروآيه
ويطرح غيرهآ ..

يعني عدد الروايات مفتوح,, و اللي تبي تنزل روايتها تقوم تطلب الاذن بموضوع الطلبات,, بعديــــــــــــن ياااا طويلة العمر المشرفات يحطون الرواية بموضوع جدول الروايات >> بهالموضوع تتوزع الروايات ما بين المشرفات و انا و زميلاتي المراقبات
طبعا """أقــــصـــى""" و ابعد فترة ما بين بارت و بارت ما تتجاوز الاسبوع الواحد,, و ممكن اقل اذا تبين انتي حرة بـــــــس مو اكثر من اسبوع @@ اذا حصل تأخير عن الاسبوع راح تغلق الرواية

و اسم الله على روايتج

ووووووووو شسمه نزلي البارت يا قلبي ما عليج كلنا نبيه,, بس انا اعتذر بروح ادرس باجر فاينال و باجر او عقبه ان شالله اقراه
و أقرا الرواااااااااااية الاولى أكـــــــــــــيــــــــد و احط تعليقي بعد افا عليج

أحلى أم علاوي أبلة استبرق 3>

 

[استبرق أم علاوي]

السبت
بيت ام عبدالله , غرفة ياسمين
..

فجر : ياسمينو ماتخافين والله مو صاحي شفتي ذاك اليوم شسوا فيني بقى يكوفني جدام الله وخلقه

ياسمين : مالج شغل عطيني الرقم قلتلج

فجر : يمكن غيراه صارله سنتين

ياسمين : اووهووو انتي عطيني وانا اتصرف يالله

فجر : والله خايفه عليج م....

ياسمين << قاطعتها : عطيييينييي

فجر عطت ياسمين رقمه وهيا خايفه من اللي بيصير , ياسمين دقت على يوسف وتسكر في ويها

ياسمين : هذا سكرا

فجر : شفتي قتلج غيراه خلاص مسحي الرقم وخل ننزل ناك......
(دق التيلفون)

ياسمين <<بنعومه : الووو , الوووو

يوسف : ( ساكت )

ياسمين : اوكي انا الحين بسده س ماراح ادق ولا راح ارد عليك باي

يوسف : هلا بالحلو المعصب

ياسمين : اهلييين

يوسف : صوتج بالتيلفون عذااااب

ياسمين : ثانكيوووو , هذا من ذوقك ,

فجر كانت حاطه اذونها يم راس ياسمين واشرتلها انه يالله ابدو بالجد وياسمين دزتها ردت فجر وخرت ايد ياسمين وياسمين دزها

يوسف : ياهووو , نحن هنا , في احد يمج

ياسمين : ها لا لا , بس قاعده ابدل

يوسف : مو بسج من القز والفراره

ياسمين : لا بروح محل ورد اليوم عمي يوصل بالليل بنستقبله

يوسف : يسوم

ياسمين : عيونها

فجر طقتها وياسمين دزتها

يوسف : تسلم عيونج الكحيله , يخليج ربي , اممممم شنو بتلبسين ؟ اي لون؟

فجر اشرتلها انه ماتقول وياسمين لفت وييها

ياسمين : باللبس جينز وقميص احمر وشيله ابيض بحمر

فجر : خفيفه خفيفه حدج

ياسمين : جب

يوسف : شنو

ياسمين : لا اكلم الخدامه

فجر اقرصتها

ياسمين : اح , أأأ يوسف ليش تسأل شنو باللبس ؟

يوسف : سر

ياسمين : ههههه ماشي سر سر

تبطل الباب فجأه واخترعوا فجر وياسمين والتفتو ولا عبدالله واقف

عبدالله : شتسوون

ياسمين : مريوم لحظه شويه , عبود شكو مبطل الباب بالله البنت فاصخه حجابها ولا موقاعده عدل

عبدالله : لا تصرخين لا شق حلجج , اشرها مو عليج الشرها علي انا اللي كنت بفركم بسيارتي

فجر كانت ميته خرعه وخايفه عبدالله يجكهم بس ياسمين مابينتله كلش انها مرتبكه

ياسمين : عقب شنو عقب ماركبت اللي يسوا واللييييي , المهم , الو مريوم بعدين ادق عليج باااي حبي

طبعا يوسف ماقال ولا كلمه سكر التيلفون وهوا منصدم وقرر يروح المطار ينطرهم لانه مايدري اي حزه بالضبط بيوصل عمهم , قام بيلبس وسمع طقت الباب

يوسف : منو

أسماء : انا

يوسف : نعم

بطلت اسماء الباب وكانت لابسه تنوره قصيره وعلاق ابيض خفيف وفاله شعرها وحاطه ايدها على بطنها

أسماء : يوسف بتطلع ؟

يوسف ولا هتزت شعره من جسمه لمن شافها كمل يلبس

يوسف : انتي شتشوفين ؟

أسماء << حطت راسها على ظهره وايدها على خصره وهوا يمشط شعره : يوسف اقعد معاي شوي

يوسف : مستعيل

أسماء : يوسف حبيبي من متى مو قاعدين مع بعض

يوسف : انزين وخري شوي خل اللبس الحزام

أسماء : يوسف

يوسف : (ساكت)

أسماء : يوسف انا

يوسف << قاطعها : لاتقولين يوسف وايد قولي شتبين بدون ماتكررين اسمي

أسماء ندقرت وخلتى يكمل لبسى وطلعت من الغرفه وراحت غرفة بنتها اللي عمرها سنه وكانت قاعده تلعب بألعابها التركيب
قعدت أسماء يمها تلعب معاها ودمعتها على عينها _ ( اسماء تزوجت يوسف عن حب قبل سنه ونص وكانت حياتها حلوه بس بسرعه حملت وكانت نساتها قويه وكله ترجيع ’ تكرمون ’ وتنست بريلها ماتبي تشوفه او تشم ريحته ومن يومها يوسف بدا يغازل ويكلم ودبلته يفصخها ويخليها بالسياره عشان البنات مايعرفون انه متزوج, وهيا طاحت عليه اول مره وهيا بالنفاس وليلحين وهيا تحاول ترجعه لها بس علاقتها بردة معاه خصوصا انه وقتها نصه حق يوسف ونصه حقها وحق بنتها والحين حامل وودها نساتها ماتكون مثل قبل)

------------------------------------------
في بيت ام عبدالله
..
سحر : حيوان كلش مو حاس على طول سافر

ام عبدالله : انسييييه حبيبتي انسيييه والله لا ازوجج واحد البنات كلهم يتكلمون عنه

عبدالله << يقلب بالقنوات : زوجي بنتج اول

ام عبدالله كملت حجيها وهيا تعطي عبدالله نظرت تهديد : هذا واحد ماينتحسف عليه خيخه ماعنده شخصيه

سحر : من يبيني الحين مطلقه ماصارلي سنه الحين الكل يقول هذي اكيد فيها شي

ام عبدالله : لا حبيبتي مافيج شي الكل يدري انه العيب فيه والدليل كاهو اتطلق اليوم سافر باجر حده يتهرب من كلام الناس

سحر : انتو وين رايحين لايكون المطار << تكلم ياسمين وفجر اللي توهم نازلين وكاشخين

ياسمين : بنتشتري اول ورد بعدين بنتمشى بالمطار على مايوصل

سحر : شكووووووو هذا يستاهل ورد ؟ هذا يستاهل تستقبلونه بجواتيكم على راسه
بدال ماتوقفون معاي وماتحاجونه كلكم رايحين له ها

عبدالله : اقول مثل مانتي خالتنه اهوا عمنه اذا بنزعل نزعل من الاثنين ها شرايج نزعل منج ونطردج الحين

ام عبدالله : عبييييد

سحر : ايا الحقير

ام عبدالله : انت ماتحشم احد يا ثور

عبدالله استحى من فجر شلون قاعدين ايهينونه قبالها

عبدالله : لا تسبون انتي وياها لا والله اسوي شي عمركم ماشفتوه

سحر : احترم نفسك اكو احد يعلي صوته على امه جذي

ام عبدالله قامت بطقه كل مارفعت ايدها بطقه وخر ايدها

عبدالله : مااسمحلج تمدين ايدج علي وانتي ( يكلم سحر ) والله لا اكرهج بدخلت هل بيت

عبدالله طلع ركب سيارته والكل منقهر من تصرفاته وام عبدالله تتحسب عليه ياسمين مو مهتمه لانها متعوده على نجرتهم وفجر منحرجه
مع انه مو اول مره تشوفهم يتهاوشون

------------------------------------------
تركيا _ الخياط

خذه فيصل عنوان المصنع وراح اهوا وشهاب بعد نص ساعه وصلوا ولا المصنع اهوا خياط صغير في جم وحده يخيطون فيه
شاف فيصل وحده ماخذه جيس بتدخل داخل

فيصل : لو سمحتي انتي تشتغلين هني ؟

زهره : تفضل

فيصل : بغيت اي احد مسؤؤل اكلمه

زهره : انت عربي صح

فيصل : صح

زهره : شرفتونا , وتبون شغل بالخياط

فيصل << مستغرب : ها

زهره << تضحك : هههههه امزح معاك بس انا يديده وتحت التدريب وماعرف المسؤولين ,اناديلك المدير ؟

فيصل : ياريت

زهره : انتو تآمرونا

دخلت زهره ونادت المدير وقالتله انه في واحد عربي يبيه , والمدير قالها تدخله
..
فيصل : والله دمها خيف ها

شهاب : انا قاعد اقول من صجها هذي , اشكالنا مال شغل هني

فيصل : يحليها , عشانها بتعامل مع هل مشغل

شهاب : وليش ماكنت ناوي تشتري من الاول ؟

فيصل : لا قصدي كل مره انيي تركيا نتعامل معاهم

, وصلت زهره ولا تشوف فيصل وشهاب قاعدين يفترون بالخياط قربت من فيصل وطقطقته على جتفه

فيصل : هلا

زهره : عرفت شلون تخيط الحين << ابتسامه

فيصل : هههه اي خذيت جوله تعليميه

كلهم : ههههههه

زهره : تفضلوا عند المدير

مشت زهره ومشى فيصل وشهاب وراها وهما مستانسين من خفة دمها وطيبتها , وعند باب المدير

زهره : تفضلوا تشربون شي

شهاب : أي شي بارد

المدير رحب فيهم واستقبلهم احسن استقبال وقالوله انه بيتعاملون معاه ويبون بضاعه منه وفراهم على المخزن وخذو الكميه اللي يبونها وهما يسولفون ويتغشمرون وردو المكتب بيسلمونه الفلوس

المدير : والله احنا نرحب فيكم اي وقت وخلاص صرنا اصحاب

فيصل : والله نتشرف والحين بدام طاحت الميانه بقولك شغله

المدير : تفضل

فيصل : اخ عامر الموضفه اللي وصلتنا هني

عامر : زهره ؟

فيصل : اهيا تحت التدريب ؟

عامر : اي نعم , ماصارلها اسبوع من وظفتها , ليش اهيا ضايقتكم بشي؟

فيصل : لا حشى بس والله ونعم الموضفه استقبلتنا ورحبت فينا وماشاء الله مرحه , شيلها من التدريب ووظفها , لولاها جان ماتعاملنا معاك

عامر : اييييي قلتلي اوظفها , هذي قصتها قصه مو جذي بالساهل اوظفها , هذي ارمله وعندها عيال بدار الايتام , وياتني تطلب وظيفا , بس اهيا ماعندها خبره بالخياطه الا شي قليل لازم تتدرب والمتدربات مانعطيهم معاش فخليتها تشتغل شغله ثانيه عشان الفلوس وهيا تظيف المكان وترتيبه بعد الدوام

فيصل : اهيا من متى ارمله ؟

عامر : من خمس شهور توفى زوجها

فيصل << يهمس حق شهاب : والله كسرت خاطري هل بنت المرحه اللي الابتسامه مافارقت ويها عندها كل هل مشاكل

شهاب << عطاه نظره : والمطلوب ؟

فيصل : خو انا صرت عزابي شفيك تطالعني جذي , ولاني مخربط وسوالف حب باخذها على سنة الله ورسوله واستر عليها
يعني تقدر تقول خطبة اهل

شهاب : ووينهم الاهل؟

فيصل : انت << ابتسامه خبيثه

عامر << مبتسم : ها شنو توصلتوله ؟

فيصل : شوف انا بليل راجع , بس في موضوع بقوله ان شاء الله يظل بيني وبينك لي ارد مره ثانيه ان شاء الله

عامر : ان شاءالله , وسرك في بير انت بس آمر

يتبع
-------------------------------------

 

[MeeMeeYoo_2]

يعطيج العافيه

 

[G!RLooNa]

يسلموو خوش بارت

 

[سارووونه22]

يعطيج العافيه فجر عجبتني وياسمين احس انها خفيفه وماتستحي على ويها وعبدالله نموذج للولد العاق وام عبدالله يما اخاف منها وسحر نو كمنت وفيصل باين عليه خوووش ريال وزهره حبوبة حبيتها وسلامتكم

 

[*احلام*الدجى*]

عبدالله ما قمت احبه احسه وقح وجليل حيا

ياسميييييييين اه يا ياسمسين بطة جبدي شكو تقط عمرها جذي :lkmnkl:

والحجيه فقدتها بهالبارت

ويعطيييييج العافيه استبرق ومتاااابعتج للاخر

 

[so_what]

يسلمووو حبيبتي

 

[ga6wa90]

ويي من صجه عبدالله

مشكوره عالبارت حبيبتي وناطرينج

 

[عآصمة.النوؤر]

لأ لأ هالياسمين صج يبيلها تأديب وايد خفيفه و رقله
و بعدين شتبي فيه مو كانت فجر تكلمه!‏
و كااسره خاطري اسمااء بعد عمري والله ‏:‏(‏
يعني حرام اهي شذبها خو اهي مو متعمده تتنسى بيوسف
وااي صج كاسره خاطري وعليا عليها ‏:‏(‏
و يووسف آآخ باط جبدي بس الله يهديه انشالله و يتعدل مع مرته
أما عبدالله ما أقول غير وقح!‏
و زهره وااي تهبل حبيتها و فيصل هم خوش واحد انشالله يتزوجهاا ‏
امم و شنو بعد،،،
ايييييي مثل ما قالت دجون فقدنا الحجيه أم فجر هههه يحليلها
تسلمين حبيبتي عالبارت و ناطرينج

 

[~*~الملكة~*~]

متااااااااابعين

 

[توتا كويتيه]

مشكوره حبوبه

 

[MC ANFAL]

حبي القصه رووعه
و ناطرين الي وراه

 

[P!NKia]

الصراحه ياسمين ماحبيت شخصيتها كلش
وفجر مسكينه
ام عبدالله مره شقرديه
سحر تبط الجبد
واتوقع السر ان فيصل يتزوج زهرا ويربى عيالها ويصدم اهله فيهم
ياليت ماطولين بالبارت لان القصه تشووق حيل

 

[سارووونه22]

اب اب اب اب اب اب

 

[استبرق أم علاوي]

السلام عليكم

راح أأجل كتابت البارت لي يوم السبت لظروف طارئه

سامحوني

 

[الاحاسيس المبهمه]

مسمووحه يالغااليه مسمووحه ... نااطرييينج :**

 

[*احلام*الدجى*]

ما عليه ننطر لي السبت حبوبه

اب

اب

اب

 

[MC ANFAL]

m3thoora 7ubbi

 

[سارووونه22]

اب اب اب اب
ناطرينج