ظاهرة انا محسوده انا مسحوره

[جوك احلى جو]

صاجه

 

[بنت الاحلام]

السحر والحسد مذكور بالقران

ولكن انا اشوف ناس لو صخنت او راسها عورها قالت انا محسوده



هالشي غلط وكلامج صحيح يا قلبي

 

[تيوليب]

هلا اختي ... انا مادري شنو القصد من الموضوع بالضبط بس يمكن انتي تقصدون ان كل بنت تهاوشت ويا زوجها مثلا قالت انا محسودده!!

اوا ماتزوجت قالت اكيد اني مسحورة!!
يابنات اللي بايده بالماي مو مثل اللي ايديه بالنار صدقوني ...

انتي طرحتي هالموضوع وكل بنت بتقول وجهة نظرها وانا بقول وجهة نظري باللي فهمته من موضوعج واذا انا فهمت غللط وضحيلي اكثر ياقلبي..


اختي موت ميلاد ظاهره الحسد صااارت بالكويت شي موطبيعي ...

انا اكلمج عن تجربه صدقيني خاااصة الحرييم والله صايرين يحسدون على اي شي سواءا لبس ولا زوج ولا عيال ..


تخيلي اشيحسدون عليه؟؟؟؟؟؟ وحده تحسد بنت بنت خالتها تدرين على شنو؟؟؟؟


تقوول بنتها شعرها واايد مو مثل شعر بنتي واعليه اي هذي اللي حارصه على تغذيتها مو انا ياحظي!!!!!!!!!!!!!!! تخيلي!!!!!!!!

صج الحسد موجود وبكثرة بالكويت ولازم كل بنت ترقي نفسها سواءا جميله ولا عندها شهاده ولا ماعندها ......

بس انا اتفق معاج ان في بنات يحاولون يلفتون الانتباه ان مثلا وحده تقوول صار فيني كيت وكيت اي كله عين فلاانه....!!!!

المشكله يتفاولون على نفسهم والانسان المعيون والمحسوود اصلا تحوشه ضيقه اذا سمع قرآن والم اسفل الظهر ومثلا كان يحب شغله معينة وفجأة كرهها ..اهني تقول انا فيني عين ومحسوده....

مو على اي شي تقول عييين .. ترى العين يكافينا شرها موهينه كللللللش ..


.. ونصييحة للبنات اللي تقصدينهم لاتتفاولون على نفسكم بالعين والحسد والسحر ترى العين حق وتأذي الانسان سبحان الله ابحثي عن الاسباب ..

يمكن عاصية احد والديج ولا نيتج مو صافيه تجاه الناس ولا ربي غاضب عليج .. ولا ماتصلين ..

عشان جذي ربي ينبهج مثلا بتأخر الزواج.. كل بنت تعدت ال27 قالت انا محسوده ولامسحوره ..

ليش ماتقول انا لاني مااصلي او اذيت فلانه بكلام عن شرفها ودعت علي ان مااتزوج ؟؟؟ على طول انا مسحوره ولا محسووده ؟؟؟؟ اتق الله بنفسج وتوبي لربج وراجعي نفسج باللي سويته .. وتالي قولي انا محسوده ...


اعوذ بكلمات الله التامات من شر ماخلق ومن شر كل عين لامه ...
حاولت اوصلج وجهة نظري واللي فهمته من موضوعج وياريت لو انا فاهمه غلط تقوليلي .. يعطيج العافيه على هالمووضوع

 

[تيوليب]

حبيبتي موت وميلاد ربي يرزقج بالزوج الصالح الحنون اللي يسعدج والذريه الصالحه عاجلا غير اجل يارب العالميييييين امييييييييين

 

[Shiny Star]

صح كلاك

ودايما ياريت يكون عندناحسنالظن بالناس عشان الله يبارك لنا ويوفقنا

 

[كراميلا مرة]

اي واللله جبتيها على الجرح
انا هالظاهره حيل مازمتني
حتى في ناس ماحب اتكلم معاهم من كثر ان ماعندهم الا فلانه ساحرتهم
وثانيه عطتهم عين
انا اقول اللي ثقة بالله كبيره مايفكر بجذي ولا يوسوس
ومن توكل على الله حماه
اجل عندي بنات عمتي مايقولون شيء جنب احد عشان مايحسدهم
وعمتي صار فيها حساسيه بجلده قالت انها مسحوره
وبعد ناس كثير اعرفهم يحرمون نفسهم من السفر ومن اشياء كثيره عن الحسد

اسفه يمكن قمت اخربط بالكلام بس صج منقهره من هالسالفه اللي
مثل ناقلتي اختي شماعه نعلق عليها اخطائن

مشكوره اختي على الموضوع/COLOR]

 

[شجرة الدور]

كلامك صحيح وبعض الحيان يكون الشخص مريض بمرض عضوي ويعيش في وهم الحسد

واذا عالج بالقران والطب شفاه الله

 

[غيآبڪ عذآبي]

.



إيي يآكثرهم ..~

وإذآ كلمتيهآ تقولج آلعين حق @@

 

[لولواه11]

حتى اذا ولدها زلق وطاح قالت عيييييييييين
استغفر الله

 

[om al ghaleen]

والله كلآمج عدل " بس صدقيني اللي جربت السحر والحسد
تتم طول عمرها خايفه ويمكن تصير معقده

الحين اغلب الناس بس تتغبط غيرها من غير ذكر الله
بس في ناس وايد تبالغ وبشكل كبير !

الله يبعدنا عن الحسد والسحر وكل شر هامه

\\

 

[y7lok_7loho]

اى والله انا ملاحضة جذى اى فشل فيهاا قالت ها الكلمتين

مايدرون ان باجر تبتلى وتروح للمطاوعة تعالج من الدلع الى كانت فية

الله يشفيهم

 

[موت وميلاد]

حبيبتي موت وميلاد ربي يرزقج بالزوج الصالح الحنون اللي يسعدج والذريه الصالحه عاجلا غير اجل يارب العالميييييين امييييييييين

مشكوره على الدعوه الحلوه

وانتي فهمتي قصدي صح :rerrerek:

انا ادري العين حق والحسد والسحر مذكور بالقران بس الي صاير انه الناس ربطت كل المصايب الي بحايتهم بالعين والحسد والسحر

اي مويمكن مثل ماقلتي الي صار منكم ابتلاء او عقاب من الله بسبة ذنب سويتيه وماتبتي منه

فبدال لايرجعون لله ويتوبون من ذنوبهم

تلقين ماعندهم غير يراكضون من شيخ الي قراي عشان يقرى عليهم

وحياج الله​

 

[موت وميلاد]

يا بنات انا ما اقول لا ترقون نفسكم

بالعكس اقرو على نفسكم كل يوم بالمعوذات واقرو كل 3 ايام سورة البقره

مو بس عشان حسد وسحر

لا بالعكس المعوذات والقران يحمي من كل شي حتى من حوادث السيايير

انا اقصد بموضوعي الناس الي عندها وسواس اسمه سحر وحسدوهالشي لاحظته وايد خصووووووووصا عند المتزوجات او شي له علاقه بالزواج!!!!!!!!!!!!

والله يهديني ويهدي الجميع

 

[خليفة العظماء]

حبيبتي في بنات صج مسحورين ومحسودين ,, والعين حق وسعر من عمر الدنيا والنتشر بشكل كبير بعد

 

[brettey]

شوفي انا معاج ان في ناس يبالغون بسالفه العين والحسد بس ترى احيانا يكون صج والناس صدقيني صايره تحسد على اقل شي عندها خير وعينها بغيرها صدقيني وانا شفت بعيني وياما اسمع بنات يقولون عن وحده مثلا يشوفونها متهنيه بزواجها مصيبه زوجها صاير ثور لها ولا مصيبه شالحظ مع الخدم مو مثلي ماتقعد عندي ولا مصيبه كل سنه سفرات وطلعات
بس انا مو مع الي يروحون يقرون عند شيوخ انا افضل الوحده ترقي نفسها احسن

 

[وردة بيتنا]

اي والله انج صاجة

اللي علاقته قوية مع ربه . يصلي و يذكر ربه . ما يقعد يوسوس كل ساع عين و حسد

خل يتوكل على الله في كل اعماله

و يرقي نفسه و يقرا القرآن الكريم و اذكار الصباح و المساء

مو بس عشان العين . عشان نفسه و راحته

شاكرة لج اختي موت ميلاد على الموضوع الروعة

 

[عبق الزهره]

السلام عليكم بنات انا عندي استفسار الحين لما القهوه تطيح على الارض هذا خير ولا شر حسد ولا لا لاني وايد يقولون ان القهوه لما تطيح على الارض خير فما دري منو سمعت مثلي جذي وسلامتكم

[عسى ربي يرزقني بالزوج الصالح والذريه الصالحه

 

[Flower20]

ملاقة بنات
خاصة الي فيها غرور

تييج وحدة تقولج وااي لما ييت من بيت فلان تعبت وجسمي صار مبقع
قصدها حسدوني بس مو عارفة شلوون تقولها

بس مع ذلك ماا ننكر ان السحر والحسد موجود

 

[بدورة القمورة]

ههههههههههههههههههههههههه

اي و الله و انتي الصاجه الكل قام يقول

 

[سعيدة بحياتي]

اختي الحبيبة
موت وميلاد
:eh_s(7)::eh_s(7)::eh_s(7)::eh_s(7):

جزاج الله خير على طرح هذا الموضوع المؤلم والقاتل والمؤسف في بلد مسلم مثل الكويت

وانا بالصدفة لقيته بالمنتدى

وصار لي فترة أكتب في هذا الموضوع والحمدلله كثير من الاخوات جزاهن الله خير مؤيدات لما أكتبه , لكن بعضهن هداهن الله تنكر عليج كتابة الموضوع مايهم هذا رأيها واحترمه , اما ان تتطاول أكثر الرافضات للفكرة وتهين من امامها وكل فكر يعترض فكرها فهذه المصييييييييبة , والمصيبة الاعظم ترفض ان تحاجج بالكتاب والسنة , كلما ناقشتهن اؤكد رأيي مما قاله عز وجل ومما قاله صلوات الله عليه وسلم , اذا بها تؤكد رأيها بقال فلان وعلان !!!!!!!!!!

وانا اعتقد بأن تلك الفئة من الاخوات هداهن الله هن اللاتي للاسف يشجعن اهل الدجل والشعوذة على التوسع والتضخم كالسرطان في جسد هذا البلد الحبيب

أتمنى تفعلين موضوعج لأنه مهم جدا جزاج الله خيرا
:eh_s(15)::eh_s(15)::eh_s(15)::eh_s(15)::eh_s(15):




وهذا رابط مواضيعي وهي للحوار والنقاااااااااش

http://www.q8yat.com/search.php?searchid=8763242