طيور الجنه

[G!RLooNa]

رد : طيور الجنه

امبيه ويع ويع

شنو هذا

يايبين اثنين زلمات يركضون عالمسرح و ياهل ملبسينها علم الكويت و امسكينها مايك

و يغنون بلاي باك

!!

هذي حفله !!

الشرهه عاللي معطيهم ويه

 

[اريج الجوري]

رد : طيور الجنه

أغلى تذكره ب45 .. منو قال ب80 ؟؟؟

وبعدين صج أناشيدهم فيها موسيقى بس فيها فايده ..

وأنا عن نفسي وديت بناتي لحفلة الساعه 7 :q8: ... وكانت خوووووووش حفله:rerrerek:

امبله حبوبه التذاكر ب80 دينار ,,,
انا اتكلم عن الحفله اللي فاتت بارض المعارض ,,,
وفوضى غير طبيعيه لدرجة الغوا الحفله الاولي وقالوا للناس تعالوا باجر ,,,
وسووا حفلتين بيوم واحد واكثر الناس اللي طلعوا من الحفله الملغيه ماراحوا مره ثانيه ,,,
وانا ماتكلمت عن الموسيقى ,,,
وعليكم بالعافيه انتي وبناتج ويعلكم دوم مستانسين ,,, :hjy5jewf:

 

[Wa'97a]

رد : طيور الجنه

مو اهم الي يحطون الفلوس
هاذي ليالي فبراير الي يسون التذاكر

 

[يا حلوي حلواه]

رد : طيور الجنه

مآ أستحملهآ كلش

 

[اجمل نساء 2011]

رد : طيور الجنه

تبي الصراحه انشايد طيور الجنه تهبل واختي عمرها 10 سنوات جت فجاه تحب ديمه بششششار وعصومي ووليد بعدين لا الله يستر عليهم

 

[q8**girl]

رد : طيور الجنه

عالاقل ,, احسن وابرك من mbc 3

والعاب البلاي ستيشن والي فون والاي باد والايبود اللي كلها مقاطع خليعه

وتشد اعصاب الطفل ..

انا وحده متابعه لطيور الجنة اغانيهم واناشيدهم هادفه وكلها نصايح

والشهاده لله انه اخوي الصغير تحسن سلوكه ..

قدوة فيهم لما يشوفهم باللقاءات المباشره واشلون الكبير يحترم الصغير ..
رجاء بنات .. اللي مو متابعه وما تدري شسالفه لا تتفلسف :flower:

انا معاج ..

وانا وديت اعيال اختي وحدهم استانسو .. على الاقل الكلمات هادفه وبديل عن الاغاني وكل من له رايه وحريه الشخصيه ..

 

[Air Bag]

رد : طيور الجنه

أموت فيهم وعيالي يحبونهم
والله أن عيالي ما عقلوا إلا عقب ما قاموا يتابعونهم
أغانيهم هادفة وكلها نصايح
بنتي حافظة أغنية حبيب قلبي محمد
وكله تقولي ماما الكذب حرام رغودة تقول!
وبلسوق ما تدوخني تقولي ماما عصوم و وليد دوخوا امهم وزعلت عليهم
بلعكس يعني ماشوف عيالي اختربوا منهم
ليش البعض متحامل عليهم!!
هل عشان الجنسية وله شنو؟!
وأغانيهم بهلا فبراير ترا مو بكيفهم إلي أعرفه أن منظمي الحفل إهما إلي يعدون الأغاني للفنانين وأغلى تذكرة ترا ب40 مو أكثر
أنا رحت أحجز بس مالقيت تذاكر
التذاكر أسعارها 3,5,10,15.20.40

 

[Hello_kitty]

بصرررررررراحه الحفله شفتها بالتلفزيوووون كلش ماعجبتني

اولا الأغاني مو لايف ليش تسجيل؟؟

ثانيا الأغاني معاده ومكرره الف مره ما غنوا شي يديد ؟؟

ثالثا لما غنوا بعض اغنينا الوطنيه القديمه بصراحه خربووها لامن لهجتهم ومغيرين بالكلمات حرررررام ليش
باجر اعيالنا يحفظونها منهم غلط؟؟

رابعا التذاكر مبالغ فيها اشدعوه محمد عبده؟؟يعني حفله اطفال ماتكون بهالأسعاااااااااار

ياحلاة بس ايام اغاني هدى حسين على ايامنا صج اغاني اطفال تهبل لي الحين حافظينها صم كلها كلمات من لهجتنا
ومفردات كويتيه بحته مساكين اعيالنا

 

[سارووه الاموره]

امبيه بنات لاتعودوون عيالكم ع الاغاني حرام

وايد اشوف يهالو من اتحطين طيور الجنه يناقزون

حرااام تعودون اذانيهم ع الاغاني والطرب :rgewrg:

 

[om al ghaleen]

امبيه بنات لاتعودوون عيالكم ع الاغاني حرام

وايد اشوف يهالو من اتحطين طيور الجنه يناقزون

حرااام تعودون اذانيهم ع الاغاني والطرب :rgewrg:

صاجه والله والموسيقى اصلا حرام ان كانت بكلمات او دونها
استغفر الله عيالي مايسمعون ولاابوهم بس انا مرات اسمع واتحسف مليون مره اني سمعت :denya:

 

[المنقسي]

الحمدلله فاكة عمري من هالسوالف ماأعرفهم ولا بعرفهم السوالف الماصخة هذي ترفع ضغطي خاصة إستغلال اليهال :rgewrg::rgewrg::rgewrg::rgewrg:

 

[زبدة ككاو]

رد : طيور الجنه

مــآ أنسى يوم حجزت تذآكر الوحدهـ على 45 دينـآر وخذيت أكثر من 5 لي ولليهــآل يعني بونسهـم
ولآتشوفين إنحــآشوآ وخـلونــآ صج بــآقونه إللي مــآيستحوون << بــأرض المعــآرض
ومن يومهـآ تووبة قطيعه تقطعهم فلووسنـآ حرآم عليهـم يعلهم مــآيتهنوون فيهــآ << صج كنت منقهررررررهـ حدي تعبت حيل ذآك اليوووم

 

[اخت خالتهم]

رد : طيور الجنه

اهي القنـاة حلوه بس عيبها الموسيقـى ..

انا اسمع اغانـي .. بس مو حلو على طول على طول ..

و قـواج الله اختـي

 

[على الطيب تربيت]

رد : طيور الجنه

حبايبي مو مهم وجهة نظرنا

الأهم وجهة نظر عيالنا الصغار إحنا أكيد من راينا انهم ازعاج وماعندهم سالفه ويطامرون وإلخ

حبوووبه راي العيال هو الاهم

انتي تحبين المسلسلات الأفلام المسراحيات شي على كبرج ولكن اطفالنا عقولهم بعقوول الي بطيور الجنه يستانسووون عليهم

عن نفسي أنا انقد ع موسيقتهم حيل ولاتعجبني لانه مايجوز ولكن ماننكر في بعض اغانيهم مفيده وفي بعض الكلمات خرابيط وادخلت من الشركيات بعد ...

مرات اسمع جمله تقولها بنت اختي انصدم لانه مايجوز ...

وعن انهم استقلاليين اكيد ومافيها شي حالهم حل الممثل والمغني شينبون هذول من عروضهم لوجه الله أكيد همهم الأول والأخير الكسب المادي فقط

ولاعمركم شفتم مطرب بيوصي الجمهور عالخير والعباده كلهم بالهوا سوا

وانتي عن نفسج لمن يكون عندج تجارة شنو هدفج الأول والأخير ؟؟

همج انج توزعينها بلاش ولا تبيعنها بخساره

طبعا همج بيكون بيعها باعلى ربح عشان الاستفاده ولاتنسون كم مره اتصلنا على تاجرات وسيدات اعمال وطلع ماوراهم الا الخساير والنصب ... وهذا بعيد عن منتدانا باذن الله

 

[فوشيه كويتيه]

مـآآحبهم

 

[انسام الكويت]

بنات حرام عليكن عاد مو لهدرجه هاذي

ترإ هم ينشدون وأناشيدهم لها معاني وفايده


وبوقت الآذان يحطون أذان يحطون ادعيه اللي

مايبي يروح الحفله لإيروح شوفوها عالتيفي

وايد أبرك ؤبعدين بخصوص الأسعار هالشئ بيد

اللجنه المنظمه للحفله وأنا عن نفسي أحب طيور الجنه

وحافظه أغانيهم :lololoe:

 

[أم الشيخ 2010]

رد : طيور الجنه

صج صارت مسخرة وابتلشنا فيها بسبب عيالنا...الله يفكنا منها

 

[Dousreya90]

رد : طيور الجنه

وااااااااي أختي الصغيره ميته عليهم ما غير حاطتلنا قناة طيور الجنه و حافظه كل شي هههههههه
بس ترى أغانيهم في منها فايدة بس لو بدون موسيقى أحسن :wqedqw: