ظبطت العيش لاكن المرق الله يزيد النعمه 

[((*فروووحه*))]

قووووه بناااات شخبااااركم ؟؟

بنااات ظبطت العيش مع ان احسه ماااصخ مافيه طعم  مومشكله
بس المررررق معقدني احسه طعمه الله يزيد النعمه كلش ماينبلع ما ادري
ليش 
ودي بمرق نفس مرق اهلي خخخخخ سويت نفس المقادير بس طلع 
مومشكله مرق بطاط مرق دقووس بس ابيه ثقيل شوي تكفووون علموني
انا وحده عليميه بسوالف العيوش*

 

[جارة القمر]

((*فروووحه*))



يقويج حبيبتي





ممكن تقوليلي طريقتك بالمرق


أنا ساعات علشان اثقل المرق أخذ بطاطه اهرسه وأقطه فيه يصير ثقيل



وزوجة حماي تحط شوية جوز الهند


والمطاعم تحط شوية عدس وفي ناس تضيف شوية صبار وفي بعد ناس تحط نخي


http://www.q8yat.com/t12312.html


http://www.q8yat.com/t869298.html



http://www.q8yat.com/t720862.html



http://www.q8yat.com/t496814.html

 

[عيون زوجها]

حبيبتي اساس اي مرق بصل تحمسينه وثوم تالي تحطين مثلا الدياي انا وحده طبيعتي الدياي اتبله من الليل بالبهارات واصلا انا بس اييب الدياي مال الشهر كله افركه بملح وليمون وطحين
تالي ابهره ببهاراتي وعقب اجيس وجبه بوجبتها واحطها بالفريزر
المهم
اخط الدياي فوق البصل والثوم واحمس مع بهارات صحيحه وناعمه وازيد شوي ماي واغطي الجدر
شوي تالي احط طماط مفروم بالخلاط ومعجون عقب اخط نخي مجروش والبطاط
والماي على حسب انتي تبينه خاثر او شوي اخفف
اخلي عالنار
عقب فتره اخفف النار حيل
امي تسويه نفسي بس تفرق عني انها تفوحه فوحه وحده مع البهارات وتقط الماي عشان الزفره بس انا اساسا متبلته فمايكون زفر

 

[((*فروووحه*))]

فديتكم والله ماقصرتوو
بس ابي اسهل طريقه حق المرق انا الدجاج اخااااف امسكه ما اعرف
لاتضحكون علي بس تلوع جبدي

 

[ام الدرر]

حبوبة اي مرق اذا تبينه ثقيل كثري البصل وخليه ناعم وضيفي معجون طماط كامل واخلطي كذا حبة طماط بالخلاط وصبيه علييهم

مرق اللحم
حمسي بصل بسمنة مازولا وحطي اللحم وشوية كركم بودر وقلبيه لما يصير لونه بني
قطي عليه مكعبين ماجي خضار وقفشتين كزبرة فرش مفرومه ناعم وثوم مهروس وقلبيه
وعقب معجون الطماط والطماط المخلوط وخلييه يطبخ شوي وزيدي ماي يغطي اللحم بس وضيفي الملح
لما يغلي قصري النار وخليه ساعة ونص
تكونين مجهزة الخضره بطاط - قرع -
باميا (الافضل تقلينها بزيت وهي مثلجة تتحمر بس)
حطي البطاط واذا تحتاج ماي زيدي شوي
10 دقايق وحطي القرع والباميا وخليها نص ساعة على نار هايه بدون تقليب عشان ماتذوب الباميا
مرق الدجاج نفس الشي
بس انا احب اتبل قطع الياي واقليها بزيت تتحمر منها تروح الزفرة ومنها مايصير لون جلد الدياي ابيض بالمرق شكله مو حلو
واي سؤال حاضرين حبيبتي ​

 

[• JoJo •]

ماقصرو البنات

 

[زوجة الوزير]

قللي المويه وبس

 

[قطوووة]

كلنا بدعنا من اول مرة ههههههههه

موفقة