ظل رجال ولا ظل طوفة ..الطوفة انفع بهالزمن

[دمعه حزينه]

ويــــــــــــع هذا ريال بعد؟

يستقوي على مرته ولا ليش طاقها عشان شباصتها بالتواليت استغفر الله

الله يعينج هذا ماطقج الا عنده خرابيط ولا في ريال يطق زوجته واهي حامل ؟؟

 

[Xtina]

انسان مرييييييييييييييض نفسيا ومضدهد وانتي انساااانه مثقفه لاتوصلينها محاكم ولا مخاااافر عشااااااااان اعيالج مو عشانه بس اطلقي منه بس مو خلع عشان اذا عقل ترجعيله وراح يرجعلج حشااااااج مثل الكلب بس لا ترجعين الى بيت بروحج عشاااان يتحمل المسؤوليهوالله يعينج حبيبتي

مادري شسالفة البيت بروحي يعني بيصيرون ما يحرشونه اذا صرت بروحي؟ نفس الشي وسالفة المخفر انا خلاص شلتها من راسي عشان عيالي على قولتج والطلاق ما راح يغير نتيجة بظني كذا مرة اروح لهلي ويرجع مثل ما كان ما جن شي صاير

 

[Xtina]

ويــــــــــــع هذا ريال بعد؟

يستقوي على مرته ولا ليش طاقها عشان شباصتها بالتواليت استغفر الله

الله يعينج هذا ماطقج الا عنده خرابيط ولا في ريال يطق زوجته واهي حامل ؟؟

موضوع الهوشة انه كان ياي مضغوط ومشحون منهم من كثر الحجي اللي يسمعه عشان جذي كان يدور عذر مالقى والدليل توه ما بطل باب الشقة جان يقول بيتج ليش جذي ما امداك يا اخي يا دور يبي يشوف شي مو نظيف ما لقى قال ليش شباصتج ع التواليت واذا ع الخرابيط حااشاااااااااه لا حرام ما يخربط بس يغازل و ....... و..... انتي ادرى

 

[om-HaSsoOon]

الله يهديه زوجج مادري لقب زوج مو لايق عليه ابد

اول شي طلعي ببيت بروحج قولي له ماني راده لين تخليني اسكن بروحي عشان توخرون عن هالمشاكل اللي قاعده تهل عليكم من اهله

ثاني شي وين اهلج عن الموضوع ؟ خل يتدخلون يتحركون يوقفونه عند حده لي متى جذي يمد ايده عليج الدنيا مو فوضى

 

[تخيل اعطيك وجه]

--------------------------------------------------------------------------------

لا حول ولا قوة الا بالله الله يعينج ويهديه يارب

 

[خذاك الموت]

يا حبيبتي ربي يفرج همج و يهداه و يصلح حالكم

 

[أم سالـمـين]

شالله حادج تتحملين

خليج عند اهلج معززه مكرمه

 

[ام فوااز]

انت تشوفينه ان موزين معاج ويطقج تروحين تحملين بياهل ثاني ليش جذي
حبيبتي كلمي اهلج خل يدخلون اهو مو مقصر بشي واحد مقصر بجمييع النواحي وفوق شينهقواة عينه يمد ايده شكر مو اول مره انتي تقولين اكثر من مره يطقج
شلي مصبرج وقاطج بيت اهلج ومايدري عنج ولايعطيج مصروف كافي حق وحق بنتج شلي مصبرج انتي جنج مطلقه ولو مطلقة جان وااايد ارحم لج يعني كله عن اهلج واهم الي يصرفون عليج وين دوره بحياتج ماله دور دخلي الكبار بالموضوع ولاتسكتين لا الله ولارسوله يرضون بالي قاعد يصير
والله عورتي قلبي

 

[جوك احلى جو]

الله يعينج يارب والله يفرج همج ان شاءالله

 

[Hello_kitty]

والله عورتي قلبي وضاق خلق حيل عليج بعد عمري توج صغيره على الشقا والظيم

حبيبتي هذي مو حياة ولا عيشه ولا هذا اسمه زواج الزواج اللي الله شرعه اساسه الموده والرحمه

وهذا ما يحبج ولاحتى رحمه ماقاعد يرحمج وانتي بحمالج وضعفج وظروف دراستج

ما ابي اقولج تطلقي مع ان الطلاق رحمه من الله حق اللي مثل حالتج بس استخيري الف مره

وارتاحي الحين في بيت الهج قعدي عزيزه مكرمه عندهم ولا تفكرين ترجعيله قبل سنه قعدي في بيت اهلج مو خسرانه شي ارتاحي من هالطق والظيم والبجي

اهلج بيقومون فيج وبيهتمون بصحتج على الأقل تلقين شي تاكلينه وتتغذين وانتي حامل عندهم تتعدل نفسيتج ونفسية بنتج وتهتمين بحمالج ودراستج

ومنها تكون طراق قوي حقه وحق اهله ان انتي مو مهانه عندهم واذا رجع وشرى راحتج ورضااج وتغير معناته يبيج واذا مارجع بوطقاق خيره حقج الزم ما عليج صحتج وجسمج اللي تدمر بالطق يا عل ايده الكسر

وحسبي الله ونعم الوكيل اقولها من قلب قلبي على كل ام تشيش ولدها على مرته وتسعى حق طلاقها وخراب بيتها

 

[*نور الكويت*]

الله يفرجها عليج ان شاالله

 

[سعوودية]

ربي كريم والله الضرب صعبه ولا تكون الحياه سعيده تكون خوف وقسوة

الله يجبر خاطرك ويسهل امورك للى فيه الخير