++ ظاهرة الآسراف بالنفاس ++

[^^دموع الكويت^^]

جذي ما يجوز..
انا هذا كله ما سويته.. شريت لبس النفاس من النقره وقت التنزيلات وحدهم روعه.. 3 بس
بس انا احط مكياج خفيييييييييييييييييييييييييييف.. خو انا والد مو ميته
كافي علي 9 شهور حمال وضيقة خلق والكحله والقلوس مو ماثرين بالنفاس
والا شرايكم..

بعض البنات يتعيرون حامل وثجيله وتنطنط بالعروس وتدابج بالاسواق ولا ولدت وخف الثقل وانبسطت شوي تسوي روحها كانت بتموت من الولاده وتدشين عليها الويه اصفر وتلوى.. يوووووووووه الله يستر على بنات الناس..

مادري اختي انا اشوف المكياج ماله داعي لاحقة على المكياج :eh_s(6):


حياج الله

 

[^^دموع الكويت^^]

يعطيج العافية حبووووووبة

الله يعافيج


حياج الله

 

[^^دموع الكويت^^]

ياربى والله صاجه بس الحين لوماحطيتى هالبلاوى والله بيقوووووون فقرانه وطاقها الجوع ومبهددله

هذي المشكلة

اذا الوحده ما سووت جذي بقولون قطيعه بخيلة

صار كلشي مبالغ فيه الله الهادي


حياج الله

 

[^^دموع الكويت^^]

اي والله ماله داعي الاسراف والتفلسف الزايد كاكاوه بالمستشفى كافي بعد ليش هالسوالف والجمبزه لوووووول
خووش موضوع
تسلم ايدج حبيبتي

اي والله ماله داعي الجمبزة مادري ليش ضحكتني الكلمة هههههههههههههههه


تسلمين على المرور حياج الله

 

[الصابرة المحتسبة]

عساج على القوة على طرح هالموضوع
البعض ماتبي إلا تكون أحسن من فلانه وفلنتانه اهم شي سلامتج وسلامة الصغير واللي يبيني من غير حوسة واستقبال العين أوسع من المكان لك الحمد كلنا شايفين خير ومولزوم نسوي ونشيل ونحط علشان والله الناس اتحجى وتسولف واللي مايقدر يزور بالمستشفى الله يحييه بالبيت 40يوم تطب وتختار اي يوم تزور وكلنا عيال قرية وكلن يعرف اخيه.

 

[kunooz]

السلام عليكم
عاد انا ما احب هالسوالف .. ترى اكو ناس ياخذون قرض بس علشان يولدون بالمستشفى الفلانى !! انزين ليش يعنى؟
والله ماكو احلى من البساطه ..
و مشكووره على الموضوع

 

[a5er el3angoood]

الصراحه كل اللي قلتيه صح وبعد في ناس تاخذ قروض عشان هالاشياء وعشان اشياء اتفه بعد بس انا اقووول ياحلاه البساطه في كل شي وياحلاه الانسان اذا مد ريله على قد لحافه ومو مشكله ان نجهزللنفاس بس كلن وميزانيته يعني ما يكون يكسر الظهر لازم يراعي الميزانيه مع العلم ان النفساء تحتاج التغير عشان ما تتعب نفسيتهه يعني لازم المكان تكون الوانه حلوه ومتناسقه وتفتح النفس ولا تكدر الخاطر
وشكراااا :bye22:

 

[عاشقة الكاكاو]

مشكووووره حبيبتي

موضووعج روووعه

يا حلااة البساااطه كفر حلو ومواعين حلوة وناعمه وقميص ناعم وبس

ليش الحووسه ؟؟

بعديين شنو السالفه اللي هابين فيها هالايام ؟؟

انا ييت ولحضن امي هليت وعند امي وابوي مادري شنو وتعالوا شيلوني

يعني الياهل عمره يوم وينه وين هالحجي ؟؟

ولا الثانيه في الف ليله وليله ولدت فلانه بنت الرجال >> يعني منو فينا مو بنت رجال ؟

وضعت اغلى البشر فلانه مولودها اغلى الجوااهر

والله سخاااااااااااااااااااافه وين لج خلق تطرشين هالسوالف وانتي حالتج حاله شنو هالتفاهه

وبعدين شسالفة نستقبلكم يومين فقط

يااا حاافظ و40 يوم شتسوين ؟؟؟

اقط فلوووس ودم قلبي علشان يومين بالمستشفى بعدين اشيل قشي واروح انسدح بغرفة بيتنا ؟؟

لا والله اسوي اللي ابيه في بيتنا احط لي غرفة وازينها وارتبها واقول للناس تعالوا يومين بالاسبوع استقبل

فرضا انا اليوم مشغوله او تعبانه او عندي امتحانات

ليش تحددون لي بس يومين عقبها مانشووفها وتتشره عليينا

انتي سوي استقباال سنع اول صج وحده مالها خلق الناس

يعني خلي يومين بالاسبوع تستقبلين الناس في بييتج اريح لج

حاااكره العااالم بغرفه 4 في 4 كلها ورد ونصها كفرج اللي شكبره

وحووسه وعالم وفلبينيات

سوي في بيتج اللي تبينه ولو تقطين فلووسج عالاقل في بيتج ملكج مو مستشفى

سوووري طوولت بس بصرااحه الاستقبالات سخاااااااااااااافه حدهاااااااا

والله مره رحت استقبال مكلف 10000 ديناار

ليييييييييييييش ولدج من ذهب ولا ياقووت ؟؟

ولا الثانية اللي برويال حياات خوااتها لابسيين بدلاات سهره

ومكياااااااج بصااالون >> عفيه خللق لا حتى الوالده حااطه ميك اب ومسويه شعرها

بصرااحه والله لها خلق انا اقعد الصبح وحق دوام مالي خلق ميك اب

شلوون انتي واالدة تارسه ويهج مكيااج واللي تدق على مالت الصالون تيها المستشفى >>لا تعلييق

الحمدالله والشكرر الوحده تقول يارب قومني بالسلامه وارزقني ولد صالح

بس موضة هالاياام تلوع الجبد تلاقينها طلق وولاده وهي تحااتي

وي لا ينسوون الحلو والورد

وي لا ينسوون يطرشون مسجات حق فلانه علشان تيي استقبالي تشووف السنع وتمووت حرره

استغفر الله انتي اوولدي بالسلاامه اوول

والله نااس تااافهه

 

[أوركيد]

اللي عنده عليه بالعافيه ..بس بدون مبالغة ...واللي ماعنده ..مو ضروري..

قمنا نشوف الحريم يدشون جمعيات ولا قرض بو 3الاف عشان الولادة !!!ليش !!ماله داعي كلش...

عندنا بالكويت شيئين ...الهبة ...والغيرة..الكل يهب بهالشغله وما يبقى احد على ارض الكويت الا يسويها ....والغيرة اللي تاكل قلوب البعض..ومايرضى بالحلو اللي عنده>>>>لازم الأحلى ..رفيجتي تسولف لي عن وحدة من اهلهم مشتريه طقم التقديم ب900 دينار..وطول ما اهم يصبون شاي وقهوة..عينها الفقيرة على الاستكانات ..خايفة تنكسر ...

ولا المسشتفيات الحين...اكيد الوحده تدور الراحة وتبي الدلال بالعافيه...بس البعض ما يحصل هالراحة الا بغرفة يطق سعرها ال4 الاف !!!!!!!!

الله يهديهم ويكملنا بعقولنا ...

 

[دعاء الكروان]

يعطيج العافيه 000موضوعج عال العال 0000الله يعين الحريم على نفوسهم 00000همهم المظاهر والكشخة وقالو كيت وكيت 000لا وتلقين طاقها الفقر وفي نفسها 000الله يهديهم الى الصواب

 

[viva la glam]

والله صاجه الاستقبالات تبذير واسراااف
مشكوره

 

[Mazyoona]

؛

.

لوول ايي و الله و لا اللي دزت دعوه حق استقبال نفاسه لوول

و الله مت من الضحك يوم شفت الدعوه عالطاوله

يسلموو دموع صج الناس صاروا مبذرين

 

[هدولى]

أختي:

ان خروجك من غرفة الولادة انتِ وطفلك بسلامة وعافية نعمة
تحتاج الى الشكر، فلاتكفيرها بالتبذير في فترة النفاس صح %

موووووووووووووووووووووضوع رائع دموع .

 

[Miss.6Mo7]

الله يعطيج العافيه ع هالموضوع .. ويهدي هالنمونه من الناس