طِحت و مَحدْ سَما عليّ // ~ روايتي الرابعة

[.الطيب.]

الــــــبـــــــارت الــــثــــالث


طيبة مسوية حادث من قبل سنتين و ريولها ما تحس فيها ..
و من هالسنتين لي هاليوم و إهي تسوي علاج طبيعي يوم تحسنت حالتها و بدت تحرك ريولها طاحت و بيردون يسوون لها من يد و يديد علاج طبيعي ..

طيبة تحب ولد خالتها عبدالله .. و قاعدة تترزز جدام خالتها !!!!

*
*

يوم الأثنين .. نور بغرفتها
قاعدة بنص الفراش و شعرها رافعته بشكل مو مرتب و القلم ضايع بشعرها و لابسه النظارة الطبية قاعدة تدرس فــــــــلــــــــســــــــــفــــة!!
: يووووووووووه أنا ماني فااااهمة هالديكاااارت إستغفر الله أنا شكو فيييه يعني شكووووو لو معطيني شكسبير وايد أحسسسسن !!!! ( و قعدت تتحلطم عالفلسفة و المنهج )

و إهيا تتحلطم و مندمجة خرب عليها تلفونها .. بس تعرف هالرنة رنة تلفونها اللي ما تستخدمه وااايد ..
نور : وييييه مالي خلقك ماني شايلته
و رد دق مرة و مرتين
قامت نور إلا رقم مو مسيف عندها ..
نور بعصبية : أأألوووووووووو
..... " بل بل شنو هذي أُنثى ولا شنو " : إإإححم
نور إستوعبت إن الصوت صوت ريال تعدلت : ألوو ؟ من يتكلم ؟
..... : آآه أنا سليمان
نور : ما أعرفك ! الظاهر غلطان بالرقم
سليمان : لأ لأ مو غلطان متأكد إنتي اللي تصورين صح ؟
نور تذكرته : آآآه صح صح !!! شلوونك شالأخبار ؟؟
سليمان : الحمدلله تمام .. آممم----
نور قاطعته : نور إسمي نور
سليمان " إسم على مسمى " : عاشت الأسامي
نور : عاشت ايامك .. إنت قلت إن زوجتك إهيا اللي بتدق !!
سليمان : هــا .؟ إي إي مو إهيا قالت لي إنت تدق مالها خلق
نور : أوه أوكي !! بس أنا ما كلمت أهلي
سليمان : آآه نور .. الصراحة أنا مابيج تصورين ولدي ولا شي و أساساً أنا مو متزوج .. و أبي أقولج شي !! ممكن نتلاقى بمكان ؟؟
نور منصدمة : خيير أخوووي ؟؟ لا تحسبني من البنات اللي تعرفهم !! طبعاً لأ
سليمان : عفيييه سمعي الكلام اللي بقوله عجبج عجبج ما عجبج بوخر عن طرييجج !!!!
نور : أممم خلاص الويك أند
سليمان : ما تقدرين اليوم ؟؟
نور : لا عندي إمتحانات
سليمان : أوووكي موفقة
نور : آجمعييين .. يوم الخميس نتفق وين المكان ؟؟
سليمان : صاار
نور : مع السلامة
سليمان : فمان الله

سدته نور و قعدت تفكر " أمبيييه لا يكوووون ؟؟؟ والله أمووووت و أيييين و أستاااااااااانس أمبييييه لا لا ما أصددددق أصييير ثقيلة أحسن "
يت بتكمل دراسة ما قدرت قعدت تفكر بسليمان

سليمان كان طالع رايح لبدر بس لما نور قالت له إن باجر وراها إمتحان فسر على كيفه إنها ما راح تصعد السطح و إهو روحاته لبدر أغلبها عشان يشوفها ..

*
*

مريم بهالوقت دقت على نور و جنها حاسه ..
نور قالت لها كلشي ..
مريم : واااااي وناااااسة جان زييين واحد يطل بويهي
نور بحماس : تبين رفيجه ؟؟
مريم : ويعه !!! عسى ما قلت كلمة صدقتي ؟ لا أتغشمر خووو !!!
نور : يعني ما تتمنين ؟؟؟
مريم تنهدت : إمبلااا بس مابي أخون ثقة أخوي !!!!
نور : وييييه مريوووم ما عندج سالفة !!
مريم : لا نورووو مابي أتكلم بهالموضوع خلاااص .. شلووون طيبو ؟؟
نور : الحمدلله أحسن !!! بس تصدقين ؟؟
مريم : شنو ؟
نور : أحس فيها شي .. و كل ما شافتنا أحسها بتتكلم بس مو قادرة تطلع الكلمة تهقين شفيها ؟؟
مريم : و أنا شدرااااني عنهااا .. إلا تعالي شلونج ويا الفلسفة ؟؟ ( تدري فيها ما تواطن هالمادة )
نور : ويع ويع سكتي منبطه جبدي منها و مو فاهمة شي !!!!
مريم : شاللي مو فاهمته ؟؟
نور : مريمموووه أدري فيييج بتفهميني و ما راح تقصرين وياي !! بس أنا ما أبي أفهم خلااااص تعبت
مريم : كيييفج
و قعدوا يسولفون حوالي لي الساعتين
نور : مريووم بروح أشوووف أمي شتبين قاعده تناديني
مريم : خلاص أوكي .. سلمي عليها
نور : يوصل .. جاااو
مريم : جااااو

*
*

الثلاثاء .. مدرسة ××× المتوسطة بنات
سعاد بغرفتها تطالع الملفات ..
دشت عليها بنتها دانة
: يووووووومااااا يوووووومااااا لحقققققققي أبله زينب بتووووولد
سعاد رفعت عينها بسرعة : ركضي الوكيلة دقووووا عالإسعاااااف
دانة : إن شاء الله
سعاد تدودهت : بصففففففففففج ؟؟؟؟
دانة : إييييييييييييييييي
سعاد راحت ركض صف دانة و شافت كل البنات متيمعين بالزاوية خايفين غير بنتين اللي واقفين فوق راس الأبلة
تداركوا الموقف بسرعه و يت الإسعاف خذت الأبلة

*
*

و عندنا بثانوية ××× البنات
نور سرحانة بسليمان و قاعدة تعد الأيام
أبلة عبير ( العربي ) : نور .. ؟
نور سرحاااااااانة
عبير : نـــــور ؟؟
مريم لاحظت بسرحانه و طقتها من تحت عشان لا تحس فيها الأبلة
نور : هــا ؟
عبير : واضح إنج ما كنتي معانا كللش
نور : أسفة سامحيني
عبير : زيين جاوبي عالسؤال البنات ما عرفوه !!
كان درسهم بلاغة و عن الكناية
نور فامت و شرحت الجملة !!
عبير : والله محد مبرد جبدي غيرها بس لو تفكنا من سرحانها شوي

خلصت الحصة ..
عبير : نور تعالي شوي أبيج !
نور " ولييييه لقافة الأبلات بشنو كنتي تفكريين " : إن شاء الله ... هــلا أبلة
عبير : اليوم إنتي مو على بعضج فييج شي ؟؟
نور " أدري والله كنتي تبيني بهالشي " : والله ماكو شوية ظروف بالبيت !!
عبير : آآه أوكي .. بس لا تعيدينها مرة ثانية
نور : إن شاء الله .. تامريني على شي ؟؟
عبير : سلامتج
نور : الله يسلمج

*
*

إنتهى الجزء الأول من يومنا و اللي أغلب أبطالنا يقضونها بالمدرسة أو الشغل ..

سليمان رد البيت هلكان بعد اليوم الطويل له بالجامعة .. و خصوصاً إن أخر سنة ..

أم سليمان : يمه سليمان ما تبي غدا ؟؟
سليمان : لأ يمه تعباااان لي قعدت إن شاء الله
أم سليمان : على راحتك ..
صعد سليمان و دخلت سلوان أخته توها راده من المدرسة ..
سلوان : السلام
أم سليمان : و عليكم السلام .. تبين غدا ولا لأ إنتي بعد ؟؟
سلوان : شالغدا ؟؟
أم سليمان : مجبوس لحم
سلوان : آممم يمممممي حدددي مشتهيته !!
أم سليمان : خلاص يمه قومي بدلي على ما إيي أبووج هذي حروته
سلوان : إن شاء الله .. إلا سلووم ما وصل ؟؟
أم سليمان : بلاااا بس ما يبي !!
سلوان : أوكي !!

~// عايلة بو سليمان
عبدالرحمن الأبو .. له شركته الخاصة و له سمعته بالديرة من أغنى العوايل ..
بدرية الأم .. عندها شهادة ثانوية يعني مو مكملة دراسة ولا شي ولا تشتغل ..
سليمان 21 سنة .. أخر سنة بكلية الهندسة
سعود 19 سنة .. لما الحين يدرس بالثانوي و إن شاء الله هالسنة ينجح أدبي
سلوان 17 سنة .. أخر سنة بالثانوي علمي *مع نور*
ليان 15 سنة .. أول سنة بالثانوي يعني عاشر
حمد 13 سنة

*
*

 

[ام شريفه]

خوووش قصه يعطيج العافيه اب اب

 

[A7laa kuwaitia]

يلاا ناطرينج

 

[Ayat sas al bla]

mtaaa al bart na6rtch 3la a7r mn al jmr

 

[A7laa kuwaitia]

يلاااااا وينج

 

[.الطيب.]

سوري ما نزلت لكم بارت بس كنت حيييل مشغووولة ما كان لي وقت أكتب بس إن شاء الله باجر ؛)

 

[A7laa kuwaitia]

يلااا ناطرينج بااجر

 

[.الطيب.]

سلاااام ..
بحاااول أكتب لكم بااارت ولو إني ماتوقع بقددر بس بحاااول !!!!
و إذا ما نزلت إن شاء الله باااجر
آسسسفة جد جد آسفة !!!!

 

[Ayat sas al bla]

لا اشدعة اذا مو قادره خليها باجر خو ما راح انموت اذا ما قرينا اذا تعبانة اهتمي بنفسج صحتج اهم

 

[أحلى عفريته]

عجبتني القصه واااايد

بانتظار البارت القادم

يعطيج الله العافيه على القصه

 

[A7laa kuwaitia]

يلاا ناطرينج

 

[.الطيب.]

الـــــــبــــــارت الـــرابــــع






بدايــة فجــر يــوم الخميــــــــــس ..
قعدت نور على صوت المنبه صكرته
: يالله صبااح خييير ( خمطت تلفوناتها شافت اليوم ) هئئئئئئئئئ اليوووم الخمييييس بكشت إذا ما دق !!!
دشت عليها دانة : ها قمتي ؟؟
نور : إييي
دانة : يالله عييل قومي بسرعة بروح المدرسة مبجر اليوم
نور تعدلت : و ليش إن شاء الله
دانة : عندي إذاعة
نور : مالت إنتي ويهج ويه إذاعة .. ذلفي الحين أقووم
دانة طلعت و إهيا تتحلطم : إستغفر الله شالإخوان اللي من الصبح هواااش ما شاء الله عليهم لهم خلق والله أنا زين لي خلق أغسل و أبدل بعد أتهاوش حمدلله و الشكر !!
طلع أحمد من داره و شاف إخته تتحلطم : هههههههههههههههاااااااي شفيييج تحاجين عمرج ؟؟؟
دانة راحت صوبه ومدت خدها : بوستي ؟
أحمد باسها و لمها من خصرها و دخلها غرفته : منو مزعلج من الصبح ؟؟
دانة : إختك تتهاوش من صباح الله خييير عفيييه خلق !!
أحمد : و هذي بوسة ثانية ( يبوسها ) بس لا يضيق خلقج إنتي
دانة : والله محد حاس فيني غيييرك ( تلمه )
أحمد : يالله قومي بدلي مو عندج اليوم إذاعة ؟؟
دانة : إييييي .. يلا عيل بقوم أبدل
أحمد : أوكي

بالسيارة رايحين ثانوية البنات ..
أحمد : أقوووول نورووو
نور : هااا ؟؟
أحمد : شحقى ماخذه تلفووونج المدرسة ؟؟
نور : و إنت شكو ؟؟
أحمد : لا إحنا ما يصير ناخذه
نور : إنتو متوسط و أنا ثانوي بس إنجعم
أحمد : إحترمي نفسج
نور : انت اللي إحترم نفسك
أحمد لف على دانة و ساسرها : مو تنسييييين عفييييييييييييه !!!!!!
دانة : إنزيين بس لا تحن إنت
وصلوا الثانوية .. نزلت نور .. و إتجهوا لي متوسطة البنات
أحمد : أقوول دانو مثل الحجي اللي قلت لج علييه مو تخورييينه !!
دانة : زييين زيين .. بس ما تقووولي شنو شايف بالبنت إنت ؟؟
أحمد : دانووو البنت لؤؤؤؤؤؤطة إتيييننن تطيح القمر من السما ..
دانة : اللهم طولج يا روح .. يالله باي
أحمد : بااي

*
*

الساعــــة عشـــــر و نــــص صباحــــــاً

سليمان توه قاعد من النوم ..
دق تلفونه
: أأألووو
بدر : أووووله لما الحييين ناااايم قووووم قوووم
سليمان : يعني اليوم أوف ماكو محاضرات شحقى أقوووم ما تقوولي ؟؟
بدر : قوووم تعال لي ضايق خلقي
سليمان : صااار .. بس أنا يووووعااااااان
بدر : إي والله ما تريقت يالله إمش و نروح لنا بزه كافيه ولا شي جذي
سليمان : حلوووو !! يالله عيييل و شووووف بس أييك و أعطبك ألو تنزل لي ما نبي نتأخر
بدر : أوكي .. فمان الله

بــــــزه كافيــــــه ..
بعد ما طلبوا و خلصوا ..
سليمان : بدوووور اليوم مواعد القمر وين أوديها ؟؟
بدر : أييييييي قمر ؟؟؟؟؟
سليمان : أم شعر أسود
بدر : مو من صجججك سلوووم ؟؟
سليمان : لا من صجي قولي وين أوديها
بدر : البحر
سليمان : لا أبي مكان محد يشوفنا
بدر : الشقة
سليمان : يا حيوان مو وقتك !!! قووولي
بدر : جوكلت بار البدع ولا من اللي يمهم
سليمان : الللللله خووووش مكااان
بدر : إلا تعاالي شعندك وياها ؟؟
سليمان : بقولها إني أحبها
بدر طلعت عيونه : نععععععععععم !!!! أمس تعرفها و اليوم تحبها ؟؟ سلوووم شناااوي عليييه
سليمان : يييه إنت شفيييك !! مو ناوي على شي أنا إذا دقرتني خذيت رقمها و خطبتها أنا أبيها أبيها
بدر : لا لا إنت ينيت رسمي ؟؟ حاط حساب جق اللي بيصيبر ؟؟
سليمان : إيييي
بدر : جذي إنت بتحرجها لا و فيس تو فيس بععد يعني لا مفر منك إذا إستحت !!! لا تعلمني إب بنات ييرانا حيييل يستحووون و ما عندهم هالسوالف
سليمان : مااادري ماادري
بدر : إخذ إيميلها و كلمها .. ولا واتس آب .. بي بي أم .. أي شي بس مو فيس تو فيس صدقني البنت بتستحي !!! ما فكرت فيها ؟؟
سليمان : يعني من رايك ؟؟
بدر : إيييي .. ولا إنت شرايك تقولها في تو فيس و تنحرج البنت و ترد البيت و ما راح تقدر ترد عليك ولا تكلمها بالتلفون ولا بي بي آم ولا أي شي من هذووول !!!
سليمان : إي والله صح كلااامك .. خلاص ترد من الدوام و أكلمها !!
*
*

متوسط البنات .. فرصة الصلاة ( الثانية )
دانة و ربعها قاعدين عالأرض تحت الدري .. مرت ××××
دانة : عن إذنننكم .. ليوووون ؟؟؟؟؟
ليان لفت : هلااا دانووو .. شلووونج ؟؟
دانة : تمام والله .. واااي ليوون فاقدتج بالصف
ليان : أوووف حتى أنا إيي قولي حق أمج تنقلج عندي ولا تنقلني ما عندي مشكلة !!
دانة : إييي ماكو إلا إهيييااا
ليان : ولا إنتي هبلة جان من أول الكورس
دانة : جب جب عااااد .. أقوول ليون ؟؟
ليان : هلا ؟
دانة : بقوولج شي بس عفية لا تعصبين
ليان : دانووو شصااااير ؟؟؟
دانة : مو صاير شي تطمني بس ( سكتت )
ليان : داااانة تحجي !!!
دانة : بقووولج بس سمعيني لي أخر شي و لا تقاطعيني
ليان : أوكي
دانة : شوفي أخوي أحمدو كل يقطني المدرسة و مرة إنتي كنتي يايه وياي و وقفتي تنطريني عاد إهوو شافج !! و سألني عنج و كل شي .. ليان الصراحة أخوي يحبج !!!
ليان : هــا ؟
دانة : أنا بخليج لي الإسبوع الياي تفكرين و قولي لي
ليان : دانووو .. أنا بعد أحبه
دانة صرخت : الللله اللله على عصااااقير الحب
ليان : جبببببببب لا تصرخييييين
دانة تطل بويه ليان : صاااار طمااااااااطة الويييه الحلوووو
ليان : إنجبي ( و قامت عنها )

*
*

بعد الدوام ..
نور : يوووه مريوووم ما دز مسج ولا شي

مريم : لا تصيرين خفييفة يا الهبلة ثقلي !!! و لي دق قولي له ماقدر بنات خالتي بييوني .. لا تصيرين من أول طلعة أوكي و أوكي
نور : أفففف مريمووو أحببببه
مريم : أدري فيييج والله بس شنسوي بعد !!!
نور تتنهد : إي والله
مريم : يالله نورو كاهو أخوووي
نور : يلا باااي أكلمج اليوووم !!
مريم : أوكيك

نور قاعدة تلعب بتلفونها ..
جان يوصل لها مسج ..

سليمان " السلام عليكم .. شلونج ؟ شسويتي بالإمتحان ؟ سامحيني ما دقيت عشان نتواعد بس إن شاء الله اليايات أكثر .. و إذا فضيتي قولي لي أدق بكلمج "

نور : هئئئئئئئ يمااامممي شسووووي وييين مريوووم l ؟؟ ... خل أرد عليه !!

نور " وعليكم .. الحمدلله تمام .. لا عادي شدعواا .. أمم إن شاء الله "

*
*

بيت بو فهد .. حزة الغدا

شيخة نازلة من تحت : خااالتي ؟؟ خاااالتي منى ؟؟
منى : هلاا هلا شيوووخة كااني بالمطبخ .. لا تيين تصبغ ريحتج أكل و يسوي لنا سوالف فهد
شيخة : هههههههه شدعواا خالتي ( تدش المطبخ و تبطل الثلاجة تطلع الأكل ) أقوول خالتي ؟؟ النساة لي أي شهر
منى : والله على حسب في ناس تطول وياهم لي أخر شي
شيخة : لاااا زيين أشوووااا
منى : يمه شيخة نادي العيال نجبنا خلصنا !!!!!
شيخة : إن شاء الله

*
*

 

[أحلى عفريته]

بس هذا بلييييييييز كملي ما يكفي هالبارت ابدا

انا كل مرة اندمج توقفون ما يصير بسوي اضراب هههههه

 

[.الطيب.]

*سوري والله عاليارتات القصيرة بس هذا اللي يطلع ويياااااي !!!!!!

 

[A7laa kuwaitia]

انزيييييييين نزلينا بعد>>طماعه لوول

ناطرينج

 

[.الطيب.]

الــــــبــــــارت الخــــــامـس


بيت بو عبدالله .. غرفة نور
تدق على مريم !!!!!!!!
مريم : أهليييين
نور : هللااا فييييج .. مريوووووم دززز مسسسج أول ما رحتتتي
مريم : حلففففي شقااال ؟ متى ؟ وين ؟ شلووون ؟
نور : ويعه ويعه نطري شوي شوي .. عنده ظرف ما يقدر يطلع و قالي إذا فضيتي كلميني بكلمج !!
مريم : أييييي شي صح !!!!!!
نور : شنووووو ؟؟؟
مريم : بتكلمييييينة ؟؟؟
نور : إييي بشوووف شسالفته ؟؟
مريم : يالله دقي و شبكيني بسمع
نور : أقوووول ؟؟؟ جب جب ماله داعي تسمعين
مريم : خايفة أخذه منج ؟؟
نور : لا شدعووه بس ماله داعي تسمعين
مريم : خلااص خلااص .. كلميه و قولي لي شيصير وياج
نور : أوكي .. جاااو
مريم : جااو
سكرته و دزت مسج حق سليمان ..

دقايق و دق .. نطرت رنتين و ردت
نور : آححمم .. ( بصوت أنثوي نعومي ) ألوو
سليمان " يا زين هالألووو " و بصوت رجولي خشن : أهلين .. شلونج ؟؟
نور " يااا زييينك " نفس نبرة الصوت : تمام و إنتَ ؟
سليمان : الحمدلله بخير .. شلون إمتحاناتج
نور : كلشي زين
سليمان : آآه نور الصراحة أنا داق عليج عشان أقولج شغلة وحدة بس و أتمنى تفهميني عدل
نور تعدلت : آمــرر ؟
سليمان : آمم مادري شلون أبدي .. بس الله يسلمج أنا صار لي فترة كل أشوفج بالسطح و ما كنت أشووفج عددل بس مادري كل ما شفتج دقات قلبي ترقع !! الصراحة نور أنا حبيتج و حسيتج غير عن كل البنات و أتمنى ماكون ضايقتج
نور منصدمة : هـا ؟ تحبني ؟
سليمان : إييييييي
نور : شوف سليمان أنا مو نوعي هالسوالف حبني و أحبك .. بس إذا إنت صج تحبني تنطرني اتخرج من الثانوية و أداوم بالجامعه كورس و إخطبني !!
سليمان : آ آ آ بس أنا أفضل نكلم بعض هالفترة
نور : آسفة ما أقدر .. ما أبي أعشم نفسي و أحط أمل و أخر شي منت متزوجني لأن عمر الشباب ما تزوجوا وحدة كلموها بالتلفون و طلعوا وياها
سليمان : تدرين نور ؟ كبرتي بعيني واايد .. إنزين على الأقل أعرفج أكثر شوي
نور : يصير خير .. تامر على شي ثاني ؟ لازم أسكره الحين ؟
سليمان تحبط : سلامتج اوكي بااي
نور : باااي
سكرته و ردت إنسدحت

" آسفة سليمان والله آسفة .. حتى أنا أحبك و أموت فيييك بعد بس لازم أسوي هالشي عشان ما أطيح من عينك و تقول بنت خفيفة و قاطه عمرها أهم شي كرامتي "

أما عند سليمان اللي كان بالأساس بيطلع ..

" آآآآه يا نور أنطر سنة و نص جداااام ؟؟ صعبة والله إنتي جدامي و أنا مو مترقع .. بس إن شاء الله ترضى أكلمها !! "
صكت الدنيا فيه و سكر ليتات غرفته و نام ..

*
*

عند دانة و أحمد
أحمد : دانوووو هدي اللعب و قولي لي شصااار ويييااج ؟؟؟؟
دانة : يووووه أحمدووو بعدين بعدين
أحمد قام و شلع وايرات البلاستيشن : تحجي ؟؟؟؟؟
دانة : لااااا ماااا رااااح أقوووول ورد الوايرات
أحمد قرب صوب دانة ( يعرف نقطة ضعفها "الرومانسية" ) و يه بيبوسها وخرت عنه
دانة : لاااااا تقررررررب صووووووبي !!!!!!! ما راح أقوولك على هالحركة البايخة
أحمد : دنوونتي حبيبتي إنتي ؟؟
دانة : لاااا تحااااول تساحلنننني
أحمد راح لها و لمها حيييييييييل : آسف .. بس تدرين أحبها ( باسها )
دانة ما قدرت تدقره زيادة : و إهيا تحبك بعععد
أحمد من الونااااسة شاااال إخته و طااار فييها : حلفففففففي ؟؟ قووووولي والله
دانة تدزه : أحمدددو نزلنننننننني ( تدزه )
و قعدوا يتناجرون ..

*
*

الساعة 6 و نص تقريبــــــــاً ..
بيت غييير عن بيووووت أبطالنا .. كأنه قصر مو بيت أنواع الثريات الفخمة و السيايير الغالية ..

بدرية : سلووواااان ؟؟ يمه روحي دقي على أخوووج
سلوان : أي أخو بالضبط ؟؟
بدرية : سلووووم في غيره مينني
سلوان : هووو يمه سلوووم نايم بغرفته !!!
بدريه : لاااا طالع
سلوان : لا يمه ما طلع كان بيطلع بس رد داره و نام !!!!
بدرية : هووو شفته طلع من البيت
سلوان : مادري والله .. أروح أشوفه أحسن !!
و راحت غرفته .. دخلت شافته نايم على نور الأبجورة !!!

قعدت يمه و شافت ملامح الحزن على ويهه أول مره تشوف أخوها جذي
سلوان " أكيد يحب له بنت " : سليمان ؟ ( تهزه )
سليمان قعد مخترع : هــا ؟ شصاير شنو شسالفة ؟؟
سلوان : ماكو شي لا تخترع !!
سليمان تنهد و رفع نفسه
سلوان : سلوم فيك شي ؟؟
سليمان : لا مافيني شي :/
سلوان : عن الجذب !! أنا أختك اللي فاهمتك زييين قولي شفييك ؟؟ فضفض !!!
سليمان : أأه يا سلوان مادري شقولج
سلوان : هالأأه أاه حب ؟؟ قولي منو اللي ماخذة كل تفكيرك ؟؟
سليمان لف على إخته اللي فهمته عالطاير و طالعها إن شدراج : بسم الله
سلوان : شفييك مخترع ؟؟ يبه ترا أنا بنت أعرف هالسوالف يالله تكلم
سليمان قالها كلشي ..
سلوان : الله الله الله على أخوي الرومانسي ... عطني أكلمها ؟؟
سليمان : نعممممممم؟؟ آسفة
سلوان : يا ذكي .. أرافجها و أخليها تيي البيت عشان تشوفها .. إلا ما قلت لي جم عمرها
سليمان : مادري بس أخر سنة بالثانوي
سلوان : الله يعني كبري .. أخاااف معاي بالسكووول
سليمان : إي والله شلوووون طااافتني
سلوان : أفااا عليييك أنا سلوان عبدالرحمن ال××× ما تطوف علي هالأشياء
سليمان : شوفي أنا أخذ منها معلومات و أقولج و إن شاء الله تكون وياج بالمدرسة !!! عشان تضبط السالفة
سلوان : خخخخخخخخخ .. تحبها ؟؟
سليمان : أقووووووولج أعشقققققققققهههههههها
سلوان : عيييل بوسني ؟؟ ( سليمان ما يحب يبوس خواته )
سليمان بدون لا يستوعب باسها
سلوان صرخخخخت : ليوووووووووون سلووووووووم بااااااااسني حررررررررررره
سليمان إستوعب : قومي طلعي براااا
سلوان ميته ضحححك

*
*

 

[.الطيب.]

أدري حييييل قصييير .. بس بارت ولا ولا شي :$
ما حبيت أخليكم يومين بدون بارت !!!

 

[A7laa kuwaitia]

ثانكس انزين ليش ما تحطين يومين اوو 3 ايام بالاسبوع واذا يت المدارس خميس و يمعه لانه اجازه>>هذا اقتراحي اذا عندج اقتاح ثاني هالشي راجعلج حبيبتي

 

[.الطيب.]

لا بالعطلة على كيف كيفي :$ بس ايام المدارس يمعه و سبت !!

 

[A7laa kuwaitia]

لييش يمعه وسبت ؟!
سبت في بعض الناس يدرسوون
خليها خميس و يمعه