ظرووووووووووري واللي يرحم والدينكم ...

[a7la_3asal]

السلام عليكم ورحمة الله وبركاته

خواتي ..

ياليت احد ينفعني ويقول لي شنو السالفة تكفون ظروري ..

آنا زوجي راح الأسبوع اللي طاف مقابلة في السفارة الأمريكية ..

كل اوراقه جاهزة وكل شي اوكي ..

ولما راح المقابلة .. سألوه بس سؤال واحد .. ليش رايح امريكا ..

وبعدها عطوه ورقة صفرا .. وراح عند الكاشير .. الكاشير أخذ الأبليكيشن ماله .. وأخذ منه صورة من الجواز ..

بس ردوا له الجواز .. وقالوا له راح ندق عليك ..

شنو يعني موافقين عليه وإلا لا ؟؟

ما ندري عنهم

آنا مقابلتي كانت بعده بيوم .. استلمت الأبليكيشن وكل شي اوكي .. وامس استلمت الفيزا ..

بس ريلي بعده ..

ياليت لو أحد يفيدني واللي يرحم والدينكم ظروري..

:
:​

 

[تشتوشا]

حبيبتي عادي انا يوم قدمت على الفيزا ريلي قدم قبلي باسبوع وانا اطلعت بنفس اليوم وريلي خذت منة ثلاث اسابيع لانة عسكري

 

[a7la_3asal]

أحنا اللي مستغربينه

أن ريلي عطوه الورقة الصفرا

وبنفس الوقت

رجعوا الجواز له .. وخذوا منه بس صورة الجواز ..

فما ادري موافقين عليه وإلا لا ؟؟

بس آنا ريلي مو عسكري .. قطاع خاص ..

يعطيج العافية يالغالية ..

 

[احلى البناات]

والله اختي انا مادري ما اعرف

بس يمكن اجلرائاتهم جذي للريايل

 

[law love]

El ryayel e6wlon m3ahm , mo m3nata rafthena bss eswon b7th. 3na awl ma y5l9on y6lbon jwaza etha m8bol
La t7aten shalat enshala

 

[a7la_3asal]

مشكورين وما تقصرون

ورايتكم بيضة والله

 

[كويتية و لكن]

الاجرائات حبيبتي لا تحاتين عادي لو ما يبون يعطونه قالوله مافي فيزا اشكره تعرفينهم عمليين وما يجاملون
الله يوفقه

 

[a7la_3asal]

هههههههههههههههههههههه

قاعدة اتخيل شكله مسكين واهم يقولون له اشكرة ماكو فيزا

صدمة عمره بتصير

لوووووووووول

مشكورة حبيبتي وما تقصرين

 

[مشمشة رمانة]

حبيبتي هذي اجرائات عادي تصير مع بعض الريايل لكن لو بيرفضون جان قالولة من اول شي في ناس من اهلي جذي صار وياهم وعطوهم الفيزا وانا قدكت حق خدامتي بس ارفضوها من اول شي يعني مثل ماقالتي وحدة من البنات اشكرة يقطونها بالوية مايغشمونج وتالي ماكوشي وسهالة انشاءالله

 

[$غــ(ز)ــل$]

لاتحاتين حبيبتي
مثل ماقالوا البنات هذي اجراءات عاديه

ان شااءالله بعد اسبوعين يدقون عليكم عشان ياخذون الجواز


صاارت شكثر مع البنات

لان الموظف اللي هناك قالي اللي اساميهم مثل محمد -عبدالله-عمر-والخ
واللي مسافرين باكستان-ايران-افغانستان وطقة هالدول يكون مشتبه فيهم

واحيانا يكون حظ ونصيب

 

[semaasem]

عادي حبيبتي


انا بعد حاتيت قبلج لان فيزتي انا وولدي طلعت الا ريلي تأخر والحمدلله عطوه بس هذي اجراءات عادية دايما الرياييل يطولون

 

[a7la_3asal]

يعطيكم ألف ألف عافية يالغاليات

عاد صج صج قمت أحاتي

صار له اسبوعين ولي الحين ماكو شي

الله كريم

وعلى قولة القايل : كل تأخيرة وفيها خيرة

يعطيكم العافية