ظلمته مسكين عور قلبي

[دلوعة صلوح]

ياحياتى الحمد الله ع سلامتة ومايشوف شر يارب والله يخليكم لبعض يارب العالمين.

 

[Kensington]

الحمدالله علي سلامته

 

[KOKO_284I]

الله يتمم عليكم

 

[طيش سكر]

الحمدلللله على سلامته

 

[Om FaJeR]

الحمدلله على سلامه وصججج ان بعض الظن اثم

 

[زوجة عزيز]

الله يسلمكم ويخليكم ماقصرتوا بنات وحسبنا الله ونعم الوكيل على اللي كان السبب اخته في العصر يات وقالتي اتدلين بيته باروح له قلت لها لا وخليت ولده يدليها وراحت له اول ماطلعت من عنده سوت لي رنه رديت كلمتها الا اتقولي مسكين متغير كلش ماعرفته قاعد معا مرته قاعده يمه وتمشش بوزه وتحب راسه واتقول انا ما اخليه انا اللي اوديه واييبه وقهررررررررتني مت مت مت من القهر واتصل له وماتم شي ماقلت له وقلت له الحين الحين باطلع ولا بتشوف رقعة ويهي لي يوم الدين الا قاعد يصارخ جان زين الله خذني احسن لي وتم يقول انتي اي شي احد يقولج اتصدقين والله انا ماشفتها ولا اقعد معاها بيتي معزول ولدي معاي وتم يبجي وطلع منه دم من حلجه وخشمه الا ولده خذ السماعه قالي اشفيج اتصارخين على ابوي اشصاير قلت له ليش قاعد معا امك انا مارضى وقالت لي عمتك كل شي قالي والله وراسي انا اللي قاعد معاه وامي ولاتدري به من احنا اصغار هادته واهو ولا يدري بها متطلقين مايبون بعض واهو والله العظيم يحبج كله يحاتيج لا اتزيدينه على اللي فيه لا اتهدينه اهو محتاج لج وانتي محتاجه له انتي ماعندج غيره الحين ولا اهو عنده غيرج ابوج وراح محد بيفيدج غيره قلت له اشدراك انه ابوي متوفي يقول اهو يقولي كل شي وكله يحاتيج من قبل لا يصير له هالشي كله يقول تحملو فيها لين صادني شي ترا مالها احد وانقهرت ازيد على اخته وقمت وكلمتها قلت لها ليش اتقولين انه مرته عنده الحين اهو تم يصارخ ونزف خشمه وحلجه ويقول يبي يموت لكن اذا صار له شي في رقبتج لي يوم الدين وعليه اخوج في هالحاله وانتي تطلعين عليه سوالف قالت لي من قالج اتقولين لهم انحرجت وارتبكت في الحجي قالت اذا جذي مانقدر انقولج اسرارنا اي شي اقولج اتقولين له وخافت وقلت حق اخوه مو يالسه باطلع تم يق ولي اهو يحبج مب زين عليج اتهدينه واهو في هالحاله اختي تقص عليج تبي اتسوي فتن عشان اتطلعين واتيي اهي تسكن اهني وقالي انا اضمنه لج اذا رجعها على مسؤليتي مافي امل انا اقولج يرجعها حسبي الله على الاودام اللي اتبلى على الناس اخوها طايح حالته تعور القلب خلتني اتهاوش معاه واهي طلعت منها بارده مبرده والله للحين قلبي معورني ولارديت كلمته وقالي ولده انتي تحملي بروحج واي شي تبين اتصلي وانا اول مايصير زين ويخلص مواعيده ويفجون الخياط ويركبون له ضروس بارده لج مايصير اهده واهو في هالحاله وطلع عنده القلب يقول ولده قاله الدكتور اهو عنده مشاكل قال له ولده لا الحمدلله ماعنده شي واهو يهلوس تم يتذكر اشياء من يوم اهو صغير كان يقولي انا خاش تلفوني عن امي لان ابوي بياخذه من عندها انتي ماشفتي ابوي يطق امي عور قلبي عاد يوم قلت حق ولده يقولي اي يهلوس لا اتزيدينه قعدي في البيت اهو بيرجع لج لا اتخافين وسوري بنات تاخرت عليكم بس من التعب والله جسمي كلش متكسر وتعبانه

 

[رنيم الروح]

حمدلله على سلامته الله يخليه لك ولا يفرقكم

 

[قلبي عبدالله]

كاسر خاطري ظلمناه

انتبهي له وحطيه في عيونج ترى مايبين الغلا والحب الا في هالمواقف وأخر الاسواء ان شاء الله

 

[قلبي عبدالله]

انتي لاتسمعي كلام احد هذي ياتج وبنيتها تخرب بيتج وتحرج


وفرضا كلامها صحيح ليش اقول لمرت اخوي علشان الفتن والمشاكل


ثقي تماما ان الكلام من راسها مو صج شافتج مختبصه قالت خلني ازيدها شهالاوادم اعوذ بالله

 

[زوجة عزيز]

اي والله حسبي الله ونعم الوكيل عاد مسكين ريلي يحبهم واذا فيهم شي مايشيلهم الا اهو كلهم معتمدين عليه حتى لو تبي اتييب خدامه اهو تطرشه من مكان لي مكان واهي قاعده مرتاحه مع انها موظفه وعندها سياره واعيالها وكل شي بس باليتنا بلوه وفوق ذي تطلع سوالف عليه والله يسلمكم بنات اهو حصلو سيارته بس مكسرينها وبطايق البنك وقفوها

 

[ابدا يالغالي مانساك]

قررة عينج برجعة زوجج بالسلامه وربي يخليكم لبعض ويوفقج يالغاليه

 

[ماني من الناس]

امبيه زوز الله يعينج على هالعيله وايد يسسون لج اكشنات وخصوصي اخته لايمرضونج بس بتتعبين حرام

 

[زوجة عزيز]

اي والله كلش تعبت منهم واهو تعب من اهله مب مخلينه يرتاح الظاهر اهم السبب في طلاقه من مرته الاولى واللي قبلي حبيبتي منمن انتي والله وابد ما انساك فديتكم ماقصرتوا كلكم والله وحده وحده

 

[w7shteeeny]

آن بعض الظن اثم

والحمدلله ع سلامته

 

[ترجمة احساس]

الحمدلله على سلامته
والله يخليه لج ويهديه ويسخره يارب

 

[بنوته كيكه]

الحمدالله علي سلامته اختي وخواتي لا تحكمون ولا تضون السو في احد سوا زوج ولا احد

 

[ماني من الناس]

ان شالله يطلعج بشقه بروحج وتفتكين من وجع الراس

اشتري راحتج حتا لو بشقه اجار

 

[زوجة عزيز]

ان شاء الله الله يفرجها ان شاء الله ويرزقج بولد الحلال يالغاليه الله يسلمكم كلكم بنات

 

[شقرا كويتيه]

حمدالله على سلامته امبيه ظلمناه مسكين الله يشفيه

 

[Reham 84]

الحمدلله ع السلامة