عااااااجل .. ثورة قطر

[AtOoMy Q8]

مادري بس اهم رواتبهم زينه سنه من السنوات دبلها لهم دبل بعد شنو يبون ..؟؟ الله يحفظ خليجنا ياااااارب ياخوفى ليكون علامه من علامات القيامه من علاماتها ان المسلمن يتقاتلون مع بعض ...

!!!!!!
المسلمين يتقاتلون مع بعض !!!

:eh_s(2): :eh_s(2): :eh_s(2):

 

[وهج الحب]

السلام:
انا ما فتحت رابطج لاني عارفته ورديت فية لكن ردودي ما حطوها من زمان وبعدين لو تلاحظين ان اللي مسويها اصلا مش قطري مصري

وتراها من يوم حسني مبارك موجود هذي الصفحة موجودة ...

يعني مش عاجل ولا شئ

وسالفتها سالفة صفحات ويليكيس المفبركة والبنت الي قالت وتبجت انها متدربة في قطر لقلب النظام بمصر وبعدين طلعت صحفية وقام

المذيع من قناة لقناة يتبكى انه ما كان يدري ...

وعلى فكرة لا ردي ولا ردود احد من اهلي حطها ولا حتى اصدقائنا يحط اللي يبي بس

 

[قفشـه]

رد : عااااااجل .. ثورة قطر

احلى شي في امير قطر

روح التطور والمنافسه اللي يحملهــا

اضافة الى انه طور من الشعب

يعني مو شايف نفسه على شعبه بل العكس اكرمهم ووفرلهم كل اللي يتمنونه


يعني عيشهم حياة كريمه

الغلطة الوحيده والكارثيه اللي سواها تقارب قطر من اسرائيل

هذي اللي الشوكه اللي اتمنى يشيلها من الخارطة القطريه

كنت اتمنى ابداعاته تندمج فيها الروح الاسلاميه

والا كأمير وقياده يعجبني حماسه وافتخاره بدولته وكل ماهو قطري

ومستحيل يسوون عليه ثورة او تظاهره من وجهة نظري

 

[Queenleo]

رد : عااااااجل .. ثورة قطر

اشوووف السالفه صارت موووضه!!!
تقليد أعمى

 

[وهج الحب]

رد: رد : رد: عااااااجل .. ثورة قطر

مشاعل ابي افهم انتي ليش تكرهين قطر ؟!

كل ماسمعتي طاريها جيتي تركضين وتكتبين كلام ماله اي داعي يكون بين اخوان


تبينا نرد عليج ونغلط لا حبيبتي السعوديه حبيبتنا ومانرضى نغلط عليها وقلنا لج قبل انتي ماتمثلين الا نفسج ولا تسوين فتنه

الموضوع يقول عن ثوره واحنا كذبناه ليش هالرد اللي ماله داعي وشدخل السفاره والمذيع واي عنصريه تتكلمين عنها لايكون في جنوب افريقيا

يعني احنا نحب السعوديه وكل الخليج ومانرضى عليه ليش ماتصيرين مثل باقي خواتنا السعوديات

ياليت تشوفين ردود ترانيم القصيم وتتعلمين منها :eh_s(17):

ولاتزعلين من كلامي تراه نصيحه من القلب :eh_s(7):

السلام :
امي ولا عليك من احد هذه من يوم حسني مبارك موجودة ..

وهذا هين لو تدخلين مدونات بخليجية بتقلين العجب ان الناس بقطر يصيدها اسهال لان الادوية من اسرائيل ومستشفياتنا مليانة من الخليجين لان ادويتنا افضل الادوية ..

وان زوجة نتيانياهو جايبتها الشيخة موزه تحضر مهرجان الدوحة الغنائي ولا الرسالة تقول يعني انهم صادقين حفلة اصالة ..وانها اقعدت في مكان خفي يعني بلكون ..
ومسارح قطر كلها ما فيها بلكون ..
والاغرب اصلا اصاله ما احضرت مهرجان قطر الغنائي السنه ؟؟؟؟اشلون قعدوا في بلكون وهو مافيه انبلعت عملوا لها داعوس بس حضرت مهرجان اصالة والمراة ما جات ..

واخذي من جذي وانتي ماشية ..

وردي اذا مالقوا :eh_s(17): الفوا عنه ..وطولي بالج خليها تكتب اللي تبين بتتعبين

 

[بنت سعود21]

الله لا يقوله على اي دولة خليجية

بصراحة الخليج منعم الله عليهم فيهم وااايد اغنياء وكلنا لنا عيون ونشوف في براس ولندن واكبر العواصم شلون عايشين

هذا مايمنع ان فيه فقر بس هذا التقسيم طبيعي في المجتمعات فقر وغنى وكل الطبقات

الله لا ييجب المظاهرات ويديم علينا نعمة الأمن والامان كافي علينا هالبدون وخرابيطهم الله يهديهم للحق

 

[بدويه بالفراوله]

رد : عااااااجل .. ثورة قطر

من كثر ما صارت ثورات صارت عندي مناعه صرت ما اتضايق

 

[وهج الحب]

على فكــــرة هو صحيح من كم اسبوع انتشر بردكاست انهم يبون يسون مظاهرة ردا على مرتضى

وعلى هذه الصفحة مظاهرة في حب ( ابو مشعل )

ومن اسبوع طلبوا انهم يسون المظاهرة وقالوا لهم اجلوها شوي عشان احداث ليبا وكان مقرر لها اول

الاحد من اسبوع ..

هذه المظاهرة الوحيدة اللي سمعنها عنها ..

والا مظاهرة الفيس بوك اذا طول الردود هم يقولون له يا المصري ويالمصري ..وتقولين الحقوا ..

 

[بسوين]

رد : عااااااجل .. ثورة قطر

لان اشاء الله
ان شاء الله تكون اشاعه
,,
الله حمي الخليج كله

 

[شاكيراKSA]

رد : عااااااجل .. ثورة قطر

اووووووووووووووووووما عااااااااااااااااااااااااااااد
اهل قطر يسوووووون مظاااااهرة!!! مستحييييييل
اللي اعرفة ان اهل قطر عايشين بعزواعرف ناس كثير عايشين هنااك من زمان واخذو الجنسيه القطريه من العز اللي شافوه من غير قصور بالسعوووديه ديرتي فديتهاا

 

[مطيريه ماركه]

خل يستريحون يلفون آلدنيآ كلهآ مآيلآقون مثل حكآم آلخليــــــج

لآ يفتحون عيون آلغرب علينآ ترآ يدورون آلشآرة علينـآ يبون آحتلآلنآ

يآ آهل آلخليج حكموآ عقوولكم آلله ولآ آلفتنة

 

[! هُوْ وِينِه !]

آتوقع إشآعة
آلله يحفظ ديآر آلمسلمين

 

[بسوين]

رد : رد: رد : رد: عااااااجل .. ثورة قطر

حبيبتي انا ما اتكلم عن دول الخليج

انا قصدي ع اللي صار فـ مصر وليبيا واليمن قناة الجزيره كان لها دور كبير فـ هالثوره

والدليل القذافي تكلم عنهاا وحكومة اليمن امنتعت الجزيره من التصوير

ومابي اتكلم عن السياسه لان كل شي مكشوف :eh_s(7):

صادقــه
لدرجه ان ليبيا شوشت على الجزيره وهي الوحيده الي تجيب الاحداث صح بصراحـه

بالعكس قطر مو مقصره ولا مقصره مع الخليج بعد فيضانات جده تكفلوا انهم يتبرعون للمتضررين بس الملك رفض
الله يتمم على قطر امنها واستقرارها ويحفظ الخليج كله

 

[BSOOMH]

الله يستر

 

[وهج الحب]

رد: رد : رد: عااااااجل .. ثورة قطر

فضايح مين ؟؟
البحرين والسعوديه وكويت والامارات ياما سمعنا اخبار عن الاساءه للعماله وكبت الحريات وممناعةالتمثيل السياسي بالدول الخليجيه والعنصريه بدول الخليج هذا عشان مانتكلم عن الوطن العربي لكن المشكله ماحد جاب طاري هالاشيا هاذي كلللللللللللللللللللللها في قطر وماحد ناقشها على قناة الجزيره مع انها رائده بهذا كله انا مايضحكوني الا لين تكلمو عن العلاقات العربيه الاسرائيليه ويجلس لك المذيع يتقزز منها ابو العبط طيب تلفت بشوارع قطر وشوف وين السفاره الاسرائيليه والا لين يتكلمون عن حق حرية الرأي يعني ياليتكم تشوفون اخبار قطر بالتلفزيون والا تقرون جريده قطريه كلها استقبل الامير وغادر سمو ه وورجع وسوف يذهب سمو الشيخ رئيس الوزراء

السلام:
طيب ليش القنوات الاخرى بالبلدان الاخرى ما تتكلم عن المشاكل القطرية.. ؟؟؟

واسمالله على الجرائد الخليجية ايش فيها غير التبجيل ..وهذا راح وهذا جا ..ولله الحمد والشكر والمنى لازم وغصب يسوي الشعب القطري مشاكل عشان تنحط بالجرائد ايش نسوي المجتمع القطري مجتمع هادي مسالم ..واذا صارت جريمة والا مشكلة تنحط بالجرائد
وبعدين بما انك متابعة للتلفزيوم القطري والاعلام القطري ..هناك برامج بالراديو تعرض بها المشاكل وكذلك برنامج بالتلفزيون اكيد انتي متابعة بتعرفينه يجي العصر ما ادري ايش اسمه ما اشوفه ممكن تشوفينه انتي عشان تتطمنين ان مشاكل الناس تننعرض

فديتج محد بزعلان ابحثوا وحطوا ..اصلا ما عندكم الا سالفتين وتدورون وتعيدون فيها من سنين قطر واسرائيل والسفارة

الاسرائيلية تعالي ودوري السفارة الاسرائيلية ..وبعدين احنا يوم بغي الشيخ حمد سواها جدام الناس

وليس تحت الطاولة ولانروح بلدان ثانية نقابلهم مثل باقي الحكام ...ولا تطير الطائرات الخاصة لهم ..

وسالفه ثانية اشلون اخذ الشيخ حمد الحكم رغم ان هذا عين وبوه العين الثانية ..بس صدقيني وقتها ما احد زعل ..

صدقيني باقول ما قاله

مراسل الي ان ان لان الجزيرة ما ستوت ويوم استوت وكان مالكها سعودي ما قصرت ليل ونهار هذي

سالفتها ..ارد على مراسل الس ان ان يقول اخذت بكيمرتي اجوب الشوارع لارى نتيجة الانقلاب لكني

لم ارا الا الناس ذاهبين بسيارتهم والجميع يبتسم ورجعت بكيمراتي ..

اتذكر كلماته زين لانا متنا من الضحك عليه وقمنا نتخيله وهو يدور بكيمرته يبي خبر ...

وبعدين اذا ما قريتي تاريخ الخليج اقريه بتشوفين كل حاكم اشلون جا على الحكم سواء علانية او باتفاق مع العائلة ...

يعني بس هالسالفتين اللي مالقاها بالاعلام عن قطر تدورون وتعيدون فيها ..ليش لانهم مالقوا شئ

وعلى فكرة اللي يقول عن العمالة مش الجزيرة ولا عمرها سوت بحث بل الجمعيات الحقوقية ولو لقت

عندنا شئ صدقيني بيحطونها وبتنشرها الجرائد الاكترونية والعادية تطمني على العمالة المطهدة في قطر لو صار المجتمع القطري يضطهدهم بجيك الخبر بيوصلك

 

[مشـــــاعل]

رد : رد: رد : رد: عااااااجل .. ثورة قطر

مشاعل ابي افهم انتي ليش تكرهين قطر ؟!

كل ماسمعتي طاريها جيتي تركضين وتكتبين كلام ماله اي داعي يكون بين اخوان


تبينا نرد عليج ونغلط لا حبيبتي السعوديه حبيبتنا ومانرضى نغلط عليها وقلنا لج قبل انتي ماتمثلين الا نفسج ولا تسوين فتنه

الموضوع يقول عن ثوره واحنا كذبناه ليش هالرد اللي ماله داعي وشدخل السفاره والمذيع واي عنصريه تتكلمين عنها لايكون في جنوب افريقيا

يعني احنا نحب السعوديه وكل الخليج ومانرضى عليه ليش ماتصيرين مثل باقي خواتنا السعوديات

ياليت تشوفين ردود ترانيم القصيم وتتعلمين منها :eh_s(17):

ولاتزعلين من كلامي تراه نصيحه من القلب :eh_s(7):

كريستال انتي بنت كثير مؤدبه وخلوقه وانا ادري انك تحبين السعوديه وقلبك نظيف وحبابه وقريت لك اكثر من رد طيب بمواضيع لها خص بالسعوديه
وانا مااسأت للقطريين ومااكره شعب قطر لا ويمين بالله00 وعلى فكره في ناس من الخليج مايحبون القطريين اما غيره او استهزاء ويسمونهم السموحه منك تيو- لكني من عمري ارد واقول انكم ماتفتهمون بسلوم العرب واقول ان شبابهم دينين ومايقاطعون المساجد وكريمين وراعين فزعه وهذا شي شفته بعيني وحتى بنات قطر والله مؤدبات وحبابات ويطيرون بالواحد طيران وتحسين انك بين اهلك وسطهم وهذا شي لمسته بنفسي وشفته
لكن بصراحه ياحبيبتي قناة الجزيره تمولها قطــــــــــــــــــــــــر والقناه بإيعاز وتوجيه من القياده القطريه استلمت ديرتي السعوديه بعد احداث 11سبتمبر بامريكا وعملت حملة تشويه للسعوديه بالشرق الاوسط بالتزامن مع حملة التشويه الي قادتها اسرائيل والقنوات اليهوديه بامريكا واوروبا والكل يعرف ان الاعلام بامريكا ملك لرجال اعمال يهود
اذا حاولي تفهمين ان انا مستحيل اصدق ان الي صار لمدة سنوات بعد الاحداث بامريكا صار بحسن نيه من القياده القطريه سامحيني هو شيخكم خيره عليكم وياليته كف خيره وشره عنا ياليته كنا باسوء الاوضاع وفوق اننا كنا لحالنا ومالنا الا رب العالمين بالهجمه الاعلاميه الا ان كان في من يدعس السكين بظهورنا وصدورنا والقناه موجهه لمصالح قطر ومالها اي علاقه بحرية الراي والكل بعد يدري بالهجمه بعد على البحرين ايام الخلاف على الجزر مع قطر

خاص لوهج الحب اعتقد (اطلعي من بينا وهي تعمر )

 

[ام خالد 78]

رد: رد : عااااااجل .. ثورة قطر

الله يستر

 

[ترف الدوسري]

رد : عااااااجل .. ثورة قطر

مو بشـآرهـ والله


الله يحفظ قطـر وأهل قطـر ويديم الأمن والأمآن بديآر المسلميييين ...

 

[نوره 99]

قطر اخر ناس افكر انهم يسوون مظاهرات
مستواهم سياسيا واجتماعيا وماديا عموما زين
أجل حنا وش نقول !!
ع العموم الله يكتب الخيره لنا ولكل المسلمين

 

[noorq8]

ههههههه الرجال فيهم خل يسوي مظاهره ............القطريين ماعندهم غشمره قبايل بعوايلها بيوم وليله طردوهم والمصاروه شحنوهم بطيايير حق حسني مبارك هالنوب قطريين مممممممم اتوقع بيحذفهم بحر