بسم الله الرحمن الرحيم..
كيفكم صبآيآ...
بدش بالموضوع على طوول لأني في مقر عملي .
بنآت أنا الحمدلله ربي مِنّ عليّ و أنخطبت بإنسآن يخاف ربه وحريص على أهله
والحمدلله الله زرع في قلوبنا الود و المحبة ويتتم على زواجنا بالخير ..إذا أحياني ربي لغاية شهر
مآيو فأنا بإذنه بنتقل لحيآتي الزوجية , ويتحقق حلمي وحلم خطيبي اللي طال آشهر .
طبعآ أنا بحط لكم موضوع ما هو بمشكلة ولا مصيبة .. كل ما في الأمر أني خطيبي موظف بس رآتبه مو ذاك الزود مع أنه جامعي والفرق بينا في العمر 5 سنين.
أنا أبيه وهو يبيني وننتظر اليوم اللي نجتمع فيه تحت سقف وآحد .
وهو شاد حيله وداش جمعية حتى يجهز للعرس . وراح تظهر له الشهر الياي ..
بس طآلب مني سآعده بفرش الشقة وأنا الحمد لله رآتبي كافني وزيادة وعمري ما بخلت على أنسان بشئ .
وحاطة مبلغ معقول في البنك , يعني محوشتنه عشوآئي .
وقلت بعطيه منه النص حتى نفرش شقتنا و نجهز أمور العرس بدون علم أمي وأخوآني .
شو رآيكم اللي سويته صح ولا غلط ؟؟ هل الفمروض أساعده ولا لا ؟؟؟
والحمدلله هو بعد ما مقصر معي وكل ما جأ يزورني يجيب لي حاجة ..’ أقوله ما لأزم تكلف على روحك قدآمنا مصاريف للعرس , يقول إذا جبت لك شئ كأني جبته لنفسي ..!!
رأيكم لو وقفت معه وشاركته في مصاريف العرس بدون علم أهلي أكون أخطأت؟؟؟
