%% عابر سبيل %%[ روآيه مسمُوح بهآ ]

[Miss.blue berry]

رد : %% عابر سبيل %%[ روآيه مسمُوح بهآ ]

اب
اب
اب
اب
اب

 

[*احلام*الدجى*]

اب
اب
اب
اب

 

[سارووونه22]

انشالله ترد بسلامة

 

[*احلام*الدجى*]

اب
اب
اب
اب

 

[am_kshaa]

متابعه يديدة وياكم
القصه تشوق وام عبدالله احسها اكشن... وفيصل وايد كسر خاطرى
بس بعرف متى ينزل البارت لان امس قريت كل البارتات

 

[*احلام*الدجى*]

:ch12:
:ch12:

اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب

 

[استبرق أم علاوي]

aslam 3lakm
ashtgtlkom ow ashtgt 7g al rewaya
ana al7yn fe almanya
knt bktblkom bart bs 7safa alkebord mafeh arabi
enshalah yom alsbt blil arj3 alkuwait alhabeba
ow akml

 

[~*~الملكة~*~]

بالسلامه ان شاءالله

بانتظارج

 

[cup-cacke]

ناطرينج ياقلبي

 

[استبرق أم علاوي]

بيت ام عبدالله
..

بوعبدالله << يكلم نفسه : شفيه هذا مايرد , استغفر الله

ياسمين : يبا منو اللي مايرد منو قاعد اتدق عليه من مساعه؟

بوعبدالله : عمج فيصل من امس واصل تركيا لادق ولا يرد علي

ام عبدالله : روحه بلا رده

ياسمين : يمااا اسم الله عليه ليش تقولين جذي

ام عبدالله : انتي سكتي مالج شغل ذلفي شوفي اخوج

قامت ياسمين وحذفت الكوشايه على الارض وهيا معصبه ومتنرفزه من اسلوب امها
راحت سوت حق حمود حليب وخذته بتنومه عشان تاخذ راحتها بالتيلفون ودقت على يوسف

يوسف << صوته كله نوم: هلاااا حبي

ياسمين : آسفه قعدتك , خلاص بعدين ادق

يوسف : لا حياتي انا اصلن لازم اقعد من زماان زين قعدتيني

ياسمين : يوسف

يوسف : عيونه

ياسمين : أحبك

يوسف : لا لا كلام حلو وتوني قاعد من النوم مااتحمل

ياسمين : تحبني ؟

يوسف : امووووت فيج

ياسمين : ابي اشوفكم اليوم حدي ظايق خلقي

يوسف تذكر انه اليوم موعد اسماء عشان بيولدونها قيصري

يوسف : حياتي انا عمري كله حقج بس اليوم مواعد واحد من الربع باجر كله حقج ان شاءالله

ياسمين : مابي مابي توك تقول تموت فيني شنو بس كلام , لو تحبني تكنسل كل مواعيدك عشاني , باي باي

يوسف : الوووو لحظه حياتي , خلاص اكنسل كل مواعيدي على قولتج اللي يقول مدير شركه هههههه , واطلع معاج
شتبين بعد

ياسمين : وابي باجر بعد كله حقي

يوسف : ههههههههه تآمرين أمر

----------------------------------------

بيت حجيه شيخه
..

الحجيه قاعده على الارض وتلقط عيش وبنتها فرح يمها توكل بنتها لولوه
نزلت فجر من فوق وهيا تركض وماسكه التحليل المنزلي

فجر : فروح فروح الخطين يعني شنو

الحجيه : شخطينه بعد ظ

فرح : اشوف , فجروووو يا الخايسه حاااامل

فجر من وناستها قامت تناقز

فرح : يا المينونه

الحجيه : يايمه لا تطيحين الياهل وهوا توه ماكمل

احظنت فجر فرح وامها وقامت تدمع عينها

فجر : الحمدلله عقب 7 شهور حملت

الحجيه ك قلنالج مافيج شي بس انتي مخرعه نفسج

فرح : يعني بس تكيسات وراحت الحمدلله

فجر : خل ادق على صلوح اقوله

فرح : لااا ياالغبيه سويله حركه سويله مفاجأه مو جذي مني والطريج انا حامل

فجر :شنو يعني؟

فرح : شوفي روحي سوي تحليل دم ولمن يعطونج ورقة التحليل حطيها داخل ممة ياهل وعطيه
او روحو تسوقو ودخلي محل يهال وقعدي نقي واذا قالج حق منو قوليله حق اللي ياي بالطريج

فجر : الله عجبتني حركة الممه قومي قومي وديني الطبيب خل اسوي تحليل قومي

فرح : روحي قاعده اوكل بنتي

فجر : اووو قومي ولا اطقها

-----------------------------------

شقة يوسف
..

أسماء البست وتزهبت وراحت حق بنتها وقعدت تلبسها وتزهب جنطتها حق بيت اهلها وهيا مزهبه جنطة المستشفى من يوميين
( طبعا أسماءمن كلمت ياسمين لي هذا اليوم ماشافت لا مسجات ولا مكالمات من ياسمين والسبب انه يوسف شك انه اسماء درت لانه اكثر من مره شاف مسجات مفتوحه فقام يمسح كل شي وأسماء عبالها انه انتهت العلاقه )
طلع يوسف من الغرفه وهوا كاشخ على الآخر وعطره واصله لي آخر الفريج

أسماء << مبتسمه : يالله حتن احنا جاهزين

يوسف << مبتسم : لا حبيبتي توه طلعتلي شغله ضروريه خل اخوج او ابوج يوديج وانا بس اخلص اييلج

أسماء : يوسف شالشغله الضروريه اللي تخليك تهدني وانا بهل وضع المفروض توقف معاي بهل لحظه

يوسف : والله مو بيدي بعدين انتي صارلج اسبوعين من دخلتي العاشر وماولدتي يعني بتولدين اليوم ؟
وانتي باجر عمليتج وقتلج اخلص شغل واييلج

باس شهد وراح بيطلع راحت وراه ومسكته من بنطلونه عبالها انه بيطلعها

يوسف : تعالي مسكيها

أسماء كانت متنرفزه وفيها بجيه : مالي شغل فجج نفسك << وراحت دخلت الغرفه ورقعت الباب

يوسف : روحي باباتي عند ماما

شهد تعلقت في يوسف وماخلته يروح هداها عند الباب تبجي وسكر الباب وطلع طلعت أسماء من الغرفه وشافت شهد حاطه راسها على الباب وتبجي خذتها وهيا تسب يوسف من قلبها ودقت على اخوها يوديها المستشفى

--------------------------------------

تركيا - عزا زهره
..

فيصل كان حيييل متضايق ومقموت وقام وطلع برا العزا يقلب بتيلفونه ويتذكر زهره وسوالفها وطلعت منه دمعه
شافته خاتون وراحت تعزيه وتكلموا شويه عن زهره وبعدين عن ولده

خاتون : شنو بتسميه؟

فيصل : والله زهره كان ودها سعود

خاتون : اذا خذيته الكويت , يبلنياه بين فتره وفتره خل نشوفه

فيصل : آآآخ , المشكله اني مااقدر حاليا آخذه الكويت لاني بقعد عند اخوي ومرته ماراح تتقبله

خاتون : بس يافيصل انت تدري حالتنه كلش ماتسمح انه نربي ياهل انا على طول في بيوت الناس اشتغل
وشفت عيالها دخلتهم دار الايتام

فيصل : دار الايتام لأ , انا راح اشوفله طريقه بس على مااكلم اهلي بالكويت

فيصل قرر يخلي ولده عند عايله تركيه حالتها الماديه زينه جم اسبوع على مايهيئ اموره مع بيت بوعبدالله
وعطاهم فلوس تكفي ولده وزياده

يتبع
----------------------------------------------

 

[استبرق أم علاوي]

آسفه على التأخير بس كنت حيييل مشغووله عقب السفر
ان شاء الله هذا البارت يعجبكم وابي توقعاتكم
وسعود اهوا عابر سبيل والروايه توها بدت

 

[Miss.blue berry]

رد : %% عابر سبيل %%[ روآيه مسمُوح بهآ ]

ثيـــــــــــــنكيو ام علاوي على البارت ~~~
وااااي يوووسف حداا غثني يخلي مرته و بموعد ولااده عشااان ياسمينوه المعفنه
و ياسمينووه بعد تغث يعني دريتي انه متزوج خليه بحاله ~~
الله مو راضي و الدنيـــــا دوااره باجر بصيير فيا مقل ما تسوي باسماااء ~~

 

[~*~الملكة~*~]

الحمدلله على سلامتج

ام علااااااااااوي لازم تعوضينه على الي طاف لووول


اما يوووووووووسف شنو حقير حقير الحين المره بتولد تروح حق ياسمينوه الخايسه


ام علااااااوي بليز بردي حرتي بهالاثنين

 

[cup-cacke]

ثاااااانكس حياتو ع الباااارت

هاليووسف هذا حده غثييييييييييييييث

ان شاءالله فيصل يرد يآخذ ولده قريب

نبي جم باااارت تعويض:$

 

[Zozαĺiиaђ]

وييي كسرت خاطري اسماء حراام !!
، فيصل بعد الله يعينه

الحمدلله على السلامه

 

[P!NKia]

الحمدالله على سلامتج
وسعود من الحين كاسر خاطرى
وارد واقول مالت على ياسمين ويوسف
ومبارك عليكم الشهر

 

[am_kshaa]

الحمدالله على السلامه ومبارك عليج الشهر
وثانكيو على البارت وبدت الاحداث تصير احلى واحلى

 

[G!RLooNa]

يسلموو من زمان عن الروايه ماشالله توها تبدي انا عبالي قريب تخلص..

 

[white pearl]

ويلكم باااااااك ام علاوي

مشكووورة ع البارت :ggdw:

 

[بنكوووو]

روعه توني طحت على الروايه تينن كملي