طليقة زوجي وحركاتها السخيفه.....

[اميره1980]

اكيد ما قالج خايف من رده فعلج
عموما مبين ان ما يبيها

 

[غلا رشرشها]

رد : طليقة زوجي وحركاتها السخيفه.....

عادي الرسالة مافيها شي يابنت لا يوسوس لج الشيطان وانتي دام واااثقة بحب زوجج لج خلاص بلاش هالتفكير والقهر صح ولا لا

 

[Elizabeth]

قولي حق ريلج مايرد على اي مسج او اتصال منها لو شيصير وبس صيري متفهمة جدامه وكبري عقلج لو يبيها ماطلقها ولا خذاج !! اهي يمكن يتها العره وانشالله الله يوخرها عن دربكم ويهديها وتتزوج لووول

 

[روحي تحبه غصب]

الله يسخرلج ريلج

بس نصيحه لاتفتحين عين ريلج وتدخلين السالفه براسه

ولاتنكدين عالريال وتخربين حياتج واعتبري الموضوع عادي مادام بينهم بنت

اكيد بيكون بينهم اتصال وماشاء الله على ريلج اللي مانسى بنته مثل بغض الرياييل
اللي نسوا اعيالهم وكرهوهم بسبب امهم

 

[شالعه ضرس العقل]

مشكورين بنات على تفاعلكم
انا سويت نفسي ما ادري ولا شفته
لانه بيقول شدراج شبرد عليه؟!!!!!

والبنات اللي يقولون الله الله في بنته وعامليها عدل

انا بنته في عيوني هالامر اسويه قدامه وحتى من وراه ولا راجيه شي منه عليه هذا امر انسانس وبيني وبين ربي و
مهما كان هاذي اخت عيالي في المستقبل ان شاء الله ومابيني وبينها شي حرام ادخلها بسوالف كبار وهي مالها ذنب فيها
انا الامر بيني وبين امها

 

[ام اغلى الناس]

يالغاليه لا تضايقينه عشان لا يروح يكلمها من وراج
بس اشتري له رقم ذهبي ... قولي هديه مني لك
و راح يقط هالرقم وما راح تقدر تكلمه ... خوش فكره

 

[الفوز 2]

اول شي طنشي المسج ولا تحطيه على بالك بس اذا شفتي مسج ثاني مره لا تسكتين وكثره الدق تفك اللحام و الله اعلم في نيتها بس احنا نفهم بعض يالحريم

 

[~ الــــزيــــن ~]

حركات تحرش باينه وواضحه وضوح الشمس
انتي طنشي لاتحرين عمرج انا والله ماالومج وانا حاسه فيج لان وضعي مثل وضعج واقعد احاتي
بس شنسوي الشكوى لله

تخيلي انا امها داقه عليه من نقالها وتقوله يابوفلان هذا نقال ام فلان شقصدها مدري

طنشي يا الغاليه وترا اذا رجالج ماقالج هذا مراعات لشعورج ومايبي المشاكل

 

[شقرديـه عالطل]

الله يعينج
بس هالمره طوفيها وجنج ماقريتي شي واذا انعادت هالسالفه لاتسكتين

 

[اسمي بين الاسامي]

لاتحرين عمرج

زوجج ماقالج عن المسج دليل انه ماهمته

وانتي لاتجيبين طاريها بالمره انسي انه كان متزوج وطلق

وبنته اعتبريها مثل بنتج والله تكسر الخاطر