طمعان والا لا؟؟؟

[Muhrah]

لا تاخذين له .. الهدايا بمناسبه ومفاجاه منج مب يتشرط عليج ابي ومابي والا وين الهديه .. حقري اهو تعود انج دوم تعطينه وهالشيء خراب
والاهم فلوسج محد يقرب صوبها الجميعه لج لنفسج ضمان لمستقبلج لا تفرطين فيها
والمفروض تعودينه مايحط عينه على فلوسج لو شنو !!!
عيد زواج او اي مناسبه انا الي اعرفه الريال يهدي زوجته مب اهي تهديه الا اذا عيد ميلاده وشيء بسيط بعد لا تخلينه يطمع فيج ويمون على فلوسج

 

[كليـ دلعـ]

اي نسيت

بززه شكو معلمته بجمعيتج!؟

لاويقول اشتريلي منها!؟

وي سليييييييييييييحط قولي لوفيك خير

جان ماددشيت انا جمعيات!

جان مرهي علي ومنغنغني وفوق هذا لامنك

ولاكفايه شرك!

جمعيتج لايدري فيها ولاتعطينه وليقال قولي

سدددت دين كان علي

ولاعاد تعلمينه

 

[يارب يطيب عبود]

انا من رايي أهديه هدايا رمزية
وشوفي ردة فعله
يعني علبة شوكليت صغيره ولا ورد
يعني اشياء بسيطة



وكل وحدة أدري بزوجها شوفي اذا تنفع هالطريقة مع زوجك

 

[ملاك الأمل]

كلش مو عدلة يقول جيبي لي هدية .. !! ..
لو انا مكانج بصراحة ما اهديه اقول له انا مضغوطة هالمرة والمفروض الرجال هو اللي يجيب الهدايا لمرته ^_^ ..

 

[امـ خــزامـى]

انا مع عياااااااره

جررربي انت اللي تناشبينه وكل مرره قولي ابي هديه الفلانيه
واخترعي منااسبااااااااااااااات من مخك


هذا الشهر اللي دريت فيه باول حمل لي
وهذا يوم ولادتي

وهذا يوم اول مره كلمتك وشفتك


ااااااالخ


طفرررررررريه

 

[معي احلى]

الغلط مش منه مع احترامي لك .. الغلط منك ..


في مثل عندنا يقول قطع العاده عداوه.



لو انك ماعودتيه من البدايه كان احسن

 

[أنسام الكويت]

انصحج بكتاب لغات الحب الخمس

وزوجج واضح لغة الحب عنده الهدايا

لو مهما تسوين بيظل ينطر هدايا ومفاجآت

اهديه بين فترة وفترة لو اشياء بسيطه

بعض الرجال وحتى الاطفال لغة الحب عندهم الكلمة الحلوة وبعضهم الجسد مثل ضمة او لمسة عطف او تحتوين ايده

وبعضهم واعتقد زوجج منهم الهدايا لغة الحب عنده بالدرجة الاولى

اقري كتاب لغات الحب الخمس

راح تتغير نظرتج لطلباته وحنته

الكتاب بمكتبة جرير وفي عليه دورات

لا تخربين بيتج وتحرمينه وبعد قرائتج للكتاب بتعرفين حتى لغتج انتي وحزتها

حاولي مثلا لو لغتج الكلمة الحلوة تبينين له هالشي وتسالينه عن الكلمة الحلوة

كلمه اخيره الكتاب ممتع جدا وخفيف ومالفه اجنبي ما يحضرني اسمه
والله يوفقج ابي دعوه حلوه منج بس

 

[أنسام الكويت]

امبيه بنات لا تخربون بيت البنت

انا والدتي استشارية اسرية واستشارية زواج

وضد كل كلامكم

وانا تخصصي علم النفس واغلب اللي قلتوه دماااار وغلط

ما يصير تحكمون بسبب مواقف الرجال عموما

بعد قلبي كلكم حاولو تفهمون الريال

وتفهمون الحب

وتفهمون شخصياتكم وانفسكم بشكل غير الشكل اللي تعرفونه

وحزتها عاملو الريال باللي يحبه و بالتدرج اطلبو اللي تبونه

فدييييتكم كلكم لا يصير بخاطركم علي

وانا فاهمه وجهات نظركم بس ارجوكم ارجوكم لا تتسرعون

احنا االنساء جدا متسرعات ونحكم على موقف او شخص من مواقف ماله ذنب فيها

و انصحكم فديتكم بالكتاب اللي قلت عنه لغات الحب الخمس وتعاملو فيه مع كل الناس مو بس

الريال صدقوني بتحسون بمتعة انكم فهمتو شتبون وشنو يبون الناس منكم

وحبيبتي صاحبة الموضوع هذا ما يمنع انج انتي بعد تتدلعينن على ريلج وتطلبين منه هدايا وجذي

 

[طريق السعاده]

احس هو من الميانه قعد يقول لانك عودتيه وفجاه بطلتي تهدينه بس قولي له حبيبي مجهزت لك مفاجئه عاد لاتخربها اسمها هديه يعني بدون ماتدري حلاتها تجيك وانت مو مخطط لها وعاد لاتعودينه كل مره تجيبين شيء غالي اصلن غلطانه بطلتي تعطينه مدام يعطيك ومايقصر دايم يهدي ف حلو انه يهتم بالشيء ذا لكن عوديه انه الهديه مثل ماقالو البنات هالمره اعزميه المره الجايه ميداليه للمفتاح حق السياره المره الي بعدها جلسه مساج المره الي بعدها مثلا تسوين له بوفيه صغنون فالبيت من يدك يعني

لاتتكلفين وتجيبين اشياء غاليه لان الرجال مو زي تفكيرنا حنا مايهتمون بالسعراو الماركات يهتمون بانها هديته وانتي سويتي هالشي له

يعني حسب ميزانيتك عادي لو باقه ورد صغيره لو ورده وحده مع بطاقه عليها كلام حلو رح يعجبه لما تعودينه انك تهدين ومرح يحط عينه ع شي كبير ورح يضل متلهف لهديتك ..



^

هالشيء عن تجربه امي وابوي والله يديم عليهم هالشي وربي احيننا تهديه طبخه ! ويفرح ويطير فيها لان الهديه مو بسعرها ولازم تعودين زوجك ع هالشيء لانه بيدوم طول العمر

 

[غرور 9]

حبيبتي صلي ع النبي شتبين نقولج تطلقي يعني؟؟
الريال كل مافي الموضوع عقله مترجم ان اهتمامج صوبه ومحبتج له بالهدايا
مستفقد هالشي منج هاليومين
وبكل وضوح قالج ابي هديه = ابيج ، ابي حبج ابي اهتمامج
فهمتي؟؟
ولو طمعان او او او او جان اشكره طلب فلوس جمعيتج
مكبره السالفه واهيا ماتسوئ والله

 

[غرور 9]

انسام الكويت



تحية لج ولكلامج الرررررررراقي
ع راسي والله
كلامج عين العقل ونابع من وحدة فاهمة ومثقفه مثلج
جان زين كل البنات مثلج
كان محد تطلق وانعفست حياته ع سبب تافه
حماتي وحماي وجارتنا وخدامتي وخرابيط هاليومين ع ادناة الدون شالت قشها وراحت بيت اهلها وطلقققني ،،
واهيا قبل الزواج تدعي ليل نهار يارب اتزوج

 

[موناي]

شوفي حبيبتي اختصار الكلام كله ان مثل ما يعطيج عطيه لا باكثر ولا باقل وحطي خطين تحت هالجمله
بكل شي بحياتج عطي كثر ما تاخذين

 

[امـ خــزامـى]

انسااام الكويت مشكوره حبيبتي استفدت منك

وان ششاءالله اشتري الكتاب

 

[انصاريه قمره]

حرام يمكن اهو تعود عليج ما تمر فتره الا وهاديتيه شكووو طمعان ما قالج عطيني جمعيتج ولا اخذيلي غرض كلها هديه يستاهل بو عيالج وبعدين انتي تقولين مو مقصر خلاص معناته انه يحبج وفقد هالشغله منج

 

[Um Tuki]

صج ما يستحي اول مرة تمر علي هالنوعية من الرياييل
قوليله ماعندي وكله حسسيه انج مفلسة و قوليله عيب شاسمي هذا
قوليله روح ييب لي ذهب و ألماس بعدين تحجى يالزطي
لا يكون مفكر ماخذ وزيرة

 

[سيلينا]

ليش حيييل تفسرين تصرفاته !

خلج سلسه وافترضي حسن نيته تدرين مرات يصير معاي نفس الاحساس

بس بطريقة مختلفه يعني اقول ليش مايهديني و انا ما اقصر وتكبر السالفه في راسي

ومن اهدى وبعد هالافكار اشوف انه يهديني ومايقصر بالعكس انا الي مقصره ..

يمكن اسلوبه وطريقته انه يقولج اهديني ماخذها من باب الميانه لا اكثر ولا اقل طالما انه طيب وحبيب معاج

ومايقصر ما اقولج اشتريه له واهديه لا اقولج تقبلي اسلوبه هذا ولا تفكرين انه طمعان او اي شي سلبي وانتي لي حبيتي تهدينه اهديه متى ماشفتي ان المفروض تهدينه

 

[شــــــــــــــوقــــه]

انا ما اشوف الموضوع يستاهل تكبرينه و تقطين عليه حجي او تتهربين

و الهدية لا تشترين فوق طاقتج

دام اهو مو مقصر و يعطي عادي حبيبتي سوي الي يونسه بالعكس بيحبج اكثر لان تدورين وناسته

 

[am-abood]

انسام كلامها عين العقل ومشكورة انا راح اشتري الكتاب

 

[ليدي بجد]

انا مع البنات الي يقولون اذا هداياه لك بقيمه هداياك وعددها. تقريبا مؤ بالسانتييي. فاهديييه يستاهل تلاقينه يفتخر بهدياك قدام أهله او أصحابه وهذاا. شي حلوووو المفروض يفرحك يعني انه مفتخر فيك وبحبك. واهتمامك صحيح ان طلبه مزعلك الان لانه افقد عنصر المفجاءه بالموضوع بس شتسوين يستاهل


انسام الكويت عجبني ردك وفعلا ما يطلع الا من وحده مثقفه بها لمجال لانه بصراحه ما أتوقع يخطر على بال شخص عادي. ومررره فرحت بالكتاب اموووت بالقرايه عن اي شي مفيد كانك قاليلتلي على كنز جزاك الله خير

 

[yam_yam]

الله يهديكم