طِحت و مَحدْ سَما عليّ // ~ روايتي الرابعة

[.الطيب.]

السلام عليكم ....
شلووووونكم ؟؟؟؟؟؟

أنا من قبل أكتب روايات و هالمرة بنزلها هني عندكم
و إذا نجحت و حبيتوها ؟؟ بنزل لكم رواياتي القدم !!!

طحت و محد سما علي ؟
خيالية و ممكن الأحداث تكون من واقعنا فَ يعني ممكن تكون ملامسة لحياة الناس اللي نشوفها و تشوفونها ....

بتشوفون فيها ؟؟
المشاكل الإجتماعية
نتيجة الحب بعد و قبل الزواج

هذا اللي مركزه عليه أنا الحين ...
و يمكن مع تشجيعكم راح أزيد أشيااااء واااايد !!


* متى ما كتبت باااارت راح أنزله على طووووول .. ماكو يوم محدد ولا وقت محدد .. متى ما دشيتوا إن شاء الله بتلقون باارت !!

إن طولت فيها و مغطتها بتصير 30 بارت بس أنا حاطه ببالي 25 و يبين مع الأحداااث !!
أبببي تشجيييييع ولي يعافيكم أنا هديت منتداي و ييتكم لأن أبي تشجييع و أعرفكم ما تقصررووون 3>


*اللي تبي تنقلها تكتب إسمي و المصدررر !!!!!!!!!

بععععد ؟؟ شنو تبوووون ؟؟ سألوووو ؟؟







إن شاء الله دقايق و البارت الأول عندكم :d

و البارت الأول تعريف بالشخصيات سو ؟ بكتب الثاني الحين و إذا خلصته بنزله و إذا لأ باجر إن شاء الله !

 

[.الطيب.]

// ~ الــــبــــارت الـــــــــــــــأول

*
*

بشعرها الأسود الطويل .. و جسمها اللي جنا جسم عارضة أزياء .. لون بشرتها الحلو اللي ياي عالسمار شوي ..

واقفة و بكل ثقة تبوسم و الكاميرا تجكجك فيها ..
و حزت الغروب .. مختارة وقت حلووو حق التصوير !!! و مكان بـ بيتهم محد يدري عنه ( السطح )

و الهوا يطير شعرها الطووويل .. اللي واقف تحت البيت يلفت نظره الشعر الأسود اللي قاعد يطير !!!!

خلصت من الكاميرا من شغلها المعتاد .. قامت و شالت الكاميرا من الستاند و شافت صوّرها .. وقفت على حافة السطح بحيث تشوف الشارع و الرايح و الراد

بقلبها " وييييه هذااا كل يوووم أشوووفه هالإنسان ؟؟ شسالفته ؟؟ مع إن ما عندهم إخو ثاني بس بدوور يا ربي لازم أعرف شقصته !! لا و المشكلة يطالعني إهو و بدوور يااا ربي أبي أعرف شالنظرات اللي يطالعني فيها أبي أفهم معناها ..يوووه أنا شحقى قاعده أفكر فيييه شعلي منه "

شالت شغلها و دخلت البيت ...

منيرة : إنتي وين كنتي ؟؟ أأه بالسطح .. إنتي ما تملين من الكاميرا و التجكجك ؟؟
نور تهز راسها بمعنى مو عاجبها وتقعد عالغنفة : والله عاد أنا كيفي و متى ما مليت هديت الشغلة !!
منيرة : إنسااااانة فااااضية و ربي !!!!!! بدال التصوير جابلي كتبج إنتي أخر سنة يمعي لج معدل
نور : يا صبر أيوب على بلواااه .. أنا أعرف مصلحتي وين و متى أدرس و متى ألعب !!
منيرة : كيييفج الواحد يبي مصلحتج !!
نور : قلت لج مصلحتي محد يعرفها كثثثري !!

*
*

بدر : إنت و بعدين ويااااك ؟؟ ما تيووووز !!
سليمان : لا ما أيووووز !! والله هالبنت لؤؤؤطه تيييينن عسسسل لا و شعرها أسووود أخخخخ عليها بسسس
بدر : إنت هييي شتخربط !! ترا ييرانا و أنا عارفهم زيين مربين عيالهم عالإحترام و يمشون سييده ما عندهم سوالف مني مناك
سليمان : خلاص عيل أدش من الباب و أخطبهاااا !!! بدووور ماني قااادر ليل نهار و أنا أفكر فيييهاا ماخذه كل تفكييري
بدر : و اللي قبلها ؟؟؟
سليمان عصب من هالطاري : يووووه بدووور .. صار لي فترة أنا الحين قاطع عن البنات كلهم و ما قمت أتحرش و أرقم !!!!!
بدر : أدري و عارفك زييين إنت لي مليت من وحدة تدور غيرها و هالساعة تبي تتزوج ترا بنات الناس مو لعبة .. كل ما مليت من وحدة قطيتها !! و أنا ادري بتمل منها لي تزوجت أربع و عشرين ساعة بتجابلها أكيد بتمل و أنا أعرفك ملووول !!!!
سليمان : ويييييييعه !!! بالع راديو إنت ؟؟؟ إنططم و مالك شغل فيني
بدر : شوفي سلوووم تبي البنت تنسى ماضيك و خرابيطك كلها و تبدي حياة يديدة !!!!
سليمان : آذيييييتني خلااااص يُبه بفكر أنا بالأول !!!!
بدر : يكون أحسسن
سليمان : يلا عيل أنا برد البيت
بدر يسلم عليه : سلم عالأهل !!
سليمان : إن شاء الله .. فمان الله
بدر : الله وياك

*
*

دانة تصرخ :إططططلع براااااااااااا
أحمد : ماااااااني طاااااالع إلا لما تعطيني الفلم !!!!!!!!!
دانة : قلت لك قااااعدة أشووووفه أخلص منه و أعطيييك ياااه ما تفهم ؟؟؟
أحمد : خلااااص عيييل عيديه من الأول نشوووفه ويا بععض
دانة من بين اسنانها : أحمدووو .. واصلة لي أخر شي انا ما بقى شي و يخلص !! إطلع برا عشان أخلصه و أعطيك ياااه
أحمد : يعني إنتي تدرين إن أبي أشوووفه جان من الأول ناديتيني شفته وياااج
دانه قامت من عالفراش و راحت صوب أحمد : حبيبي أحمد أمووت فييك أنا إطلع و شوي و بييلك أعطيك ياااه ولا ترا ماقولك الموضوع !!
أحمد : شموووضوووعه ؟؟
دانة : موضوع الحب ( ترفع حواجبها )
أحمد : الحب ؟ لااا خلاص عيل أنا طالع و متى ما خلصتي عطيني يااه أحبج ( و يبوسها على خدها )

دانة : أموووت فيييك بس إطلع براا !!
أحمد : باااي ( يطلع )

*
*

~/ عايلة بو عبدالله
عيسى الأبو .. مهندس و عنده شركة مقاولات شاطر و له مكانته بالمجتمع .. طيب و مو مخلي قاصر على عياله مربيهم أحسن تربية و موفر لهم كل اللي يبونه و ما يرفض لهم ولا طلب لا عالصغير ولا الكبير يحبهم كلهم !
سعاد الأم .. مديرة مدرسة بنات متوسطة كانت مُدرسة إنجليزي .. مثقفة و دارسة و مهتمة بدراستها ولا تهتم بالشكل الخارجي كللش بس أنيقة و متواضعه .. تحب ريلها عيسى و تموتلي شافته معصب ولا زعلان .. مدلعه العيال أخر دلع !
شيخة البجر ( الكبيرة ) .. 28 سنة سنة متزوجة ولد خالتها ( سعد ) و عندها يوسف و الحين حامل بالشهر الرابع .. تشتغل بشركة أبوها قسم المالية متخرجة من كلية علوم إدراية !
عبدالله .. 26 سنة مو متزوج و ما يفكر كللش .. مع أبوه بعد متخرج من الهندسة ( مدنية ) و أي شي و أي لقاء بالتلفزيون يكون إهو موجود ماخذ مكان أبوه و يعتمد عليها بصغيرة و كبيرة !
مشاري .. 23 سنة يكمل ماجستير و دكتواره حقوق بفرنسا !
منيرة .. 20 سنة باقي لها سنة و نص بالهندسة تتخرج و تشتغل بشركة أبوها !
نور .. 17 سنة أخر سنة بالثانوي أدبي تموت بشي إسمه عربي و أشعار و تعششششق التصووووير !!!!
أحمد و دانة ( توأم ) .. 14 سنة بتاسع دانة بمدرسة أمها ما تحب الموضه و اللبس و ما يهمها اللبس كثر ما تهمها الكره كللله مع أحمد روح بالروح و بتشوفون سوالفهم .. أحمد يحاول يعلم إخته عالأنوثة و الركاده بس ماكو فايده تقريباً أثنينهم نفس الصفات !

*
*

: آآآآآه يا ربي تعبني هالفلسفة إستغفر الله أحفظ شي أنسى شي
عمر يرفع راسه و يطالعها : تعالي تعالي شربي لج جاي و إن شاء الله خير .. باجر إمتحانج ؟
مريم : لأ .. بس الإمتحانات قربت و قاعدة أدرس من الحين !
عمر : عفييه على إختي
مريم : أفااا علييك أعجبك و أرفع رااسك إن شاء الله
عمر : إن شااااء الله يا رب .. إلا شلون رفيجتج نور ؟؟
مريم : زييينه الحمدلله .. لما الحين حاط أمل ؟؟
عمر : آآآه إييييي !!
مريم : عموور .. أنصحك تشيلها من راسك
عمر : ليييش ؟؟
مريم : ما تصلح لك كللش و أنا مابيك تنجرح من اللي تحبها
عمر : إنزييين مريووم لمحي لها
مريم : حاااولت والله بس إهيا لا حياة لمن تنادي
عمر يتنهد
مريم : إنساها ياخوي !!
عمر يهز راسه
مريم : ولا تنسى إنها رفيجتي حيييل بس صدقني عموور حاولت كثثر ما أقدر أبّين لها بس إهيا كللش مو حاسه و ما تحب هالسوالف و خايفة أخسرها و إنت تدري ماعندي رفيجة غيرها !!
عمر يلم إخته من على جنب : حااس فييج حبيبتي إنتي خلااص إنسي !!

مريم تدري بنور إنها تحب اللي تشوفه من السطح و ما تبي تجرح أخوها فَـ قالت له إن ما عندها هالسوالف و ما تحب نسولف فيها !!

~/ مريم و عمر
عمر .. 24 سنة مدرس بدنية بمدرسة إبتدائي .. حبوب و طيب و كله همه إخته مريم و مو متزوج عشانها يضمن مستقبل إخته بعدين يفكر بنفسه !
مريم .. 18 سنة أخر سنة بالثانوي أدبي رفيجة نور و الوحيدة اللي رافجتها مريم حيييل هادية و مالها علاقات مع البنات بالمدرسة واايد يعني مو مثل نور الكل يعرفها !

-أمهم و أبوهم توفوا بحادث قبل 5 سنين و عايشين بروحهم بس من خير أبوهم اللي كان خاش عنهم الفلووس ورثوا الورث و شروا لهم بيت على قدهم و حطوا لهم سايق و و و .. يعني دللوا عمرهم بفلوس أبوهم !

*
*

نور تطلع من غرفتها : يمممممه .... يمااااااااه .. يممممه ؟؟؟
منيرة منسدحة بالصالة تطالع تلفزيون : أمي تحت بالمطبخ !!
نور : أمي بالمطبخ ؟ غريبة !
منيرة : إييي مادري شعندها ..
نور : أكيد أحد بيزورنا لأأأأأأأأأأأأ بططططلع l
منيرة : وييعه !! وين بتروحين إن شاء الله ؟
نور : بروح حق طيبووو بنت خالتي !!
منيرة : شفيها ؟؟
نور : طاحت و إهيا تسوي العلاج الطبيعي بروح أشوووفها !
منيرة : ويييه !! يلا إمشي أنا وياج نشوف أمي و نروح لها
نور : يلا
نزلوا تحت و قالوا حق أمهم ..
سعاد : أنا بروووح الحين .. روحوا لبسوا و قولوا حق دانوو !!
منيرة : إن شاء الله
نور : ويييه دانو ما تحب الرسميات و هالسوالف
سعاد : مالي شغل تروح غصبن عليها بنت خالتها هذي !!
نور : إن شاء الله
منيرة : يلا إمشي نلبس
صعدوا و قالوا حق دانة و بالغصب رضت

*
*

خلود : بدور ؟؟
بدر : نعم
خلود : نعم الله عليك .. بس بغيت أقولك إن أبوي اليوم دق
بدر : صججج ؟؟ شقال ؟؟ متى بيرد ؟؟
خلود : أممم .. إهو مسوي حادث هناك و مانعينه من الطيارة لمدة أسبوعين
بدر : شنووووووو؟؟؟ أنا لااازم أروح له
خلود : مو بس إنت !! أمي حييل تعبت من سمعت من الخبر إحجز لنا كلنا خل تستانس شوي و ترتاح
بدر : خلاااص صار .. تبين شي بعد ؟؟
خلود : سلامتك و ديير بالك
بدر : إن شاء الله

بدر طلع من البيت و كله هموم .. بقلبه " وييييه من وين يت لنا هالمصيبة .. الحين أمي لي راحت هناك بتتعب زيادة و بتطيح علينا لي شافت اللي ما تدري عنه .. يا رب صبرني "

~/ عايلة بو بدر
محمد الأبو .. مدير قسم المالية بوحدة من الشركات .. كله يسافر براا ( متزوج بريطانية ) !
نوال الأم .. متقاعدة .. مسكينة طيبة و على نياتها و تحب محمد واااايد !
خلود .. 34 سنة مطلقة و ولدها عايش عند أبوووه !
أبرار .. 29 سنة متزوجة و مسافرة برا لأن ريلها بيكمل دراسته و إهيا قالت فرصة أكمل دراستي !
هبه .. 25 سنة مُدرسة علوم بمتوسطة بنات مع سعاد !
بدر .. 21 سنة يدرس علوم سياسية أخر سنة !
أنوار .. 16 سنة بعاشر عادت عاشر و هذي المرة الثانية مع نور بالثانوية !
*
*


دلال : خلوووود
خالد و إهو مندمج بتلفونه : خييير ؟؟
دلال : ممكن تهد تلفونك و تكلمني !
خالد هد التلفون و بتذمر : افففف شتبين ؟
دلال : خنسوي شي حق طيبووو نطلعها من اللي اهيا فييه !!!!
خالد تنهد ( لأن ما يحب موضوع طيبة يعور قلبه ) : صح كلاااامج المفروووض من قبل نسوي لها شي .. لأن يأثر على نفسيتها !
دلال : إييييي إنزين شنسوي لها ؟
خالد : إمممم عشا و نعزم كل الأهل و ربعها !
دلال : لأ راح تعصب و تزعل و ما راح تنزل !
خالد : لا ما عليييج خليها عليّ و بتسمع كلامي إهيا
دلال : خلاص على شورك ... إنزين إنت اتفق مع امي و ابوي قبلها
خالد : إييي أكييييد !!

~/ عايلة بو فهد
عبدالوهاب الأبو .. تقاعد من عقب ما طيبة سوت حادث عشان يجابلها !
منى الأم .. متقاعده من قبل كانت تشتغل بالخطوط الجوية !
سعد .. 29 سنة متزوج بنت خالته شيخة !
طيبة .. 23 سنة توها ميداني عند أكبر محامي بالديرة متخرجة من الحقوق !
دلال .. 22 سنة متخرجة من الأداب عربي و ممكن تصير مُدرسة أو كاتبة قاعدة تفكر !
خالد .. 19 سنة بعلوم إدارية محاسبة , يموت بشي إسمه طيبة و ما يرضى عليها له شخصيته !

*
*

 

[.الطيب.]

نسيييييت أقوووولكم تراااا شوي فيييها من الجرأأأأه !!!!

 

[Ruwaishdawya]

عجيبة الرواية ناطريينج :**

 

[.الطيب.]

رويشداوية

إنتي العجيييبة
لعيووونج بكمل البارت الثاني و أنزله !

 

[.الطيب.]

شدعوووه بنااااات 44 مشاهدة و رد واحد #تحبييييط !!
على الأقل أبي ردين بعد -.-

 

[.الطيب.]

~ // الــــبـــــارت الـــــثــــانــــي


سعاد و بناتها الثلاث راحوا حق طيبة ..

بالسيارة ..
سعاد : سمعي دانو .. الحجي اللي مثل السم اللي كل مره تقطينه ما أبي أسمعه فاااااااهمة ؟؟؟
دانه : هفففففففففف !!! يعني أنا ماحب المجاملات شلووون؟؟؟
سعاد : تحبيييينها غصبن عليييج !!
دانة : لااا مو غصب و ماااكو شي غصصب !!
سعاد : لا ترادديني !! البنت طايحة و تعبانة مو ناقصين حق كلامج اللي يلوع الجبد
دانة بعصبية : زييين زييين !!
سعاد : تكلمي عدل و قولي إن شاء الله
دانة تتنهد : إن شااااااااء الله .. جذي زيين ؟؟
سعاد : لأ قوليها و نفسج حلوة
دانة : صارت قصة أشوووف ؟ ( تبتسم ) إن شاء الله يمه حبيبتي إنتي ما طلبتي شي أمووووواااه .. رضيتي ؟
سعاد تبتسم على بنتها و إهيا معصبة و متنرفزة : إيي يمه عسسل والله

منيرة و نور ساكتين .. متعودين لي أمهم ولا أبوهم يزفون واحد الكل يسكت ولا يتدخل !!!!

وصلوا البيت و قعدوا بالصالة التحتية
نزلت شيخة من الأصنصير ( عايشة عندهم بالدور الأخير باينينه لهم ) : أوووه ياينا اليوووم ما دقيتوا قلتوا
دانة قااامت لها تلمها ( تموووت عليها لأن إهيا الوحيدة اللي حاسة فيها .. ببين لنا بالأحداث ليش ) : وااااااي شيووووخ ولهاااانه عليييييج .. المفروووض البنت لي حملت كله اب بيت اهلها !! ما اشوووفج تيينا ليييش ؟؟؟ من بُعد البيت ولا من بُعده هااا ؟؟؟
منيرة : واااااي دانووو كليتي البنية وحدة وحدة
نور تيي و تدز دانة و تسلم على إختها : يااا شقووول يدقووون يسألووون
شيخة : واااي واااي ما شاء الله عليكم كليييتوني ( وخرت عنهم و حبت راس أمها و قعدت يمها ) : هااا يمه شلووونج ؟؟
سعاد : أ أ
دانة : حلللللفي بسسس ؟؟ انا اللي صار لي ساعة واقفة و أرحب و أهلل تمشين و تكشتين فيني ؟؟
شيخة : يمه قوليلي شلوونج ؟؟
سعاد : أ أ
دانة تطالعها و عيونها بتطلع من مكانها : إنتي اللي قوليلي شلووونج و إنتي كاااشته فيني ؟؟
شيخة : هااا يمه ؟؟
منيرة و نور مييييييييتين ضحححححححححححك !!!!!!!
دانة : هفففففففففففف ( تقعد و تخمط المخدة و تحطها بحضنها و تنافخ )

فوق ..
دلال : يلااا طيبوووو !!
طيبة : شكوووو إيييوووون ؟؟ أنا تعبانة و أبي أرتااااح قولي لهم نايمة
بدخلة خالد : طيوووبة ؟؟؟ شفيييج زعلانة
طيبة : خلووود !! مالي خلقك و روووح قول حق اللي تحت يروووحون
خالد : تدرين منو تحت إنتي ؟
طيبة : لأأأأأأ ولا أبي أدرررري ( تصرخ ) طلللللللعواااا برااااا
خالد يقرب منها و يحط صبعة على حلجها : إشششش لا تصرخين إنتي جذي تخلين الناس اللي تحت تدري إنج قاعدة و ما تبينهم !
طيبة تمنت هالحركة من ××××× : إنزين
خالد بهدوء : ننزل ؟
طيبة بنفس الهدوء : لأ
خالد حط عينه بعينها : خالتي سعاد تنطرج و تحن تبي تشوفج
طيبة غورقت عيونها ما تحب هالنظرات من أخوها خالد : خالتي سعاد ؟
خالد : إيييي ( و مشى صوب الباب ) و يالله أنا ماشي أسلم عليهم !
طيبة : ماشي .. دلوووول طلعي برا و نادي لي لاني
دلال : إن شاء الله ( لأن فهمت إختها شتبي )
نزلت دلال و نادت الخدامة

طيبة طلبت من لاني إن تساعدها باللبس و سوت شعرها عجفة فرنسية و حطت بلشر و قلوس و مسكرا و نزلتها ..

طيبة نست إنها قاعدة على كرسي و مسويه حادث !!!!
نست كلللشي بوجود خالتها سعاد و بناتها ( بعدين نعرف ليش )

*
*

بعد مرور أسبوووووع
يوم السبت ..

نور نازلة و لابسة ترينيق أصفر يشب و تحته بدي أسود و شعرها يايبته على جنب و مخليته مفلوول !!

منيرة و إهيا منسدحة تطالع التلفزيون : وين رايحة ؟
نور : الجمعية .. تيين ؟
منيرة : أممم .. لأ بس يبي لي من ستاربكس لاتييه
نور : أوكيييك شي ثاني ؟
منيرة : لأ و شوفي التوائم ! لا ياكلونج
نور : ههههههه إن شاء الله
راحت شافت إخوانهم شيبون و راحت ..

بالحمعية .. ستاربكس

الطاولة اللي بالزاوية
بدر : سلووووووم
سليمان : هلاااا
بدر : شوف شوف ورااااك
سليمان : وييييه بدووور مالي خلق
بدر يرفع حواجبه : أم شعر أسووود
سليمان لا شعورياً لف : أخخخخ يا قلبي ( و قام جنا بيشتري شي )

نور مندمجة و قاعده تطلب و ما حست بوجوده كلش !!!!
خذت الفاتورة و رجعت لي ورا جان تدعم فيييه ( هني خااالد إستاااانس )
لفت ويهها جان تنصدددددم !!!! و صارت ريحته قريبة منها غير ملامحة اللي شافتهم عددددل : آ آ آ آ آ ..... سـ سـ وررري
سليمان متشقق من الوناسة و الأونس إن شاف ويهها عن بُعد سنتيمتر واحد : حصل خير ( و يسوي نفسه معصب ) بس مرة ثانية إمشي عدل ولا ترجعين قري
نور لما الحين بصدمتها : آ آ آ إن شااااءءء الله ( و مشت صوب الطاولة اللي ياخذون منها الطلب )

نور بقلبها " وااااااي ريحته تعععععععقد يا ربي شنو عطططره ؟؟ لا لا خلي العطططر .. إهوووو جميييييييل جمييييل يا ربي .. أمبيييه لا يكووون عرفني فششلة أمبيييييه هففففف "
خذت طلبها و طلعت و قبل لا تطلع شافته قاعد يطالعها .. طلعت من ستاربكس ..

و إهيا رايحة تفكر بالموقف اللي صار .. ما وقفها إلا صوت رجولي خشن
: لو سمحتي
نور لفت ويهها بقلبها " بعد إنت " : خير ؟
سليمان " توهق البطل شلون أقولها ولا أعطيها الرقم " : آ آ آ مم .. إنتي اللي بيتكم أبـ ×××× قطعة 3 ؟؟
نور " آآآآحح عرفني " : إي في شي أخوي ؟
سليمان إنطلق بالحجي : آآه عيل إنتي اللي فوق السطح تروحين حزت المغربيات
نور " نعم شتبي خير ؟ " : إيي أنا تفضل ؟
سليمان " بختبرج ياــــ وييه ماعرف إسمها " : دام فضلج آآمم تصورين صح ؟؟
نور " ولييين ما راح نخلص " : إيييي بس شدراك ؟؟
سليمان : عيل رايحة السطح حق شنو تتشمسين ؟؟ عالعموم أنا قاعد أدور مصورة تيي لي البيت تصور ولدي ( قالها إختبار لها )
نور " أأأحح قلبي حق غيري مو حقي حقي " : من قال إني أروح بيوت ؟
سليمان " خوووش دقررة " : إنتي تعالي و على كل صورة دينار و نص !
نور " والله خوووش " : آآممم مادري إخذ رقمي ( الرقم اللي الكل يعرفه .. عندها خطين ) و خل مرتك تكلمني لأن يمكن أهلي ما يرضون عشان إذا هذا إنتوا تيون بيتنا !
سليمان " المهم رقمج مو المهم التصوير " : خلاص صار !!
نور : يلا مع السلامة
سليمان " درب السلامة يا قلبي " : مع السلامة و سامحيني عطلتج !
نور : لا شدعوه إنت اللي سامحني دعمتك
سليمان " فدوووه لج جسمي تكسرينه " : لا شدعوه
نور : ههه يلا بااي
سليمان " فديت الضحكة " : فمان الله

و راحوا كل واحد بطريجه
بالسيارة نور قاعدة تفكر فيه شلون هالصدف بس لازم أصير ثقيلة شوي لاازم ما أخق جدااامه بس ياااا ربي أحببببببه والله !!!!!!!

راح سليمان لبدر رفيجه
سليمان : آآآآآه جمييييلة وربي قمر عالأررررض .. بدووووووور أحبهاااااا أحبهااااا والله أخلااااااق شلون تكلمني محترمة والله بس دقرتني ما راح أطوووفها لها لي كلمتها و طيحت الميانة بدقرها !!!!!
بدر : كاااااااااااااااااااااااااااااااااك
سليمان : ويييعه إن شاء الله .. شحقى تضحك ؟ قطيت نكتة ؟
بدر : شكلك شلوووون ذاااايب عليييها
سليمان :آآآآه بدوووور .. أقووولك أنا راد البيت مع السلامة ( و قام )
بدر : سلوووووم سلماااااانو تعااااااال ياي وييياك بسيارتي أررررد بشنووو ؟؟ ( و لحقه )

ردوا البيت ......

*
*

 

[.الطيب.]

أدري إن البارت حيييييل قصصصير بس ما حبيت أخلف بوعدي و قلت لو أحط كلمتين ..
أتمنى ألقى جم رددد !!

من البارت الياي بيبدي الأكشششششن ...

 

[Ruwaishdawya]

ناطرينج :eh_s(9):
و الروايه حلـووه
لا تتحبطين < مادري جذي لوول :$
بس عندي سؤال صغيرررررررونن :eh_s(22):
نور تحب سليمان و لا بدر ؟ ::

 

[.الطيب.]

ناطرينج :eh_s(9):
و الروايه حلـووه
لا تتحبطين < مادري جذي لوول :$
بس عندي سؤال صغيرررررررونن :eh_s(22):
نور تحب سليمان و لا بدر ؟ ::

لوووووول إن شاء الله
تحب سليمان @@

 

[HaAaDoOol]

البااارت روووعه

كمملي لااا تطوولييين وهذا نوور حبيتهاا والله

 

[A7laa kuwaitia]

انا متابعه يديده واايد حلووه والى الامام بس ابي اسامي رواياتج سابقه

 

[.الطيب.]

البااارت روووعه

كمملي لااا تطوولييين وهذا نوور حبيتهاا والله

إن شاء الله
اليوم بلييل ..

 

[.الطيب.]

انا متابعه يديده واايد حلووه والى الامام بس ابي اسامي رواياتج سابقه

نورتيني
إن شاء الله بحطهم لج

 

[A7laa kuwaitia]

يلااا ناطريينج

 

[r0007]

كملي حبوبه

 

[A7laa kuwaitia]

يلااا كمليي بلييز

 

[HaAaDoOol]

لحظظه بقرا البارت الثااني ووبررد عليه اووك

 

[عزف الياسمين]

ووووووة بث

رواية خقق

يصلموو حياتي
وبانتظار التكملة

 

[.الطيب.]

برد عايكم وحدة وحدة بس لما أدش من لاب شابكه من اي باد !!
سووووري أعتذر منكم هالمرة ما قدرت أكتب
إن شاء الله باجر أنزله لكم و بيكون طوييييل إن شاء الله
سامحوني ٣>