عاااااجل متوهقه بسوي عيش لأول مره وخايفه انقذوني

[صريحة النسب]

مرحبا

ادري الموضوع سهل بس انا خايفه ان مايضبط

بنات احنا ناوين انشالله نصوم باجر انشالله .. و انا تليقفت وواعدت ريلي اسويله عيش مع شعريه ومرقة كفته .. طبعا هذي مقدور عليها

بس العييييش ولا مره سويت واب اضبطه عفيه علموني بالتفصيل الممل حدي خايفه جنه بسوي ذبيحه :krkrkr:

 

[صريحة النسب]

بنات يالله تعبت وانا اسوي ريفرش وييينكم محد رد علي قاعده انطر

 

[donutoo]

امبييه انتي نفس حالتي !! صار لي شهرين مواعدة ريلي اسويله مجبوس دياي ومتوهقة ما اعرف اسوي عيش !!
فاللي بتعلمج راح تكسب أجر فيج وفيني

 

[badarko]

مرحبا: انشاءالله مع الايام تصيرين امهر طباخه وكلنا بالبدايه مثلج . المهم اذا تبين العيش يصير زين ضيفى عصير ليمونه مع الماى؟ وبالعافيه

 

[cat_women]

انتي مثلي اول مره امي معاي ع الخط

ما بقى احد في بيت اهلي ما درا اني بسوي عيش:krkrkr:

المهم اللي انا اعرفه طريقه عاديه

اول شي تغسلين العيش 3 او 4 مرات عشان تنظفينه

بعدين تنقعينه بماي لمدة نص ساعه تقريبا

بهالوقت قصي بصله و حمسيها بالجدر مع زيت

و ضيفي مكعب ماجي واحد و حمسيهم بعدها ضيفي ماي من المصفي

لين يطبخ بعدها ضيفي ملح لما يطبخ شوي و ذوقي الملح

بهالوقت يكون العيش خلص صفيه من الماي

و حطيه ع الماي اللي بالجدر و حركي العيش شوي و شيلي الماي يعني

لا تخلين الماي واجد يعني فوق العيش شويه بسسسسسسسسسسسسسسس

خلي اول شي النار عاليه بعدها قصري عليها

ان شاء الله اذا في طريقه الثانيه البنات يفيدونا

 

[Great-Chef]

شوفي حبيبي تغسلين العيش اكثر من مرة لحد مايصفى معاج الماي وتخلين العيش منقوع بالماي لمدة نص ساعة على ماتحمرين الشعرية بالجدر
طبعا كمية العيش لكل شخص تقريبا قوطي روب يعني تجيلين بشغله مثل حجم القوطي هذة قبل الغسل

تييبين شعرية وتكسرينها وتحطينها بالجدر مع شوية زيت وومكعب ماجي ولاتحرقين الشعريه دربالج خليها تشقر شوي بعدين صفي العيش من الماي وحطيه فوق الشعرية وقلبي عدل وساوي السطح مال العيش وبعدين ييبي ماي من الغلاية وصبي شوي شوي لحد ماينغمر العيش ويرتفع الماي عن العيش بسانتي واحد بسسسسسسسسسسس دربالج لاتكثرين يعني تحسين انج تقدرين تشوفين سطح العيش وخلي النار عالية وعينج عليه اول ماينشف الماي وتحسن صار فيه قضوض تدلع منه فقاعات ماي قصري النااااااااااااااااااار حده وغطي الجدر 5 دقايق بسسسسسسسسس ويكون خالص وحطي شرايح زبدة من فوق وهني وعافية ياقلبي اتمنى شرحي واضح.....

 

[Great-Chef]

عفوا تطلع مو تدلع

 

[جارة القمر]

تفضلي طلبج



وتقبل الله


http://q8yat.net/showthread.php?t=460414&highlight=%D4%DA%D1%ED%E5

 

[صريحة النسب]

بعد عمري والله ماقصرتوا كلكم ..

بعوضه اليوم .. لأن امس ماقريت الردود كنت مستعيله .. والعيش طلع شوي حب :dddds: يفشششل

مسكين ريلي اليوم بعوضه انشالله وبطبق كل الطرق :eh_s(6):

 

[جارة القمر]

العيش حب



كميه الماي شوية حبيبتي

http://q8yat.net/showthread.php?t=446470&highlight=%C7%E1%DA%ED%D4

 

[LiPss]

ya galbe nafse awal ma tezawagt nafs el6areeqah

shoofay oo rakzy ma3ay
awal shay t7e6een el may ma3a salt oo shway zait
wel mel7 moo t76een wayed okay ? entabhay 3adel
oo etha far el may 76y el3aish
(6ab3an tkoonen m'3aslah el 3aish 3adel oo mnag3etah eb may dafe 1/2 sa3ah bs)
ww etha 7a6aitay el 3aish ne6reeh yfoor 3 minutes oo kl shway e5the 7abat 3aish oo shofeeha la7ad matshofeena 9ar zain mo 7ab oo mo 3ayeen we tkoneen mzahbah mesh5al oo tash5leen el 3aish feeh b3ad ma t9afeena mn elmay redeh marah thanya bl geder oo t7e6eenah 3ala el 7adedah malat elta5deer we tga9reen 3ala el nar la7ad ma ye6la3 bo5ar mn el 3aish
oo salamtech bs oo etha kan 7ab 76e chees 3ala el 3aish oo '3a6eeh a7san
oo sorry bl english katbah bs ma 3nde arabis letters:eh_s(6):

 

[LiPss]

3ala fekrah el3aish el mash5ool 7ag elle mat3aref tsawe 3aish nathre ana dayman asaweeh

 

[نوره حبيبة أبوها]

ومنكم نستفيد

ياما سويت العيش وطلع ملبوج

لووووووووووووول

الف شكر