ظواهـــر سلبيــه في العروووس !!!...دعوه للنقاااش حياااكم ^_^

[دانة كويتيات]

والله كلامج عين العقل بس وين اللي يفهم ويستوعب

والله انه وحده انعرفها عرسها كان عباره عن اسطورة والله يمكن مكلفهم وايد بس والله بعدها بثلاث ايام تطلقت الله يكافينا الشر وياكم

هذا اذا دل يدل على جهل الناس اللي يسوون هالاشياء الشي كل ما قل تكلفته زادت بركته كلام جدتي فديتها الله يخليها لي

 

[طالبة1990]

ناحية البذخ في العروس

انا اشوف انها تعتمد على المجتمع والمستوى الاقتصادي

يعني اللي عنده وقادر وطبيعة البيئة اللي عايش فيها جذي عادي

بالعكس يعتبر شي طبيعي

بس المشكلة وين؟!

لما يكونون منتفين وقرووض على الاب وعلى الخوات حتى المعرس نفسه عليه قروض عشان تكاليف العرس

هنيه لا حرام ويعتبر تبذير واسراف


يعني مفهوم التبذير والاسراف يختلف من مجتمع لي مجتمع

يعني مثلا حفلات العروس اللي نشوف انها عادية جدا وماتكلف بمجتمعنا عند باجي المجتمعات او بعض الدول اسرااف وتبذير وفسقة



وهمن عندنا احيانا بعض العروس ننصدم من تكلفهم في عرسهم وفسقهم بس بالنسبة لهم يكون عادي وطبيعي


وانا اشوف التوفيج من الله

يعني مو شرط اللي بذخوا بعرسهم ربي مايرزقهم ويتطلقون

ولا اللي تزوجوا سكيتي يوفجهم ربي


هذا نصيب وبيد رب العالمين


ارجع واقول مد ريولك على قد لحافك


خصوصا العرايس اللي مهرها 4500 وفستانها ب 1000

يعني ربع المهر

غير القروض والجمعيات اللي تدشها امها واختها ومدر منو

 

[مـ ح ـد شـرآتـي]

كلامج كله صح

البعض تسويلها نفنوف أو تأجره بألفين دينار وبعد العرس بجم شهر تلبس بجامه تحت عباتها

ليش تجهيزج وين راح شاللي حادج تلبسين بجامه..!!!!

ولا بعضهم الله يهديهم على اساس انه من المصمم الفلاني مسوي نفنوفها جنه نفنوف ياهل منفش وكله اورغنزا والمشكله مو قياسها تمشى وترافس بهالنفنوف

---------------------

اما الكشاشات اقل ما ينقال عنها (وظيفة من لا وظيفة له) ههههههههههههههههههههههههه
يعني شنو اييب لي وحده تقعد الناس على الكراسي شي بديهي الناس بيقعدون على الكراسي ولا ليش حطيتوها ههههه

شكلها غلط بالعرس وبعضهم (الكشاشات) تعاملهم همجي مع الناس تصارخ على الحريم وياويلها اللي اتحرك هذا فرح مو عزا

--------------------
تلبيس الصاله الصراحه شي مكلف فوق طاقة البعض يعني لازم البس ولا بيت فلان ما يصيرون احسن منا

والتلبيس كله مثل بعض ما فيه تميز كوبي من بعض اللهم الالوان تختلف

وكافي تفصيل ملابس خوات المعرس اللي مدري بجم ألف والتقديم والتصوير وتأجير الصاله او الفندق والدي جي او الطقاقه

يعني شوفوا هذا جم كلف وفوق كل هذا البس الصاله شي متعب

--------------------

التصوير فيه شغلات حلووه بس ما يوصل بسعر خيالي يعني هذا ويهي ماراح يتغير اذا صورتني فلانه ولا علانه هههههه


سوووري شكلي قرقت واااايد بس هذا الصج واللي يصير وقاعدين نشوفه :eh_s(15):



​

 

[BeNt PaRiS]

انا الصراحه اشتري بدله للعرس حلوه و رخيصه احسن من اني ابذر و اسرف بفلوسي على بدله غاليه البسها ليله وحده

 

[ســـووســـوو]

صح كلامج
بنات تقطون هالمبلغ برضا وبدون الف حساب للصدقات ولا تفكرون مليون مرة قبلها؟
الله يسامحنا

 

[##أم رابعة##]

ما شاء الله عليج جبتيها000 ما ازيد على كلامكم شئ الا أن نفنوف بو ألف والفين ما راح يزيدج جمال او دلال الله يستر بناتنا باجر بجم ؟

 

[$ الـسـلـطـانـــــه $]

محد شراتي صح السانج واشكرج على الاضافه



توت وكرز وام رابعه مشكووووووورات على مروركم وردكم

 

[مكاييل]

ياليت كانت بس على نفنوف العرس حنا بالسعودية التسريحة والميك اب صار بهالسعر يعني من 500 دينار وفوق وليته يسوى والله خربطه على غير سنع هالمشكلة انتشرت حتى عندنا ونفس الاسباب حب المظاهر اللي على غير سنع

 

[مشاعل الشمري]

الله يوفق البنات العرايس ومعاريسهم كل كلامج ماشاء الله عليج تمام
لا ولا سالفة تلبيس الصاله خو مو بيت بعد الواحد ينقي صالة مناسبه وحلوة
والنفانيف الله لا يوريج هالمصممين ومهايطهم حتى لبدلات السهره وايد اوفر
عسى الله يرحمنا برحمته ويبعدنا عن التبذير والاسراف

 

[احترت اسميك]

يسلمو لاتعليق
كلامك دورررر

 

[((*فروووحه*))]

اي والله انج صاااجه ياسلطااااانه استغفرالله يارب والله احناا محاسبين ع كل شي وكل فلس
شدعوووه 2000 و3000 الاف استغفرالله والله اعرف وحده شرت نفنوفهاا 3000 قالت اني راح اجره حراااام ليومج هاذا محد اجره
وحده ثاانيه درين شنو تقوولي تقووولي فرووووووووح شفي اخذيلج 2000 طبعاا حق الثوب يكون اجاااار
عاد انا فجيت حلجي اقووولهاا انتي من صجج لا والله ما اشتريه 2000 لا بعد اجاااار حبيبتي الثووب ما يزيني انا ازين الثوب
======= امش يالثقه

والله حرااااااااااااااااااااااااااام حراااااااااااااااااااااااااام

بعد هم السوق ناااااااااااااااااااااااااااااااااااااااار الله يطفيهاا ان شالله هههههههههههههه

 

[المـــــاس]

فعــــــلا انا لو ربي كتب لي نصيب مابي اتكلف هالتكاليف كلها بس بنفس الوقت ابي شي حلو وسعره مناسب والباقي ينفعني انا وزوج المستقبل

>>>>>>>>>>> حزب الطماشه لووووووووووووووووووووووول

 

[$ الـسـلـطـانـــــه $]

كـل الشكر لكم يا اخواتي العزيييزات على الحضوور والرد

شرفني ردكم

 

[Zahron]

رد : ظواهـــر سلبيــه في العروووس !!!...دعوه للنقاااش حياااكم ^_^

اي بصراحه مو شي يهتمون بالاسعار قبل كل شي يعني ياخذون اشياء مو حلوه بس المهم غاليه ويخلون المصورات يرفعون اسعارهم لانه يشوفون ناس تبي جذي ,, وايد منتشره هالظااهره بالكوييييييت ://

 

[أحـلآم . *]

رد : ظواهـــر سلبيــه في العروووس !!!...دعوه للنقاااش حياااكم ^_^

صــح !
تبذيييير !
ليش يعني 3000 و2000 ؟ واصلا هم 1.500 ليششش ؟
900 زييييين
والله يعين

 

[amami al-kuwai]

رد : ظواهـــر سلبيــه في العروووس !!!...دعوه للنقاااش حياااكم ^_^

اي والله معاح حق اذا البدله بالفين

وفي بنات مهمرهم مايكفي تناتيفهم ودراريعهم

شلون بتأجر ثوب بالفين وتصوير بالف

يعني خساير على ساعتين بالكثير

انا من يومين رحت اشوف بدل العرس والله لقيت اسعارهم خياليه وععلى شي مايسوى

لا ويقولون بس قصتهم على ‏‏ دينار ومراعينا بالسعر

 

[NaturaL.GurL]

كلامج عين العقل وهذا اللي بالضبط كان براسي
الحمدلله والشكر قاصين على العرايس و العرايس يالله يا غافلين لكم الله
مستغلينكم والله وانتو عادي
انا سويت حفله كل شي اخترت من ارخص الاسعار طلعت الحفله تهببببببببببببل وتونسسسسسسسسسسسس
سويتها بالبيت والله الكل استانس ولا يدرون اصلن ان ماخذه شغل رخيص مايبين
بس انتو وشطارتكم والله لا يقصون عليكم بهالاسعار الخياليه والله اسراف و تبذير

 

[English.Teacher]

رد : ظواهـــر سلبيــه في العروووس !!!...دعوه للنقاااش حياااكم ^_^

يسلم بؤؤؤك


ايه هذا الكلام ولا بلا

كنت ناوية انزل موضوع بهالخصوص

واتفق في بعض النقاط مع طالبة 1990


ويعطيك العافية على هالحملة التوعوية