طليقي احبه ومو قادره انساه

[ام مشعل المطيري]

شفيكم كليتوها اهي تفكر مني وانتوا الصوب الثاني البنت تتكلم عن الحب
اهيا فاهمة ومستوعبة انها تطلقت بس مو قادرة تعيش حياتها
عطوها حلول
انا بعطيج حل
شوفي يمكن هذي خيرة لج ويمكن اللة يكتبلج الخيرة ببعدة ويعوضج باحسن منة وتقولين منو فلان اللي قبل كنت ابجي علية صدقيني احنا دايم اذا تعلقنا بشي مانقدر نستعني بس لازم القلب يتعود ويصير قوي والرجال مايحب البنت تركض وراة اخذيها نصيحة

 

[fr7ty]

الله يرزقج باللى احسن منه

 

[*loveli-noni*]

الله يجبر خااطرج ان شاءالله ويرزقج ولد الحلااال الي يعزج ويحبج ويعوضج ان شاءالله

 

[غمزه وإبتسامه]

مااينسي المراااااءه ريال حبته الاا ريال ثاني تزوووجي وتنسينه وبتندمين اصلا انج حبيته

 

[حبيبة ابو ناصر]

نصيحة لك وخالصة لوجه الله
ومجربة من بنات اعرفهم زين ونتائجها فورية وسريعه

تزوجي ولما تعاشرين زوجك وتعيشين معاه وكل شي يصير بينكم راح يطلع الاول من حياتك ويروح لاكنه تكون ولا كان
حتى ذكرى ماتبينه وتشوفين والصور وشريط الفيديو بتحرقينهم وانتي تضحكين وبطيب خاطر بعد وبتنقدين على نفسك واجد
بس عطي نفسك الفرصة وتزوجي وحبي زوجك وشوفي .. ترى الرجال كلهم واحد ..والي عطاك الأولي بتلقينه عند الثاني ويمكن احسن بعد
انتي مشكلتك تقوقعتي على نفسك وقعدتي تعيدين وتزيدين بذكراه وكل الاحداث الحلوة الي صارت ونسيتي عيوبه الي بتكرهك فيه
عرفت بنات قلوبهم مثل قلبك واردى متعلقات بالماضي ودموعهم ماتوقف والرجال راح ونسى وعاش وبعد ماعاشروا غيره بكل سهولة وبساطه اكتشفو ان الحياة مستمرة وماتوقف على انسان اذا الأول عطاك ورده الثاني بيجيب لك بستان ورورد كلام وحده من البنات .

ان لبدنك عليك حق لاتنسي ..

والله يمسح على قلبك ويهديك بس لاتضيعين عمرك ترى الحياة ماتسوى

 

[سبيشل ومن]

الله يعطيكم العافيه واشكركم علي ردودكم
ادعولي ربي ينسيني اياه
كل يوم علي الفطور ادعي ربي يشيله من قلبي

 

[سـدنَ]

رد : طليقي احبه ومو قادره انساه

حرام تضيعين ثانيه فالتفكير فيه

 

[نشيج الروح]

إذا ما تقدرين تردين له وهو مايبي الحل ... قطي الألبوم وفيديو العرس ... ولا دايما شغلي نفسج بالأذكار والقرآن .... وصدقيني لا يالج ريال ثاني وزين بتنسين ريلج الأولي وبتتعلقين باليديد .... بس كله مع العشرة

 

[سبيشل ومن]

اليوم كنت رايحه الجمعيه وبالصدفه شفته مع رفيجه
ماتتخيلون شنو صار فيني نسيت الاغراض ورحت ركض سيارتي وقعدت ابجي ابجي
عسى الله يفرجها
انا صار لي اكثر من ست اشهر ماطبيت جمعيتنا وبعدين اهو بمنطقه بعيده عن بيتنا شنو الي جابه
ياربي فرجك ورحمتك بعبدتك الضعيفه

 

[đeɱɛɼɑ™]

اليوم كنت رايحه الجمعيه وبالصدفه شفته مع رفيجه
ماتتخيلون شنو صار فيني نسيت الاغراض ورحت ركض سيارتي وقعدت ابجي ابجي
عسى الله يفرجها
انا صار لي اكثر من ست اشهر ماطبيت جمعيتنا وبعدين اهو بمنطقه بعيده عن بيتنا شنو الي جابه
ياربي فرجك ورحمتك بعبدتك الضعيفه

حرام اللي تسوينه بنفسسسج ..
اهو تزوج خلاص ويمكن الحين عنده عيال .. ونساج ونسى كل اللي بينكم ..
عيشي حياتج .. شنو خسرانه ليه تزوجتي مرة ثانية ؟
سمحي حق ريال يديد يدخل حياااتج منتي خسرانة شي صدقيني مدام الريال زين و ولد حمولة
و حزتها ان شاء الله بتنسين طليييقج و اللي خلفووه ​

 

[محبوبه25]

رد : رد: طليقي احبه ومو قادره انساه

شفيكم كليتوها اهي تفكر مني وانتوا الصوب الثاني البنت تتكلم عن الحب
اهيا فاهمة ومستوعبة انها تطلقت بس مو قادرة تعيش حياتها
عطوها حلول
انا بعطيج حل
شوفي يمكن هذي خيرة لج ويمكن اللة يكتبلج الخيرة ببعدة ويعوضج باحسن منة وتقولين منو فلان اللي قبل كنت ابجي علية صدقيني احنا دايم اذا تعلقنا بشي مانقدر نستعني بس لازم القلب يتعود ويصير قوي والرجال مايحب البنت تركض وراة اخذيها نصيحة

وااي قريت كلامج ودموعي قامت اتصب
و صاحبة الموضوع الله يعينج
نصيحه تزوجي مثل ما اهو تزوج

 

[سبيشل ومن]

الله كريم واشكركم علي تفاعلكم معاي
امانه ادعولي ربي يشيله من قلبي

 

[*بسبوسه*]

لا لا غلط واكبر غلط الللي تسوينه بعمرج
ترى الايام تركظ وباجر بتكبرين وفرص الزواج بتقل
وانتي بتطلعين من المولد بلا زوج ولا ضنى

تلحقي عمرج وتوكلي على الله
تدرين شلون قولي خلاص الدنيا ماشيه معاي غلط بمشي معاها وبسايرها طليقي تزوج وماراح يردني وخاصتنا مبين ان ماعندج ضنى منه يخلي عندج امل تردين له
فاقولج اي احد يتقدم لج الحين زين تزوجي وقولي خلاص اللي يصير يصير ..وعسى ان تكرهو شيا وهو خير لكم

 

[سبيشل ومن]

الله يصبر قلبي انا متقدم لي شخص حاليا وصدقوني حتي الشوفه الشرعيه رافضتها لاني مو متخيله بتزوج واحد ثاني غيره

 

[Tom ♥ Jerry]

.


لا توقفين حيآتج عشانه
أهوه نسآج و تزوج و و و و !
و أنتي موقفه حيآتج مآ تبين تتزوجين و لا تتقدمين خطوه عشان وآحد نآسيج!

 

[ديماااا]

تكفين ووافقي عليه وشوووفي نصيبج انسي الماااضي او اقوولج تناسي وافرحي بالاياام الجااايه ويمكن خيره يابنت الاجاااااااااويد شوفي نصيبج اللي يجيج واتكلي على ربج وعى ان شالله خير

 

[حبي حبيبي]

انشاءالله ايي نصيبج وراح تنسينه مع الايااام

والله يرقج بالزوج الصالح اللي يهنيج وينسيج طليقج

ودامه تزوج ومرتاح ومستانس ليش انتي تسوين بنفسج جذي !!

 

[قبلة العوازم]

رد : طليقي احبه ومو قادره انساه

قلبي معاج يا حبيبتــي ،، سالفتي نفسج بس الفرق بيني وبينج أنه طليقي حالياً طالب يرجعني بعد طلاق دام 9 سنووووات تخيلــي !!!!
حدي تعبانه وأنصحج مثل مانصحوني الخواتي الغاليات فالمنتدى استخير ولكن ديري بالج تنزيلن نفسج لـه وإلا يحس أنج مذلولــه وودج يرجعج خلي هالفكره وهالقرار يجي من قلبـه ولسانـه وقتها بحسين بسعاده موطبيعيه استخيري واستشيري أهلج
الله يوفقج ووفقني للشي اللي يريح قلبج ويريح قلبي

 

[ha2005]

وووووووووووووووووووووواي منج
خليج قوية انتي شفيج
وخير ياطير اذا شفتية ؟؟ منو شايفة يعني ؟؟
هذا مو كفوا تنزل منج دمعة عشانه
اتحبينه ليش ان شاء الله شنو شفتي منه بلا ؟
وحتى لو سوي اشياء حلوة معاج ... يكفي انه هدمها يوم وقع على ورقة طلاقج وتزوج بغيرج
انتي عطيتية كل الحب وشوفي شنو كان جزاج ..
ديري بالج تبجين عليه مرة ثانية

اخ بس اخ
لو انا اختج جان زنطتج وخذيت الصور والفيديو وحرقتهم قدام عيونج ودست عليهم بعد
بلا عليج هاذي ذكريات حلوة لما تقعدين تبحلقين بهالصور والفيديو ؟
ماوارها الا النكد وحسرة القلب

اقوووووووووووووول
تعوذي من بليس وخليج منه وتزوجي بسرعة لاتقعدين
واذا تزوجتي اعزميني على عرسج لاتنسين :27d66a9c24b146327bf
الله يوفقج يارب ويرزق باللي احسن منه

 

[خليفة العظماء]

شتبيييييين فيييييييييه تزوج واكيد عيل وانتي قاعده حاطه ايدج على خدج وتتذكرينه ؟؟؟؟؟؟ظ
باجر لاكبرتي وعجزتي منو بيداريج؟ لاتقولين خواني خواتي محد بيهتم فيج غير ريلج وعيالج
اذا احد تقدم لج وافقي الحين البنات محد ياخذهم شلون المطلقه اذا جتج الفرصه لاتضيعينها لأن ماراح يفيدج ولا درا عنج أصلا ولا على باله ولا راح يرد لج