طليقي احبه ومو قادره انساه

[سبيشل ومن]

بصراحه كلامكم شجعني وايد
انا متقدم لي شخص وان شاء الله بعد العيد بيكون الخطبه الرسميه ((امه كلمت رفيجتي وانا رديتها بس اختي الي لزمت انهم اييون لنا البيت ))
حاليا افكر بس شلون انساه ومابي اظلم ريال ثاني معاي

 

[الملح كله عندي]

يا اخي تعوووذي من ابليس وانسيه



انا معااج وحاااسه فييج مارااح تنسيينه الا لماا تتزووجين



وزوجج يكون احسسن من الاووول والله بتضحكين على نفسج


وتقوولين صج انا خببله حبيته


توووكلي على الله ويكوون شعاررج بالحيااااه





نعم للزواااااااااااااااج النااجح


ولا للبكاااء على الاطلااااااااااااااااال



هييييييييييييييييييه

 

[الملح كله عندي]

ان شااء الله الفااااااااااااال لي ياررررررررررررررب



ادعووووووووووووووولي بالزووج الصاالح المصلح لي اللي يحبني ويمووت فيني ويسعددني يارررررررررب

 

[DO7AWE]

والله خيرة ..والخيرة فيما اختارة الله...خل اقولج سالفة اختى الوحيدة...
اختى ملكت وعمرها 16 سنة ..تخيلي بنت فتحت عينها على رجال يدلعها ويجيبلها هدايا ويدلعها وحب وغراميات..واختى حلوة ماشالله عليها ..ومايعيبها شي ..المهم زوجها جانا بالبيت الفجر سكراااااااااااااااااااااااان ..مظيع طبعا ..اخوانى شافوه انجنو وراحو المحكمة رفعو علية قضية ..وطلقها ..قبل الدخله هالكلام ..المهم تزوجت واحد ثاني على طول ملتزم ..بس انة بدون ..والله والله والله انه شايلها عن الارض شيل ..وجابت منه عيال والله ستر عليهم...اما طليقها ..اللهم لاشماته تزوج وجاب عيال ..وكله نسمع عنهم سالفة هو ووزوجتة,,مره طاقها وراحت اشتكت علية بالمخفر ..ومرة خاطف عيالها ويهددها ..واجد سوالف ...سبحان الله ياقسمت رب العالمين...
وقبل طليقها كان يجيها بالبيت وهم ملكين يقعد يسولف معاها..ومرة شاف حبة الدورة على جبهتها..وقالها شوفى ترا انا ماحب البنت اللي ماتهتم مابي بجسمج ولا حبة...واختى الحين فيها مرض الصدفية توه صار فيها ..تعرفين الصدفية ..هذي

الله يشفيها يارب ..تخيلي جسمها كله جذي حتى شعرها ..جتها عين ياحياتي
تخيلي للحين هى عند طليقها ..بيقعدها عندة بهالمنظر؟؟
اما زوجها الله يخليه لها ..يبوس مكان الصدفية ويقولها كلج حلا...شفتى الخيرة ...
ادرى طولت عليج بس ابيج تعرفين ان الله له حكمة بكل شي ...ويمكن الله فكج منة لسبب مايعلمة الا الله ...
اتمنى لج التوفيق يالغلا​

 

[واقعية حـلـم !]

الله يعوضج خير يا رب

 

[ياللة المستعان]

اقول يالغالية ممكن تدزين لى الخطيب الى عايفتة
انا مطلقتة ان صح التعبير والحين يرسل على الايميل دعايات لاتغنى ولاتسمن
بس احس معاها بالغرور وانة ماكل هوا مع زوجته
وحاقرتها
واول خطيب تعجبنى شخصيتة راح اقول لة احجز لى رحلة شهر عسل
ولابو الحب ولابو اشباه الرجال

 

[سبيشل ومن]

الله يعطيكم العافيه وخصوصا ام الريش ولايهونون خواتي الباقيين
الله يجعل لي الخيره في امري

 

[_ظل الياسمين _]

والله خيرة ..والخيرة فيما اختارة الله...خل اقولج سالفة اختى الوحيدة...
اختى ملكت وعمرها 16 سنة ..تخيلي بنت فتحت عينها على رجال يدلعها ويجيبلها هدايا ويدلعها وحب وغراميات..واختى حلوة ماشالله عليها ..ومايعيبها شي ..المهم زوجها جانا بالبيت الفجر سكراااااااااااااااااااااااان ..مظيع طبعا ..اخوانى شافوه انجنو وراحو المحكمة رفعو علية قضية ..وطلقها ..قبل الدخله هالكلام ..المهم تزوجت واحد ثاني على طول ملتزم ..بس انة بدون ..والله والله والله انه شايلها عن الارض شيل ..وجابت منه عيال والله ستر عليهم...اما طليقها ..اللهم لاشماته تزوج وجاب عيال ..وكله نسمع عنهم سالفة هو ووزوجتة,,مره طاقها وراحت اشتكت علية بالمخفر ..ومرة خاطف عيالها ويهددها ..واجد سوالف ...سبحان الله ياقسمت رب العالمين...
وقبل طليقها كان يجيها بالبيت وهم ملكين يقعد يسولف معاها..ومرة شاف حبة الدورة على جبهتها..وقالها شوفى ترا انا ماحب البنت اللي ماتهتم مابي بجسمج ولا حبة...واختى الحين فيها مرض الصدفية توه صار فيها ..تعرفين الصدفية ..هذي

الله يشفيها يارب ..تخيلي جسمها كله جذي حتى شعرها ..جتها عين ياحياتي
تخيلي للحين هى عند طليقها ..بيقعدها عندة بهالمنظر؟؟
اما زوجها الله يخليه لها ..يبوس مكان الصدفية ويقولها كلج حلا...شفتى الخيرة ...
ادرى طولت عليج بس ابيج تعرفين ان الله له حكمة بكل شي ...ويمكن الله فكج منة لسبب مايعلمة الا الله ...
اتمنى لج التوفيق يالغلا​

ربى يشافيها ويعافيها بجاه هالشهر الفضيييل..

ويزينها دووم بعين زوجها ..ويسخرهوم لبعض ..

امين يارب العالمين.

 

[سبيشل ومن]

الحمدلله الذي بحمده تتم النعم الامور تحسنت بينا وصار في كلام من طرف مشترك عن رغبته في الرده لي وانه نادم علي طلاقي والحمدلله كنت واثقه انه نصيبي طال الزمن ولاقصر
ولكل خواتي المطلقات لاتياسون من رحمه ربي انا كنت واثقه انه لي ومستحيل نتفرق وهذا هو من بعد سنين رد وفكر فيني وكل السنوات السابقه يحبني لكن خايف من اهلي واهله وزوجته ,,الحمدلله ارتحت واستقرت نفسي واتمني الامور والخلافات الاسريه تنحل عشان نرد لبعض ,,وبالنسبه لي مابينا عيال لكن ناويه اجيب درزن عيال منه لاني احبه وانتظرته سنين طويله

 

[احلى من القمر]

الله يعينج حبيبتي انا وياج اكو اشخاص شمايصير ماتقدرين تنسينهم ويكون فرقاهم عادي بس انت حاولي ترتبطين بشخص ثاني وبتنسينه

 

[متلثمه بغترة ابوها]

سبيشل ومن الحين اهو مو تزوج شلون تردين له!!
موافقه تكونين على زوجه ثانيه؟ ولا طلقها؟

 

[جلكسيه اس 3]

و ليش كل هذا !
قلبي مثل ما وقع على ورقة الطلاق
إنتي وقعي على ورقة النسيان
رياييل مو كفؤ وحده تذكرهم
نصيحه من آخت. أنسيه وانسي الماضي
و أيامه إذا الصور و إسرطة الفيديو أهم اللي يخلونج تذكرينه
قطيهم و شقيهم
غيري جو و سافري حتا لو دول الخليج
عيشي حياتج و إستانسي و ادعي ربج أنه أيي اللي أحسن منه
والله يوفقج

 

[ملقوفة بس تكانة]

اللي يبينا عيت النفس تبغيه واللي نبيه عيا البخت لا يجيبه....

>>>>>>>
اي صاجة والله :eh_s(11):

 

[عاشقة هواك]

خلللللللللللللللللللللللللللية يولي
مثل ما قدر ينساج انسية
مثل ما وقع بيدينه على ورقة طلاقج انت وقعي على نفسج عهد انج ماتفكرين فيه
لو يحبج ماكان طلقج حبيبتي
خليج منه بس..
الحين اهو يضحك ومستانس بحياته وانت الحين قاعدة تندبين حظج وعايشه بكآبه عشانه
ليش ياحافظ اخاف ( مهند ) بس ؟؟

ولي يعافيج ضحكي واستانسي وانسييه
واذا يالج نصيب تزوجي لاتقعدين عشان حضرت جنابة

اف يبطون الجبد هالريايل

انا وياهااااااا

 

[قلبي محمد]

حبيبتي بعد عمري ، والله حاسه فيج مع اني ما جربت هالشي
بس حبيبتي لازم تفكرين بانج تعيشين حياتج واذا تقدملج ريال زين فكري عدل قبل لا ترفضينه
طليقج خلاص تزوج وعاش حياته وانتي بعد لازم تحاولين تنسينه وتكملين حياتج
وان شاءالله ربي يعوضج كل خير حبيبتي

 

[][ sarah ][]

حبيبتي الله يصبر قلبج
بس اهوا طلق وتزوج , حاولي تنسين وتعيشين حياتج
عورتي قلبي والله

 

[~ كرز ~]

انتي مو قادرة تنسينه لانج موقفة حياتج
اتوكلي على الله و اذا تقدم لج واحد زين تزوجي و. خليه حب حياتج و طاقة الحب كلها فرغيها معاه و بالعشرة راح تحبينه و طليقج راح يكون ذكرا و ماضي انتهى


يااااارب يرزقج الزوج الصالح اللي يعوضج هالسنين
الله يخليج لا تضيعين عمرج ترا باجر تتحسفين انا خالتي تطلقت بعز شبابها و كانت ملكة جمال جنها لبنانية و ماشية علا الموضة و مونسة عمرها بس لانها مارضت تنسا طليقها ما تزوجت و ما عاشت حياتها و الحين ميتة حسف

 

[Alia]

عمرج قاعد يضيع وانتي تبجين على اطلال !!! قومي من النوم اصجي اهتمي بنفسج وشكلج وحياتج وصحتج ماتدرين خيرة لج ولاحظي اهوا تزوج واستقر ومايدري عن هوا دارج ما صار نفسج فكري بعقلج لانه قلبج مضيعج

لو كل واحدة انفصلت سوت نفسج جان ولا بنت تزوجت ! ماتدرين يمكن نصيبج مع انسان افضل لج وبيعرف قدرج وبيحبج

اصحي يا بنت !

ونصيحة من القلب الصور والافلام باقرب زبالة مكرمة او بالمخزن اذا ماتبين خلاص لي متى ؟؟؟ يعني انتي عايشة في الخيال انه بيطلق يرجع لو يبيج جان من الاساس مانفصل ولا تزوج اصلا

قووووومي صلي واقري قران سافري غيري جو

غيري اي شي يذكرج فيه

ولا تيبين طاريه مع اي احد واللي يكلمج عنه غيري موضوعه

اهوا الحين مع انسانة ثانية اختارها بعقله وبرضاه ودورج الحين تتلفتين لنفسج

 

[كويتية نايس]

الله يصبرج بس انتي تعبين روحج على الفاضي ((الي مايبيني ما ابيه))
لاتحطين فكره بالج يحبني بيردني لالالا لان اهوه تزوج ويمكن الحين عنده بيبي يعني ولا حتى تطرين في باله
واتمنى ماتزعلين من كلامي بس هاذا المصلحتج
تقبلي مروري ^_^

 

[فوز22]

عزيزتي باقول لج قبل ماروح كلمه ولكن علقيها فبالك

الجسم يتعفن اذا راحت الروح يعني طلقج وما يحبج ؟؟ طز باللي طلقج
​